Phǐlǐpǐ 2:29 - Kawyaw New Testament

²⁹ Pô̤̌nu akhû̌akhî, kaǎmô̤ shěshuwô̌ lô̌khô a pô̤̌ pṳ̌wè̤̌ dǒ a yṳ̌ǎ Běcǎ tôpwa̤nu nî̌꤮. Kaǎmô̤shǔ a kû̌ ta̤sǎlě̤sǎlò̤ dě bè̌dubè̌nǎ̤ kòyò dǒ asô̌sô̌kû̌ anu tokhlǒ nî̌꤮.

Kawyaw RC

²⁹ Hǐnu akhû̌akhî, kaǎshǔwǒ lǒkho yǎ pwǐ pṳwè̤ htě a yṳǎ Běcǎ tapwa̤nu nî̌꤮. Kaǎshǔ yǎta ta̤sò̌le̤sò̌lò̤ dě bè̌dubè̌na̤ kòyò htě asǒsǒta anu toǒ nî̌꤮.

Phǐlǐpǐ 2:29 Iomraidhean Croise

Lǔka 9:5

Kòyò kè̌ kaǎmô̤shǔ sî tôkû̌꤮ tô̤̌ kè̌hî̌dě, tuphlǔlò̤tě̤kè hǎkumṳ̌ dǒ sî khǎlǎlô̤ nutokhlǒ dě hǎhtò̌cû̌kè dǒ wî̤̌nu tôwî̤̌ akû nî̌꤮. Sî kè̌ ma̤pô̤̌nu mî̌ asô̌sô̌kû̌ sî dǔlè̌lṳ̌nǎ ta̤dòǐ tocǒ dǒ Cǒmara gǔ cî̌htò̌ asî pě nuhǒ.”

Jowǎ̤ni̤ 13:20

He hî̌cǒcǒ sî, kòyò tôpwa̤pwa̤ dǒ a kaǎmô̤shǔ kòyò dǒ he nohè a tôpwa̤ numî̌, a kaǎmô̤shǔ he hǒ. Kòyò tôpwa̤pwa̤ dǒ a kaǎmô̤shǔ he numî̌ a kaǎmô̤shǔ kòyò dǒ a nohè he nutôpwa̤ hǒ.”

Pwa̤nophû̌ 2:46

Asî cû̌ ô̌plǒ hî̌bǎkè̌khî lû̌û dǒ ta̤lṳhtò̌hô pṳ̂̌꤮ tôni̤ dě asî sǎphlǒshû̌ yṳ̂̌ǎyṳ̂̌ô lû̌û tôpwa̤ kû̌ tôpwa̤ dě sǎlě̤sǎlò̤ ǎwô̤̌wô̤̌ ôwô̤̌wô̤̌ dǒ asî ahǐphòdǒkû akû.

Pwa̤nophû̌ 28:10

Asî ǐdû̌wî̤ pa sû tokhlǒ, dě bǎ pa htò̌dò̌ sǒkhlidû̌ akhanu, asî dò̌cû̌nṳ̌ bǎ pa lǎ̤ǎlǎ̤ô dǒ klè̌lô̤ aya tokhlǒ.

Pwa̤nophû̌ 8:8

Pô̤̌nu akhû̌akhî, wî̤̌ kûphû̌ tokhlǒ sǎlě̤sǎlò̤ jî̌le.

Rṳ̂̌me̤ 10:15

Kòyò kè̌ plûhè pwa̤shôbǐǐ bǎ asî tô̤̌ hî̌dě asî cû̌ shôbǐǐjò bǎ kòyò hî̌tè? Lî̤plò̌shǐkû hî̌ kû̌, “Kòyò dǒ a phî̌hè bǎ ta̤sǎlě̤we̤kè tokhlǒ akhò̌lôpô̤̌nu awî̤tè̤̌sǐ le.”

Rṳ̂̌me̤ 16:2

Htû̌ a hètǒ̤ kû̌ sî pě dě kaǎmô̤shǔ a pô̤̌ ta̤yṳ̌ǎnǎ̤ǎ Běcǎ Yeshǔ dǒ asô̌sô̌kû̌ sînu nî̌꤮. Kaǎmô̤shǔ a pô̤̌ Cǒmara a kòyò aplò̌shǐ tokhlǒ tô kè̌pǒ̤ǐ kòyònu nî̌꤮. A lǎ̤lṳ̂ sî titètè̌ bǎbǎnu ma̤jè̌ padô̌ a nî̌꤮, ma̤titèhî̌dě he bǎbǎ, kòyò shǔshawǎ̤ tokhlǒ bǎbǎ, a phî̌jè̌ma̤jè̌ dû̌wî̤ kòyò hǒ.

Kôritu awǐlǒ tôbǎ 16:10

Htû̌ Khûtîmôte hè kû̌ sî pě akhanu, kè̌pǒ̤ǐ wô̌ a nî̌, ma̤titèhî̌dě a mî̌ Běcǎ apwa̤ma̤ta̤phû̌ tôpwa̤ dǒ a sô̌sô̌ kû̌ henu hǒ.

Kôritu awǐlǒ tôbǎ 16:18

Pô̤̌ asî ma̤ sǎlě̤sǎlò̤ sî nu, asî ma̤ sǎlě̤sǎlò̤ he. Dě bè̌dubè̌nǎ̤ lô̌khô kòyò pô̤̌nu tokhlǒ nî̌꤮.

Kôritu ginǐ̤bǎ tôbǎ 10:18

Ma̤titèhî̌dě, kòyò dǒ a htû̌sò̌ tûû̌ anǎ̤ tokhlǒnu, Běcǎ sǎphlǒô̌ lû̌û tô̤̌, Běcǎ sǎphlǒô̌ pwǎtǒ̤ kòyò dǒ Běcǎ htû̌sò̌tû̌ sanǎ̤ nutokhlǒ pwǎ.

Kôritu ginǐ̤bǎ tôbǎ 7:2

Pṳ̌wè̤̌ sî, dǔlṳ̌ mò̌ lô̌khô sî ta̤mô̤ panu nî̌꤮. Pa ma̤sǔma̤plě nô̌ kòyò tôpwǎ̤꤮ tô̤̌. Pa ma̤pò̤̌ma̤sha nô̌ kòyò tôpwǎ̤꤮ tô̤̌. Pa cû̌ǎtṳ̌ôkè nô̌ kòyòkhû̌ tôpwǎ̤꤮ tô̤̌.

Phǐlǐpǐ 2:28

Pô̤̌nudě, htǔ sî kè̌shǐ a pě dě, pô̤̌khô sî sǎlě̤sǎlò̤ sô̌ pě, htokhôtô̤̌ pô̤̌khô he sǎphlǒgû̌gè̌ yǎkhè̌ hèpô̤̌ ayanudě, he sǎphlǒ shû̌khlo pô̤̌ kû̌ he noge tîkhî a dǒ sî ô̌ pě.

Kòlòtè̌ 4:10

Khûarǐshataku dǒ kòyò dǒtě̤ a kû̌ he hǒtôpwa̤ sûhè padô̌ sî ata̤hî̌mô̤hî̌wô̌, htodě Khûbanabǎ tôûbû Khûmakǔ sûhè padô̌ sî ata̤hî̌mô̤hî̌wô̌ dǒ sî ô̌ô̌. (Sî nǐ̤bǎ hto lî̤ dǒ kòyò wě̤lṳ̌ bǎ sî kû̌ Khûmakǔ awe̤akè nuhǒ. A kè̌ hètǒ̤ dǒ sî ô̌ pě dě kaǎmô̤ shěshuwô̌ yǎ nî̌꤮.)

Tîsalònǐ awǐlǒ tôbǎ 5:12

Pṳ̌wè̤̌sî, kòyò dǒ a htû sî ikǒlǒkòdû̌ dǒ Běcǎ akû dě a ma̤ ta̤, a ǐsè̌rè̌nǎ bǎ sîklè̌ tokhlǒnu pa kwisǎyṳ sî kû̌ bè̌dubè̌nǎ̤ lô̌khô kòyò pô̤̌nu tokhlǒ nî̌꤮.

Tîmôte awǐlǒ tôbǎ 5:17

Mǒ̤phumǒ̤pwǎ̤ dǒ a htû ikǒlǒkòdû̌ dǒ a ma̤wô̌ta̤ tokhlǒnu, sî tôbǎ bè̌dubè̌nǎ̤ asî, kǎtô̤̌ asî tô nǐ̤bǎ pô̌ǎpô̌ô lakhû̌lakǎ. Mǒ̤khumǒ̤pwǎ̤ dǒ a htû ikǒlǒkòdû̌ dǒ a gû̌ma̤ Cǒmara ata̤ma̤ tokhlǒ, dě a shôbǐǐlṳ̌ bǎ kòyò kû̌ Cǒmara alě̤ayô̤̌ dě a sû̌ǐtòwòǐ bǎ kòyò kû̌ Cǒmara alě̤ayô̤̌ tokhlǒnu, sî tôbǎ bè̌dubè̌nǎ̤ asî, ǐ pô̌ǎpô̌ô bǎ asî lakhû̌lakǎ nî̌.

Hebrǔ 13:17

Ganǎ̤de lô̌khô sî ta̤cubucaba a ikǒlǒkòdû̌ tokhlǒ ayô̤̌ dě gû̌ma̤ pô̤̌ asî hî̌lò̤ nunî̌꤮. Asî ô̌pǒ̤ kè̌ǐ sî ta̤ô̌htûpwa̤ dě ta̤ dǒ asî ma̤ tokhlǒnu, a bǎ hî̌lṳ̌ getîkhî sô̌ Cǒmara pě. Sî kè̌ dò̌nò̌ku tô̤̌ hî̌dě a ma̤ kû̌ ta̤sǎplǎ̤sǎyṳ pě. Dě a htûbwǐhtûsîrî dǒ sîya tôcǒ꤮ tô̤̌.

Yṳ̂ha subǎ tôbǎ 1:10

Pô̤̌nu akhû̌akhî, htû̌ he hètǒ̤ pě dě he gǔ pwe̤ǐ bǎ sî kû̌ lǒ̤bò a ma̤sǔ nutokhlǒ pě. A dô̌ payô̤ dě a hî̌ phû̌mò̤̌ pa, htokhôtô̤̌ bǎ pṳ̌wè̤̌ tokhlǒ cû̌tǒ̤ hètǒ̤ kû̌ a akha nu, a kaǎshǔ gû̌ asî tô̤̌. Htokhôtô̤̌ kòyò dǒ a sǎyṳ kaǎshǔ pṳ̌wè̤̌ tokhlǒnu a ma̤dǐdò tě̤tṳ dě a wṳ̂̌hǎhtò̌kè kòyò dǒ asî ta̤dòkû akhlo.