Phǐlǐpǐ 2:25 - Kawyaw New Testament

²⁵ He tô no ge tîkhî bǎ sî Khûěpaprǔdǐtǔ dǒ sî ô̌ he gènè̤ pô̤̌nu. A mî̌ he pṳ̌wè̤̌ tôpwa̤, a mî̌ kòyò dǒ a ma̤cu ta̤ kû̌ he dě a shěpě̤ wô̤̌wô̤̌ ta̤ kû̌ he hǒ. A mî̌ kòyò dǒ a sû bǎ sî lî̤ nutôpwa̤ hǒ dě pô̤̌khô a ma̤jè̌ bǎ he ta̤lṳ̂bǎ tokhlǒnu dě sî nohè lû̌û dǒ he ô̌ nutôpwa̤ hǒ.

Kawyaw RC

²⁵ He to nogetîkhî bǎ sî Ěpaprò̌dǐtǔ dě sî ǒ he gènè̤ hǐnu. A mî̌ he pṳwè̤ tapwa̤, a mî̌ kòyò htě a ma̤htuhto ta̤ ta he dě a shě plǒhtukû̌hto ta̤ ta he. A mî̌ kòyò htě a sû bǎ sî lî̤nu tapwa̤ dě ma̤pûhǐ a ma̤jè he ta̤lo̤bǎ toǒnu dě sî nohè yǎ dě he ǒnu tapwa̤ hǒ.

Phǐlǐpǐ 2:25 Iomraidhean Croise

Jowǎ̤ni̤ 13:16

He hî̌cǒcǒ sî, jû̌ dû̌khlo aběcǎ tôpwǎ̤꤮ tô̤̌. Kòyò dǒ a no lû̌û tôpwa̤nu adû̌khlo kû̌ a no lû̌û nutôpwa̤ a ô̌ tôpwǎ̤꤮ tô̤̌.

Jowǎ̤ni̤ 17:18

Pô̤̌ na nohè he dǒ hǎkhû̌nu, he nocû̌hto asî dǒ kòyòhǎkhû̌phû̌ tokhlǒ a ô̌ hǒ.

Rṳ̂̌me̤ 16:3

He sûcû̌ padô̌ he ta̤hî̌mô̤hî̌wô̌nu dǒ Phaakǔlǎ kû̌ ama Mǒ̤phrishila a ô̌. Asî mî̌ a ma̤ta̤ kû̌ he dǒ Yeshǔ Khrǐ aya.

Rṳ̂̌me̤ 16:9

He sûcû̌nǐ̤ he ta̤hî̌mô̤hî̌wô̌ dǒ Khûǔrôbanṳ̌ dǒ a ma̤ wô̤̌wô̤̌gû̌ Khrǐ a ta̤phǐta̤ma̤ kû̌ he nutôpwa̤ kû̌ he khô Khûsatakǔ a ô̌.

Kôritu awǐlǒ tôbǎ 3:9

Pa mî̌ pwa̤ma̤plǒcuta̤ dǒ Cǒmara aya tokhlǒ pwǎ. Sî mî̌ asô̌sô̌kû̌ Cǒmara a we̤ tôwe̤ dǒ pa lǎ̤ma̤ǎ agûlǎ̤. Htokhôtô̤̌ sî mî̌ asô̌sô̌kû̌ hǐ dǒ Cǒmara bô̌htò̌ a nutômè pwǎ.

Kôritu ginǐ̤bǎ tôbǎ 2:13

Bǎbǎkǎlè he sǎphlǒgû̌gè̌ kû̌tû̌ tô̤̌, ma̤titèhî̌dě he kè̌shǐ pa pṳ̌wè̤̌ Khûtǐtǔ tô̤̌. Pô̤̌nudě he hî̌mô̤hî̌wô̌kè kòyò ô̌ bǎ Wî̤̌tarò nutokhlǒ dě he hǎhtò̌cû̌kè dǒ Mèsidûnǐ̤ya gǎ.

Phǐlǐpǐ 2:26

Ma̤titèdě sî ganǎ̤de kû̌ Khûěpaprǔdǐtǔ ô̌shû̌ô̌mô̤ tô̤̌ akhû̌akhî, a nǎsǔ kè̌shǐ mî̌ca sî pṳ̂̌꤮ tôpwa̤. Dě a gènè̤ gû̌gè̌ bǎ mî̌ca dǒ sîya, pô̤̌nudě he no getîkhî sô̌ a dǒ sî ô̌.

Phǐlǐpǐ 4:18

Lǒ̤bò sî sûhè bǎ he tokhlǒnu he nǐ̤bǎ lǒ̤꤮ bò hǒ, dě a lǒbe tûlû̌shû̌lě dǒ heya. Lǒ̤bò sî ǐ tokhlǒnu KhûEpaprǔdǐtǔ phî̌hè bǎ he, dě khònò̤̌ lǒ̤bò he lṳ̂bǎ tokhlǒnu a ô̌ bò hǒ. Ta̤ǐ tokhlǒnu, asô̌sô̌kû̌ ta̤nṳ̌mû̌ dǒ kòyò lṳhtò̌ dǒ Cǒmara ô̌ nuhǒ. Ta̤lṳ dǒ atô Cǒmara asǎphlǒ, dě a ma̤mô̤ lû̌û sǎphlǒ nutokhlǒ hǒ.

Phǐlǐpǐ 4:3

Na mî̌ kòyò dǒ a ma̤ ta̤ kû̌ he dǒ acǒ kû̌ ayô̤̌ tôpwa̤ hǒ. Dě he sǎyṳ kwi na ta̤ma̤jè̌ tôcǒ, pô̤̌khô pwa̤mǒ̤nu sò̌ginǐ̤ gǔ kla kè̌khî lû̌û ayanu, ma̤jè̌ mò̌ asî nî̌꤮. Ma̤titèhî̌dě asî nusò̌ginǐ̤ numî̌ a jî̌pwǐ̤ htǒkhû̌htǒǎ ma̤wô̤̌wô̤̌ ta̤wǐ̤lò̤ ta̤sǎlě̤we̤kè ata̤ma̤ kû̌ he ně. Asî ma̤wô̤̌ kû̌ Khûkleme kû̌ hekhô dǒ pa ma̤wô̤̌wô̤̌lû̌ ta̤ dǒ ashǔshawa̤ nutokhlǒ, dě lǒ̤bò asî nutokhlǒ ami̤ mî̌ a ô̌ bòkè dǒ Běcǎ a lî̤htûpwa̤ akû nuhǒ.

Kòlòtè̌ 1:7

Khûepapra mî̌ kòyò dǒ a shôbǐǐlṳ̌ wǐlǒ bǎ sî kû̌ Cǒmara a ta̤bwǐta̤sîrî tôpwa̤ hǒ. A mî̌ Yeshǔ Khrǐ pwa̤ma̤ta̤phû̌ dǒ a ma̤ta̤ kû̌ pa dě pa mô̤ǐ yǎ nutôpwa̤. A mî̌ Khrǐ pwa̤ma̤ta̤phû̌ dǒ acǒ kû̌ ayô̤̌ tôpwa̤. Dě a ma̤ pô̤̌o numî̌ a ma̤ bǎ pa gûlǎ̤ hǒ.

Kòlòtè̌ 4:11

Khûyûshǔ dǒ kòyò kaǎ a kû̌ Khûyǔsatu nutôpwa̤ sûlò̤ a ta̤hî̌mô̤hî̌wô̌ dǒ sî ô̌ô̌. Yǔdaphû̌ dǒ a yṳ̌ǎ Khrǐ tokhlǒ aklanu, pwa̤ dǒ a ma̤ ta̤ kû̌ he dǒ Cǒmara ashiagǎ ayanu, mî̌ a ô̌pwǎ sò̌su pwǎ. Asî mî̌ a ma̤mô̤ jî̌ he sǎphlǒ.

Tîsalònǐ awǐlǒ tôbǎ 3:2

Dě pa sûlò̤ Khûtîmôte dǒ sîô̌, a mî̌ pa pṳ̌wè̤̌ tôpwa̤ dě a htû Cǒmara pwa̤ma̤ta̤phû̌ tôpwa̤. A ma̤ kû̌ pa, dě a shôbǐǐlṳ̌ bǎ kòyò kû̌ Khrǐ a ta̤sǎlě̤we̤kè. Pô̤̌khô a gǔ ǐkhû̌ǐǎ sî dě a gǔ tûsû shò̌gû̌ sî ta̤yṳ̌ta̤nǎ̤ akò nudě, pa sûlò̤ a dǒ sîô̌.

Philemo 1:24

Pô̤̌nudě pwa̤ma̤ta̤ kû̌ he Khûmakǔ, Khûarǐshataku, Khûdemǎ kû̌ Khûlǔka sîtokhlǒ sûhè tǒ̤padô̌ a ta̤hî̌mô̤hî̌wô̌ tokhlǒ dǒ sîô̌.

Hebrǔ 3:1

Pô̤̌nu akhû̌akhî, pṳ̌wè̤̌ khrǐphû̌ dǒ Cǒmara kaǎ sî nutokhlǒ gènè̤ kè̌mò̌ lô̌khô Yeshǔ dǒ Cǒmara nohè htû yǎ kû̌ pwa̤shôbǐǐ Cǒmara alě̤ayô̤̌ kû̌ pwa̤shû̌gǎ ikǒdû̌lǒ tôpwa̤nu.