Phǐlǐpǐ 2:22 - Kawyaw New Testament

²² Sî sî̌ya tûû̌, Khûtîmôte mî̌ kòyò lě̤dû̌pwî̤htû tôpwa̤. A ma̤hto ta̤ kû̌ he dǒ ta̤sǎlě̤we̤kè dû̌htò̌htûhtò̌ aya numî̌ a sô̌sô̌kû̌ phû̌ kû̌ pha nuhǒ.

Kawyaw RC

²² Sî sî̌yatû̌ hǒ, Timò̤̌te mî̌ kòyò le̤dû̌pwî̤htû tapwa̤. A ma̤kû̌ ta̤ ta he dě ta̤sò̌le̤sò̌lò̤ awi̤akè̌ glè dû̌htò̌htûhtò̌ aya htǒonumî̌ asǒsǒta phû̌ ta phanu hǒ.

Phǐlǐpǐ 2:22 Iomraidhean Croise

Pwa̤nophû̌ 16:2

Pwa̤yṳ̌ǎta̤phû̌ dǒ a ô̌ lôkhô bǎ Wî̤̌lǔshatara kû̌ Wî̤̌Ikani̤ nutokhlǒ htû̌sò̌ǐ kè̌khî lû̌û.

Rṳ̂̌me̤ 5:4

Ta̤khòbò̌ ta̤jî̌ta̤jû̌ nî̌ a dǐ ô̌dû̌htò̌ ta̤ma̤tô Cǒmara asǎphlǒ, ta̤ma̤tô Cǒmara asǎphlǒnu, a dǐô̌htûhtò̌ dû̌wî̤ ta̤kè̌shuǐ.

Kôritu awǐlǒ tôbǎ 16:10

Htû̌ Khûtîmôte hè kû̌ sî pě akhanu, kè̌pǒ̤ǐ wô̌ a nî̌, ma̤titèhî̌dě a mî̌ Běcǎ apwa̤ma̤ta̤phû̌ tôpwa̤ dǒ a sô̌sô̌ kû̌ henu hǒ.

Kôritu awǐlǒ tôbǎ 4:17

Dǒ ta̤we̤ta̤kè hǒo akhû̌akhî, dě he nohè Khûtîmôte dǒ sî ô̌ hǒ. A mî̌ asô̌sô̌kû̌ hephû̌ kû̌ henǎ̤ dǒ he mô̤ǐ yǎ dě acǒ kû̌ ayô̤̌ dǒ Běcǎ akû tôpwa̤. Kòyò dǒ a gû̌ Khrǐ akò tokhlǒnu, a tô ô̌htûpwa̤ lô̌khô hî̌tènu, a gǔ dǔsî̌yabǎ sî ma̤pô̤̌ he ô̌htûpwa̤nu pě. Hǒonumî̌ ta̤ dǒ he sû̌ǐ bǎ kòyò dǒ a yṳ̌nǐ̤nǎ̤nǐ̤ Yeshǔ Khrǐ tokhlǒ dǒ gûlǎ̤ pṳ̂̌꤮ tûkû tokhlǒnu hǒ.

Kôritu ginǐ̤bǎ tôbǎ 2:9

He wě̤ bǎ sî lî̤ dǒ awǐkha tôbǎnu mî̌, he sǎyṳ no ma̤ yò̤lǎ̤plǎdî̌ sî kû̌ kòyò ganǎ̤de gû̌ kòyò ayô̤̌ tô̤̌ nutôpwa̤ hǒ. Pô̤̌nudě he sǎyṳ sî̌ganǎ̤ tě̤tě̤mè̤̌mè̤̌ kû̌ sî gû̌ma̤kû̌ pô̤̌ he sû̌ǐcû̌ sînu ya, mî̌ sî gû̌ma̤ tô̤̌ ya pô̤̌nupwǎ.

Kôritu ginǐ̤bǎ tôbǎ 8:22

Pô̤̌nudě pa nohè pô̤̌ kòyò dǒ ashǔshawa̤ kû̌ pa pṳ̌wè̤̌ hǒo sò̌ginǐ̤. Pa kè̌shǐ sî̌ganǎ̤ kû̌ a mî̌ kòyò tôpwa̤ dǒ lǎ̤yṳ̌ǎ mî̌ca a dǒ Cǒmara a ta̤phǐta̤ma̤ akû tôpwa̤. Khònò̤̌dě a yṳ̌ǎnṳ̌ mî̌ca sî akhû̌akhî a lě̤꤮ sǎphlǒshû̌ ma̤jè̌ lǒpû pe sîsî.

Kôritu ginǐ̤bǎ tôbǎ 8:24

Pô̤̌khô ta̤dòkûphû̌ dǒ a ô̌ dǒ ta̤dòkûphû̌ akû pṳ̂̌tômṳ̌ nutokhlǒ gǔ sî̌ganǎ̤ tě̤tě̤mè̤̌mè̤̌ kû̌ sî mô̤ mè̤̌mî̌ca kòyò ayanu, dǔlè̌lṳ̌ lô̌khô sî ta̤mô̤nṳ̌ asî tokhlǒnu nî̌꤮. Htokhôtô̤̌ pô̤̌khô asî gǔ sî̌ganǎ̤ lô̌khô kû̌ pa htû̌sò̌htò̌ǐ sî tokhlǒnu atô mè̤̌mî̌ca ayanu, ma̤ lô̌khô pô̤̌nu nî̌꤮.

Kôritu ginǐ̤bǎ tôbǎ 8:8

He hî̌ pô̤̌o dě he noshû̌ sî pô̤̌nu mè̤̌tô̤̌. Pô̤̌khô sî gǔ kè̌lû̌ kû̌ kòyò dǒ ashǔshawa̤ tokhlǒ sǎphlǒshû̌ ma̤jè̌ kòyò nudě, he sǎyṳ dǐsî̌ganǎ̤ bǎ sî pô̤̌nu pwǎ. Dǒ he dǔlè̌lṳ̌ sî pô̤̌o akhû̌akhîdě sî mô̤ mè̤̌mî̌ca kòyò ya, sî mô̤tô̤̌ yanu, he gǔ sî̌ganǎ̤hè pě pô̤̌nu pwǎ.

Phǐlǐpǐ 1:12

He pṳ̌wè̤̌ sî, lǒ̤bò ta̤ma̤htûhtò̌ anǎ̤ kû̌ he tokhlǒ numî̌ amè̤̌pwǎ a ma̤jè̌ bǎ ta̤sǎlě̤we̤kè gǔ dû̌htò̌ htûhtò̌ ayapwǎ numî̌ he sǎyṳ nosî̌ganǎ̤ sî.

Phǐlǐpǐ 1:16

Asî mô̤ǐ he dě a ma̤ lô̌khô pwǎ, ma̤titèhî̌dě tôbǎ hî̌bǎ takabǐ tě̤tṳ ta̤sǎlě̤we̤kè ata̤ma̤ numî̌ Cǒmara ǐ he pwǎnu, asî sî̌ganǎ̤ lô̌khô pwǎ.

Phǐlǐpǐ 1:5

Ma̤titèhî̌dě, he ma̤ ta̤sǎlě̤we̤kènu, sî gû̌ma̤ kû̌ he dǒ asakhû̌lû̌kha tǒ̤dǒ khònò̤̌ hǒ.

Phǐlǐpǐ 1:7

He mô̤ǐ jî̌ sî akhû̌akhî, he gènè̤ sîwe̤sîkè pô̤̌o numî̌ atô pwǎ. Bǎ he ô̌pe dǒ apô̤kû akhanu bǎbǎ, bǎ he tô hî̌bǎ taka tě̤tṳ he ta̤sǎlě̤we̤kè dě he tô hî̌bǎ glemě ǐ he ta̤sǎlě̤we̤kè akhanu bǎbǎ, Cǒmara ma̤wô̌ bǎ pa dě a ǐlò̤ khô̌ pa ta̤ma̤ dǒ pa ma̤wô̤̌wô̤̌ lû̌û ta̤ kû̌ Cǒmara abwǐsîrî dě cû̌ shôbǐǐlṳ̌ bǎ kòyò kû̌ ta̤sǎlě̤we̤kènu.

Phǐlǐpǐ 2:20

Asǎphlǒ ô̌ mè̤̌mî̌ca sî. Lǒ̤bò kòyò dǒ a ô̌ kû̌ he bǒo tokhlǒ dǒ asô̌sô̌kû̌ lû̌ûnu he kè̌shǐnǒ tôpwǎ̤꤮ tô̤̌.

Tîmôte awǐlǒ tôbǎ 1:18

Hephû̌pwa̤khû Khûtîmôte, ta̤dǒ he noma̤ na khònò̤̌ tokhlǒ numî̌, a gû̌ma̤ pwǎ kòyò tokhlǒ a ta̤hî̌bǎ nǎ nawe̤nakè tokhlǒ nupwǎ. Pô̤̌khô na gǔ shěpě̤wô̌ ta̤ ayanu, noǎ Cǒmara a ta̤hî̌bǎ nǎ nutokhlǒ pô̤̌ kòyò noǎ ta̤wè̤̌ta̤htò tokhlǒnu nî̌꤮.

Tîmôte awǐlǒ tôbǎ 1:2

He wě̤cû̌ bǎ lî̤hǒonu dǒ Khûtîmôte dǒ asô̌sô̌kû̌ he phû̌pwa̤khû sanǎ̤ dǒ ta̤yṳ̌ta̤nǎ̤ akû tôpwa̤ a ô̌. pha Cǒmara kû̌ pa Běcǎ Yeshǔ Khrǐ ǐlò̤ pû a ta̤bwǐta̤sîrî kû̌ ta̤sǎyṳgwèbǎǐ kû̌ ta̤gûjû̌kabǎ nî̌꤮.

Tîmôte awǐlǒ tôbǎ 4:6

Na kè̌ sû̌ǐbǎ pṳ̌wè̤̌ khrǐphû̌ tokhlǒ kû̌ ta̤nutokhlǒ mî̌ na gǔ htû Yeshǔ Khrǐ apwa̤ma̤ta̤phû̌ dǒ awô̌ tôpwa̤ pě. Bǎ na ma̤pô̤̌nu akha, na gǔ bǔdû̌htò̌ nanǎ̤ kû̌ ta̤tě̤ta̤mè̤̌ dǒ ta̤yṳ̌ta̤nǎ̤ akû nutokhlǒ kû̌ ta̤sû̌ǐtòwòǐ awô̌ dǒ na gû̌ma̤ nutokhlǒ pě.

Tîmôte ginǐ̤bǎ tôbǎ 1:2

He wě̤cû̌ bǎ hephû̌pwa̤khû dǒsû̌dǒsò̌ Khûtîmôte dǒ he mô̤ǐ a tôpwa̤ a ô̌. Pha Cǒmara kû̌ pa Běcǎ Yeshǔ Khrǐ gǔ ǐlò̤ pû na ta̤bwǐta̤sîrî, ta̤sǎyṳgwèbǎǐ kû̌ ta̤gûjû̌kabǎ nî̌꤮.

Tîmôte ginǐ̤bǎ tôbǎ 3:10

Bǎbǎkǎlè na dě, na gû̌ kû̌ he ta̤sû̌ǐtòwòǐ akò kû̌ he ta̤ô̌htûpwa̤ aklè̌aklò nutokhlǒ kû̌ he ta̤ô̌htûpwa̤ a ta̤yè̤lò̤nǎ nutokhlǒ hǒ. Na kè̌shǐ he ta̤yṳ̌ta̤nǎ̤, he ta̤khòsǎdô, he ta̤mô̤ǐ, he ta̤khòsǎphlǒhtû tokhlǒhǒ,

Tǐtǔ 1:4

Khûtǐtu, he wě̤cû̌ lî̤ hǒtôbǎ dǒ naô̌. Na ta̤yṳ̌ta̤nǎ̤ asô̌sô̌kû̌ pa tôcǒ꤮ nô̤̌ akhû̌akhî, nanu a asô̌sô̌kû̌ hephû̌ sanǎ̤ kû̌ henǎ̤. pha Cǒmara kû̌ pwa̤ma̤hǎplǎge pa Yeshǔ Khrǐnu gǔ pû na ta̤bwǐta̤sîrî kû̌ ta̤gûjû̌kabǎ nî̌꤮.