Phǐlǐpǐ 2:21 - Kawyaw New Testament

²¹ Kòyò ashǔshawa̤ lǒ̤bò tokhlǒ numî̌ a kè̌lǎ ma̤ lô̌khô pwǎtǒ̤ ta̤ dǒ a htûbwǐhtûsîrî dǒ asî aya nutokhlǒ pwǎ. A kè̌lǎ ma̤ bǎ lô̌khô Yeshǔ Khrǐ aya tô̤̌.

Kawyaw RC

²¹ Kòyò ahǔwa̤ lǒ̤꤮ bò toǒ numî̌ a kè̌lǎ ma̤ lǒkho pwǎpǒ̤ ta̤ htě a htûbwǐhtûsîrî asî ayanu toǒ pwǎ. A kè̌lǎ ma̤ bǎ lǒkho Ye̤shǔkhrî̌stu aya tò̤.

Phǐlǐpǐ 2:21 Iomraidhean Croise

Matěo 16:24

Htodě Běcǎ Yeshǔ hî̌ akhôphijǎ tokhlǒ kû̌, “Kòyò tôpwa̤pwa̤ kè̌ sǎyṳ gû̌ hekò hî̌nu, a tôbǎ ma̤ pô̤̌ he sǎyṳnoma̤ lû̌û nutokhlǒ, a ma̤ jû̌꤮ tûû̌ asǎphlǒ mî̌ anǐ̤ tô̤̌. A bǎ ò̌htò̌ tûû̌ a nò̌dò̌htǔ dě a bǎ gû̌ hekò.

Lǔka 14:26

“Kòyò dǒ a sǎyṳ htû he khôphijǎ tôpwa̤pwa̤nu, amǒ̤apha bǎbǎ, aphû̌ama bǎbǎ, apṳ̌awè̤̌ kû̌ anǎ̤běcǎ sanǎ̤ bǎbǎ, a kè̌ mô̤ǐ khlo kû̌ a mô̤ he numî̌ a htûhtò̌ jò he khôphijǎ tô̤̌.

Pwa̤nophû̌ 13:13

Khûpò̌lǔ kû̌ kòyò dǒ a cû̌ kû̌ lû̌û tokhlǒ dò̌cû̌ sǒkhlidû̌ bǎ Wî̤̌phabû nudě hǎhtò̌cû̌ dǒ Wî̤̌peraka dǒ a ô̌ bǎ Phaphǔliya gǎkûnu. Cû̌tǒ̤ bǎnu dě Khûyṳ̂ha Makǔ hǎhtò̌cû̌ khô̌kè kû̌ asî dě a getîkhî sô̌ dǒ Wî̤̌yarǔshôle.

Pwa̤nophû̌ 15:38

Khûpò̌lǔ sǎyṳ kaǎcû̌nṳ̌ yǎ tô̤̌, ma̤titè̌hî̌dě a cû̌ma̤ hto kû̌ asî hǒ bǎbǎkǎlè a ma̤phlǔma̤hto ta̤ma̤ tô̤̌, htokhôtô̤̌ a bè̌kè asî bǎ Phaphǔliyagǎ nudě a gekè asîlǎ̤ akhû̌akhî, a tô kaǎnṳ̌ sô̌ pe lû̌û tô̤̌ a kè̌shǐ pô̤̌nu.

Kôritu awǐlǒ tôbǎ 10:24

Ta̤ dǒ a nǐ̤bwǐsîrî pwǎtǒ̤ sî tôpwa̤ ayanu, sî tô kè̌lǎ ma̤ tôpwǎ̤꤮ tô̤̌. Mè̤mè̤̌tôkhônu, sî tô kè̌lǎ ma̤ta̤ dǒ a nǐ̤bwǐsîrî dǒ kòyò ayanu tokhlǒ.

Kôritu awǐlǒ tôbǎ 10:33

Gû̌ma̤ lô̌khô pô̤̌ he ma̤nu. Pô̤̌khô kòyò gǔ nǐ̤bǎ ta̤ma̤hǎplǎge ayanu, he ma̤ titètè̌ bǎbǎ, he jî̌pwǐ̤ ma̤tô bǎ kòyò sǎphlǒ a ta̤sǎyṳ tokhlǒ. He gènè̤ ma̤ pwǎ ta̤ dǒ he sǎyṳ ma̤ nutokhlǒ kû̌ ta̤ dǒ awô̌ dǒ he tôpwa̤ aya nô̤̌ nutokhlǒ mè̤̌tô̤̌. He kè̌lǎ ma̤ ta̤ dǒ awô̌ dǒ kòyò pṳ̂̌꤮ tôpwa̤ aya nutokhlǒ pwǎ.

Kôritu awǐlǒ tôbǎ 13:5

Pa kè̌ mô̤ǐ kòyò hî̌dě ta̤ dǒ atôabǎ tô̤̌ tokhlǒnu pahî̌ pama̤ kòyò tô̤̌. Pa kè̌lǎ tûû̌ pwǎtǒ̤ paya nô̤̌bǎtô̤̌. Pa kè̌ mô̤ǐ kòyò hî̌nu pa sǎphlǒdû̌ yokǎkwe kòyò tô̤̌. Pa pṳ̂̌mě kòyò ta̤sǔ tô̤̌.

Kôritu ginǐ̤bǎ tôbǎ 1:5

Dǒ Khrǐ akhû̌akhîdě pa khòbǎ dû̌wî̤ ta̤jî̌ta̤jû̌, bǎbǎkǎlè dǒ Yeshǔ Khrǐ akhû̌akhîdě Cǒmara ma̤mô̤ ma̤jè̌ dû̌wî̤ pa.

Phǐlǐpǐ 2:4

Kè̌lǎǐ pwǎ sî ta̤lṳ̂bǎ tokhlǒ ayanu tǎ̤mǎ̤ nî̌꤮, gènè̤ bǎ pû kòyò tôpwa̤ kû̌ tôpwa̤ aya nî̌꤮.

Tîmôte ginǐ̤bǎ tôbǎ 1:15

Na sî̌ganǎ̤ kû̌ lǒ̤꤮ bò kòyò ô̌ dǒ Ashǎgǎkû tokhlǒnu asî tiwǐ̤ cû̌khô̌kè bò he gûlǎ̤ hǒ dě dǒ asî nutokhlǒ aklanu, Khûphǔkelǔ kû̌ Khûěrimûkěne ô̌pa bǎnu.

Tîmôte ginǐ̤bǎ tôbǎ 3:2

Bǎnu akhapěnu, kòyò tokhlǒkhlǒnu, a mô̤ǐlò̤ tûû̌ anǎ̤, a mô̤ǐ ru, a phî̌dû̌ anǎ̤, a bè̌htò̌yô̤̌ asǎphlǒ pě. Asî mî̌ kòyò dǒ a pîjî̌ǐsho ta̤, jûlě̤phî̌yô̤̌ mǒ̤lě̤phayô̤̌ tô̤̌, sî̌ganǎ̤ kòbwǐkòsîrî tô̤̌, sî̌ganǎ̤ ta̤plò̌shǐ tô̤̌.

Tîmôte ginǐ̤bǎ tôbǎ 4:10

Ma̤titèhî̌dě, Khûdemǎ mô̤ǐ ta̤ pṳ̂̌꤮ tôcǒ dǒ hǎkhû̌ akhû̌akhî, a cû̌ tephekè kû̌ he hǒ, dě a cû̌ dǒ Wî̤̌tîsalònǐ hǒ. Khûkhrǐshaki dě a cû̌ dǒ Galatǐgǎ dě Khûtǐtǔ dě a cû̌ dǒ Dalamǎtigǎ hǒ.

Tîmôte ginǐ̤bǎ tôbǎ 4:16

Bǎ he hî̌bǎ taka bǐǐ henǎ̤ kû̌ kòyò cî̌htò̌ he awǐlǒ tôplǎ akhanu, kòyò ô̌cu dǒ he kòshî̌ tôpwa̤꤮ tô̤̌. Kòyò khlè̌ tephekèbò helǎ̤. Ǒ꤮ Cǒmara, bè̌ tǎ̤ ta̤sǔ dǒ asîlô̤ tôpwa̤ tǎ̤mǎ̤ nî̌꤮.