Phǐlǐpǐ 2:2 - Kawyaw New Testament

² Htodě, ô̌ lô̌khô kû̌ ta̤gènè̤ tôcǒ꤮ nô̤̌, ta̤mô̤ǐ lû̌û tôcǒ꤮ nô̤̌, sǎphlǒ tômè kû̌ ta̤gènè̤nǎ tôcǒ꤮ nô̤̌ nî̌꤮. Sî kè̌ ma̤pô̤̌ numî̌ sî ma̤lǒma̤be bǎ he ta̤sǎlě̤sǎlò̤ hǒ.

Kawyaw RC

² Htodě, ǒ lǒkho ta ta̤gènè̤ tacǎ꤮ pa, ta̤mo̤ǐ nû̌û tacǎ꤮ pa, sò̌phlǒ tamapa ta ta̤yè̤lò̤nǎ tacǎ꤮ pa nî̌꤮. Sî dè ma̤mò̌hǐnumî̌ sî ma̤lǒma̤be bǎ he ta̤sò̌le̤sò̌lò̤ hǒ.

Phǐlǐpǐ 2:2 Iomraidhean Croise

Htû̌sò̌htò̌ 122:8

Dǒ hehǐphû̌phòphû̌, hekhôbǒsû̌ ayanu, he gǔ hî̌ kû̌, “Wî̤̌yarǔshale gǔ ô̌tû̌ kû̌ ta̤ô̌mô̤ô̌phi nî̌꤮.”

Jowǎ̤ni̤ 3:29

He mî̌ asô̌sô̌kû̌ pwa̤gû̌ khòmò̤̌ phû̌khû tôpwa̤nu. Khòmò̤̌ phû̌mǒ̤ mî̌ khòmò̤̌ phû̌khû ata. Bǎbǎkǎlè pwa̤gû̌ nutôpwa̤ ihtǒ ganǎ̤de khòmò̤̌ phû̌khû hî̌bǎ. A ganǎ̤de lû̌ûyô̤̌ akhû̌akhî, a sǎlě̤sǎlò̤ jî̌le. Pô̤̌nudě he ta̤sǎlě̤sǎlò̤nu a lǒhtò̌behtò̌ hǒ.

Pwa̤nophû̌ 1:14

Asî tokhlǒ nî̌ a hè kè̌shǐ sǎla̤la̤ kû̌ pwa̤mǒ̤ dǒ ashǔshawa̤ tokhlǒ kû̌ Yeshǔ amǒ̤ Mǒ̤ma̤rǐ kû̌ Yeshǔ a pṳ̌pwa̤khû tokhlǒ. Dě asî kwicaba wô̤̌wô̤̌ lû̌û bǎnu.

Pwa̤nophû̌ 2:1

Bǎ lṳmṳ̌ni̤ dǒ kòyò kaǎ kû̌ Phîtîkhò̌sîtî hètǒ̤ akhanu, asî lǒ̤bò hè ô̌plǒô̌cu wô̤̌wô̤̌ lû̌û dǒ gûlǎ̤ tôkû.

Pwa̤nophû̌ 2:46

Asî cû̌ ô̌plǒ hî̌bǎkè̌khî lû̌û dǒ ta̤lṳhtò̌hô pṳ̂̌꤮ tôni̤ dě asî sǎphlǒshû̌ yṳ̂̌ǎyṳ̂̌ô lû̌û tôpwa̤ kû̌ tôpwa̤ dě sǎlě̤sǎlò̤ ǎwô̤̌wô̤̌ ôwô̤̌wô̤̌ dǒ asî ahǐphòdǒkû akû.

Pwa̤nophû̌ 5:12

Ta̤ma̤ cô̌klǐcô̌sè tokhlǒ bǎbǎ, ta̤ma̤ ǒò̌ kiti̤kaa tokhlǒ bǎbǎ, pwa̤nophû̌ tokhlǒ ma̤lṳ̌htò̌ dû̌wî̤ bǎ kòyò. Lǒ̤bò ta̤dòkûphû̌ tokhlǒ hè kè̌shǐ kè̌khî lû̌û dǒ ta̤lṳhtò̌hô gûlǎ̤ tûkû dǒ kòyò kaǎ kû̌ Khwǐ Shò̌lômû hǐdòkû̌nu akû.

Rṳ̂̌me̤ 12:16

Ô̌htûpwa̤ wô̤̌wô̤̌ lû̌û dǒ sǎphlǒ tômè akû nî̌꤮. Phî̌htò̌lǒ tǎ̤ lô̌khô sî sǎphlǒ tǎ̤mǎ̤ nî̌꤮. Mè̤mè̤̌tôkhô, bǒsû̌khǎkhô lô̌khô kû̌ kòyò shèphǔshèwè̤phû̌ nutokhlǒ nî̌꤮. Gènè̤dû̌ tûû̌ nanǎ̤ tǎ̤mǎ̤ nî̌꤮.

Kôritu awǐlǒ tôbǎ 1:10

Hepṳ̌hewè̤̌ sî khònò̤̌ he kwisǎyṳ shû̌ sî kû̌ ta̤siwi̤sòwò̤ dǒ Běcǎ Yeshǔ Khrǐ ǐ he nuhǒ. He sǎyṳ kwisǎyṳ sî mî̌ pô̤̌hî̌tèhî̌dě, he sǎyṳ dǒ sî gǔ mô̤nṳ̌klanṳ̌ lû̌û, ô̌khô̌ma̤khô̌ lû̌û tôprṳ̂ kû̌ tôprṳ̂ tǎ̤mǎ̤. He sǎyṳ shò̌gû̌ sî kû̌ sî ta̤gènè̤ tokhlǒ bǎbǎ, sî ta̤gènè̤nǎ tokhlǒ bǎbǎ, no sô̌sô̌ pwǎ lû̌û tôcǒcǒ pwǎ nî̌.

Kôritu ginǐ̤bǎ tôbǎ 13:11

Khôbǒsû̌ sî, he sǎyṳ hî̌ sî dǒ nô̌kògutṳ̌ kû̌, sǎlě̤ lô̌khô nî̌. Ma̤wô̌ getîkhî lô̌khô sî ta̤ô̌htûpwa̤ nî̌꤮. Ganǎ̤de lô̌khô he ta̤kwisǎyṳ sî tokhlǒ nî̌. Ô̌plǒô̌cu, ô̌pè̤̌ô̌dû pû lû̌û nî̌꤮. Sî kè̌ ma̤pô̤̌nu hî̌dě Cǒmara dǒ a mî̌ ta̤mô̤ǐ kû̌ ta̤pè̤̌ta̤dû a kòshî̌ tôpwa̤ gǔ ô̌ kû̌ sî pě.

Kôritu ginǐ̤bǎ tôbǎ 2:3

Htǔ꤮ he hè pě akhanu, sî dǒ a ma̤sǎlě̤ he tokhlǒnu pô̤̌khô̌ a gǔ ma̤ sǎplǎ̤ he tô̤̌nu, he wě̤cû̌wǐ bǎ tû̌ sî lî̤ nuhǒ. Sî lǒ̤bò sî̌ya tě̤mè̤̌ hǒkû̌ he gǔ sǎlě̤sǎlò̤ dě sî bǎ sǎlě̤ mî̌ca pwǎ.

Kôritu ginǐ̤bǎ tôbǎ 7:7

Khûtǐtǔ hètǒ̤ dě pa sǎlě̤ gutṳ̌ mè̤̌tô̤̌, a shôbǐǐ bǎ pa kû̌ sî ǐkhû̌ǐǎ lû̌û hî̌tènu akhû̌akhî a ma̤sǎlě̤ mî̌ca pa. A shôbǐǐlṳ̌ bǎ pa kû̌ sî nǎsǔ kè̌shǐ he nu, htodě sî gènè̤sǎplǎ̤ǐ sî ta̤ma̤sǔ tokhlǒ, htokhôtô̤̌ sî ô̌ tîwî̌tòwò nǎhto dǒ sî gǔ hî̌bǎ takabǐ bǎ he, a shôbǐǐlṳ̌ bǎ he pô̤̌o akhû̌akhî, khònò̤̌dě sǔ he sǎlě̤khlo pěpě.

Phǐlǐpǐ 1:4

He kwicaba bǎ sîya bǎkhò̌tè꤮ bǎbǎnu, he sǎlě̤sǎlò̤ pṳ̂̌꤮ taplǎ.

Phǐlǐpǐ 2:16

Shôbǐǐlṳ̌ padô̌ lô̌khô kòyò ta̤htûpwa̤ awe̤akènu nî̌꤮. Sî kè̌ ma̤pô̤̌nu hî̌dě bǎ Khrǐ hèlò̤ sô̌ alṳmṳ̌ni̤ pě tôni̤nu, lǒ̤bò he jî̌pwǐ̤ tokhlǒ kû̌ he ta̤phǐta̤ma̤ nutokhlǒ a htûhtò̌ nòdû̌pe tô̤̌ akhû̌akhî, dǒ sîkhû̌sîkhî dě he gǔ phî̌htò̌lǒǐ henǎ̤ pě.

Phǐlǐpǐ 2:20

Asǎphlǒ ô̌ mè̤̌mî̌ca sî. Lǒ̤bò kòyò dǒ a ô̌ kû̌ he bǒo tokhlǒ dǒ asô̌sô̌kû̌ lû̌ûnu he kè̌shǐnǒ tôpwǎ̤꤮ tô̤̌.

Phǐlǐpǐ 4:2

Mǒ̤yǔûdǐya kû̌ Mǒ̤sǔtakhe sî, sî pṳ̌kû̌wè̤̌ lû̌û dǒ Khrǐ akû akhû̌akhî, he kwisǎyṳ sî kû̌ sî gǔ sǎphlǒtô kè̌khî lû̌û tôpwa̤ kû̌ tôpwa̤.

Kòlòtè̌ 2:5

Ma̤titèhî̌dě, he nǎ̤glǒ ô̌plǒ kû̌ sî tô̤̌ bǎbǎkǎlè he sǎphlǒ ihtu kû̌ sî dě he ganǎ̤de dǒ sî ô̌lû̌û kû̌ sǎphlǒ tômènô̌, htokhôtô̤̌ sî pṳ̂̌měǐ ta̤yṳ̌ta̤nǎ̤ dǒ Khrǐ akû akhû̌akhî, he sǎlě̤sǎlò̤ jî̌le.

Tîsalònǐ ginǐ̤bǎ tôbǎ 2:13

Pṳ̌wè̤̌ sî, sî mî̌ kòyò dǒ Běcǎ mô̤ǐ sîtokhlǒ dě pa bǎ hî̌bwǐhî̌sîrî Cǒmara dǒ sîya pṳ̂̌꤮ taplǎ. Ma̤titèhî̌dě pô̤̌khô sî gǔ nǐ̤bǎ ta̤ma̤hǎplǎge ayanu, Cǒmara rû̌htò̌ nǎ hto sî dǒ asakhû̌lû̌kha penu hǒ. Dǒ Yôla Plò̌shǐ Běcǎ ma̤plò̌shǐ sî kû̌ sî yṳ̌ǎ ta̤tě̤ta̤mè̤̌ akhû̌akhî, Cǒmara ma̤hǎplǎge sî hǒ.

Tîmôte ginǐ̤bǎ tôbǎ 1:4

Bǎ he gènè̤htò̌bǎ na mǐ̤sǎshilò̤ akhanu, he sǎyṳ kè̌shǐ jî̌ na, ma̤titèhî̌dě pô̤̌khô he gǔ sǎlě̤sǎlò̤ lǒlǒbebe ayanudě, he sǎyṳ kè̌shǐ na pwǎ.

Philemo 1:20

Pô̤̌nudě, he pṳ̌wè̤̌ Khûphǐlǐmṳ̂ pa yṳ̌ǎnṳ̌ Běcǎ Yeshǔ akhû̌akhî, khòsǎdô ma̤bwǐma̤sîrî bǎwǐ he hǒtôcǒ nî̌꤮. Khòsǎdô ma̤mô̤htò̌ kû̌lǎ he sǎphlǒ dǒ Khrǐ akû nî̌꤮.

Yṳ̂ha ginǐ̤bǎ tôbǎ 1:4

He kè̌shǐbǎ naphû̌nali̤ tokhlǒ ô̌htûpwa̤ dǒ ta̤tě̤ta̤mè̤̌ akû pô̤̌ pha Cǒmara mǎnǎ pa ayô̤̌sǎ nu akhû̌akhî, he sǎlě̤sǎlò̤ jî̌ jî̌.

Yṳ̂ha subǎ tôbǎ 1:4

Bǎ he ganǎ̤de kû̌ hephû̌heli̤ dǒsû̌dǒsò̌ tokhlǒ ô̌htûpwa̤ dǒ ta̤tě̤ta̤mè̤̌ akû akhanu, he sǎlě̤sǎlò̤ pṳ̂̌꤮ taplǎ. Ta̤ dǒ a gǔ ma̤sǎlě̤ khlo he kû̌ hǒonu a ô̌ pe tôcǒ꤮ tô̤̌.