Phǐlǐpǐ 2:19 - Kawyaw New Testament

¹⁹ Pô̤̌khô he gǔ sî̌ganǎ̤ sîwe̤sîkè dě a ǐkhû̌ǐǎ ma̤mô̤htò̌ pô̤̌ he sǎphlǒ pě ayanu, a kè̌ tô Běcǎ Yeshǔ asǎphlǒ hî̌dě he nohè phwè bǎ sî Khûtîmôte dǒ sî ô̌ pě dě a ge shôbǐǐlṳ̌ bǎ he pě.

Kawyaw RC

¹⁹ Ma̤pûhǐ he sî̌ya sîwi̤sîkè̌ dě a ǐkhû̌ǐǎ ma̤mo̤htò̌po̤to̤ he sò̌phlǒ pě ayanu, a dè to Běcǎ Ye̤shǔ asò̌phlǒ hî̌dě he nohèphwè bǎ sî Timò̤̌te sî ǒ pě dě a ge pwe̤ǐlṳ he pě.

Phǐlǐpǐ 2:19 Iomraidhean Croise

Matěo 12:21

Gǎpṳ̂̌꤮ tôgǎ, kòyòkhlilè pṳ̂̌tocǒ gǔ nǎla̤ǐ a pě.”

Pwa̤nophû̌ 16:1

Khûpò̌lǔ cû̌ sělě pô̤̌ dǒ alô̤mô̤̌ dě a cû̌ dǒ Wî̤̌debe kû̌ Wî̤̌lǔshatara bǎ Wî̤̌lǔshatara akûnu, kòyò yṳ̌ǎnǎ̤ǎta̤ ô̌ tôpwa̤ dě ami̤ kû̌ Khûtîmôte dě amǒ̤ mî̌ Yǔdaphû̌ dǒ a yṳ̌ǎnǎ̤ǎta̤ tôpwa̤, ma̤hî̌nudě apha mî̌ Grěkhlilèphû̌ tôpwa̤

Rṳ̂̌me̤ 15:12

Piwi̤pèshè Khûyashǎya hî̌ pô̤̌ sô̌ kû̌, “Phayeshè̌ akhlialè gǔ hè ô̌lṳ̌htò̌ tôpwa̤ pě, dě a gǔ pǒnǐ̤ Yǔdaphû̌ mè̤̌tô̤̌ tokhlǒ pě. Yǔdaphû̌ mè̤̌tô̤̌ tokhlǒ gǔ kè̌shuǐ lô̌khô lû̌û pě.”

Rṳ̂̌me̤ 16:21

Khûtîmôte dǒ a ma̤wô̤̌wô̤̌ ta̤ kû̌ he tôpwa̤ sûhè a ta̤hî̌mô̤hî̌wô̌ dǒ sî ô̌. Htodě Khûlǔshǐya, Khûjôsô kû̌ Khûsûsǐmatarǔ nutokhlǒ sûhè. Asî mî̌ Yǔdaphû̌ tokhlǒ sô̌sô̌kû̌ he hǒ.

Kôritu awǐlǒ tôbǎ 4:17

Dǒ ta̤we̤ta̤kè hǒo akhû̌akhî, dě he nohè Khûtîmôte dǒ sî ô̌ hǒ. A mî̌ asô̌sô̌kû̌ hephû̌ kû̌ henǎ̤ dǒ he mô̤ǐ yǎ dě acǒ kû̌ ayô̤̌ dǒ Běcǎ akû tôpwa̤. Kòyò dǒ a gû̌ Khrǐ akò tokhlǒnu, a tô ô̌htûpwa̤ lô̌khô hî̌tènu, a gǔ dǔsî̌yabǎ sî ma̤pô̤̌ he ô̌htûpwa̤nu pě. Hǒonumî̌ ta̤ dǒ he sû̌ǐ bǎ kòyò dǒ a yṳ̌nǐ̤nǎ̤nǐ̤ Yeshǔ Khrǐ tokhlǒ dǒ gûlǎ̤ pṳ̂̌꤮ tûkû tokhlǒnu hǒ.

Ěphěsu 1:13

Sî dě, bǎ sî ganǎ̤de ta̤tě̤ta̤mè̤̌, ta̤sǎlě̤we̤kè dǒ a ma̤hǎplǎge sî awe̤akè akhanu, sî yṳ̌ǎ dě sî htûhtò̌ tôcǒ꤮ nô̤̌ kû̌ Khrǐ hǒ. Dǒ sî yṳ̌ǎ Khrǐ akhû̌akhî, a ǐlò̤ sî Yôla Plò̌shǐ Běcǎ dǒ a olò̤ nǎ htonu hǒ. Yôla Plò̌shǐ Běcǎ nî̌ a sô̌sô̌ kû̌ ta̤ma̤mǎnǎ tôcǒ dǒ a dǔlè̌lṳ̌ kû̌ sî htû Cǒmara a kòyò hǒ.

Phǐlǐpǐ 1:1

Pa mî̌ Khûpò̌lǔ kû̌ Khûtîmôte. Pa mî̌ Yeshǔ Khrǐ ajû̌ tokhlǒ. Pa wě̤cû̌ bǎ lî̤ hǒtôbǎ kû̌ Cǒmara a kòyò dǒ a htûhtò̌ kû̌ Yeshǔ Khrǐ tôcǒ꤮ nô̤̌ dě a ô̌ lô̌khô dǒ Wî̤̌phǐlǐpǐ akû nutokhlǒ a ô̌. Pa wě̤cû̌ padô̌ ta̤dòkû ikǒlǒkòdû̌ tokhlǒ kû̌ pwa̤ma̤jè̌ ta̤dòkû saprṳ̂phû̌ tokhlǒ.

Phǐlǐpǐ 2:18

Sî bǎbǎ, sî tô sǎlě̤sǎlò̤, sǎlě̤ lô̌khô kû̌ hehe.

Phǐlǐpǐ 2:28

Pô̤̌nudě, htǔ sî kè̌shǐ a pě dě, pô̤̌khô sî sǎlě̤sǎlò̤ sô̌ pě, htokhôtô̤̌ pô̤̌khô he sǎphlǒgû̌gè̌ yǎkhè̌ hèpô̤̌ ayanudě, he sǎphlǒ shû̌khlo pô̤̌ kû̌ he noge tîkhî a dǒ sî ô̌ pě.

Tîsalònǐ awǐlǒ tôbǎ 3:2

Dě pa sûlò̤ Khûtîmôte dǒ sîô̌, a mî̌ pa pṳ̌wè̤̌ tôpwa̤ dě a htû Cǒmara pwa̤ma̤ta̤phû̌ tôpwa̤. A ma̤ kû̌ pa, dě a shôbǐǐlṳ̌ bǎ kòyò kû̌ Khrǐ a ta̤sǎlě̤we̤kè. Pô̤̌khô a gǔ ǐkhû̌ǐǎ sî dě a gǔ tûsû shò̌gû̌ sî ta̤yṳ̌ta̤nǎ̤ akò nudě, pa sûlò̤ a dǒ sîô̌.

Tîsalònǐ awǐlǒ tôbǎ 3:5

He ô̌khò petô̤̌ akhû̌akhî, pô̤̌khô Khûtîmôte gǔ sî̌ganǎ̤ kû̌ sî ô̌mětegle pe dǒ sî ta̤yṳ̌ta̤nǎ̤ akûya, mî̌ sî ô̌mě pe tô̤̌ yanu, he sûlò̤ a dǒ sî ô̌. He bǎyô̤ kû̌ hǎkhû̌tana glè̌ lô̌ǐplò̤ǐ sî hǒ. Htodě lǒ̤bò ta̤phǐta̤ma̤ dǒ pa ma̤hto bòkè tokhlǒnu, a gǔ tṳ̌dè̌tṳ̌dè bòkèhǒ, he bǎyô̤ pô̤̌nu.

Tîsalònǐ ginǐ̤bǎ tôbǎ 1:3

Sapṳ̌wè̤̌ Khrǐphû̌ sî, pa gènè̤htò̌nṳ̌ bǎ sî bǎkhò̌tè꤮ bǎbǎnu, pa bǎ hî̌bwǐhî̌sîrî Cǒmara dǒ sîya pṳ̂̌꤮ taplǎ, ma̤titèhî̌dě sî ta̤yṳ̌ta̤nǎ̤ kû̌ sî ta̤mô̤ǐ lû̌û tôpwa̤ kû̌ tôpwa̤nu, sǔ sǔ adû̌htò̌ akhû̌akhî, pa tôbǎ hî̌bwǐhî̌sîrî hǒ.

Tîmôte ginǐ̤bǎ tôbǎ 1:12

Ma̤pô̤̌nudě dǒ ta̤hǒo tokhlǒ akhû̌akhî, he khòbǎhto ta̤hǒo tokhlǒ hǒ. Bǎbǎkǎlè he sòwò̤̌ tô̤̌, ma̤titèhî̌dě, he sî̌yahto pwa̤ dǒ he yṳ̌nǐ̤nǎ̤nǐ̤ a tôpwa̤ hǒ, htodě he yṳ̌ǎhto kû̌ ta̤ dǒ a ǐlò̤ dǒ he cǔdekû tokhlǒnu, a gǔ ô̌pǒ̤ǐ tǒ̤dǒ lṳmṳ̌ni̤ gutṳ̌ nutôni̤ pě.

Jǎgomo̤ 4:15

Sî tô hî̌ lô̌khô hî̌tè hî̌dě, “Běcǎ kè̌ sǎphlǒô̌ kû̌ pa ô̌htûpwa̤ pě hî̌dě pa ma̤ pô̤̌nu pě,” ahî̌ lô̌khô pô̤̌nu.

Petru awǐlǒ tabǎ 1:21

Dǒ Khrǐ akhû̌akhî, sî yṳ̌nǐ̤nǎ̤nǐ̤ Cǒmara dǒ a ma̤ ihtǒhtûpwa̤ getîkhî sô̌ Khrǐ dǒ ta̤si dě a bè̌dû̌bè̌htû gutṳ̌ lû̌û nutôpwa̤ hǒ. Pô̤̌nudě sî ta̤yṳ̌ kû̌ sî ta̤kè̌shuǐnu, a ô̌ dǒ Cǒmara alô̤hǒ.