Phǐlǐpǐ 2:17 - Kawyaw New Testament

¹⁷ Dǒ he shôbǐǐ ta̤sǎlě̤we̤kè akhû̌akhî, he si pě yǎ sî̌. Bǎ sî yṳ̌ǎ ta̤sǎlě̤we̤kè akhanu, sî ǐlò̤ sî ta̤htûpwa̤ dǒ Cǒmara a ô̌ sô̌sô̌kû̌ pwa̤shû̌gǎ lṳhtò̌ ta̤phû̌ta̤wè̤ dǒ Cǒmara a ô̌ nuhǒ. Kòyò kè̌ ma̤si he hî̌dě, hesǐ gǔ sǐlò̤ asô̌sô̌kû̌ pwa̤shû̌gǎ tôpwa̤ yṳ̂̌lò̤ shisî̌yô̤̌ dǒ hǎkhû̌ dǒ asô̌sô̌kû̌ kòyò lṳhtò̌ ta̤lṳta̤tòhtò̌ nuhǒ. A kè̌ htûhtò̌ pô̤̌nu hî̌dě he sǎlě̤sǎlò̤, sǎlě̤bò kû̌ sî pṳ̂̌ tôpwa̤ pwǎ.

Kawyaw RC

¹⁷ He dǒhtû̌ǐ ta̤sò̌le̤sò̌lò̤ awi̤akè̌ akhû̌akhî, kǎlè̌mî̌ he si pě ya. Bǎ sî yṳǎ ta̤sò̌le̤sò̌lò̤ awi̤akè̌ akhanu, sî ǐlò̤ sî ta̤htûpwa̤ dě Cǒmara a ǒ sǒsǒta pwa̤lṳhtò̌ta̤ lṳhtò̌ ta̤phû̌ta̤li̤ dě Cǒmara ǒnu hǒ. Kò dè ma̤si he hî̌dě, hesǐ glè sǐlò̤ sǒsǒta pwa̤lṳhtò̌ta̤ tapwa̤ lò̌lò̤ sî̌yo̤ dě hǎkhû̌ dě asǒsǒta kò lṳhtò̌ ta̤lṳta̤tò̌nu. A dè htûhtò̌ hǐnu hî̌dě he sò̌le̤sò̌lò̤, sò̌le̤ kû̌bò ta sî pṳ̂̌꤮ tapwa̤ pě.

Phǐlǐpǐ 2:17 Iomraidhean Croise

Pwa̤nophû̌ 20:24

Bǎbǎkǎlè pô̤̌khô he gǔ ma̤htokè ta̤ma̤ dǒ Běcǎ Yeshǔ ǐlò̤kè he ayanu, he sǎleǐ pe he ta̤htûpwa̤nu tô̤̌ hǒ. Ta̤ma̤ dǒ a noma̤ he tokhlǒ numî̌ he bǎ khòlṳ̌ kû̌ Cǒmara abwǐsîrî a ta̤sǎlě̤we̤kè nuhǒ.

Pwa̤nophû̌ 21:13

Bǎbǎkǎlè Khûpò̌lǔ hî̌shěshu pa kû̌, “Sîhǎsîwô dě sî ma̤ sǎplǎ̤nǎ̤bǎ he ma̤titè? He tîwî̌tòwò nǎ henǎ̤ dǒ kòyò gǔpo̤ gǔco he bǎ Wî̤̌yarǔshôle nupě nô̤̌ mè̤̌bǎtô̤̌, he tîwî̌tòwò nǎ pô̤̌ dǒ he gǔ si dǒ Běcǎ Yeshǔ aya.”

Rṳ̂̌me̤ 12:1

Pô̤̌nudě, pṳ̌wè̤̌ sî꤮, Cǒmara a ta̤gwèbǎǐ panu, adû̌ayô̤̌ tûlû̌shû̌lě dǒ paya akhû̌akhî, he kwisǎyṳ sî kû̌ sî gǔ ǐlò̤ sî nǎ̤glǒnu dǒ Cǒmara a ô̌ pô̤̌ ta̤lṳ dǒ a htûpwa̤nu, pô̤̌ ta̤lṳ dǒ aplò̌shǐ kû̌ pô̤̌ ta̤lṳ dǒ atô lû̌sǎphlǒ a ta̤sǎyṳnu nî̌꤮. Sî tô cabahtò̌ Cǒmara pô̤̌numî̌ amè̤̌ klè̌ dǒ atôabǎ tôbô hǒ.

Rṳ̂̌me̤ 15:16

Cǒmara abwǐsîrî akhû̌akhî, a ǐ he ta̤ma̤ dǒ he gǔ ma̤ Yeshǔ Khrǐ ata̤ma̤ dǒ Yǔdaphû̌ mè̤̌tô̤̌ tokhlǒ akla. Pô̤̌khô Yǔdaphû̌ mè̤̌tô̤̌ tokhlǒ gǔ htûhtò̌ ta̤lṳ tôcǒ dǒ Cǒmara gǔ phî̌shǐshu yǎ, htodě ta̤lṳ tôcǒ dǒ Yôla Plò̌shǐ Běcǎ ma̤plò̌shǐ hto lû̌û dě, Cǒmara rû̌htò̌ khô̌tû̌ he kû̌ he gǔ ma̤ta̤ pô̤̌ pwa̤shû̌gǎ dǒ a shôbǐǐlṳ̌bǎ kòyò kû̌ Cǒmara a ta̤sǎlě̤we̤kè nutôpwa̤ hǒ.

Kôritu ginǐ̤bǎ tôbǎ 12:15

He ma̤bòkè heruhehta, hekhû̌heǎ, ta̤pṳ̂̌tocǒ dǒ sîya nî̌ he sǎlě̤sǎlò̤ pwǎ. He mô̤ǐ sî pwǐo bǎbǎkǎlè sî ta̤mô̤ǐ he nî̌ asô̌sô̌ kû̌ ayû̌ pî̌tî̌ gelò̤kè ma̤hî̌tè?

Kôritu ginǐ̤bǎ tôbǎ 4:12

Dǒ pa shôbǐǐlṳ̌ bǎ kòyò ta̤sǎlě̤we̤kè akhû̌akhî, pa kè̌shǐ sala̤ kû̌ kòyò glè̌ ma̤si pa. Bǎbǎkǎlè dǒ pa kè̌shǐ pô̤̌o akhû̌akhî, sî nǐ̤bǎ ta̤htûpwa̤ hǒ.

Kôritu ginǐ̤bǎ tôbǎ 6:10

Pa kè̌shǐ dû̌wî̤ ta̤pò̤̌ta̤sha bǎbǎkǎlè pa sǎlě̤ pṳ̂̌꤮ taplǎ. A sô̌sô̌ kû̌ pa shuphǔshèwè̤ mî̌ca bǎbǎkǎlè dǒ pa sû̌ǐtòwòǐ bǎ kòyò akhû̌akhî, dě kòyò dû̌yò̤̌htò̌sa dǒsû̌dǒsò̌ tôkhônu a ô̌ dû̌wî̤ hǒ. A sô̌sô̌ kû̌ pata ô̌ gû̌ kòyò tôcǒ꤮ tô̤̌ bǎbǎkǎlè pa nǐ̤bǎ bòkè ta̤pṳ̂̌꤮ tocǒ hǒ.

Kôritu ginǐ̤bǎ tôbǎ 7:4

He yṳ̌ǎ tě̤tě̤mè̤̌mè̤̌ jî̌ sî dě he htû̌sò̌ǐ jî̌ sî pṳ̂̌꤮ taplǎ nǒ̤. Pô̤̌nu akhû̌akhî pa kè̌shǐbǎ dû̌wî̤ kû̌ ta̤pò̤̌ta̤sha bǎbǎkǎlè pa sǎlě̤sǎlò̤ pwǎ, htokhôtô̤̌ pa sǎphlǒmô̤ pwǎ.

Phǐlǐpǐ 1:20

He ta̤sǎyṳ kû̌ he ta̤kè̌shuǐ mî̌titè hî̌dě, dǒ Khrǐ a lô̤mô̤̌ pěnu, he sòwò̤̌ pe nô̌ tîkî̌ tô̤̌. He htûpwa̤ bǎbǎ, he si bǎbǎ, pô̤̌khô kòyò glè̌ htû̌sò̌htò̌ǐ Khrǐ ayanudě, he sǎyṳ ô̌htûpwa̤ lǒbe kû̌ ta̤sǎphlǒkhuhe pô̤̌ he khuheǐ pṳ̂̌ taplǎ nupwǎ.

Phǐlǐpǐ 2:18

Sî bǎbǎ, sî tô sǎlě̤sǎlò̤, sǎlě̤ lô̌khô kû̌ hehe.

Phǐlǐpǐ 2:30

Ma̤titèhî̌dě, sî ma̤jè̌bò̌ he tô̤̌ akhû̌akhî, pô̤̌khô a ma̤jè̌ he ayanu, dǒ Khrǐ a ta̤phǐta̤ma̤ aya dě, a ô̌phǔ kû̌ ta̤si hǒ.

Phǐlǐpǐ 4:18

Lǒ̤bò sî sûhè bǎ he tokhlǒnu he nǐ̤bǎ lǒ̤꤮ bò hǒ, dě a lǒbe tûlû̌shû̌lě dǒ heya. Lǒ̤bò sî ǐ tokhlǒnu KhûEpaprǔdǐtǔ phî̌hè bǎ he, dě khònò̤̌ lǒ̤bò he lṳ̂bǎ tokhlǒnu a ô̌ bò hǒ. Ta̤ǐ tokhlǒnu, asô̌sô̌kû̌ ta̤nṳ̌mû̌ dǒ kòyò lṳhtò̌ dǒ Cǒmara ô̌ nuhǒ. Ta̤lṳ dǒ atô Cǒmara asǎphlǒ, dě a ma̤mô̤ lû̌û sǎphlǒ nutokhlǒ hǒ.

Kòlòtè̌ 1:24

Pô̤̌khô sî nǐ̤bwǐsîrî ayanu, khònò̤̌ he khòbǎta̤ dǒ sîya pô̤̌o numî̌ he sǎlě̤ pwǎ. Pô̤̌ Khrǐ khòbǎ kòyò dǒ a yṳ̌ǎ lû̌û dǒ a sô̌sô̌ kû̌ anǎ̤glǒ tokhlǒnu, he sǎphlǒshû̌ dǒ he nǎ̤glǒphěyî̌nu khò padô̌ lǒ̤bò kòyò dǒ a yṳ̌ǎ lû̌û nutokhlǒ ayaya.

Tîsalònǐ awǐlǒ tôbǎ 2:8

Pa mô̤ǐ mî̌ca sî, htodě sî htû pa khô dǒ a mô̤ǐshû̌ pa tokhlǒ akhû̌akhî, pa tîwî̌tòwò ô̌nǎ panǎ̤ dǒ pa gǔ shôbǐǐ sî̌ganǎ̤ pepwǎ sî kû̌ Cǒmara a ta̤sǎlě̤we̤kènu mè̤̌tô̤̌, pa ô̌ tîwî̌tòwò nǎ pô̤̌ panǎ̤ kû̌ pa gǔ ô̌plǒ kû̌ sî dě, phî̌jè̌ma̤jè̌ pô̤̌ sî.

Tîmôte ginǐ̤bǎ tôbǎ 4:6

Ma̤titèhî̌dě, shěkhǎ tǒ̤ dǒ he gǔ hǎhtò̌cû̌kè kû̌ hǎkhû̌ hǒ. Ta̤shěta̤khǎ hètǒ̤ dǒ he gǔ bè̌kè he ta̤ô̌htûpwa̤ hǒ.

Petru awǐlǒ tabǎ 2:5

Sî hǒtokhlǒnu a sô̌sô̌ kû̌ lǒ̤htûpwa̤ tokhlǒ hǒ. Cǒmara noǎ lǒ̤ dǒ a amè̤̌kû̌ sî dě a gǔ ma̤htò̌ hǐ dǒsû̌dǒsò̌ tômè. Sî ma̤ta̤ dǒ hǐkûnu sô̌sô̌kû̌ pwa̤shû̌gǎ aplò̌shǐ tokhlǒnu pě. Htokhôtô̤̌ sî lṳhtò̌ ta̤lṳ dǒ Cǒmara a ô̌ dǒsû̌dǒsò̌ tôkhô tokhlǒ pě. Dǒ Yeshǔ Khrǐ akhû̌akhîdě, Cǒmara phî̌shǐshu sî ta̤lṳ nutokhlǒ pě.

Yṳ̂ha awǐlǒ tôbǎ 3:16

Ta̤mô̤nu pa sî̌ganǎ̤jò a hî̌tè hî̌dě, Yeshǔ Khrǐ ǐlò̤kè a sǎphlǒhtûpwa̤ dǒ paya, dě pa tôbǎ ǐlò̤kè gû̌ pa sǎphlǒhtûpwa̤ dǒ pa pṳ̌wè̤̌ Khrǐphû̌ tokhlǒ aya.