Phǐlǐpǐ 2:14 - Kawyaw New Testament

^14-15 Pô̤̌khô sî htûhtò̌ kòyò mṳ̂̌plî dě kòyò lǎ̤bè̌ ta̤sǔ dǒ sîlô̤ gǔ ô̌ pe tô̤̌nu, htokhôtô̤̌ pô̤̌khô sî htû Cǒmara a phû̌mǒ̤phû̌khû dǒ ata̤sǔ ô̌ tô̤̌ tokhlǒ, dě bǎ sî ô̌htûpwa̤ dǒ kòyò phû̌mò̤̌ cǒtè̤tô̤̌ nutokhlǒ akla, pô̤̌khô sî lîkakhahtò̌ bǎ kòyò pô̤̌ shǎ dǒ hǎkhû̌běkhû̌ nudě, sî ma̤ta̤ titètè̌꤮ bǎbǎ, tûmṳ̂̌ta̤ma̤ htè̌ tǎ̤ lô̌khô tǎ̤mǎ̤ nî̌꤮.

Kawyaw RC

^14-15 Ma̤pûhǐ sî htûhtò̌ kòyò mṳ̂plî dě kò hèbè̌ ta̤sǔ sîlo̤ ǒpe pû tò̤, htohǒtò̤ ma̤pûhǐ sî bǎ htûtû̌ Cǒmara a phû̌mǔphû̌khû htě ata̤sǔ ǒtò̤ toǒnu, dě bǎ sî ǒhtûpwa̤ kòyò phû̌mò̤ cǒtè̤tò̤ htǒotoǒ akla htǒoakha, ma̤pûhǐ sî lîrakhahtò̌ bǎ kò pwǐ shǎtoǒ dě hǎkhû̌tebě htǒoayanu, sî ma̤ta̤ hî̌tètè̌꤮ bǎbǎ, tṳ̂mṳ̂ta̤ma̤ lǒkho pûma̤ nî̌꤮.

Phǐlǐpǐ 2:14 Iomraidhean Croise

Htû̌sò̌htò̌ 106:25

Asî ô̌ lô̌khô dǒ ahǐphû̌kû dě a tûmṳ̂̌ta̤ma̤. A ganǎ̤de Cǒmara tûjû̌pwa̤ ayô̤̌ tô̤̌.

Matěo 20:11

Bǎ asî nǐ̤bǎ khû̌kǎ akha a tûmṳ̂̌ta̤ma̤ hǔkla běcǎ ayô̤.

Mǎ̤riko 14:5

Shinumû̌ tôpò̤̌nu apwî̤ ô̌ ruyî̌ Denari sujwè̌lǒ dě, shaǎkè a dě cû̌ǐ kû̌ kòyò hǎwǐ̤shèwè̤phû̌ numî̌ awô̌khlo,” asî hî̌hto pô̤̌nu dě asî pè̤̌wǎ̤ lô̌khô pwa̤mǒ̤ nutôpwa̤ a ta̤sǔ.

Mǎ̤riko 9:14

Bǎ Yeshǔ kû̌ akhôphijǎ sò̌su cû̌tǒ̤ dǒ akhôphijǎ ashǔshawa̤ tokhlǒ a ô̌ akhanu, a kè̌shǐ kòyò saprṳ̂dû̌ hèô̌plǒô̌cu te̤we̤ bò asî dě pwa̤sû̌ǐ ta̤sû̌ta̤tòwò asara tokhlǒ hèhtè̌còwò lô̌khô kû̌ asî.

Lǔka 5:30

Pharishè̌phû̌ tokhlǒ kû̌ pwa̤sû̌ǐ ta̤sû̌ta̤tòwò asara sî aprṳ̂ kla tokhlǒkhlǒ bè̌bò ta̤sǔ dǒ Běcǎ Yeshǔ akhôphijǎ tokhlǒ akhû̌ dě a hî̌ kû̌, “Sî cû̌ ǎcuôcu kû̌ pwa̤kwi ta̤kûta̤mṳ̂̌ tokhlǒ kû̌ pwa̤ma̤sǔphû̌ nutokhlǒ ma̤titè?” Asî gwè̌ lô̌khô pô̤̌nu.

Pwa̤nophû̌ 15:2

Khûpò̌lṳ kû̌ Khûbanabǎ htè̌shěshu shû̌sho kòyò tokhlǒ kû̌ ta̤we̤ta̤kè nutôcǒ. Pô̤̌nudě dǒ ta̤we̤ta̤kè hǒo akhû̌akhî, kòyò rû̌htò̌ Khûpò̌lǔ kû̌ Khûbanabǎ kû̌mî̌ kòyò ô̌ dǒ Wî̤̌Atiò akûnu tokhlǒ, dě asî tôbǎ cû̌ kè̌shǐ shěshu kû̌ pwa̤nophû̌ kû̌ ta̤dòkû mǒ̤khumǒ̤pwǎ̤ a ikǒlǒkòdû̌ dǒ Wî̤̌yarǔshôle akû nutokhlǒ.

Pwa̤nophû̌ 15:39

Khûpò̌lǔ kû̌ Khûbanabǎ htè̌ kudǔdǔ kè̌khî lû̌û kû̌ Khûmakǔ akhû̌akhî, asî cû̌khô̌ tephekè lû̌û. Khûbanabǎ kaǎnṳ̌ Khûmakǔ dě asî cû̌dò̌nṳ̌ sǒkhlidû̌ dě hǎhtò̌cû̌ lô̌khô dǒ Kuprǔklǔ.

Pwa̤nophû̌ 15:7

Asî hî̌bǎ kè̌khî lû̌û nî̌ ayî̤gipi̤ hǒ dě Khûpetarǔ ihtǒ hî̌ asî kû̌, “He pṳ̌wè̤̌ sî, pô̤̌khô he gǔ shôbǐǐlṳ̌ padô̌ Yǔdaphû̌ mè̤̌tô̤̌ tokhlǒ kû̌ ta̤sǎlě̤we̤kè, htokhôtô̤̌ pô̤̌khô asî gǔ ganǎ̤de dě yṳ̌nǐ̤nǎ̤nǐ̤ Yeshǔ ayanu, Cǒmara rû̌htò̌ yî̤̌꤮ hto he dǒ sîkla numî̌ sî sî̌ganǎ̤ tûû̌ hǒ.

Pwa̤nophû̌ 6:1

Bǎnu akha, ta̤dòkûphû̌ tokhlǒ sǔ sǔ a ô̌dû̌htò̌ dě Yǔdaphû̌ dǒ a hî̌bǎ Grěyô̤̌ tokhlǒ kû̌ Yǔdaphû̌ dǒ a hî̌bǎ tûû̌ ayô̤̌ tokhlǒ htè̌kè̌khî lû̌û. Yǔdaphû̌ dǒ a hî̌bǎ Grěyô̤̌ tokhlǒ hî̌ kû̌ kòyò dǒ a yṳ̂̌ǎyṳ̂̌ô shǎǎshǎô tôni̤ kû̌ tôni̤ tokhlǒnu a kè̌tûklû̌ dò̌tûklû̌ asî pwa̤mǒ̤ô̌khwè̌ tokhlǒ, a hî̌ lô̌khô pô̤̌nu.

Rṳ̂̌me̤ 12:18

Jî̌pwǐ̤ ô̌htûpwa̤ mô̤klaǐ lô̌khô kû̌ kòyò, bǎ a jò̌ gutṳ̌ kû̌ nanu nî̌꤮.

Rṳ̂̌me̤ 14:1

Kaǎmô̤shǔ Khrǐphû̌ dǒ ata̤yṳ̌ ô̌ pî̌tî̌pe nutokhlǒ nî̌꤮. Asî ata̤gènè̤ tokhlǒnu, a khô̌ kû̌ na bǎbǎ, htè̌shěshu tǎ̤ asî tǎ̤mǎ̤ nî̌꤮.

Rṳ̂̌me̤ 16:17

Pṳ̌wè̤̌ sî, he ǐkhû̌ǐǎ sîkò kû̌, ô̌sè̌rè̌ lô̌khô sînǎ̤ kû̌ kòyò dǒ a hènṳ̌ma̤ lûcû̌peshe ta̤nutokhlǒ nî̌꤮. Asî ta̤sû̌ǐtòwòǐ tokhlǒnu a lô̌ǐ cû̌ tephekè kòyò dǒ sîkla tokhlǒkhlǒ kû̌ Khrǐ pě. Asî ta̤sû̌ǐ tokhlǒnu a lû khô̌ kû̌ Khrǐ awe̤akè dǒ kòyò sû̌ǐ hto sî nutokhlǒ hǒ. Ô̌tephekè kû̌ asî nî̌꤮.

Kôritu awǐlǒ tôbǎ 10:10

Pa bǎ tûmṳ̂̌ta̤ma̤ǐ pô̤̌ asî tokhlǒkhlǒ tûmṳ̂̌ta̤ma̤ nutô̤̌. Paphipaphu dǒ awǐkha tokhlǒ tûmṳ̂̌ta̤ma̤ lô̌khô akhû̌akhî, mǒkhû̌ tanaphû̌ ma̤sikè asî.

Kôritu ginǐ̤bǎ tôbǎ 12:20

Htû̌ he hètǒ̤ dǒ sî ô̌ khapěnu, hî̌pě he hè kè̌shǐ tûû̌ sî ta̤bè̌sû̌bè̌sǎ tokhlǒ dǒ a khô̌ kû̌ pô̤̌ he sǎyṳ kè̌shǐ nutokhlǒ pe hǒ, htodě sî gǔ kè̌shǐ tûû̌ he ta̤bè̌sû̌bè̌sǎ tokhlǒ dǒ a khô̌ pô̤̌ sî sǎyṳ kè̌shǐ he nu pě hǒ, he gû̌gè̌nǎ pô̤̌nu. He bǎyô̤ kû̌ hî̌pě he hèkè̌shǐ sîtô̤̌klǐ lû̌û, sî sǎkhwè̌ kè̌khî lû̌û, sî sǎphlǒdû̌ kè̌khî lû̌û, sî ô̌khô̌yò lû̌û tôprṳ̂ kû̌ tôprṳ̂, pîjî̌ǐsho kòyò, dô̌mi̤dô̌yô̤ kòyò, bè̌dû̌bè̌htò̌lǒ anǎ̤, ma̤shû̌shǎ prûtè̌ ta̤, pô̤̌nu tokhlǒ hǒ.

Galatǐ 5:15

Bǎbǎkǎlè sî kè̌ jî̌ sînǎ̤ pô̤̌ ta̤mi̤ta̤mò̤̌ dě sî kè̌ ǎ kè̌khî sô̌ lû̌û tôpwa̤ kû̌ tôpwa̤ numî̌ ô̌sè̌rè̌ lô̌khô sînǎ̤ nî̌꤮, ma̤titèhî̌dě hî̌pě sî ma̤pî̌ma̤lṳ̂̌ tûû̌ bòsô̌ sînǎ̤ tôpwa̤ kû̌ tôpwa̤ pě.

Galatǐ 5:26

Pa bǎ bè̌dû̌ panǎ̤ tô̤̌. Ma̤sǎphlǒdû̌ kè̌khî tǎ̤ lû̌û tôpwa̤ kû̌ tôpwa̤ tǎ̤mǎ̤. Sǎkhě kè̌khîlû̌û tôpwa̤ kû̌ tôpwa̤ tǎ̤mǎ̤ nî̌꤮.

Phǐlǐpǐ 2:3

Bǎ sî ma̤ta̤ akhanu, kè̌dû̌ tûû̌ tǒ̤ sî tôpwa̤ ayanô̤̌ tǎ̤mǎ̤ nî̌, bè̌dû̌bè̌htò̌lǒ tǎ̤ sînǎ̤ tǎ̤mǎ̤, bǎbǎ shò̌lò̤ lô̌khô sî sǎphlǒ dǒ tôpwa̤ kû̌ tôpwa̤ alǎ̤ nî̌꤮, dě gènè̤dû̌ khlo kòyò kû̌ sînǎ̤ tû̌ nî̌꤮.

Tîsalònǐ awǐlǒ tôbǎ 5:13

Dǒ asî ma̤ lô̌khô pô̤̌o akhû̌akhî, bè̌dubè̌nǎ̤ shapwǎ̤ asî dě mô̤ lǒ̤sǔlǒ̤sò̌ asî nî̌꤮. Ô̌mô̤ô̌klaǐ kè̌khî lû̌û tôpwa̤ kû̌ tôpwa̤ nî̌꤮.

Tîsalònǐ awǐlǒ tôbǎ 5:15

Noma̤ geshěshu tǎ̤ kòyò dǒ kòyò ma̤sǔ lû̌û nutokhlǒ tǎ̤mǎ̤ nî̌꤮. Mè̤̌mè̤tôkhônu, jî̌pwǐ̤ ma̤wô̌ǐ kè̌khî lû̌û tôpwa̤ kû̌ tôpwa̤ pṳ̂̌꤮ tôplǎ dě jî̌pwǐ̤ ma̤wô̌ bǎpû kòyò dǒ ashǔshawa̤ tokhlǒ nî̌꤮.

Hebrǔ 12:14

Jî̌pwǐ̤ ô̌mô̤ô̌kla pû kû̌ kòyò pṳ̂̌꤮ tôpwa̤ nî̌꤮. Jî̌pwǐ̤ ô̌htûpwa̤ plò̌shǐ lô̌khô nî̌꤮. Ma̤titèhî̌dě ta̤ô̌htûpwa̤ plò̌shǐ kè̌ ô̌tô̤̌ hî̌nu, kòyò kè̌shǐjò Běcǎ tôpwǎ̤꤮ tô̤̌.

Jǎgomo̤ 1:20

Ma̤titèhî̌dě, kòyò dǒ sǎphlǒdû̌ tokhlǒnu, a dǐhtûhtò̌ jò ta̤ô̌htûpwa̤ acǒatè̤ dǒ Cǒmara sǎyṳnu tôkhò̌꤮ tô̤̌.

Jǎgomo̤ 3:14

Bǎbǎkǎlè dǒ sî sǎphlǒkûnu, sî kè̌ sǎkhěkhû̌khwè lû̌û, sî mô̤ǐlò̤ tûû̌ sînǎ̤ dě sî kè̌dû̌lò̤ǐ tû̌ sînǎ̤ tokhlǒ kè̌ ô̌ hî̌nu, hî̌bǎ htû̌sò̌ tûû̌ tǎ̤ sînǎ̤ kû̌ sî ô̌ kû̌ ta̤sî̌khû̌sî̌ya pô̤̌nu tǎ̤mǎ̤, dě ma̤takǎshǔ tǎ̤ ta̤tě̤ta̤mè̤̌nu tǎ̤mǎ̤.

Jǎgomo̤ 5:9

Pṳ̌wè̤̌ sî꤮, pô̤̌khô sî gǔ khòbǎ ta̤cî̌htò̌ tô̤̌nu, tûmṳ̂̌ta̤ma̤ tǎ̤ lû̌û tôpwa̤ kû̌ tôpwa̤ tǎ̤mǎ̤. Pwa̤cî̌htò̌ ta̤ tôpwa̤ hè ô̌ tǒ̤ phǔtinǐ̤ dǒ takha kòshî̌ hǒ.

Petru awǐlǒ tabǎ 3:11

A tôbǎ htû̌tiwǐkhô̌kè anǎ̤ kû̌ ta̤phû̌mò̤̌shǐhtô dě a tôbǎ ma̤ta̤ dǒ awô̌ tokhlǒ. A tôbǎ jî̌pwǐ̤jî̌li̤ jî̌pwǐ̤ ô̌pè̤̌ô̌dû sělě kû̌ kòyò.

Petru awǐlǒ tabǎ 4:9

Kaǎmô̤shǔ lô̌khô shǐpwǎ̤shǐmè̤ dǒ sîhǐphò dǒkû nî̌꤮, tûmṳ̂̌ta̤ma̤ tǎ̤ lô̌khô mǎ̤ nî̌꤮.

Yṳ̌da 1:16

Kòyò hǒtokhlǒ numî̌ kòyò dǒ a tûmṳ̂̌ta̤ma̤ shû̌ dě a bè̌pwǎ ta̤sǔ dǒ kò alô̤ pṳ̂̌taplǎ. Asî gû̌ma̤ tûû̌ anǎ̤glǒ a ta̤sǎyṳsǎbǎ phû̌mò̤̌ nutokhlǒ akò pwǎ. Asî hî̌bǎ htû̌sò̌ ǐtû̌ lô̌khô anǎ̤, kǎtô̤̌ pô̤̌khô asî gǔ nǐ̤bǎ ta̤ dǒ a sǎyṳ nutokhlǒ dě, a hî̌bǎ htû̌sò̌htò̌ǐ lô̌khô kòyò.