Phǐlǐpǐ 2:12 - Kawyaw New Testament

¹² Pô̤̌nudě, sû̌khô sî bǎ he ô̌plǒ kû̌ sî akhanu, sî ganǎ̤de he yô̤̌, khònò̤̌ he ô̌yî̤ kû̌ sî akhû̌akhî, sî tôbǎ ganǎ̤de khlo pe heyô̤̌. Pô̤̌khô sî ma̤lǒhtò̌behtò̌ ta̤ma̤hǎplǎge sî ayanu, jî̌pwǐ̤ ma̤ lô̌khô ta̤ dǒ ta̤bè̌dubè̌nǎ̤ Cǒmara akû, dě ma̤ kû̌ ǐsha gònò̤̌gòglè anu nî̌꤮.

Kawyaw RC

¹² Hǐnudě, khobǒsû̌bǒmo̤ sî꤮ bǎ he ǒkû̌ tû̌ta sî akhanu, sî gana̤de he yo̤, khònò̤htǒo he ǒyî̤ ta sî akhû̌akhî, sî tobǎ gana̤dekhlope heyo̤. Ma̤pûhǐ sî ma̤lǒma̤behtò̌ ta̤ma̤lû̌htò̌ge sî ayanu, jipwi̤ ma̤ lǒkho ta̤ dě ta̤bè̌dubè̌na̤ Cǒmara akû, dě ma̤ yǎta ta̤ǐsha gònò̤gèglè anu nî̌꤮.

Phǐlǐpǐ 2:12 Iomraidhean Croise

Htû̌sò̌htò̌ 119:120

He ǐsha mî̌ca nalǎ̤ dě he gònò̤̌gòglè. He ǐsha mî̌ca na ta̤cî̌htò̌.

Htû̌sò̌htò̌ 2:11

Ǐshǔǐsha dě bè̌dubè̌nǎ̤ Cǒmara tûjû̌pwa̤, cabahtò̌ lô̌khô a. Yò̤lǎ̤plǎdî̌ sîsǎphlǒ dǒ ta̤gònò̤gòglè akû.

Matěo 11:12

Sahtò̌ bǎ jushi Khûyṳ̂ha ahtukha tǒ̤khònò̤̌nu, kòyò tokhlǒ nṳ̌ shějî̌shějû̌ mǒkhû̌ shilǎ̤gǎkû. Kòyòkhu kòyòhe tokhlǒ jî̌pwǐ̤ nṳ̌phǐsigwǐ mǒkhû̌ shilǎ̤gǎkû.

Matěo 11:29

Ò̌ lô̌khô he ta̤ò̌ dě sû̌ǐ ta̤ dǒ heô̌, ma̤titè̌hî̌dě he sǎphlǒ sǎdôhôbî̌ dě he shò̌lò̤ he sǎphlǒ akhû̌akhî, na gǔ kè̌shǐ na sǎphlǒ a lǎ̤ô̌kǔ pě.

Pwa̤nophû̌ 16:29

Pwa̤ô̌pǒ̤ apô̤ ikǒdû̌ nophî̌hè kòyò mî̌tè̌ko dě a khlè̌nṳ̌ dô̌gînî̤lò̤ gònò̤̌gèglè dǒ Khûpò̌lǔ kû̌ Khûshǐla a khò̌lôpô̤̌ kòshî̌.

Pwa̤nophû̌ 9:6

Bǎbǎkǎlè ihtǒmò̌ dě cû̌nṳ̌ dǒ wî̤̌kûnu. Na tô ma̤kwè̌ hî̌tènu, kòyò gǔ shôbǐǐ tûû̌ na pě.”

Rṳ̂̌me̤ 2:7

Kòyò dǒ ama̤ hènè ta̤wô̌ dě a kè̌lǎ Cǒmara ǐ ta̤bwǐdû̌sîrîhtû, ta̤bè̌dubè̌nǎ̤ kû̌ ta̤htûpwa̤ dǒ asijò tô̤̌ tokhlǒnu Cǒmara ǐ yôla htûpwa̤ tûjû̌pwa̤ pě.

Kôritu awǐlǒ tôbǎ 15:58

Pô̤̌nudě, he khô sî, khònò̤̌dě ihtǒ tònòwô̌ lô̌khô dě ô̌měô̌gle lô̌khô dǒ sî ta̤yṳ̌ akûnu nî̌. Ma̤ shû̌shû̌ lô̌khô Cǒmara ata̤ma̤ pṳ̂̌꤮ taplǎ nî̌꤮, ma̤titèhî̌dě sî ma̤ Běcǎ ata̤ma̤nu a tônô̤ nô̌ sîya tô̤̌.

Kôritu awǐlǒ tôbǎ 2:3

Bǎ he hè dǒ sî ô̌ bǎnu tôplǎ akhanu, he sî̌ganǎ̤ ǐtûû̌ he ta̤khû̌shiǎjǎ dě he ǐsha gònò̤̌gòglè.

Kôritu awǐlǒ tôbǎ 4:14

He sǎyṳ nosòwò̤̌ sî dě he wě̤ cû̌ bǎ sî lî̤nu mè̤̌bǎtô̤̌. He mô̤nṳ̌ sî pô̤̌ hephû̌ kû̌ henǎ̤ dě he sû̌ǐtòwòǐ cû̌ sî pwǎ.

Kôritu ginǐ̤bǎ tôbǎ 7:15

Pô̤̌nudě, bǎ a gènè̤ to̤ǐbǎ sô̌ sî ô̌ tîwî̌tòwò nǎ sînǎ̤ kû̌ sî ganǎ̤de a ta̤sû̌ǐtòwòǐ htokhôtô̤̌ sî kaǎmô̤shǔ lû̌û kû̌ ta̤ǐsha, gònò̤̌gòglè akhanu, a lî̤̌ mô̤ sî hǒ.

Ěphěsu 6:5

Jû̌ sî, ganǎ̤de lô̌khô sî hǎkhû̌nǎ̤khû̌ běcǎ nutokhlǒ ayô̤̌ nî̌꤮. Ǐsha asî dě bè̌dubè̌nǎ̤ asî nî̌꤮. Pô̤̌ sî ganǎ̤de Khrǐ ayô̤̌nu, ganǎ̤de lǒ̤sǔlǒ̤sò̌ asîyô̤̌ nî̌꤮.

Phǐlǐpǐ 1:27

A htûhtò̌ hî̌tè bǎbǎ, sî tô ô̌htûpwa̤ lô̌khô pô̤̌ Khrǐ a ta̤sǎlě̤we̤kè shôbǐǐ bǎ sînu nî̌꤮. Sî kè̌ ma̤pô̤̌nu hî̌dě he hèkè̌shǐ sî bǎbǎ, he ô̌tepheyî̤ kû̌ sî dě he ganǎ̤de pwǎ sîwe̤sîkè bǎbǎ, he sî̌ganǎ̤ kû̌ sî sǎphlǒ icu lû̌û dě sî ihtǒ tònò shěshu lû̌û dǒ ta̤sǎlě̤we̤kè a ta̤yṳ̌ta̤nǎ̤ ayahǒ. Htokhôtô̤̌ sî ǐsha pe kòyò dǒ a sǎkhěkhû̌khwè sî nutokhlǒ alǎ̤ tô̤̌. Sî kè̌ ma̤pô̤̌nu hî̌dě sî khòlṳ̌ hto asî kû̌ Cǒmara ma̤pî̌kè asî pě, dě Cǒmara gǔ ma̤hǎplǎge sî kû̌ anǎ̤ pě.

Phǐlǐpǐ 1:29

Ma̤titèhî̌dě, Cǒmara ǐ pwǎtǒ̤ sî ta̤ǐshowî̤ dǒ sî yṳ̌ǎ Khrǐnu mè̤̌tô̤̌, a sǎphlǒô̌ kû̌ sî khòlṳ̌ ta̤ma̤jî̌ma̤jû̌ dǒ Khrǐ ayaya.

Phǐlǐpǐ 1:5

Ma̤titèhî̌dě, he ma̤ ta̤sǎlě̤we̤kènu, sî gû̌ma̤ kû̌ he dǒ asakhû̌lû̌kha tǒ̤dǒ khònò̤̌ hǒ.

Phǐlǐpǐ 1:6

Cǒmara dǒ a sahtò̌ htû̌lè̌ tèplè̌ wô̌ge hto sî sǎphlǒ tôpwa̤nu, he yṳ̌ǎ tě̤tě̤mè̤̌mè̤̌ kû̌ a ma̤wô̌ hènè tǒ̤dǒ Yeshǔkhrǐ alṳmṳ̌ni̤ hètǒ̤ nupě tôplǎ pě.

Phǐlǐpǐ 2:19

Pô̤̌khô he gǔ sî̌ganǎ̤ sîwe̤sîkè dě a ǐkhû̌ǐǎ ma̤mô̤htò̌ pô̤̌ he sǎphlǒ pě ayanu, a kè̌ tô Běcǎ Yeshǔ asǎphlǒ hî̌dě he nohè phwè bǎ sî Khûtîmôte dǒ sî ô̌ pě dě a ge shôbǐǐlṳ̌ bǎ he pě.

Phǐlǐpǐ 4:1

Pô̤̌nu akhû̌akhî, he pṳ̌wè̤̌ sî, sî mî̌ kòyò dǒ he mô̤ǐ tokhlǒ dě he nǎsǔǐ jî̌ tokhlǒ, sî mî̌ pwa̤ dǒ a ma̤ sǎlě̤sǎlò̤ jî̌ he dě he phǐhtò̌gôjô mî̌ca henǎ̤ kû̌ sîkhû̌khî. Khôbǒsû̌ sî hǒnumî̌ amè̤̌kû̌ sî tô ô̌měô̌gle lô̌khô dǒ Běcǎ akû hî̌tènu hǒ.

Phǐlǐpǐ 4:15

Wî̤̌phǐlǐpǐphû̌ sî꤮. Bǎ he cû̌ shôbǐǐlṳ̌ bǎ sî ta̤sǎlě̤we̤kè dě he hǎhtò̌cû̌kè dǒ Mèsidûnǐ̤ya gǎkû akhanu, pwa̤ dǒ a ma̤jè̌ he kû̌ ru numî̌ tǒ̤pwǎ sî ta̤dòkû nutôprṳ̂ pwǎ numî̌ sî sî̌ganǎ̤ tě̤tě̤mè̤̌mè̤̌ bò hǒ.

Tîsalònǐ awǐlǒ tôbǎ 1:3

Dǒ sî ta̤yṳ̌ta̤nǎ̤ akhû̌akhî, sî ma̤ htûhtò̌, dǒ sî ta̤mô̤ǐ kòyò akhû̌akhî, sî gû̌ma̤ ta̤, dě dǒ sî ô̌ kû̌ ta̤kè̌shuǐ dǒ pa Běcǎ Yeshǔ Khrǐ alô̤ akhû̌akhî, sî khòsǎdôbò̌ ta̤ma̤jî̌ma̤jû̌ sî tokhlǒ. Bǎ pa kwicaba dǒ papha Cǒmara ô̌ akhanu, lǒ̤bò sî ma̤ta̤ tokhlǒnu, pa shôpe̤nǎ pè̤̌pe tô̤̌.

Tîmôte ginǐ̤bǎ tôbǎ 2:10

Pô̤̌nudě pô̤̌khô kòyò dǒ Cǒmara rû̌htò̌ lû̌û tokhlǒ gǔ nǐ̤bǎ ta̤phǔgekhò̌ge kû̌ ta̤bwǐdû̌sîrîhtû tûjû̌pwa̤ dǒ Yeshǔ Khrǐ akûnu dě, he sǎphlǒhtû bǎ asî pwǎ.

Hebrǔ 12:1

Pô̤̌nudě, kòyò dǒ a dǔlè̌lṳ̌ bǎ pa kû̌ a ta̤yṳ̌ta̤nǎ̤ tokhlǒnu, a ô̌ te̤we̤plṳ̂te̤we̤phǎ kû̌ pa. Pô̤̌nu akhû̌akhî, pa wîkè ta̤pṳ̂̌꤮ tocǒ dǒ a ma̤ dǐdò tě̤tṳ pa tokhlǒ kû̌ ta̤sǔ dǒ a ma̤ topho lòkhǔkè pa hǒtokhlǒ tǎ꤮! Dě pa kè̌wô̤̌wô̤̌ lû̌û kòyò ǐ pa ta̤bò̌htò̌htǔ dǒ palô̤mô̤̌nu dě pa gǔ sǎphlǒhtû khlè̌hètǒ̤ dǒ a ô̌nu tǎ꤮.

Hebrǔ 4:1

Cǒmara olò̤ pe pa tǒ̤lò̤khònò̤̌ kû̌ pa nṳ̌bǎ dǒ lǎ̤ô̌kǔ agûlǎ̤nu pě. Pô̤̌khô sî pṳ̂̌꤮ tôpwa̤ gǔ nṳ̌bǎ dǒ lǎ̤ô̌kǔ dǒ Cǒmara olò̤ ayanu, pa bè̌sè̌rè̌ lô̌khô panǎ̤.

Hebrǔ 4:11

Pa phiphu dǒ꤮ awǐnu tokhlǒnu, a ganǎ̤dekû̌ Cǒmara ayô̤̌ tô̤̌ akhû̌akhî, a nṳ̌bǎ kû̌ kòyò dǒ Cǒmara lǎ̤ô̌kǔ agûlǎ̤nu tô̤̌. Pô̤̌khô pa gǔ gû̌kè̌lû̌mò̌mṳ kû̌ paphipaphu tôpwǎ̤ tǎ̤mǎ̤, htokhôtô̤̌ pô̤̌khô pa nṳ̌bǎ gû̌ kòyò dǒ lǎ̤ô̌kǔ agûlǎ̤ ayanu, pa tôpwa̤ kû̌ tôpwa̤ gǔ jî̌pwǐ̤wô̌ gutṳ̌ wô̤̌wô̤̌ lû̌û tǎ꤮.

Hebrǔ 5:9

Bǎ Khrǐ ganǎ̤de htobò Cǒmara ayô̤̌ pṳ̂̌꤮ tocǒ akhanu, a htûhtò̌ bǎbò kòyò dǒ a ganǎ̤de lû̌yô̤̌ nutokhlǒ a ta̤ma̤hǎplǎge ajû̌jû̌ apwa̤pwa̤ a kòshî̌gutṳ̌ hǒ.

Petru awǐlǒ tabǎ 2:11

He khô sî꤮, dǒ hǎkhû̌nu sî mî̌ asô̌sô̌kû̌ kòyò cû̌htû shilǎ̤gǎkhlophû̌ kû̌ shǐpwǎ̤shǐmè̤ tokhlǒ pwǎ. He kwisǎyṳ sî kû̌ sî gǔ cû̌ tephekè lô̌khô kû̌ sî nǎ̤glǒ a ta̤sǎyṳsǎbǎ phû̌mò̤̌ dǒ ashěapě̤ sǎla̤la̤ ǐ sî sǎphlǒ nutokhlǒ nî̌꤮.

Petru ginǐ̤bǎ tabǎ 3:18

Mè̤̌mè̤tôkhônu, dû̌htò̌ hèsělě pô̤̌ lô̌khô dǒ ta̤bwǐta̤sîrî akû kû̌ dǒ ta̤sî̌ya pwa̤ dǒ a ma̤hǎplǎge pa Běcǎ Yeshǔ Khrǐnu akû nî̌꤮. Khònò̤̌ hèsělěnu, kòyò htû̌sò̌htò̌ pû pa Běcǎ Yeshǔ Khrǐ tûjû̌pwa̤ talakhǎ nî̌꤮. Ame̤.