Phǐlǐpǐ 2:10 - Kawyaw New Testament

^10-11 Bǎ kòyò kaǎhtò̌ Yeshǔ ami̤ pěnu ta̤bô̌lò̤ lǒ̤bò dǒ a ô̌ dǒ mǒkhû̌ sînu bǎbǎ, dǒ hǎkhû̌ sînu bǎbǎ, dǒ lṳ̌gǎnǎdo sînu bǎbǎ, pô̤̌khô kòyò pṳ̂̌꤮ tôpwa̤ gǔ hè dô̌gînî̤lò̤ bè̌dubè̌nǎ̤bò lô̌khô dǒ Yeshǔ alô̤mô̤̌ pě. Htokhôtô̤̌ pô̤̌khô kòyò pṳ̂̌꤮ tôpwa̤ gǔ olò̤bò lô̌khô kû̌ Yeshǔ Khrǐ mî̌ Běcǎ tôpwa̤ pě htokhôtô̤̌ pô̤̌khô asî ma̤bwǐdû̌ ma̤sîrîhtû lô̌khô pha Cǒmara kû̌ asî ta̤olò̤ pô̤̌nu pě ayanudě, Cǒmara bè̌dû̌bè̌htû tûû̌ Yeshǔ pô̤̌nu hǒ.

Kawyaw RC

^10-11 Bǎ kò kaǎhtò̌ Ye̤shǔ ami̤ pěnu ta̤bǒlò̤ lǒ̤꤮ bò htě a ǒ dě mǒkhû̌ toǒnu bǎbǎ, dě hǎkhû̌ toǒnu bǎbǎ, dě lṳnǎkhwǎ ado toǒnu bǎbǎ, ma̤pûhǐ kòyò pṳ̂̌꤮ tapwa̤ hè gene̤lò̤ bè̌dubè̌na̤bò lǒkho dě Ye̤shǔ alo̤mo̤ pě. Htohǒtò̤ ma̤pûhǐ kòyò pṳ̂̌꤮ tapwa̤ olò̤bò lǒkho ta Ye̤shǔkhrî̌stu mî̌ Běcǎ tapwa̤ pě ta ma̤pûhǐ asî ma̤sîrîdû̌sîrîhtû lǒkho pha Cǒmara ta asî ata̤olò̤ hǐnu pě ayanudě, Cǒmara bè̌dû̌bè̌htû tû̌ Ye̤shǔ hǐnu hǒ.

Phǐlǐpǐ 2:10 Iomraidhean Croise

Mǒhtûlû̌hǎhtûsa 41:43

Khwǐ no htò̌dò̌ Khûyṳ̂tǎ tîsî̌lô̤ dǒ adò̌ǐ anô̌kònu ginǐ̤khû̌tôkhû̌ dě kòyò kaǎgǔhtò̌cû̌ dǒ lû̌lô̤mô̤̌ kû̌, “Dô̌gînî̤lò̤ lô̌khô!” Khwǐ no hǎhtò̌pǒǐ bòkè lû̌û kû̌ Ijî̌gǎ tôgǎ hǒ.

Htû̌sò̌htò̌ 95:6

Hèmò̌, hèdô̌gînî̤ û̌lò̤mò̤̌, cabahtò̌mò̌ a. Pa dô̌gînî̤lò̤ dǒ Cǒmara tûjû̌pwa̤, dǒ a bô̌lò̤ pa hǒtôpwa̤ alô̤mô̤̌ tǎ.

Matěo 12:40

Ma̤titèhî̌dě, pô̤̌ Khûyṳ̂nǎ ô̌ dǒ tò̤̌phû̌ pǎdû̌ hǐphukû suni̤susanu, Kòyòphû̌khû mî̌ he a gǔ ô̌ dǒ hǎlǎ̤ suni̤susa pě.

Matěo 27:29

Htodě asî hte te̤we̤ ta̤shî̌shô̌mṳ̌ sô̌sô̌kû̌ khû̌glû̌ nudě a glû̌htò̌ bǎ lû̌û dě asî hî̌ takǎ, ma̤lò̤wě̤lò̤sô jî̌jî̌ bò lû̌û. Asî no pṳ̂̌mě lû̌û nò̌htô̌ dǒ acǔtômû tôkhô dě asî dô̌gînî̤lò̤ dǒ alô̤mô̤̌ dě a hî̌ lò̤wě̤lò̤sô bò lû̌û kû̌, “Ǒ꤮ Yǔda akhwǐdû̌, ô̌htûpwa̤ lṳmṳ̌ni̤ dû̌htûpû nî̌꤮!”

Matěo 28:18

Dě Běcǎ Yeshǔ hè dǒ asî ô̌ dě a hî̌ asî kû̌, “Ta̤siwi̤sòwò̤ dǒ mǒkhû̌ bǎbǎ, dǒ hǎkhû̌nu bǎbǎ, kòyò ǐ bòkè kû̌ he hǒ.

Rṳ̂̌me̤ 11:4

Dě Cǒmara hî̌shěshu getîkhî lû̌û hî̌tè? Cǒmara hî̌shěshu lû̌û kû̌, “Na ô̌kè tû̌ tôpwa̤nô̤̌ mè̤̌bǎtô̤̌, he dǐô̌kè pe kòyò susô̌tirǐ. Kòyòyô̤ dǒ kòyò kaǎ kû̌ Balǎ nu, asî hǒtokhlǒ dô̌gînî̤ û̌lò̤ cabahtò̌ gû̌ kò tô̤̌.”

Ěphěsu 1:10

Htû̌꤮ shěkhǎ hètôhèbǎ pěnu, Cǒmara gǔ ma̤lǒhtò̌ ma̤behtò̌ a ta̤tîwî̌tòwò nǎ nutokhlǒ pě. Lǒ̤bò ta̤dǒ a ô̌ dǒ mǒkhû̌ nutokhlǒ bǎbǎ, lǒ̤bò a ô̌ dǒ hǎkhû̌ nutokhlǒ bǎbǎ, a gǔ ma̤plǒma̤cu bò lû̌û dǒ a ikǒlǒkòdû̌lǒ Khrǐ nutôpwa̤ alǎ̤ pě.

Ěphěsu 3:14

Dǒ ta̤we̤ta̤kènu akhû̌akhîdě, he dô̌gînî̤ kwicaba bǎ sî dǒ hepha a lô̤mô̤̌.

Ěphěsu 4:9

“A gehtò̌,” yô̤̌mûyô̤̌sǎ mî̌ mî̌titè? “A gehtò̌,” yô̤̌mûyô̤̌sǎ mî̌ a sǎyṳ̌ hî̌ kû̌ Khrǐ hèlò̤ hto dǒ hǎkhû̌ dǒ a yô̤̌lǒnu tôpwa̤ hǒ.

Hebrǔ 1:6

Bǎ Cǒmara nohèlò̤ aphû̌khû wè̤̌pwǎ̤ dǒ hǎkhû̌ akhanu, a hî̌ kû̌, “Cǒmara a tanaphû̌ lǒ̤꤮ bò bǎ cabahtò̌ phû̌khûnu,” a hî̌ pô̤̌nu.

Ta̤dǔlè̌nǎ 20:13

Htodě shidû̌shite̤we̤nu a ǐhtò̌kû̌ a kòyò si dǒ a ô̌ bǎ akûnu tokhlǒ. Ta̤si kû̌ lṳ̌gǎ tokhlǒnu, a ǐhtò̌ lô̌khô kòyòsi ô̌ dǒ asîkû nutokhlǒ. Dě kòyò cî̌htò̌ bò kòyò pṳ̂̌tôpwa̤ pô̤̌ asî ma̤hto ta̤nu.

Ta̤dǔlè̌nǎ 4:10

Mǒ̤khumǒ̤pwǎ̤ ginǐ̤shi kû̌ sò̌lǐ̤nu a dô̌gînî̤lò̤ dǒ pwa̤ hǎnòò̌ dǒ khwǐ a tòcòhta akhû̌ nutôpwa̤ lô̤mô̤̌ dě a cabahtò̌ kòyò dǒ a htûpwa̤ tûjû̌pwa̤nu tôpwa̤. Asî bè̌tě̤kè a khû̌glû̌hta nutokhlǒ dǒ khwǐ tòcòhta alô̤mô̤̌ dě a sǎwǐhtò̌ lô̌khô kû̌,

Ta̤dǔlè̌nǎ 5:3

Bǎbǎkǎlè dǒ mǒkhû̌ bǎbǎ, dǒ hǎkhû̌ bǎbǎ, dǒ lṳ̌gǎnu bǎbǎ, lî̤tûlûnu, kòyò gwǎ kû̌ ta̤ kèè̌mô yǎ tôpwǎ̤꤮ tô̤̌, kòyò dô̌ jò tôpwǎ̤꤮ tô̤̌.