Phǐlǐpǐ 2:1 - Kawyaw New Testament

¹ Sî ta̤ô̌htûpwa̤ dǒ Khrǐ akû numî̌, a nǐ̤khû̌nǐ̤ǎ sî ya? Ata̤mô̤ numî̌ a ma̤mô̤ sî sǎphlǒ ya? Sî bǒsû̌khǎkhô lô̌khô kû̌ Yôla Plò̌shǐ Běcǎ ya? Khrǐ tôpwa̤ numî̌ a ma̤wô̌ ǐ sî, a sǎyṳgwèbǎǐ ǐ sî ya?

Kawyaw RC

¹ Sî ta̤ǒhtûpwa̤ dě Khrî̌stu akû htǒonumî̌, a nî̤khû̌nî̤ǎ sî ya? Ata̤mo̤ǐ htǒonumî̌ a ma̤mo̤ sî sò̌phlǒ ya? Sî bǒsû̌khǎkho lǒkho ta Běcǎ sǎcahtǐ ya? Khrî̌stu htǒotapwa̤ numî̌ a ma̤wǒ sî, a gwèbǎǐ sî ya?

Phǐlǐpǐ 2:1 Iomraidhean Croise

Htû̌sò̌htò̌ 133:1

Pṳ̌wè̤khlilè sîtokhlǒ sǎphlǒtô kè̌khîlû̌û numî̌ awî̤awô̌, amô̤꤮ mî̌ca.

Lǔka 2:25

Bǎnuakha, dǒ Wî̤̌yarǔshôle akûnu kòyò ô̌ tôpwa̤, ami̤ kû̌ Phasumiû. A mî̌ pwa̤ bè̌dubè̌nǎ̤ Cǒmara tôpwa̤, kǎtô̤̌ Yôla Plò̌shǐ Běcǎ ô̌cu kû̌ a. A mî̌ kòyò dǒ a ô̌pǒ̤kè̌shǔǐ Cǒmara gǔ ma̤hǎplǎge Isôrělaphû̌ dǒ ta̤jî̌ta̤jû̌ akû tôpwa̤.

Jowǎ̤ni̤ 14:18

He bè̌ô̌khwè̌ sî tô̤̌. He gǔ hè sô̌ dǒ sîô̌ pě.

Jowǎ̤ni̤ 14:27

He bè̌kè bǎ sî sǎphlǒ a ta̤gûjû̌kabǎ hǒ. Dě he ǐ sî ta̤gûjû̌kabǎ hǒ. He ǐ sî numî̌ asô̌sô̌kû̌ kòyòhǎkhû̌phû̌ ǐ sî nutokhlǒ mè̤̌tô̤̌. Sǎphlǒgû̌gè̌ tǎ̤ lô̌khô tǎ̤mǎ̤. Ǐsha tǎ̤ lô̌khô tǎ̤mǎ̤mǎ̤.

Jowǎ̤ni̤ 17:13

“He hè dǒ naô̌ khònò̤̌ hǒ. Pô̤̌khô asî gǔ ô̌lǒô̌be kû̌ ta̤sǎlě̤sǎlò̤ ayanu, bǎ he ô̌pe bǎ hǎkhû̌ akhanu, he shôbǐǐlṳ̌ bǎ asî kû̌ ta̤nutokhlǒ hǒ.

Pwa̤nophû̌ 2:46

Asî cû̌ ô̌plǒ hî̌bǎkè̌khî lû̌û dǒ ta̤lṳhtò̌hô pṳ̂̌꤮ tôni̤ dě asî sǎphlǒshû̌ yṳ̂̌ǎyṳ̂̌ô lû̌û tôpwa̤ kû̌ tôpwa̤ dě sǎlě̤sǎlò̤ ǎwô̤̌wô̤̌ ôwô̤̌wô̤̌ dǒ asî ahǐphòdǒkû akû.

Pwa̤nophû̌ 4:32

Pwa̤ yṳ̌ǎnǎ̤ǎta̤ tokhlǒnu asî ô̌ lû̌û kû̌ sǎphlǒ tômè nô̤̌, ta̤gènè̤ tocǒ꤮ nô̤̌. Asî ta̤kî̌ta̤krû̌ tokhlǒnu asî dô̌kôǐ tûû̌ ata pwǎ ahî̌ tôpwǎ̤꤮ tô̤̌. Ta̤ dǒ a ô̌ kû̌ asî tokhlǒnu asî ǎwô̤̌wô̤̌ phî̌wô̤̌wô̤̌ kè̌khî lû̌û.

Rṳ̂̌me̤ 5:5

Bǎ pa kè̌shuǐ kû̌ Cǒmara gǔ ma̤ bǎ pa akhanu, pa sǎphlǒpî̌ tô̤̌, ma̤titèhî̌dě, bǎ Cǒmara ǐlò̤ pa Yôla Plò̌shǐ Běcǎ akhanu, a glǒlò̤ lò̌lò̤ hto bǎ pa a ta̤mô̤ǐ dǒ pa sǎphlǒkû hǒ.

Rṳ̂̌me̤ 8:26

Pô̤̌nudě, bǎ pa khû̌shiǎjǎ akhanu, Yôla Plò̌shǐ Běcǎ hè ma̤jè̌ pa. Pa tô kwicaba Cǒmara titènu pa sî̌ganǎ̤tô̤̌ bǎbǎkǎlè Yôla Plò̌shǐ Běcǎ kwisanǎ̤bǎ pa gûlǎ̤. Bǎ a kwibǎ paya akhanu, yô̤̌sǎ dǒ pa hî̌ htò̌lṳ̌ jòtô̤̌ tokhlǒnu a koo htò̌lṳ̌ bǎ pa dǒ Cǒmara ô̌.

Kôritu awǐlǒ tôbǎ 12:13

Pô̤̌nudě, dǒ pakla nu, tokhlǒkhlǒ mî̌ Yǔdaphû̌, tokhlǒkhlǒ mî̌ Yǔdaphû̌ mè̤̌tô̤̌, tokhlǒkhlǒ mî̌ jû̌, tokhlǒkhlǒ mî̌ kòyòpili̤phû̌. Bǎbǎkǎlè dǒ Yôla Plò̌shǐ Běcǎ nutôpwa̤ ô̌cupwǎ lû̌û akhû̌akhî, pa ju wô̤̌wô̤̌bò lû̌û shi dǒ Khrǐ anǎ̤glǒ tôpwa̤ nô̤̌ akû pwǎ. Pa nǐ̤bǎ sô̌sô̌bò lû̌û Yôla Plò̌shǐ Běcǎ tôpwa̤pwǎ̤꤮ nô̤̌ pwǎ.

Kôritu awǐlǒ tôbǎ 15:31

He khô sî꤮, he kè̌shǐbǎ kû̌ ta̤si pṳ̂̌꤮ tôni̤ dǒ sî yṳ̌ǎ Běcǎ Yeshǔ Khrǐ akhû̌akhî, sî ma̤sǎlě̤ he numî̌ Cǒmara sî̌ganǎ̤ pwǎ. Htokhôtô̤̌, he khòbǎ jî̌ ta̤jî̌ta̤jû̌ numî̌ Cǒmara sî̌ganǎ̤ gû̌ pwǎ.

Kôritu awǐlǒ tôbǎ 3:16

Sî mî̌ Cǒmara a ta̤lṳhtò̌hô dě Cǒmara a Yôla Plò̌shǐ dǒ a ô̌ dǒ Cǒmara a ô̌ tôpwa̤ hènṳ̌ ô̌htûpwa̤ bǎ sîkû numî̌ sî sî̌ganǎ̤ bǎtô̤̌ ya?

Kôritu ginǐ̤bǎ tôbǎ 13:14

Pa Běcǎ Yeshǔ Khrǐ abwǐsîrî, pha Cǒmara ata̤mô̤ǐ kû̌ Yôla Plò̌shǐ Běcǎ a ta̤bǒshû̌khǎkhô nî̌ a gǔ ô̌ pû kû̌ sî pṳ̂̌꤮ tôpwa̤ nî̌꤮.

Kôritu ginǐ̤bǎ tôbǎ 2:14

Bǎbǎkǎlè, he hî̌bwǐhî̌sîrî htû̌sò̌htò̌ ta̤ dǒ Cǒmara ma̤ bǎ hǒ pa hǒtokhlǒ, ma̤titèhî̌dě dǒ pa lî̤̌ htûhtò̌kè ta̤tôcǒ kû̌ Khrǐ akhû̌akhî, Cǒmara cû̌ wǐ dǒ palô̤mô̤̌ dě pa gû̌cû̌kû̌ lû̌û dǒ wǎ̤tě̤khlo dǒ asô̌sô̌kû̌ kòyò dǒtě̤ Khrǐ a kòyò dǒ apô̤kû nutokhlǒ hǒ. Cǒmara dǔlè̌lṳ̌ hǒ pa kû̌ kòyò pṳ̂̌꤮ tôpwa̤ hǒ. Cǒmara notutṳ̌ hǒ pa dǒ pa gǔ lǎ̤ǐsî̌ganǎ̤ bǎ kòyò kû̌ Khrǐ awe̤akè dǒ asô̌sô̌kû̌ ta̤numò̤̌nushunu pṳ̂̌꤮ tûkû hǒ.

Galatǐ 4:6

Sî htûhto Cǒmara aphû̌ali̤ tokhlǒ akhû̌akhî, dǒ pa sǎphlǒkûnu, Cǒmara shû̌nṳ̌ aphû̌khû a Yôla Plò̌shǐ dǒ a yî̤̌kǒhtò̌ kû̌, “Abǎ, pha” pô̤̌nu mî̌ anǐ̤ hǒ.

Galatǐ 5:22

Bǎbǎkǎlè Yôla Plò̌shǐ Běcǎ numî̌ a dǐô̌htò̌ ta̤mô̤, ta̤sǎlě̤sǎlò̤, ta̤pè̤̌ta̤dû, ta̤khòsǎdô, ta̤sǎyṳgwèbǎǐ, ta̤wî̤ta̤wô̌, ta̤jûlě̤phî̌yô̤̌,

Ěphěsu 4:4

Pa nutokhlǒ mî̌ panǎ̤glǒ ô̌cu lû̌û tôpwa̤꤮ nô̤̌ pwǎ, pa nǐ̤bǎcu wô̤̌wô̤̌ lû̌û Yôla Plò̌shǐ Běcǎ tôpwa̤꤮ nô̤̌ pwǎ. Pô̤̌nudě, bǎ Cǒmara kaǎ pa akhanu, a olò̤ kû̌ a gǔ ǐ pa ta̤wô̌nu dǒ nô̌kò pě. Pô̤̌nudě pa lǒ̤bò kè̌shuǐ wô̤̌wô̤̌ lû̌û ta̤nu tôcǒ꤮ nô̤̌ pwǎ.

Phǐlǐpǐ 1:8

He nǎsǔ kè̌shǐ mî̌ca sî dě he mô̤ǐ sî pṳ̂̌ tôpwa̤ kû̌ ta̤mô̤ dǒ Yeshǔkhrǐ ǐ he numî̌ Cǒmara sî̌ganǎ̤ pwǎ.

Phǐlǐpǐ 3:3

Pa mî̌ Cǒmara a kòyò mè̤̌mî̌ca tokhlǒ hǒ, asî nutokhlǒ mî̌ a mè̤̌mî̌ca mè̤̌tô̤̌, ma̤titèhî̌dě dǒ Cǒmara a Yôla Plò̌shǐ akhû̌akhî, pa cubucabahtò̌ hǒ Cǒmara dě pa hî̌bǎhtû̌sò̌ǐ ta̤dǒ Yeshǔ Khrǐ ma̤ bǎ hto pa tokhlǒ nuhǒ. Pô̤̌khô pa nǐ̤bǎ ta̤ma̤hǎplǎge ayanu, pa tô nǎla̤ǐ ta̤dǒ pa ma̤ a nutokhlǒ tô̤̌.

Kòlòtè̌ 2:2

Pô̤̌khô he gǔ ǐkhû̌ǐǎ asî dě he ma̤pô̤̌nu pwǎ. Pô̤̌khô asî sǎphlǒ gǔ ijò kè̌khî lû̌û tôpwa̤ kû̌ tôpwa̤ dǒ ta̤mô̤ akû, htokhôtô̤̌ pô̤̌khô asî gǔ nǐ̤bǎ bòmǔtegle tě̤tě̤mè̤̌mè̤̌ ta̤sî̌ya, pô̤̌nudě asî sî̌yaphlôphǎ Cǒmara ata̤bè̌ ô̌hǔô̌sè̌ Khrǐ nudě he jî̌pwǐ̤ ma̤ lǒ̤sû̌lǒ̤sò̌ pô̤̌nu pwǎ.

Kòlòtè̌ 3:12

Sî mî̌ Cǒmara a kòyò dǒ a mṳ̂̌plî dě a mô̤ǐ tokhlǒ, dě a rû̌htò̌ tû̌ sî hǒ. Pô̤̌nudě kûsô̌htò̌ lô̌khô ta̤sǎyṳgwèbǎǐ, ta̤ma̤wô̤̌ta̤, ta̤shò̌lò̤ sǎphlǒ, ta̤sǎdôhôbî̌ kû̌ ta̤khòsǎdô sînu tokhlǒ nî̌꤮.

Hebrǔ 6:18

Pô̤̌nudě Cǒmara ǐ bòkè pa a ta̤olò̤ kû̌ a ta̤wṳ̂̌dòlò̤ ayô̤̌ ginǐ̤cǒbò hǒ. Cǒmara lòhôjòtô̤̌ akhû̌akhî, ginǐ̤cǒnu a htû̌lè̌ tèplè̌ khô̌jò tô̤̌tô̤̌. Pa dǒ a khlè̌ tûdûbǐ dǒ Cǒmara a ô̌ tokhlǒnu, dǒ Cǒmara htû̌lè̌ tèplè̌ khô̌jò pe a ta̤olò̤ tô̤̌ akhû̌akhî, pa sǎphlǒmô̤ sǎphlǒshû̌htò̌ mî̌ca. Dǒ pa sǎphlǒmô̤ sǎphlǒshû̌ akhû̌akhî, ta̤kè̌shuǐ dǒ Cǒmara ǐ panu, pa pṳ̂̌mě hènè sělě dǒ agutṳ̌ hǒ.

Petru awǐlǒ tabǎ 1:2

Pha Cǒmara rû̌htò̌ sî pô̤̌ a ta̤yè̤lò̤nǎnu dě Yôla Plò̌shǐ Běcǎ ma̤plò̌shǐhtò̌ sî, pô̤̌khô sî gǔ ganǎ̤de Yeshǔ Khrǐ ayô̤̌ dě dǒ asǐ akhû̌akhî, a gǔ ma̤mṳ̂̌plî bǎ sî. Cǒmara ta̤bwǐta̤sîrî kû̌ sǎphlǒ ta̤gûjû̌kabǎ gǔ ô̌lǒô̌be pû kû̌ sî nî̌꤮.

Yṳ̂ha awǐlǒ tôbǎ 3:24

Kòyò dǒ a jûlě̤phî̌yô̤̌ Cǒmara ta̤mǎlò̤ hǒtokhlǒ numî̌ a ô̌měô̌gle dǒ Cǒmara akû hǒ, dě Cǒmara ô̌měô̌gle kû̌ dǒ asî akû hǒ. Cǒmara ǐ htohǒ pa Yôla Plò̌shǐ Běcǎ akhû̌akhî, a dǐsî̌ganǎ̤ htohǒ pa kû̌ a ô̌měô̌gle dǒ pakû hǒ.

Yṳ̂ha awǐlǒ tôbǎ 4:12

Kòyò kè̌shǐbǎnô̌ Cǒmara tôpwa̤ tô̤̌. Pa kè̌ mô̤ǐtû̌ lû̌û tôpwa̤ kû̌ tôpwa̤ hǒnumî̌, Cǒmara ô̌měô̌gle hǒ dǒ pakû dě ata̤mô̤ ô̌lǒô̌be hǒ dǒ pakû hǒ.

Yṳ̂ha awǐlǒ tôbǎ 4:16

Pô̤̌nu akhû̌akhî, pa sanǎ̤tû̌ pa sî̌yahtohǒ, dě pa yṳ̌ǎhǒ kû̌ Cǒmara mô̤ǐ pa. Cǒmara mî̌ ta̤mô̤. Mò̌pè꤮ tôpwa̤ bǎbǎ dǒ a ô̌měô̌gle dǒ ta̤mô̤ akûnu, a ô̌měô̌gle hǒ dǒ Cǒmara akû dě Cǒmara ô̌měô̌gle hǒ dǒ lû̌kû hǒ.