Phǐlǐpǐ 1:9 - Kawyaw New Testament

⁹ Pô̤̌khô sî ta̤mô̤ǐ kè̌khî lû̌û tôpwa̤ kû̌ tôpwa̤nu, sǔ sǔ a gǔ shû̌htò̌, htokhôtô̤̌ pô̤̌khô sî gǔ sî̌ganǎ̤hè sǔ sǔ adû̌htò̌ pô̤̌ lô̌khô htokhôtô̤̌ pô̤̌khô sî gǔ sî̌ganǎ̤ bè̌khô̌bè̌yò lô̌khô ta̤ dǒ asǔ kû̌ atô tokhlǒ ayanudě, he kwicaba bǎ sîya pwǎ.

Kawyaw RC

⁹ Ma̤pûhǐ sî mo̤ǐ nû̌û tapwa̤ ta tapwa̤ htǒo, sǔ a bǎ shohtò̌, htohǒtò̤ ma̤pûhǐ sǔ sî bǎ sî̌yahè dû̌htò̌po̤ lǒkho htohǒtò̤ ma̤pûhǐ sî sî̌ya mèpa̤jò lǒkho ta̤ htě asǔ ta ato toǒ ayanudě, he kwisabapwǎ bǎ sîya.

Phǐlǐpǐ 1:9 Iomraidhean Croise

Htû̌sò̌htò̌ 119:66

He yṳ̌ǎnṳ̌ na ta̤mǎlò̤ akhû̌akhî, sû̌ǐtòwòǐ bǎ he ta̤sî̌khû̌sî̌ya kû̌ ta̤sî̌ta̤jò̌ dǒ awô̌.

Kôritu awǐlǒ tôbǎ 14:20

He khô sî, gènè̤ lô̌khô tǎ̤ pô̤̌ phijǎphû̌ tokhlǒ gènè̤nu tǎ̤mǎ̤. Bǎbǎkǎlè tǒ̤ ta̤phû̌mò̤̌shǐhtô tôcǒnu htûhtò̌ sô̌sô̌ pô̤̌ phijǎphû̌ ô̌sa dǒ asî̌ganǎ̤ ta̤phû̌mò̤̌shǐhtô tô̤̌ nutokhlǒnî̌. Bǎbǎkǎlè ta̤ dǒ he wě̤ bǎ sî tokhlǒnu, gènè̤ lô̌khô pô̤̌ kòyò dû̌to̤yobǎ tôpwa̤ a ta̤gènè̤nu.

Kôritu ginǐ̤bǎ tôbǎ 8:7

Sî lǒbe kû̌ ta̤pṳ̂̌꤮ tocǒ. Sî ta̤yṳ̌ta̤nǎ̤ mî̌ ashû̌, sî hî̌bǎjò hî̌bǎnǐ̤, sî lǒbe kû̌ ta̤sî̌ta̤jò̌, sî sǎphlǒshû̌ ma̤jè̌ kòyò, htokhôtô̤̌ sî mô̤wô̌ pa. Pô̤̌nu akhû̌akhî, pa sǎyṳ pô̤̌ dǒ sî gǔ lǒbe kû̌ ta̤sǎphlǒshû̌ ma̤jè̌ kòyò tokhlǒ.

Ěphěsu 5:17

Pô̤̌nudě ô̌ pè̌sho lô̌khô tǎ̤mǎ̤ nî̌꤮. Běcǎ sǎphlǒô̌ kwè̌꤮ hî̌tènu kè̌lǎ sî̌ya lô̌khô nî̌꤮.

Kòlòtè̌ 1:9

Pô̤̌nudě, sahtò̌ bǎ pa ganǎ̤debǎ sîwe̤sîkènu tôni̤nu, pa no dǐô̌kǔkè pa ta̤kwicaba dǒ sîya tôkhò̌꤮ tô̤̌. Pa kwicaba Cǒmara dǒ a gǔ ǐlò̤ lǒlǒbebebò sî ta̤sî̌ta̤jò̌ dǒsû̌dǒsò̌ tôkhô kû̌ ta̤sî̌khû̌sî̌ya dǒsû̌dǒsò̌ tôkhô dě dǒ nutokhlǒ akhû̌akhî, pa kwicaba Cǒmara kû̌ a gǔ dǐsî̌ganǎ̤ lǒlǒbebe bǎ sî kû̌ sî gǔ ma̤ta̤ pô̤̌ atô lû̌sǎphlǒ nutokhlǒ.

Kòlòtè̌ 3:10

Dě sî kûsô̌htò̌hǒ ta̤ô̌htûpwa̤ asa dǒ Cǒmara bô̌tèplè̌sa nuhǒ. Pô̤̌khô sî gǔ sî̌ganǎ̤ tě̤tě̤mè̤̌mè̤̌ ayanu, Cǒmara ma̤htûhtò̌ sô̌sô̌ hǒ kû̌ sî kû̌ anǎ̤ hǒ.

Tîsalònǐ awǐlǒ tôbǎ 3:12

Běcǎ gǔ ma̤dû̌htò̌ pû sî ta̤mô̤ǐ lû̌û dě, sî gǔ mô̤ lǒ̤sǔlǒ̤sò̌ kè̌khî lû̌û tôpwa̤ kû̌ tôpwa̤, htodě sî gǔ mô̤dû̌htò̌ pô̤̌ kòyò dǒ ashǔshawa̤ tokhlǒ sô̌sô̌kû̌ pa mô̤ǐ sînu nî̌꤮.

Tîsalònǐ awǐlǒ tôbǎ 4:1

Sapṳ̌wè̤̌ sî, dǒ nô̌kòlǒnu, sî bǎ ô̌htûpwa̤ tô kû̌ Cǒmara asǎphlǒ hî̌tènu, pa sû̌ǐ hto sî hǒ. Dě khònò̤̌ sî ô̌htûpwa̤ numî̌ amè̤̌hǒ. Khònò̤̌ pa kwisǎyṳ sî dě pa shò̌gû̌ sîkò dǒ Běcǎ Yeshǔ agûlǎ̤ kû̌, sî gǔ ma̤ dû̌htò̌htûhtò̌ sělě pô̤̌nu.

Tîsalònǐ ginǐ̤bǎ tôbǎ 1:3

Sapṳ̌wè̤̌ Khrǐphû̌ sî, pa gènè̤htò̌nṳ̌ bǎ sî bǎkhò̌tè꤮ bǎbǎnu, pa bǎ hî̌bwǐhî̌sîrî Cǒmara dǒ sîya pṳ̂̌꤮ taplǎ, ma̤titèhî̌dě sî ta̤yṳ̌ta̤nǎ̤ kû̌ sî ta̤mô̤ǐ lû̌û tôpwa̤ kû̌ tôpwa̤nu, sǔ sǔ adû̌htò̌ akhû̌akhî, pa tôbǎ hî̌bwǐhî̌sîrî hǒ.

Philemo 1:6

Pô̤̌khô na ta̤bǒsû̌khǎkhô kû̌ ta̤dòkûphû̌ dǒ ashǔshawa̤ tokhlǒ gǔ ma̤jè̌ tutṳ̌ na dǒ na gǔ sî̌ganǎ̤ lǒbebò ta̤wô̌ pṳ̂̌꤮ tôcǒ dǒ pa nǐ̤bǎ dǒ Khrǐ akû tokhlǒ ayanu, he kwicaba bǎ dǒ naya.

Hebrǔ 5:14

Bǎbǎkǎlè, shǎǎ a pwǐ̤ numî̌ kòyò dû̌to̤yobǎ sî̌ya dǒ a sû̌ǐ sî̌ganǎ̤hè bǎ hto anǎ̤ dǒ a gǔ běphò̌ sî̌ganǎ̤jò ta̤wô̌ kû̌ ta̤phû̌mò̤̌ nutokhlǒ aya pwǎ.

Petru awǐlǒ tabǎ 1:22

Khònò̤̌dě dǒ sî jûlě̤phî̌ Cǒmara a ta̤sû̌ǐ a ta̤tě̤ta̤mè̤̌ tokhlǒ akhû̌akhî, sî ma̤mṳ̂̌plî sî sǎphlǒ dě sî htû kòyò dǒ a mô̤nǐ̤ mè̤̌mî̌ca pṳ̌wè̤̌ Khrǐphû̌ nutokhlǒ hǒ. Ma̤pô̤̌nudě mô̤ lǒ̤sû̌lǒ̤sò̌ kè̌khî lû̌û tôpwa̤ kû̌ tôpwa̤ nî̌꤮.

Petru ginǐ̤bǎ tabǎ 3:18

Mè̤̌mè̤tôkhônu, dû̌htò̌ hèsělě pô̤̌ lô̌khô dǒ ta̤bwǐta̤sîrî akû kû̌ dǒ ta̤sî̌ya pwa̤ dǒ a ma̤hǎplǎge pa Běcǎ Yeshǔ Khrǐnu akû nî̌꤮. Khònò̤̌ hèsělěnu, kòyò htû̌sò̌htò̌ pû pa Běcǎ Yeshǔ Khrǐ tûjû̌pwa̤ talakhǎ nî̌꤮. Ame̤.