Phǐlǐpǐ 1:8 - Kawyaw New Testament

⁸ He nǎsǔ kè̌shǐ mî̌ca sî dě he mô̤ǐ sî pṳ̂̌ tôpwa̤ kû̌ ta̤mô̤ dǒ Yeshǔkhrǐ ǐ he numî̌ Cǒmara sî̌ganǎ̤ pwǎ.

Kawyaw RC

⁸ He nǎsǔ kè̌shǐ mè̤mè̤̌ sî dě he mo̤ǐ sî pṳ̂̌꤮ tapwa̤ ta ta̤mo̤ǐ htě Ye̤shǔkhrî̌stu ǐ he htǒonumî̌ Cǒmara sî̌ya pwǎ.

Phǐlǐpǐ 1:8 Iomraidhean Croise

Lǔka 1:78

Ma̤titèhî̌dě pa Cǒmara nu, a gwèbǎǐ mî̌ca kòyò dě a khòsǎdô. A nohèlò̤ kòyò ô̌ dǒ mǒkhû̌ tôpwa̤ gǔ hè ma̤hǎplǎge pa, pwa̤ma̤hǎplǎge pa hǒtôpwa̤ nî̌, a sô̌sô̌ kû̌ lṳmṳ̌lîhtò̌wô̌ dě aô̌dǒ mǒkhû̌ hè dǒ pa ô̌ pě.

Rṳ̂̌me̤ 1:9

Bǎ he kwicabahtò̌ Cǒmara akhanu, he gènè̤htò̌bǎ sî pṳ̂̌꤮ tôplǎ hǒ. He ma̤ mè̤̌mî̌ca pô̤̌o numî̌ Cǒmara sî̌ganǎ̤ pwǎ. He ma̤ lǒ̤sǔlǒ̤sò̌ bǎ a ta̤ma̤ kû̌ he ta̤shôbǐǐ bǎ aphû̌khû Běcǎ Yeshǔ Khrǐ a ta̤sǎlě̤we̤kè akhû̌akhî hǒ.

Rṳ̂̌me̤ 9:1

He kû̌ Khrǐ htûhtò̌ lû̌û tôcǒ nô̤̌ hǒ akhû̌akhî, he hî̌bǎcǒ hî̌bǎtè̤ pwǎ sî pwǎ. He lô̌ǐ bǎ sî tô̤̌. Yôla Plò̌shǐ Běcǎ pǒǐ sû̌ǐ he sǎphlǒ, dě he sǎphlǒ nî̌ a hî̌měhî̌gle kû̌ he ta̤hî̌bǎ numî̌ atô pwǎ.

Kôritu ginǐ̤bǎ tôbǎ 13:9

Pa kè̌ lǎ̤lṳ̂ sû̌ǐ wô̌ tîkhî sô̌ sî tô̤̌ hî̌nu, pa noǎjò pa ta̤siwi̤sòwò̤ tô̤̌, pô̤̌nudě kòyò gènè̤ lô̌khô pa kû̌ pa khû̌shiǎjǎ pwǎ bǎbǎkǎlè sî kè̌ ma̤ hènè pe ta̤sǔ tô̤̌ hî̌nu, sî htûhtò̌ kòyò dǒ a shû̌sho tokhlǒ hǒ akhû̌akhî pa sǎlě̤sǎlò̤ jî̌jî̌. Pa kwicaba bǎ sî kû̌ sî gǔ ô̌htûpwa̤ wô̌hè dǒ alô̤mô̤̌ tôkhô dě sî gǔ ma̤ pe lô̌khô ta̤sǔ tô̤̌, pô̤̌nu pwǎ.

Kôritu ginǐ̤bǎ tôbǎ 6:12

Pa mî̌ kòyò dǒ a phî̌ge tîkhî ata̤mô̤ tokhlǒ mè̤̌tô̤̌. Kòyò dǒ a phî̌ge tîkhî ata̤mô̤ tokhlǒ numî̌ sî hǒ.

Kôritu ginǐ̤bǎ tôbǎ 7:15

Pô̤̌nudě, bǎ a gènè̤ to̤ǐbǎ sô̌ sî ô̌ tîwî̌tòwò nǎ sînǎ̤ kû̌ sî ganǎ̤de a ta̤sû̌ǐtòwòǐ htokhôtô̤̌ sî kaǎmô̤shǔ lû̌û kû̌ ta̤ǐsha, gònò̤̌gòglè akhanu, a lî̤̌ mô̤ sî hǒ.

Galatǐ 1:20

Lǒ̤꤮ bò he wě̤ bǎ sî tokhlǒ numî̌ atô pwǎ. He lòhô bǎ tô̤̌ numî̌ Cǒmara sî̌ganǎ̤ pwǎ.

Galatǐ 3:26

Dǒ ta̤yṳ̌ta̤nǎ̤ akhû̌akhî, sî lǒ̤bò htûbò kû̌ Khrǐ ta̤tôcǒ nô̤̌ hǒ dě sî htûbò Cǒmara aphû̌ali̤ tokhlǒ hǒ.

Galatǐ 4:19

Hephû̌ dǒ he mô̤nṳ̌ sî꤮, he sǎphlǒshû̌ jî̌ dǒ sî dû̌htò̌pwǎ̤htò̌ sî̌ya kû̌ dǒsû̌dǒsò̌ tôkhô sô̌sô̌ kû̌ Khrǐnu. He ta̤sǎphlǒshû̌ nunî̌, a ǐgû̌ǐgè̌ jî̌ he sǎphlǒ. He sǎphlǒ agû̌agè̌nu, a sô̌sô̌ kû̌ mǒ̤ dǒ a glè̌ phû̌ô̌ dě ahǐphusha nuhǒ.

Phǐlǐpǐ 2:1

Sî ta̤ô̌htûpwa̤ dǒ Khrǐ akû numî̌, a nǐ̤khû̌nǐ̤ǎ sî ya? Ata̤mô̤ numî̌ a ma̤mô̤ sî sǎphlǒ ya? Sî bǒsû̌khǎkhô lô̌khô kû̌ Yôla Plò̌shǐ Běcǎ ya? Khrǐ tôpwa̤ numî̌ a ma̤wô̌ ǐ sî, a sǎyṳgwèbǎǐ ǐ sî ya?

Phǐlǐpǐ 2:26

Ma̤titèdě sî ganǎ̤de kû̌ Khûěpaprǔdǐtǔ ô̌shû̌ô̌mô̤ tô̤̌ akhû̌akhî, a nǎsǔ kè̌shǐ mî̌ca sî pṳ̂̌꤮ tôpwa̤. Dě a gènè̤ gû̌gè̌ bǎ mî̌ca dǒ sîya, pô̤̌nudě he no getîkhî sô̌ a dǒ sî ô̌.

Phǐlǐpǐ 4:1

Pô̤̌nu akhû̌akhî, he pṳ̌wè̤̌ sî, sî mî̌ kòyò dǒ he mô̤ǐ tokhlǒ dě he nǎsǔǐ jî̌ tokhlǒ, sî mî̌ pwa̤ dǒ a ma̤ sǎlě̤sǎlò̤ jî̌ he dě he phǐhtò̌gôjô mî̌ca henǎ̤ kû̌ sîkhû̌khî. Khôbǒsû̌ sî hǒnumî̌ amè̤̌kû̌ sî tô ô̌měô̌gle lô̌khô dǒ Běcǎ akû hî̌tènu hǒ.

Kòlòtè̌ 2:1

He sǎyṳ dǐsî̌ganǎ̤ bǎ sî kû̌ he jî̌pwǐ̤ ma̤ lǒ̤sǔlǒ̤sò̌ dǒ sîya, kû̌ kòyò ô̌dǒ Wî̤̌lò̤dǐkǐ akû nutokhlǒ aya, kû̌ kòyò dǒ a sî̌ganǎ̤ kè̌shǐ nô̌ he khôtô̤̌ nutokhlǒ aya pwǐ tènu.

Kòlòtè̌ 3:12

Sî mî̌ Cǒmara a kòyò dǒ a mṳ̂̌plî dě a mô̤ǐ tokhlǒ, dě a rû̌htò̌ tû̌ sî hǒ. Pô̤̌nudě kûsô̌htò̌ lô̌khô ta̤sǎyṳgwèbǎǐ, ta̤ma̤wô̤̌ta̤, ta̤shò̌lò̤ sǎphlǒ, ta̤sǎdôhôbî̌ kû̌ ta̤khòsǎdô sînu tokhlǒ nî̌꤮.

Tîsalònǐ awǐlǒ tôbǎ 2:5

Pô̤̌ sî sî̌ganǎ̤ htobò, pa hè hî̌bǎhtû̌sò̌ lòhô kû̌ sî tôkhò̌꤮ tô̤̌. Pa sǎyṳsǎbǎ ruhta dě pa hè jî̌khô̌jî̌yò bǎ kû̌ panǎ̤ tôkhò̌꤮ tô̤̌. Pa ma̤bǎnô̌ kû̌ pô̤̌o tô̤̌ numî̌ Cǒmara sî̌ya pwǎ.

Tîsalònǐ awǐlǒ tôbǎ 2:8

Pa mô̤ǐ mî̌ca sî, htodě sî htû pa khô dǒ a mô̤ǐshû̌ pa tokhlǒ akhû̌akhî, pa tîwî̌tòwò ô̌nǎ panǎ̤ dǒ pa gǔ shôbǐǐ sî̌ganǎ̤ pepwǎ sî kû̌ Cǒmara a ta̤sǎlě̤we̤kènu mè̤̌tô̤̌, pa ô̌ tîwî̌tòwò nǎ pô̤̌ panǎ̤ kû̌ pa gǔ ô̌plǒ kû̌ sî dě, phî̌jè̌ma̤jè̌ pô̤̌ sî.

Tîmôte ginǐ̤bǎ tôbǎ 1:4

Bǎ he gènè̤htò̌bǎ na mǐ̤sǎshilò̤ akhanu, he sǎyṳ kè̌shǐ jî̌ na, ma̤titèhî̌dě pô̤̌khô he gǔ sǎlě̤sǎlò̤ lǒlǒbebe ayanudě, he sǎyṳ kè̌shǐ na pwǎ.

Philemo 1:12

A mî̌ kòyò tôpwa̤ dǒ he mô̤ǐ mî̌ca yǎ dě he sûge tîkhîsô̌ a dǒ naô̌.

Philemo 1:20

Pô̤̌nudě, he pṳ̌wè̤̌ Khûphǐlǐmṳ̂ pa yṳ̌ǎnṳ̌ Běcǎ Yeshǔ akhû̌akhî, khòsǎdô ma̤bwǐma̤sîrî bǎwǐ he hǒtôcǒ nî̌꤮. Khòsǎdô ma̤mô̤htò̌ kû̌lǎ he sǎphlǒ dǒ Khrǐ akû nî̌꤮.

Yṳ̂ha awǐlǒ tôbǎ 3:17

Kòyò dǒ a ô̌ kû̌ hǎkhû̌ a ta̤dû̌yò̤̌htò̌sa tôpwa̤pwa̤nu, kè̌ a kè̌shǐ apṳ̌wè̤̌ Khrǐphû̌ lǎ̤lṳ̂ ta̤tôcǒcǒ bǎbǎkǎlè a kè̌ gwèbǎǐ lû̌tô̤̌ numî̌, Cǒmara ata̤mô̤ ô̌ dǒ lû̌kû tô̤̌.