Phǐlǐpǐ 1:7 - Kawyaw New Testament

⁷ He mô̤ǐ jî̌ sî akhû̌akhî, he gènè̤ sîwe̤sîkè pô̤̌o numî̌ atô pwǎ. Bǎ he ô̌pe dǒ apô̤kû akhanu bǎbǎ, bǎ he tô hî̌bǎ taka tě̤tṳ he ta̤sǎlě̤we̤kè dě he tô hî̌bǎ glemě ǐ he ta̤sǎlě̤we̤kè akhanu bǎbǎ, Cǒmara ma̤wô̌ bǎ pa dě a ǐlò̤ khô̌ pa ta̤ma̤ dǒ pa ma̤wô̤̌wô̤̌ lû̌û ta̤ kû̌ Cǒmara abwǐsîrî dě cû̌ shôbǐǐlṳ̌ bǎ kòyò kû̌ ta̤sǎlě̤we̤kènu.

Kawyaw RC

⁷ He mo̤ǐ mè̤mè̤̌ sî akhû̌akhî, he gènè̤ sîwi̤sîkè̌ hè̌onumî̌ ato pwǎ. Bǎ he ǒpe dě apo̤kû akhahtǒonu bǎbǎ, bǎ he to hî̌bǎ dǐdòma̤kwabǐshǔ he ta̤sò̌le̤sò̌lò̤ awi̤akè̌ htě he to hî̌bǎ měgleshǔ he ta̤sò̌le̤sò̌lò̤ awi̤akè̌ akhahtǒonu bǎbǎ, Cǒmara ma̤wǒ mè̤mè̤̌ pa dě a ǐlò̤kî̌yatû̌ pa ta̤ma̤ htě pa glè ma̤plǒnû̌û ta̤ ta Cǒmara abwǐdû̌sîrîhtû dě cû̌ dǒhtû̌ǐ bǎ kò ta ta̤sò̌le̤sò̌lò̤ awi̤akè̌.

Phǐlǐpǐ 1:7 Iomraidhean Croise

Pwa̤nophû̌ 20:23

He sî̌ganǎ̤ pwǎ tocǒ꤮ nô̤̌ kû̌, dǒ wî̤̌ pṳ̂̌꤮ tîwî̤̌ akûnu, Yôla Plò̌shǐ Běcǎ dǐ sè̌rè̌ he kû̌ kòyò bǎ comě he pě, dě pwa̤ ma̤pò̤̌ma̤sha he tokhlǒnu, a ô̌pǒ̤ nǎ hto heklè̌ hǒ.

Pwa̤nophû̌ 21:33

Kli tôrǐ aikǒ nutôpwa̤ hètô dǒ Khûpò̌lǔ ô̌ dě a hèpṳ̂̌ Khûpò̌lǔ. Dě a hî̌lò̤ akhôphijǎ tokhlǒ dě a nopṳ̂̌ comě Khûpò̌lǔ kû̌ sǒpli̤tè̤glè ginǐ̤bô. Htodě a gwè̌ kòyò kû̌, “A mî̌ mò̌pè? A cû̌ma̤ kwè̌ mî̌titè?”

Kôritu awǐlǒ tôbǎ 13:7

Pa kè̌ mô̤ǐ kòyò hî̌nu, pa sǎphlǒ pî̌ bǎ tôkhò̌꤮ tô̤̌. Pa yṳ̌ǎ hènè kû̌ kòyò gǔ wô̌ hè pě, pa kè̌shuǐ hènè kû̌ Cǒmara gǔ ma̤wô̌ hè kòyò pě, htokhôtô̤̌ pa khòsǎdô sǎphlǒhtûbò̌ ta̤pṳ̂̌꤮ tocǒ.

Kôritu awǐlǒ tôbǎ 9:23

He ma̤ titètè̌꤮ bǎbǎnu, he ma̤ dǒ ta̤sǎlě̤we̤kè aya pwǎ. Pô̤̌khô he gǔ nǐ̤bǎ ta̤sǎlě̤we̤kè a ta̤ǐshowî̤ tokhlǒnu, he ma̤ pô̤̌nu hǒ.

Kôritu ginǐ̤bǎ tôbǎ 3:2

Bǎbǎkǎlè pa hǒtokhlǒnu, pa lûgû̌ pô̤̌nu tô̤̌. Pa sî̌ganǎ̤ kû̌ sî mî̌ pa lî̤khòsǎ tokhlǒ hǒ dě pa sǎphlǒ icukû̌ sî pṳ̂̌꤮ tôplǎ. Dǒ sî gû̌ hǒ Khrǐ akò akhû̌akhî kòyò pṳ̂̌꤮ tôpwa̤ gǔ sî̌ganǎ̤ tutṳ̌ gû̌ kû̌ pa ma̤ta̤ numî̌ awô̌ pwǎ pô̤̌nu pě.

Kôritu ginǐ̤bǎ tôbǎ 7:3

He hî̌ pô̤̌o dě he sǎyṳ bè̌ sî ta̤sǔ pô̤̌nu mè̤̌tô̤̌. Ma̤titèhî̌dě pô̤̌ he hî̌hto sînu, sî mî̌ kòyò dǒ pa mô̤ǐ a tokhlǒ. Pô̤̌nudě pa si bǎbǎ, pa htûpwa̤ bǎbǎ, pa mô̤ǐ sî pwǎ.

Galatǐ 5:6

Ma̤titèhî̌dě bǎ sî htûhtò̌kè kû̌ Yeshǔ Khrǐ tôcǒ꤮ nô̤̌ akhanu, ta̤dǔtṳ̌bě bǎbǎ, ta̤dǔtṳ̌bě tô̤̌ bǎbǎ, a htûbwǐhtûsîrî nô̌ tôcǒ꤮ tô̤̌. Ta̤ dǒ a htûbwǐhtûsîrî khlo numî̌, ta̤yṳ̌ta̤nǎ̤ dǒ a dǔlè̌lṳ̌ ta̤mô̤ Cǒmara kû̌ kòyò ashǔshawa̤nu pwǎ.

Ěphěsu 3:1

Pô̤̌nudě, dǒ he ma̤ Khrǐ a ta̤phǐta̤ma̤ dě he shôbǐǐ bǎ Yǔdaphû̌ mè̤̌tô̤̌ tokhlǒ kû̌ ta̤sǎlě̤we̤kènu akhû̌akhîdě, he mî̌ Khûpò̌lǔ, kòyò bǎ dǒlò̤kè he dǒ apô̤kû.

Ěphěsu 4:1

Pô̤̌nu akhû̌akhî, he kwisǎyṳǐ sî sô̌sô̌kû̌ kòyò dǒlò̤tě̤ kò dǒ apô̤kû dǒ Běcǎ aya tôpwa̤nu. Cǒmara kaǎ sî dǒ sî htûhtò̌ ta̤dòkûphû̌ tokhlǒ akhû̌akhî, he kwisǎyṳ sî kû̌ sî ô̌htûpwa̤ bè̌wô̌ sî sǎphlǒ pô̤̌ ta̤dòkûphû̌ tokhlǒ tô ô̌htûpwa̤nu.

Ěphěsu 6:20

Dǒ Khrǐ rû̌htò̌ he kû̌ a pwa̤shôbǐǐ ta̤we̤ta̤kè tôpwa̤ dǒ he gǔ shôbǐǐlṳ̌ bǎ kòyò kû̌ ta̤sǎlě̤we̤kènu akhû̌akhî, khònò̤̌ he lò̤tě̤ dǒ apô̤kû hǒ. Ta̤ dǒ he tôbǎ shôbǐǐ bǎ kòyò tokhlǒnu, pô̤̌khô he gǔ shôbǐǐ khukhu bǎ kòyò ayanudě, kwicaba pû bǎ heya nî̌꤮.

Phǐlǐpǐ 1:12

He pṳ̌wè̤̌ sî, lǒ̤bò ta̤ma̤htûhtò̌ anǎ̤ kû̌ he tokhlǒ numî̌ amè̤̌pwǎ a ma̤jè̌ bǎ ta̤sǎlě̤we̤kè gǔ dû̌htò̌ htûhtò̌ ayapwǎ numî̌ he sǎyṳ nosî̌ganǎ̤ sî.

Phǐlǐpǐ 1:13

Dǒ he yṳ̌ǎ Khrǐ akhû̌akhî, dě kòyò dǒô̌ he dǒ apô̤kû pwǎ numî̌ lǒ̤bò kliphû̌ ô̌pǒ̤ khwǐhôhta nutokhlǒ bǎbǎ, lǒ̤bò kòyò dǒ ashǔshawa̤ nutokhlǒ bǎbǎ, a sî̌ganǎ̤ lǒ̤bò pwǎ.

Phǐlǐpǐ 1:14

Dǒ kòyò dǒtě̤ he dǒ apô̤kû akhû̌akhîdě, pṳ̌wè̤̌ Khrǐphû̌ saprṳ̂ a ta̤yṳ̌ǎǐ Běcǎnu a shû̌htò̌shohtò̌ pô̤̌ lô̌khô dě a shôbǐǐlṳ̌ khu hè bǎ kòyò kû̌ Cǒmara alě̤ayô̤̌, dě asî ǐsha pe lô̌khô tôcǒ tô̤̌.

Phǐlǐpǐ 1:5

Ma̤titèhî̌dě, he ma̤ ta̤sǎlě̤we̤kènu, sî gû̌ma̤ kû̌ he dǒ asakhû̌lû̌kha tǒ̤dǒ khònò̤̌ hǒ.

Phǐlǐpǐ 2:22

Sî sî̌ya tûû̌, Khûtîmôte mî̌ kòyò lě̤dû̌pwî̤htû tôpwa̤. A ma̤hto ta̤ kû̌ he dǒ ta̤sǎlě̤we̤kè dû̌htò̌htûhtò̌ aya numî̌ a sô̌sô̌kû̌ phû̌ kû̌ pha nuhǒ.

Phǐlǐpǐ 4:14

Bǎbǎkǎlè sî tokhlǒnu, sî ma̤wô̌bǎ he. Bǎ he kè̌shǐ tṳ̌bǎ kû̌ ta̤pò̤̌ta̤sha akhanu, sî ma̤jè̌ he.

Phǐlǐpǐ 4:15

Wî̤̌phǐlǐpǐphû̌ sî꤮. Bǎ he cû̌ shôbǐǐlṳ̌ bǎ sî ta̤sǎlě̤we̤kè dě he hǎhtò̌cû̌kè dǒ Mèsidûnǐ̤ya gǎkû akhanu, pwa̤ dǒ a ma̤jè̌ he kû̌ ru numî̌ tǒ̤pwǎ sî ta̤dòkû nutôprṳ̂ pwǎ numî̌ sî sî̌ganǎ̤ tě̤tě̤mè̤̌mè̤̌ bò hǒ.

Phǐlǐpǐ 4:3

Na mî̌ kòyò dǒ a ma̤ ta̤ kû̌ he dǒ acǒ kû̌ ayô̤̌ tôpwa̤ hǒ. Dě he sǎyṳ kwi na ta̤ma̤jè̌ tôcǒ, pô̤̌khô pwa̤mǒ̤nu sò̌ginǐ̤ gǔ kla kè̌khî lû̌û ayanu, ma̤jè̌ mò̌ asî nî̌꤮. Ma̤titèhî̌dě asî nusò̌ginǐ̤ numî̌ a jî̌pwǐ̤ htǒkhû̌htǒǎ ma̤wô̤̌wô̤̌ ta̤wǐ̤lò̤ ta̤sǎlě̤we̤kè ata̤ma̤ kû̌ he ně. Asî ma̤wô̤̌ kû̌ Khûkleme kû̌ hekhô dǒ pa ma̤wô̤̌wô̤̌lû̌ ta̤ dǒ ashǔshawa̤ nutokhlǒ, dě lǒ̤bò asî nutokhlǒ ami̤ mî̌ a ô̌ bòkè dǒ Běcǎ a lî̤htûpwa̤ akû nuhǒ.

Kòlòtè̌ 4:18

He mî̌ Khûpò̌lǔ dě ta̤hî̌mô̤hî̌wô̌ numî̌, he wě̤cû̌bǎ sî kû̌ he cǔde pwǎ. He ô̌ dǒ a pô̤kûnu akhû̌akhî, shepě̤ tǎ̤ he tǎ̤mǎ̤ nî̌꤮. Cǒmara abwǐsîrî ô̌cu pû kû̌ sî nî̌꤮.

Kòlòtè̌ 4:3

Dǒwǐkha mî̌ kòyò tokhlǒ sî̌ganǎ̤ Khrǐ awe̤akè tô̤̌. Cǒmara bè̌hǔbè̌sè̌ Khrǐ awe̤akè. Bǎbǎkǎlè khònò̤̌ ta̤dǒû̌dǒshò̌nu a ô̌lṳ̌htò̌ hǒ. Pô̤̌khô Cǒmara gǔ bǔmô paklè̌ dǒ pa gǔ shôbǐǐlṳ̌ kòyò kû̌ Khrǐ awe̤akè nudě, kwicaba padô̌ lô̌khô dǒ paya nî̌꤮. Dǒwǐkha mî̌ ta̤bè̌û̌bè̌shò̌nu, a ô̌lṳ̌htò̌ khôtô̤̌, bǎbǎkǎlè khònò̤̌ a ô̌lṳ̌htò̌ hǒ. Dǒ he shôbǐǐlṳ̌ bǎ kòyò kû̌ Khrǐ awe̤akè akhû̌akhî, kòyò dǒtě̤ he dǒ apô̤kû pwǎ.

Tîsalònǐ awǐlǒ tôbǎ 5:5

Lǒ̤꤮ bò sî tokhlǒ numî̌ ta̤lî aphû̌khû kû̌ lṳmṳ̌sha aphû̌khû tokhlǒ. Pa mî̌ kòyò lṳmṳ̌na̤phû̌ mè̤̌tô̤̌tô̤̌, ta̤khǐta̤lo̤phû̌ mè̤̌tô̤̌tô̤̌.

Tîmôte ginǐ̤bǎ tôbǎ 1:8

Pô̤̌nudě, na glè̌ khòlṳ̌ nanǎ̤ dǒ pa Běcǎ ayanu sòwò̤̌ tǎ̤mǎ̤, dǒ Běcǎ akhû̌akhîdě, kòyò dǒlò̤tě̤ he dǒ apô̤kûnu bǎbǎ, sòwò̤̌ tǎ̤mǎ̤mǎ̤. Mè̤mè̤̌tôkhônu khòwô̤̌wô̤̌ ta̤pò̤̌ta̤sha kû̌ he dǒ ta̤sǎlě̤we̤kè aya pô̤̌ Cǒmara ǐ na ta̤khû̌ta̤ǎnu.

Tîmôte ginǐ̤bǎ tôbǎ 2:9

He shôbǐǐlṳ̌ bǎ kòyò ta̤sǎlě̤we̤kè akhû̌akhî, he khòbǎhto ta̤jî̌ta̤jû̌ dě kòyò comě he kû̌ sǒpli̤tè̤glè sô̌sô̌kû̌ kòyò ma̤sǔ ta̤mǎlò̤ tôpwa̤. Bǎbǎkǎlè Cǒmara alě̤ayô̤̌nu kòyò cǒmějò nô̌ a tô̤̌.

Philemo 1:13

Dǒ ta̤sǎlě̤we̤kè akhû̌akhîdě, kòyò dǒô̌pe he dǒ apô̤kû akhanu, pô̤̌khô a gǔ ma̤jè̌ he dǒ na gûlǎ̤ ayanudě, he sǎyṳ kaǎ ô̌ pe a dǒ he kòshî̌.

Hebrǔ 3:1

Pô̤̌nu akhû̌akhî, pṳ̌wè̤̌ khrǐphû̌ dǒ Cǒmara kaǎ sî nutokhlǒ gènè̤ kè̌mò̌ lô̌khô Yeshǔ dǒ Cǒmara nohè htû yǎ kû̌ pwa̤shôbǐǐ Cǒmara alě̤ayô̤̌ kû̌ pwa̤shû̌gǎ ikǒdû̌lǒ tôpwa̤nu.

Petru awǐlǒ tabǎ 4:13

Mè̤̌mè̤tôkhônu, htû̌꤮ Khrǐ hèlò̤ ô̌lṳ̌htò̌ hǒ kû̌ ata̤bwǐdû̌sîrîhtû pěnu, pô̤̌khô sî gǔ sǎlě̤sǎlò̤ yî̤̌kǒyî̤̌sa kû̌ kòyò pě aya nudě, ta̤ dǒ sî khòjî̌khòjû̌ kû̌ Khrǐ pô̤̌o tokhlǒnu tûlû̌ sǎlě̤ lô̌khô nî̌꤮.

Petru awǐlǒ tabǎ 5:1

He mî̌ ta̤dòkû mǒ̤pwǎ̤ ikǒdû̌ tôpwa̤, htodě he mî̌ pwa̤khòlṳ̌ bǎ Khrǐ a ta̤khò̌jî̌jû̌ awe̤akè tôpwa̤. Htokhôtô̤̌ htû̌꤮ Cǒmara dǔlè̌lṳ̌ hǒ kòyò kû̌ a ta̤bwǐdû̌sîrîhtû akhapěnu, he bǎbǎ, he ô̌plǒ kû̌ a ta̤sîrîdû̌sîrîhtû nupě. Khònò̤̌dě he kwisǎyṳ sî ta̤dòkû mǒ̤khumǒ̤pwǎ̤ dǒ a htû ikǒlǒkòdû̌ tokhlǒ kû̌,

Petru ginǐ̤bǎ tabǎ 1:13

Bǎ he ô̌htûpwa̤pe akha, he htû̌wṳ̂̌ gènè̤bǎ sô̌ sî kû̌ ta̤we̤ta̤kè nutokhlǒ mî̌ he gènè̤ kû̌ atô pwǎ.

Yṳ̂ha awǐlǒ tôbǎ 3:14

Dǒ awǐkha numî̌, pa sô̌sô̌kû̌ kòyòsi nutokhlǒ pwǎ. Bǎbǎkǎlè khònò̤̌ dǒ pa mô̤nǐ̤ hǒ pa pṳ̌wè̤̌ Khrǐphû̌ tokhlǒ akhû̌akhî, pa sî̌ganǎ̤ kû̌ pa htûhtò̌kè kòyò dǒ a htûpwa̤ tokhlǒ hǒ. Kòyò dǒ a mô̤ǐtû̌ apṳ̌wè̤̌ Khrǐphû̌ tô̤̌ tokhlǒ numî̌ a ô̌měô̌gle pepwǎ dǒ ta̤si akû pwǎ.