Phǐlǐpǐ 1:6 - Kawyaw New Testament

⁶ Cǒmara dǒ a sahtò̌ htû̌lè̌ tèplè̌ wô̌ge hto sî sǎphlǒ tôpwa̤nu, he yṳ̌ǎ tě̤tě̤mè̤̌mè̤̌ kû̌ a ma̤wô̌ hènè tǒ̤dǒ Yeshǔkhrǐ alṳmṳ̌ni̤ hètǒ̤ nupě tôplǎ pě.

Kawyaw RC

⁶ Cǒmara htě a tèhtò̌ htû̌lè̌wǒgehto sî sò̌phlǒ htǒotapwa̤nu, he yṳǎ te̤mǎ yǎta a ma̤wǒ sělěphlǔ to̤htû̌ Ye̤shǔkhrî̌stu amṳni̤ hèto̤ pěnu taplǎ pě.

Phǐlǐpǐ 1:6 Iomraidhean Croise

Htû̌sò̌htò̌ 138:8

Pô̤̌ Cǒmara tûjû̌pwa̤ olò̤ htohǒ nua gǔ ma̤lǒma̤be bǎ he pe. Ǒ Cǒmara tûjû̌pwa̤, nata̤mô̤ dǒ ahǎbòjò tô̤̌nu a ô̌měô̌gle̤ cǒ tûjû̌pwa̤. Wîkè tǎ̤ ta̤ma̤ dǒ na ma̤ kû̌ nacǔde nutokhlǒ mǎ̤.

Jowǎ̤ni̤ 6:29

Dě Běcǎ Yeshǔ hî̌shěshu asî kû̌, “Yṳ̌ǎ lô̌khô he dǒ Cǒmara nohè anu.”

Pwa̤nophû̌ 11:18

Bǎ asî ganǎ̤de ta̤we̤ta̤kè hǒo akhanu, asî pî̤jî̌ǐsho pe Khûpetarǔ tô̤̌. Dě a htû̌sò̌htò̌ lô̌khô Cǒmara kû̌, “Kè̌ a mè̤̌mî̌ca pô̤̌nu hî̌dě Cǒmara ǐbǎtû̌ Yǔdaphû̌ mè̤̌tô̤̌ tokhlǒ ta̤shěkhǎ wô̌ dǒ a gǔ yò̤lǎ̤plǎdî̌ lô̌khô asǎphlǒ dě a gǔ nǐ̤bǎ lô̌khô ta̤htûpwa̤ pě.”

Pwa̤nophû̌ 16:14

Pwa̤mǒ̤ dǒ a ganǎ̤de pa ta̤hî̌bǎnu akla tôpwa̤nu, ami̤ kû̌ Mǒ̤lě̤diya, a mî̌ Wî̤̌shatǐraphû̌ tôpwa̤ dě a shaǎ gò̌pwǐ alî̤lǒso pwî̤dû̌ tokhlǒ. A mî̌ pwa̤mǒ̤ tôpwa̤ dǒ a cubucaba Cǒmara. Dě pô̤̌khô a gǔ yṳ̌ǎ Khûpò̌lǔ a ta̤shôbǐǐ bǎ kò tokhlǒnu, Běcǎ Yeshǔ ma̤phlôma̤phǎ bǎ asǎphlǒ.

Kôritu awǐlǒ tôbǎ 1:8

Htû̌ pa Běcǎ Yeshǔ Khrǐ hè alṳmṳ̌ni̤ pě tôni̤nu, pô̤̌khô kòyò lǎ̤bè̌ ta̤sǔ dǒ sîlô̤ gǔ ô̌ pe tô̤̌ ayanu, Běcǎ gǔ pṳ̂̌mětegle tû̌sî tǒ̤dǒ a gutṳ̌ pě.

Kôritu ginǐ̤bǎ tôbǎ 1:15

He sî̌ganǎ̤ mè̤̌mî̌ca kû̌ pa bǎ sǎlě̤sǎlò̤ lô̌khô pô̤̌nu pě pwǎ. Pô̤̌nudě pô̤̌khô sî gǔ nǐ̤bǎ ta̤ǐshowî̤ ginǐ̤plǎ ayanu, he bè̌lò̤ hto he sǎphlǒ kû̌ he sǎyṳ hè ô̌lè kû̌ sî ginǐ̤plǎ pě.

Kôritu ginǐ̤bǎ tôbǎ 2:3

Htǔ꤮ he hè pě akhanu, sî dǒ a ma̤sǎlě̤ he tokhlǒnu pô̤̌khô̌ a gǔ ma̤ sǎplǎ̤ he tô̤̌nu, he wě̤cû̌wǐ bǎ tû̌ sî lî̤ nuhǒ. Sî lǒ̤bò sî̌ya tě̤mè̤̌ hǒkû̌ he gǔ sǎlě̤sǎlò̤ dě sî bǎ sǎlě̤ mî̌ca pwǎ.

Kôritu ginǐ̤bǎ tôbǎ 7:16

He yṳ̌ǎ bòmǔte̤gle sî dě ama̤ sǎlě̤ jî̌ he.

Kôritu ginǐ̤bǎ tôbǎ 9:4

Pô̤̌nudě bǎ he hè pě akhanu, pa pṳ̌wè̤̌ Khrǐphû̌ dǒ Mèsidûnǐ̤yagǎ tokhlǒ gû̌hè kû̌ he pě kǎlè. He sǎyṳ nokè̌shǐ asî kû̌ sî tîwî̌tòwò nǎ htobò ru ta̤ma̤lṳ nutokhlǒ. Sî kè̌ tîwî̌tòwò nǎ tôcǒ꤮ tô̤̌ hî̌nu, ta̤ dǒ he yṳ̌ǎnṳ̌ sî tokhlǒnu a gǔ htûhtò̌ ta̤sòwò̤̌ dǒ heya kû̌ sîya pě.

Galatǐ 5:10

Bǎbǎkǎlè dǒ pa htûhtò̌kè ta̤tôcǒ꤮ nô̤̌ kû̌ Běcǎ akhû̌akhî, he yṳ̌ǎ kû̌ sî ta̤kè̌shǐ hǒonumî̌ a lûcû̌khô̌ kû̌ he tô̤̌. Mò̌pè bǎbǎ dǒ a ma̤dǐdò sî tôpwa̤pwa̤nu, Cǒmara gǔ cî̌htò̌ tûlû̌ pě.

Ěphěsu 4:12

Pô̤̌khô Cǒmara a kòyò tokhlǒ ô̌ tîwî̌tòwò anǎ̤ kû̌ a glè̌ ma̤ bǎ lû̌û ta̤ma̤ aya, htokhôtô̤̌ pô̤̌khô a glè̌ ǐshû̌ǐshò̌htò̌ ta̤dòkû dǒ a mè̤̌kû̌ Khrǐ anǎ̤glǒ ayanudě, a ǐlò̤ pô̤̌nuhǒ.

Phǐlǐpǐ 1:10

Pô̤̌khô sî gǔ sî̌yaphlô tě̤tě̤mè̤̌mè̤̌ wô̌ ta̤ dǒ awô̌lǒnu dě sî sǎphlǒ mṳ̂̌plîpě, htokhôtô̤̌ tǒ̤dǒ Khrǐ hè sô̌ alṳmṳ̌ni̤ pě tôni̤nu, kòyò gǔ bè̌jò pe ta̤sǔ dǒ sîlô̤ tô̤̌nu, he kwicaba bǎ sîya.

Phǐlǐpǐ 1:29

Ma̤titèhî̌dě, Cǒmara ǐ pwǎtǒ̤ sî ta̤ǐshowî̤ dǒ sî yṳ̌ǎ Khrǐnu mè̤̌tô̤̌, a sǎphlǒô̌ kû̌ sî khòlṳ̌ ta̤ma̤jî̌ma̤jû̌ dǒ Khrǐ ayaya.

Phǐlǐpǐ 2:12

Pô̤̌nudě, sû̌khô sî bǎ he ô̌plǒ kû̌ sî akhanu, sî ganǎ̤de he yô̤̌, khònò̤̌ he ô̌yî̤ kû̌ sî akhû̌akhî, sî tôbǎ ganǎ̤de khlo pe heyô̤̌. Pô̤̌khô sî ma̤lǒhtò̌behtò̌ ta̤ma̤hǎplǎge sî ayanu, jî̌pwǐ̤ ma̤ lô̌khô ta̤ dǒ ta̤bè̌dubè̌nǎ̤ Cǒmara akû, dě ma̤ kû̌ ǐsha gònò̤̌gòglè anu nî̌꤮.

Phǐlǐpǐ 2:13

Ma̤titèhî̌dě, pô̤̌khô sî sǎphlǒshû̌ sǎyṳ ganǎ̤de gû̌ma̤ pô̤̌ Cǒmara a ta̤sǎyṳ dǒ awô̌ tokhlǒ ayanu, a ma̤ hto ta̤ dǒ sîkû pṳ̂̌꤮ taplǎ hǒ.

Phǐlǐpǐ 2:16

Shôbǐǐlṳ̌ padô̌ lô̌khô kòyò ta̤htûpwa̤ awe̤akènu nî̌꤮. Sî kè̌ ma̤pô̤̌nu hî̌dě bǎ Khrǐ hèlò̤ sô̌ alṳmṳ̌ni̤ pě tôni̤nu, lǒ̤bò he jî̌pwǐ̤ tokhlǒ kû̌ he ta̤phǐta̤ma̤ nutokhlǒ a htûhtò̌ nòdû̌pe tô̤̌ akhû̌akhî, dǒ sîkhû̌sîkhî dě he gǔ phî̌htò̌lǒǐ henǎ̤ pě.

Kòlòtè̌ 2:12

Bǎ sî ju sînǎ̤ kû̌ shi akha, sî lǎ̤klô phû̌mò̤̌ tokhlǒnu, sî lǔlò̤ hto kû̌ Khrǐ hǒ. Dě sî lǎ̤bû̌lǎ̤klôma̤ tokhlǒnu, Cǒmara ma̤htûpwa̤ getîkhî kû̌ Khrǐ hǒ. Dǒ sî yṳ̌ǎ Cǒmara a ta̤po̤ta̤pwa̤ dǒ a ma̤ ihtǒhtûpwa̤ getîkhî sô̌ Khrǐ dǒ ta̤si akhû̌akhî, a htûhtò̌ htobò pô̤̌nu hǒ.

Tîsalònǐ awǐlǒ tôbǎ 1:3

Dǒ sî ta̤yṳ̌ta̤nǎ̤ akhû̌akhî, sî ma̤ htûhtò̌, dǒ sî ta̤mô̤ǐ kòyò akhû̌akhî, sî gû̌ma̤ ta̤, dě dǒ sî ô̌ kû̌ ta̤kè̌shuǐ dǒ pa Běcǎ Yeshǔ Khrǐ alô̤ akhû̌akhî, sî khòsǎdôbò̌ ta̤ma̤jî̌ma̤jû̌ sî tokhlǒ. Bǎ pa kwicaba dǒ papha Cǒmara ô̌ akhanu, lǒ̤bò sî ma̤ta̤ tokhlǒnu, pa shôpe̤nǎ pè̤̌pe tô̤̌.

Tîsalònǐ ginǐ̤bǎ tôbǎ 1:11

Pô̤̌nudě pô̤̌khô Cǒmara gǔ ma̤jè̌ sî dě sî gǔ ô̌htûpwa̤ tôbǎ kû̌ ata̤kaǎ sî ayanu, pa kwicaba bǎ dǒ sîya pṳ̂̌꤮ taplǎ. Pa kwicaba bǎ pô̤̌ dǒ sîya kû̌ Cǒmara gǔ ma̤lǒbe bǎ sî, lǒ̤bò sî ta̤ma̤wô̌ dǒ sî sǎyṳma̤ nutokhlǒ, kû̌ ta̤ma̤ dǒ sî ma̤ kû̌ ta̤yṳ̌ta̤nǎ̤ nutokhlǒ. Dě Cǒmara ma̤ bǎ sî kû̌ a ta̤pô̤ta̤phǎ pě.

Tîsalònǐ ginǐ̤bǎ tôbǎ 3:4

Dǒ pa yṳ̌ǎnṳ̌ Běcǎ akhû̌akhîdě, pa sî̌ganǎ̤ kû̌ sî bǎ꤮ gû̌ma̤ sělě gutṳ̌ pô̤̌khô pa mǎnǎ sî nuhǒ.

Philemo 1:21

He wě̤ lî̤ dǒ naô̌nu, he yṳ̌ǎ dǒ na gǔ jûlě̤phî̌ heyô̤̌ dě he sî̌ganǎ̤ dǒ na gǔ ma̤dû̌khlo kû̌ he kwi nanu pě.

Hebrǔ 10:35

Pô̤̌nudě bè̌shû̌ lô̌khô sî sǎphlǒ. Sî nǐ̤bǎ ta̤ma̤nǐ̤khû̌kǎ dǒ adû̌ayô̤̌ tokhlǒ pě.

Hebrǔ 12:2

Asô̌sô̌kû̌ kòyò khlè̌ tokhlǒ kè̌tôtǐ hètô pwǎ ta̤ma̤pè̤̌ bò̌htò̌htǔ nuhǒ, pô̤̌nudě pa kè̌hè tôtǐ pwǎtǒ̤ Yeshǔ nô̤̌ tǎ꤮. Ma̤titèhî̌dě a mî̌ pa ta̤yṳ̌ta̤nǎ̤ a kòshî̌gutṳ̌ tôpwa̤. Htokhôtô̤̌, a mî̌ pwa̤ dǒ a ma̤lǒma̤be bǎ pa ta̤yṳ̌ta̤nǎ̤ tôpwa̤. A khòsi htopědě, a sî̌ganǎ̤ nǎ hto kû̌ a gǔ nǐ̤bǎ ta̤sǎlě̤sǎlò̤ pě akhû̌akhî, a tôbǎ khòsi dǒ nò̌dò̌htǔlô̤ bǎbǎkǎlè a sòwò̤̌ tôcǒ꤮ tô̤̌. Khònò̤̌dě a hǎnòò̌ dǒ Cǒmara a lǎ̤hǎnòò̌ htò̌yô̤̌ dǒ cǔtômû nutôkhô hǒ.

Petru awǐlǒ tabǎ 5:10

Cǒmara mî̌ ta̤bwǐta̤sîrî lǒ̤꤮ bò a Běcǎ dě a kaǎ sî dǒ a ǐ sî kû̌ a ta̤sîrîdû̌sîrîhtû tûjû̌pwa̤ dǒ Yeshǔ Khrǐ akûnu pě. Bǎ sî khòbǎ ta̤jî̌ta̤jû̌ tòshò̌phû̌nu gǔ tûlû̌ htopěnu, Cǒmara anǎ̤běcǎ tû̌ a gǔ ma̤měma̤gle tònò gesô̌ sî pě, htodě a ǐshoǐshû̌htò̌ sîkhû̌sîǎ pě.

Petru ginǐ̤bǎ tabǎ 3:10

Bǎbǎkǎlè Běcǎ alṳmṳ̌ni̤nu, a gǔ hètǒ̤ sumṳ̌ sô̌sô̌kû̌ pwa̤ǎhǔ tôpwa̤ hènṳ̌ pě. Bǎnu tôni̤ pěnu, mǒkhû̌ gǔ gǒ tôshò̌phû̌ pě dě a gǔ hǎmǎkè pě. Mî̌ gǔ upǐ̤ lîtîlî̌ bò lṳmṳ̌, la, shǎ dǒ a ô̌ dǒ mǒlǎ̤ sîtokhlǒ pě. Dě a gǔ upî̌ lîtòplò̌ bò hǎkhû̌ kû̌ ta̤ dǒ a ô̌ dǒ lû̌ûkû nutokhlǒ lǒ̤꤮ bò pě.