Phǐlǐpǐ 1:5 - Kawyaw New Testament

⁵ Ma̤titèhî̌dě, he ma̤ ta̤sǎlě̤we̤kènu, sî gû̌ma̤ kû̌ he dǒ asakhû̌lû̌kha tǒ̤dǒ khònò̤̌ hǒ.

Kawyaw RC

⁵ Ma̤tè̤hî̌dě, he ma̤ ta̤sò̌le̤sò̌lò̤ awi̤akè̌ htǒonu, sî ma̤kû̌dǒ ta he dě khû̌lû̌kha tǒ̤lò̤khònò̤ hǒ.

Phǐlǐpǐ 1:5 Iomraidhean Croise

Pwa̤nophû̌ 2:42

Pwa̤yṳ̌ǎta̤phû̌ lǒ̤꤮bò gǔ sû̌ǐ sî̌yahtò̌ anǎ̤ dǒ pwa̤nophû̌ tokhlǒ a ô̌, dě asî bǒsû̌khǎkhô lû̌û, ǎ ô wô̤̌wô̤̌ lû̌û dě kwicaba wô̤̌wô̤̌lû̌û.

Rṳ̂̌me̤ 11:17

Yǔdaphû̌ tokhlǒ numî̌ asô̌sô̌kû̌ kòyò cû̌ yǒgǎkè òlǐba do aphò dě kòyò shǒlò̤ lû̌û dǒ we̤kûnu tokhlǒ dě kòyò cû̌ yǒgǎkè kû̌ òlî̌ba mi̤ aphò dǒ mi̤kla nutokhlǒ dě kòyò ge pṳ̂̌htu iculû̌û. Sî Yǔdaphû̌ mè̤̌tô̤̌ tokhlǒ numî̌, asô̌sô̌kû̌ òlǐbami̤ nuhǒ. Khònò̤̌ sî nǐ̤bǎ ta̤ǐshowî̤ dǒ Cǒmara ishowî̤kè Yǔdaphû̌ phiphu dǒ awǐkha tokhlǒ hǒ. Sî nǐ̤bǎ sô̌sô̌kû̌ sǒphò tokhlǒ cî̌ô nǐ̤khû̌nǐ̤ǎ sǒcòshi dǒ a ô̌ dǒ akhò̌wǐ̤kû dě a hè tokhlǒ nuhǒ.

Rṳ̂̌me̤ 12:13

Cǒmara a kòyò tokhlǒ kè̌ hǎwě̤shèwè̤ hî̌dě, phǐjè̌ma̤jè̌ asî nî̌꤮. Kè̌ dǐǎdǐô lô̌khô shǐpwǎ̤shǐmè̤ nî̌꤮. Kaǎ hǎmôô̌ lô̌khô asî dǒ sî hǐdǒkû nî̌꤮.

Rṳ̂̌me̤ 15:26

Ma̤titèhî̌dě, Mèsidûnǐ̤ya gǎphû̌ tokhlǒ kû̌ Akheya gǎphû̌ tokhlǒnu, a sǎphlǒshû̌ ǐcû̌ padô̌ ru tokhlǒ kû̌ Cǒmara a pwa̤plò̌shǐphû̌ dǒ a hǎwě̤shèwè̤ dě a ô̌ lô̌khô dǒ Wî̤̌yarǔshôle akû nutokhlǒ.

Kôritu awǐlǒ tôbǎ 1:9

Cǒmara hǒtôpwa̤ mî̌ lǎ̤yṳ̌ǎnǐ̤ anǐ̤ mè̤̌ca. A mî̌ pwa̤ dǒ a kaǎ sî dě a sǎyṳ no bǒsû̌khǎkhô sî kû̌ aphû̌khû pa Běcǎ Yeshǔ Khrǐ hǒtôpwa̤nu hǒ.

Kôritu ginǐ̤bǎ tôbǎ 8:1

Pa khô sî, pa sǎyṳ shôbǐǐlṳ̌ bǎ sî kû̌ Cǒmara ǐlò̤ bǎ ta̤bwǐta̤sîrî dǒ ta̤dòkû dǒ a ô̌ lô̌khô dǒ Mèsidûnǐ̤ya gǎkû nutokhlǒ awe̤akè.

Ěphěsu 3:6

Cǒmara a ta̤cǒta̤yô̤̌ dǒ kòyò sî̌yahtò̌ tô̤̌ numî̌ amè̤̌pwǎ Cǒmara ǐlò̤bǎ Yǔdaphû̌ ta̤ǐshowî̤ nuhǒ. Dě ta̤ǐshowî̤ tokhlǒnu, sî Yǔdaphû̌ mè̤̌tô̤̌ tokhlǒ nǐ̤bǎ wô̤̌ sô̌sô̌ kû̌ asî nuhǒ. Yǔdaphû̌ mè̤̌tô̤̌ tokhlǒ kû̌ Yǔdaphû̌ tokhlǒnu, a htû lû̌û nǎ̤ tôpwa̤ nô̤̌hǒ. Lǒ̤bò Cǒmara olò̤kè a kòyò tokhlǒnu, sî Yǔdaphû̌ mè̤̌tô̤̌ tokhlǒ gǔ nǐ̤bǎ wô̤̌wô̤̌ kû̌ asî hǒ. Dǒ sî yṳ̌ǎ ta̤sǎlě̤we̤kè dě sî htûhtò̌kè kû̌ Yeshǔ Khrǐ tôcǒ nô̤̌ akhû̌akhî, sî nǐ̤bǎ bòkè ta̤ǐshowî̤ nutokhlǒ hǒ.

Phǐlǐpǐ 1:12

He pṳ̌wè̤̌ sî, lǒ̤bò ta̤ma̤htûhtò̌ anǎ̤ kû̌ he tokhlǒ numî̌ amè̤̌pwǎ a ma̤jè̌ bǎ ta̤sǎlě̤we̤kè gǔ dû̌htò̌ htûhtò̌ ayapwǎ numî̌ he sǎyṳ nosî̌ganǎ̤ sî.

Phǐlǐpǐ 1:16

Asî mô̤ǐ he dě a ma̤ lô̌khô pwǎ, ma̤titèhî̌dě tôbǎ hî̌bǎ takabǐ tě̤tṳ ta̤sǎlě̤we̤kè ata̤ma̤ numî̌ Cǒmara ǐ he pwǎnu, asî sî̌ganǎ̤ lô̌khô pwǎ.

Phǐlǐpǐ 1:27

A htûhtò̌ hî̌tè bǎbǎ, sî tô ô̌htûpwa̤ lô̌khô pô̤̌ Khrǐ a ta̤sǎlě̤we̤kè shôbǐǐ bǎ sînu nî̌꤮. Sî kè̌ ma̤pô̤̌nu hî̌dě he hèkè̌shǐ sî bǎbǎ, he ô̌tepheyî̤ kû̌ sî dě he ganǎ̤de pwǎ sîwe̤sîkè bǎbǎ, he sî̌ganǎ̤ kû̌ sî sǎphlǒ icu lû̌û dě sî ihtǒ tònò shěshu lû̌û dǒ ta̤sǎlě̤we̤kè a ta̤yṳ̌ta̤nǎ̤ ayahǒ. Htokhôtô̤̌ sî ǐsha pe kòyò dǒ a sǎkhěkhû̌khwè sî nutokhlǒ alǎ̤ tô̤̌. Sî kè̌ ma̤pô̤̌nu hî̌dě sî khòlṳ̌ hto asî kû̌ Cǒmara ma̤pî̌kè asî pě, dě Cǒmara gǔ ma̤hǎplǎge sî kû̌ anǎ̤ pě.

Phǐlǐpǐ 1:7

He mô̤ǐ jî̌ sî akhû̌akhî, he gènè̤ sîwe̤sîkè pô̤̌o numî̌ atô pwǎ. Bǎ he ô̌pe dǒ apô̤kû akhanu bǎbǎ, bǎ he tô hî̌bǎ taka tě̤tṳ he ta̤sǎlě̤we̤kè dě he tô hî̌bǎ glemě ǐ he ta̤sǎlě̤we̤kè akhanu bǎbǎ, Cǒmara ma̤wô̌ bǎ pa dě a ǐlò̤ khô̌ pa ta̤ma̤ dǒ pa ma̤wô̤̌wô̤̌ lû̌û ta̤ kû̌ Cǒmara abwǐsîrî dě cû̌ shôbǐǐlṳ̌ bǎ kòyò kû̌ ta̤sǎlě̤we̤kènu.

Phǐlǐpǐ 2:12

Pô̤̌nudě, sû̌khô sî bǎ he ô̌plǒ kû̌ sî akhanu, sî ganǎ̤de he yô̤̌, khònò̤̌ he ô̌yî̤ kû̌ sî akhû̌akhî, sî tôbǎ ganǎ̤de khlo pe heyô̤̌. Pô̤̌khô sî ma̤lǒhtò̌behtò̌ ta̤ma̤hǎplǎge sî ayanu, jî̌pwǐ̤ ma̤ lô̌khô ta̤ dǒ ta̤bè̌dubè̌nǎ̤ Cǒmara akû, dě ma̤ kû̌ ǐsha gònò̤̌gòglè anu nî̌꤮.

Phǐlǐpǐ 2:22

Sî sî̌ya tûû̌, Khûtîmôte mî̌ kòyò lě̤dû̌pwî̤htû tôpwa̤. A ma̤hto ta̤ kû̌ he dǒ ta̤sǎlě̤we̤kè dû̌htò̌htûhtò̌ aya numî̌ a sô̌sô̌kû̌ phû̌ kû̌ pha nuhǒ.

Phǐlǐpǐ 4:3

Na mî̌ kòyò dǒ a ma̤ ta̤ kû̌ he dǒ acǒ kû̌ ayô̤̌ tôpwa̤ hǒ. Dě he sǎyṳ kwi na ta̤ma̤jè̌ tôcǒ, pô̤̌khô pwa̤mǒ̤nu sò̌ginǐ̤ gǔ kla kè̌khî lû̌û ayanu, ma̤jè̌ mò̌ asî nî̌꤮. Ma̤titèhî̌dě asî nusò̌ginǐ̤ numî̌ a jî̌pwǐ̤ htǒkhû̌htǒǎ ma̤wô̤̌wô̤̌ ta̤wǐ̤lò̤ ta̤sǎlě̤we̤kè ata̤ma̤ kû̌ he ně. Asî ma̤wô̤̌ kû̌ Khûkleme kû̌ hekhô dǒ pa ma̤wô̤̌wô̤̌lû̌ ta̤ dǒ ashǔshawa̤ nutokhlǒ, dě lǒ̤bò asî nutokhlǒ ami̤ mî̌ a ô̌ bòkè dǒ Běcǎ a lî̤htûpwa̤ akû nuhǒ.

Philemo 1:17

Pô̤̌nu akhû̌akhî, na kè̌ bè̌ he pô̤̌ pwa̤ma̤wô̤̌wô̤̌ta̤ tôpwa̤ kè̌hî̌dě, kaǎmô̤shǔ sô̌ a pô̤̌ na kaǎmô̤shǔ he pě nunî̌꤮.

Hebrǔ 3:14

Ma̤titèhî̌dě, pa ta̤yṳ̌ǎ Cǒmara dǒ asakhû̌lû̌khanu, pa kè̌ pṳ̂̌měwô̌bǎ a tǒ̤dǒ agutṳ̌ hî̌dě, pa htûhto pwa̤ma̤plǒta̤ kû̌ Khrǐ hǒ.

Petru ginǐ̤bǎ tabǎ 1:1

Pa Cǒmara kû̌ pwa̤ma̤hǎplǎge pa Běcǎ Yeshǔ Khrǐ hǒtôpwa̤ a ta̤tě̤ta̤mè̤̌ akhû̌akhî, sî mî̌ kòyò tokhlǒ dǒ a nṳ̌bǎtû̌ ta̤yṳ̌ta̤nǎ̤ dǒ asô̌sô̌kû̌ pa hǒtokhlǒ hǒ. Dě he wě̤cû̌bǎ sî lî̤nu. He mî̌ Khûshǐmû Petarǔ, dě he htûtû̌ Yeshǔ Khrǐ jû̌ kû̌ a pwa̤nophû̌ tôpwa̤.

Yṳ̂ha awǐlǒ tôbǎ 1:3

Pô̤̌khô sî gǔ bô̌sû̌khǎkhô dô̌kû̌ pa ayanu, pa shôbǐǐ padô̌ sî ta̤ dǒ pa kè̌shǐ htohǒ dě pa ganǎ̤debǎ htohǒ nutokhlǒ hǒ. Pa ta̤bô̌sû̌khǎkhô kè̌khîlû̌û numî̌, pa bǒsû̌ panǎ̤ kû̌ pha Cǒmara kû̌ aphû̌khû Yeshǔ Khrǐ.

Yṳ̂ha awǐlǒ tôbǎ 1:7

Bǎbǎkǎlè pa kè̌ ô̌htûpwa̤ dǒ ta̤lî akû pô̤̌ Cǒmara ô̌ dǒ ta̤lî akû hǒnumî̌, pa ô̌ kû̌ ta̤bǒsû̌khǎkhô kè̌khîlû̌û tôpwa̤ kû̌ tôpwa̤, htodě Cǒmara aphû̌khû Yeshǔ Khrǐ asǐnu a gǔ cǔbò lǒ̤bò hǒ pa ta̤sǔta̤phû̌mò̤̌ tokhlǒ.