Phǐlǐpǐ 1:30 - Kawyaw New Testament

³⁰ Ta̤shě dǒ sî shěpě̤ numî̌ asô̌sô̌kû̌ he shěpě̤ hto nutokhlǒ pwǎ. He khòbǎ ta̤ dǒ awǐanô̌ nutokhlǒmî̌ sî kè̌shǐ hto tûû̌ hǒ. Htodě pô̤̌ sî ganǎ̤de hto, he shěpě̤ pe tǒ̤lò̤ khònò̤̌.

Kawyaw RC

³⁰ Ta̤shě htě sî shě htǒonumî̌ asǒsǒta he shěhtopwǎnu toǒ. He khòbǎ ta̤ dě awǐanǒnu toǒmî̌ sî kè̌shǐhto tû̌ hǒ. Htodě pwǐ sî gana̤denu, he shě to̤pe khònò̤htǒo.

Phǐlǐpǐ 1:30 Iomraidhean Croise

Jowǎ̤ni̤ 16:33

“Pô̤̌khô sî gǔ nǐ̤bǎ ta̤sǎphlǒ gûjû̌kabǎ ayanu, he hî̌ hto bò sî lǒ̤꤮ bò tokhlǒ hǒ. Dǒ sî htûhtò̌kè kû̌ he tôcǒnô̤̌ akhû̌akhî, sî nǐ̤bǎ sǎphlǒ a ta̤gûjû̌kabǎ hǒ. Dǒ hǎkhû̌nu, sî gǔ kè̌shǐbǎ kû̌ ta̤pò̤̌ta̤sha ta̤jî̌ta̤jû̌ pě, bǎbǎkǎlè bè̌shû̌bè̌sho lô̌khô sî sǎphlǒ nî̌꤮. He ma̤pè̤̌ hto hǎkhû̌běkhû̌ a ta̤siwi̤sòwò̤ nutokhlǒ hǒ.”

Phǐlǐpǐ 1:13

Dǒ he yṳ̌ǎ Khrǐ akhû̌akhî, dě kòyò dǒô̌ he dǒ apô̤kû pwǎ numî̌ lǒ̤bò kliphû̌ ô̌pǒ̤ khwǐhôhta nutokhlǒ bǎbǎ, lǒ̤bò kòyò dǒ ashǔshawa̤ nutokhlǒ bǎbǎ, a sî̌ganǎ̤ lǒ̤bò pwǎ.

Kòlòtè̌ 1:29

Khrǐ a ta̤pô̤ta̤phǎ nî̌ a ma̤shû̌ma̤sho mî̌ca dǒ hekû. He gènè htò̌ǐ a ta̤pô̤phǎ shû̌sho dě he jî̌pwǐ̤jî̌li̤ dě he gôma̤ Cǒmara ata̤ma̤ nutokhlǒ hǒ.

Kòlòtè̌ 2:1

He sǎyṳ dǐsî̌ganǎ̤ bǎ sî kû̌ he jî̌pwǐ̤ ma̤ lǒ̤sǔlǒ̤sò̌ dǒ sîya, kû̌ kòyò ô̌dǒ Wî̤̌lò̤dǐkǐ akû nutokhlǒ aya, kû̌ kòyò dǒ a sî̌ganǎ̤ kè̌shǐ nô̌ he khôtô̤̌ nutokhlǒ aya pwǐ tènu.

Tîsalònǐ awǐlǒ tôbǎ 2:2

Pô̤̌ sî sî̌ganǎ̤ htobò, bǎ pa hè lò̤ dǒ sî ô̌tô̤̌ akhanu, Wî̤̌phǐlǐpǐphû̌ tokhlǒ ma̤jî̌ma̤jû̌ pa, htodě ma̤sòwò̤̌ bò pa. Kòyò ma̤ takǎ dǐdò tě̤tṳ pa bǎbǎkǎlè pô̤̌khô pa gǔ shôbǐǐlṳ̌ sî kû̌ Cǒmara a ta̤sǎlě̤we̤kè nudě, pa Cǒmara ǐhto pa ta̤khuhe hǒ.

Tîmôte awǐlǒ tôbǎ 6:12

Ta̤yṳ̌ta̤nǎ̤ a ta̤shěta̤pě̤nu tûlû̌ jî̌pwǐ̤ shěpě̤ a dǒ awô̌ gutṳ̌ nî̌꤮, dě pṳ̂̌měǐ wô̌ yôla htûpwa̤ tûjû̌pwa̤ nunî̌꤮. Bǎ na olò̤ na ta̤yṳ̌ta̤nǎ̤nu dǒ kòyò saprṳ̂ a lô̤mô̤̌ akhanu, Cǒmara kaǎ na dǒ na nǐ̤bǎ Yôla htûpwa̤ tûjû̌pwa̤ nuhǒ.

Tîmôte ginǐ̤bǎ tôbǎ 4:7

Ta̤shěpě̤ dǒ awô̌lǒnu he shěhtohǒ. Ta̤ bèkhlè̌tǎ̤nu he khlè̌ htohǒ. He pṳ̂̌měǐ wô̌ he ta̤yṳ̌ tǒ̤dǒ agutṳ̌hǒ.

Hebrǔ 12:1

Pô̤̌nudě, kòyò dǒ a dǔlè̌lṳ̌ bǎ pa kû̌ a ta̤yṳ̌ta̤nǎ̤ tokhlǒnu, a ô̌ te̤we̤plṳ̂te̤we̤phǎ kû̌ pa. Pô̤̌nu akhû̌akhî, pa wîkè ta̤pṳ̂̌꤮ tocǒ dǒ a ma̤ dǐdò tě̤tṳ pa tokhlǒ kû̌ ta̤sǔ dǒ a ma̤ topho lòkhǔkè pa hǒtokhlǒ tǎ꤮! Dě pa kè̌wô̤̌wô̤̌ lû̌û kòyò ǐ pa ta̤bò̌htò̌htǔ dǒ palô̤mô̤̌nu dě pa gǔ sǎphlǒhtû khlè̌hètǒ̤ dǒ a ô̌nu tǎ꤮.

Hebrǔ 12:4

Sî shěshǔ kû̌ ta̤sǔta̤phû̌mò̤̌ nutokhlǒ bǎbǎkǎlè sî khòbǎ ta̤jî̌ta̤jû̌ tǒ̤dǒ kòyò bǎma̤si sînu, a ô̌nô̌ tôpwǎ̤꤮ tô̤̌.

Ta̤dǔlè̌nǎ 12:11

Pa pṳ̌wè̤̌ tokhlǒnu, dǒ sû̌phû̌ asǐ akhû̌akhî, kû̌ asî shôbǐǐlṳ̌ bǎ kòyò Cǒmara alě̤ayô̤̌ akhû̌akhîdě, asî ma̤pè̤̌kè hǎkhû̌tana hǒ. Asî kè̌shǐbǎ kû̌ ta̤si bǎbǎ, a sǎleǐtû̌ a ta̤htûpwa̤ tô̤̌.