Phǐlǐpǐ 1:27 - Kawyaw New Testament

^27-28 A htûhtò̌ hî̌tè bǎbǎ, sî tô ô̌htûpwa̤ lô̌khô pô̤̌ Khrǐ a ta̤sǎlě̤we̤kè shôbǐǐ bǎ sînu nî̌꤮. Sî kè̌ ma̤pô̤̌nu hî̌dě he hèkè̌shǐ sî bǎbǎ, he ô̌tepheyî̤ kû̌ sî dě he ganǎ̤de pwǎ sîwe̤sîkè bǎbǎ, he sî̌ganǎ̤ kû̌ sî sǎphlǒ icu lû̌û dě sî ihtǒ tònò shěshu lû̌û dǒ ta̤sǎlě̤we̤kè a ta̤yṳ̌ta̤nǎ̤ ayahǒ. Htokhôtô̤̌ sî ǐsha pe kòyò dǒ a sǎkhěkhû̌khwè sî nutokhlǒ alǎ̤ tô̤̌. Sî kè̌ ma̤pô̤̌nu hî̌dě sî khòlṳ̌ hto asî kû̌ Cǒmara ma̤pî̌kè asî pě, dě Cǒmara gǔ ma̤hǎplǎge sî kû̌ anǎ̤ pě.

Kawyaw RC

^27-28 A htûhtò̌ hî̌tè bǎbǎ, sî to ǒhtûpwa̤ lǒkho pwǐ Khrî̌stu a ta̤sò̌le̤sò̌lò̤ awi̤akè̌ pwe̤ǐ bǎ sînu nî̌꤮. Sî dè ma̤hǐnu hî̌dě he hèkè̌shǐ sî bǎbǎ, he ǒtepheyî̤ ta sî dě he gana̤de pwǎ sîwi̤sîkè̌ bǎbǎ, he glè sî̌ya tû̌ta sî sò̌phlǒ tǒhtu nû̌û dě sî ihtǒshěshǔ tònòplǒ nû̌û ta ta̤sò̌le̤sò̌lò̤ awi̤akè̌ a ta̤yṳta̤nǎ aya. Htohǒtò̤ sî ǐshape kòyò htě a sò̌khěkhû̌khwè sînu toǒ ala̤ tò̤ hǒ. Sî dè ma̤hǐnu hî̌dě sî khòlṳ bǎ asî ta Cǒmara ma̤pî̌kè asî pě, dě Cǒmara ma̤lû̌htò̌gelè̌tû̌ sî ta ana̤ pě.

Phǐlǐpǐ 1:27 Iomraidhean Croise

Htû̌sò̌htò̌ 122:3

Wî̤̌yarǔshôle mî̌ wî̤̌ dǒ a ô̌měô̌gle dě kòyò ma̤tě̤pro̤ jò lû̌û tô̤̌.

Htû̌sò̌htò̌ 133:1

Pṳ̌wè̤khlilè sîtokhlǒ sǎphlǒtô kè̌khîlû̌û numî̌ awî̤awô̌, amô̤꤮ mî̌ca.

Matěo 12:25

Běcǎ Yeshǔ sî̌ganǎ̤ asî ta̤gènè̤ tokhlǒ dě a hî̌ asî kû̌, “Gǎtôgǎ akûnu akòyò tokhlǒ gǔshěgǔpě̤ kè̌khîmò̌ lû̌û tôpwa̤ kû̌ tôpwa̤ kè̌hî̌dě a lò̤prî̌lò̤prû̌kè pě. Wî̤̌tôwî̤̌ bǎbǎ, kòyò tôhǐtôphò bǎbǎ kè̌ aklî̌ kè̌khî mò̌ lû̌û hî̌nu, a lûpò̌lûshe bò pě.

Pwa̤nophû̌ 2:46

Asî cû̌ ô̌plǒ hî̌bǎkè̌khî lû̌û dǒ ta̤lṳhtò̌hô pṳ̂̌꤮ tôni̤ dě asî sǎphlǒshû̌ yṳ̂̌ǎyṳ̂̌ô lû̌û tôpwa̤ kû̌ tôpwa̤ dě sǎlě̤sǎlò̤ ǎwô̤̌wô̤̌ ôwô̤̌wô̤̌ dǒ asî ahǐphòdǒkû akû.

Pwa̤nophû̌ 24:24

Dǒnô̌kò suni̤lǐ̤ni̤nu, khwǐdû̌ Běli̤ kû̌ ama mǒ̤drǔsǐla dǒ Yǔdamǒ̤ hǒtôpwa̤ hè dě a nocû̌ kaǎ kòyò kû̌ Khûpò̌lǔ dě a ganǎ̤dekè̌ Khûpò̌lǔ hî̌bǎ lû̌û kû̌ ta̤yṳ̌ǎnǎ̤ǎ Yeshǔ Khrǐ awe̤akè.

Pwa̤nophû̌ 4:32

Pwa̤ yṳ̌ǎnǎ̤ǎta̤ tokhlǒnu asî ô̌ lû̌û kû̌ sǎphlǒ tômè nô̤̌, ta̤gènè̤ tocǒ꤮ nô̤̌. Asî ta̤kî̌ta̤krû̌ tokhlǒnu asî dô̌kôǐ tûû̌ ata pwǎ ahî̌ tôpwǎ̤꤮ tô̤̌. Ta̤ dǒ a ô̌ kû̌ asî tokhlǒnu asî ǎwô̤̌wô̤̌ phî̌wô̤̌wô̤̌ kè̌khî lû̌û.

Rṳ̂̌me̤ 1:16

Dǒ ta̤sǎlě̤we̤kènu akhû̌akhî, he sòwò̤̌tô̤̌, ma̤titèhî̌dě, lǒ̤꤮ bò kòyò dǒ a yṳ̌ǎ ta̤sǎlě̤we̤kè tokhlǒnu, Cǒmara ma̤hǎplǎge bò asî kû̌ a ta̤pô̤ta̤phǎ hǒ. A ma̤hǎplǎge wǐ Yǔdaphû̌ tokhlǒ, htodě a ma̤hǎplǎge pô̤̌ Yǔdaphû̌ mè̤̌tô̤̌ tokhlǒ.

Rṳ̂̌me̤ 1:5

Dǒ Khrǐ akhû̌akhî, dě Cǒmara ǐlò̤ pa a ta̤bwǐta̤sîrî kû̌ ta̤shěkhǎ wô̌ dǒ pa gǔ htûhtò̌ pwa̤nophû̌ dǒ Khrǐ aya. Pô̤̌khô lǒ̤bò Yǔdaphû̌ mè̤̌tô̤̌ tokhlǒ gǔ yṳ̌nǐ̤nǎ̤nǐ̤ gû̌ kòyò Yeshǔ dě, asî gǔ ganǎ̤de Cǒmara ayô̤̌ ayanudě, a nohtûhtò̌ pa pwǎ.

Rṳ̂̌me̤ 1:9

Bǎ he kwicabahtò̌ Cǒmara akhanu, he gènè̤htò̌bǎ sî pṳ̂̌꤮ tôplǎ hǒ. He ma̤ mè̤̌mî̌ca pô̤̌o numî̌ Cǒmara sî̌ganǎ̤ pwǎ. He ma̤ lǒ̤sǔlǒ̤sò̌ bǎ a ta̤ma̤ kû̌ he ta̤shôbǐǐ bǎ aphû̌khû Běcǎ Yeshǔ Khrǐ a ta̤sǎlě̤we̤kè akhû̌akhî hǒ.

Rṳ̂̌me̤ 10:8

Bǎbǎkǎlè, Cǒmara bè̌cǒbè̌tè̤ kòyò aklè̌aklò numî̌ a hî̌ hî̌tè? Dě a hî̌ kû̌, “Cǒmara alě̤ayô̤̌ ô̌phǔtinǐ̤ kû̌ na, a ô̌ pwǎ bǎ na khû̌phělô̤nu pwǎ, a ô̌ pwǎ bǎ na sǎphlǒkû nupwǎ.” Hǒo numî̌ ta̤yṳ̌ a ta̤sǎlě̤we̤kè dǒ pa shôbǐǐ bǎ sî nuhǒ.

Rṳ̂̌me̤ 15:16

Cǒmara abwǐsîrî akhû̌akhî, a ǐ he ta̤ma̤ dǒ he gǔ ma̤ Yeshǔ Khrǐ ata̤ma̤ dǒ Yǔdaphû̌ mè̤̌tô̤̌ tokhlǒ akla. Pô̤̌khô Yǔdaphû̌ mè̤̌tô̤̌ tokhlǒ gǔ htûhtò̌ ta̤lṳ tôcǒ dǒ Cǒmara gǔ phî̌shǐshu yǎ, htodě ta̤lṳ tôcǒ dǒ Yôla Plò̌shǐ Běcǎ ma̤plò̌shǐ hto lû̌û dě, Cǒmara rû̌htò̌ khô̌tû̌ he kû̌ he gǔ ma̤ta̤ pô̤̌ pwa̤shû̌gǎ dǒ a shôbǐǐlṳ̌bǎ kòyò kû̌ Cǒmara a ta̤sǎlě̤we̤kè nutôpwa̤ hǒ.

Rṳ̂̌me̤ 15:29

He sî̌ganǎ̤ kû̌ htû̌ he hètǒ̤ dǒ sî ô̌pěnu, he gǔ phǐhènǐ̤ Khrǐ a ta̤ǐshowî̤ dǒ alǒabe nupě.

Kôritu awǐlǒ tôbǎ 1:10

Hepṳ̌hewè̤̌ sî khònò̤̌ he kwisǎyṳ shû̌ sî kû̌ ta̤siwi̤sòwò̤ dǒ Běcǎ Yeshǔ Khrǐ ǐ he nuhǒ. He sǎyṳ kwisǎyṳ sî mî̌ pô̤̌hî̌tèhî̌dě, he sǎyṳ dǒ sî gǔ mô̤nṳ̌klanṳ̌ lû̌û, ô̌khô̌ma̤khô̌ lû̌û tôprṳ̂ kû̌ tôprṳ̂ tǎ̤mǎ̤. He sǎyṳ shò̌gû̌ sî kû̌ sî ta̤gènè̤ tokhlǒ bǎbǎ, sî ta̤gènè̤nǎ tokhlǒ bǎbǎ, no sô̌sô̌ pwǎ lû̌û tôcǒcǒ pwǎ nî̌.

Kôritu awǐlǒ tôbǎ 15:58

Pô̤̌nudě, he khô sî, khònò̤̌dě ihtǒ tònòwô̌ lô̌khô dě ô̌měô̌gle lô̌khô dǒ sî ta̤yṳ̌ akûnu nî̌. Ma̤ shû̌shû̌ lô̌khô Cǒmara ata̤ma̤ pṳ̂̌꤮ taplǎ nî̌꤮, ma̤titèhî̌dě sî ma̤ Běcǎ ata̤ma̤nu a tônô̤ nô̌ sîya tô̤̌.

Kôritu ginǐ̤bǎ tôbǎ 13:11

Khôbǒsû̌ sî, he sǎyṳ hî̌ sî dǒ nô̌kògutṳ̌ kû̌, sǎlě̤ lô̌khô nî̌. Ma̤wô̌ getîkhî lô̌khô sî ta̤ô̌htûpwa̤ nî̌꤮. Ganǎ̤de lô̌khô he ta̤kwisǎyṳ sî tokhlǒ nî̌. Ô̌plǒô̌cu, ô̌pè̤̌ô̌dû pû lû̌û nî̌꤮. Sî kè̌ ma̤pô̤̌nu hî̌dě Cǒmara dǒ a mî̌ ta̤mô̤ǐ kû̌ ta̤pè̤̌ta̤dû a kòshî̌ tôpwa̤ gǔ ô̌ kû̌ sî pě.

Kôritu ginǐ̤bǎ tôbǎ 4:4

Hǎkhû̌tana dǒ a pǒnǐ̤ hǎkhû̌ hǒtôdonu, a ma̤khǐ ma̤shôpe̤kè asî mǐ̤sǎ akhû̌akhî, asî kè̌shǐ gû̌ kòyò ta̤sǎlě̤we̤kè ata̤lînu tô̤̌. Pô̤̌khô kòyò hǎkhû̌phû̌ tokhlǒ gǔ sî̌yaphlô tǎ̤ Khrǐ a ta̤sǎlě̤we̤kè dǒ a shôbǐǐlṳ̌ bǎ kòyò kû̌ Khrǐ a ta̤bwǐdû̌sîrîhtû awe̤akè tǎ̤mǎ̤nu, a ma̤kiti̤kaa ǒò̌pè̌kè asî pô̤̌nu hǒ. Pwa̤ dǒ a dǔlè̌lṳ̌ tě̤tě̤mè̤̌mè̤̌ pa kû̌ Cǒmara mî̌ Khrǐ hǒ.

Kôritu ginǐ̤bǎ tôbǎ 9:13

Sî ta̤ma̤jè̌nu a khòlṳ̌ kû̌ sî yṳ̌ǎ mè̤̌mî̌ca Běcǎ Yeshǔ hǒ. Dǒ sî yṳ̌ǎ ma̤gû̌ pô̤̌ Khrǐ a ta̤sǎlě̤we̤kè hî̌nu akhû̌akhî kòyò gǔ htû̌sò̌htò̌ dû̌wî̤ Cǒmara pě. Ma̤titèhî̌dě dǒ sî sǎphlǒshû̌ ma̤jè̌ bǎ asî kû̌ kòyò pṳ̂̌tôpwa̤ akhû̌akhî, kòyò saprṳ̂ gǔ htû̌sò̌htò̌ lô̌khô Cǒmara pô̤̌nu pě.

Galatǐ 1:7

Kè̌ hî̌mè̤̌ca mî̌ ta̤sǎlě̤we̤kè dǒ ashǔshawa̤ nu a ô̌ pe tôcǒ꤮ tô̤̌, bǎbǎkǎlè kòyò dǒ a ma̤dǐkhû̌dǐdò sî sǎphlǒ dě a sǎyṳ bôtèplè̌ khô̌kè Khrǐ a ta̤sǎlě̤we̤kènu a ô̌ tokhlǒ.

Ěphěsu 1:13

Sî dě, bǎ sî ganǎ̤de ta̤tě̤ta̤mè̤̌, ta̤sǎlě̤we̤kè dǒ a ma̤hǎplǎge sî awe̤akè akhanu, sî yṳ̌ǎ dě sî htûhtò̌ tôcǒ꤮ nô̤̌ kû̌ Khrǐ hǒ. Dǒ sî yṳ̌ǎ Khrǐ akhû̌akhî, a ǐlò̤ sî Yôla Plò̌shǐ Běcǎ dǒ a olò̤ nǎ htonu hǒ. Yôla Plò̌shǐ Běcǎ nî̌ a sô̌sô̌ kû̌ ta̤ma̤mǎnǎ tôcǒ dǒ a dǔlè̌lṳ̌ kû̌ sî htû Cǒmara a kòyò hǒ.

Ěphěsu 1:15

Cǒmara ǐshowî̤ pa pô̤̌nuhǒ akhû̌akhî, sahtò̌ bǎ he ganǎ̤de kû̌ sî yṳ̌ǎ Běcǎ Yeshǔ Khrǐ dě sî mô̤ǐ Cǒmara a kòyò akhanu,

Ěphěsu 4:1

Pô̤̌nu akhû̌akhî, he kwisǎyṳǐ sî sô̌sô̌kû̌ kòyò dǒlò̤tě̤ kò dǒ apô̤kû dǒ Běcǎ aya tôpwa̤nu. Cǒmara kaǎ sî dǒ sî htûhtò̌ ta̤dòkûphû̌ tokhlǒ akhû̌akhî, he kwisǎyṳ sî kû̌ sî ô̌htûpwa̤ bè̌wô̌ sî sǎphlǒ pô̤̌ ta̤dòkûphû̌ tokhlǒ tô ô̌htûpwa̤nu.

Phǐlǐpǐ 1:5

Ma̤titèhî̌dě, he ma̤ ta̤sǎlě̤we̤kènu, sî gû̌ma̤ kû̌ he dǒ asakhû̌lû̌kha tǒ̤dǒ khònò̤̌ hǒ.

Phǐlǐpǐ 2:12

Pô̤̌nudě, sû̌khô sî bǎ he ô̌plǒ kû̌ sî akhanu, sî ganǎ̤de he yô̤̌, khònò̤̌ he ô̌yî̤ kû̌ sî akhû̌akhî, sî tôbǎ ganǎ̤de khlo pe heyô̤̌. Pô̤̌khô sî ma̤lǒhtò̌behtò̌ ta̤ma̤hǎplǎge sî ayanu, jî̌pwǐ̤ ma̤ lô̌khô ta̤ dǒ ta̤bè̌dubè̌nǎ̤ Cǒmara akû, dě ma̤ kû̌ ǐsha gònò̤̌gòglè anu nî̌꤮.

Phǐlǐpǐ 2:24

Yî̤khôtô̤̌ pěnu, he yṳ̌ǎ kû̌ Běcǎ ma̤jè̌ he pě dě he nǎ̤běcǎ sanǎ̤ dě he hèbò̌ dǒ sî ô̌ pě.

Phǐlǐpǐ 3:18

Dǒ awǐkhanu mî̌, he pwe̤ǐ sayèyè̤̌ bǎ sî hǒ. Khònò̤̌ he hî̌ bǎ pô̤̌ sô̌ sî kû̌ mǐ̤sǎshi. Kòyò dǒ a bè̌ lô̌khô a sǎphlǒsǔshi kû̌ a sǎkhě Khrǐ ata̤si yô̤̌mûyô̤̌sǎ dǒ nò̌dò̌htǔlô̤ tokhlǒnu a ô̌ dû̌wî̤.

Phǐlǐpǐ 3:20

Bǎbǎkǎlè pa tokhlǒ numî̌ mǒkhû̌ a shiphû̌gǎphû̌ dě pa sǎphlǒshû̌ ô̌pǒ̤kè̌shuǐ pa Běcǎ Yeshǔ Khrǐ dǒ a ma̤hǎplǎge panu ô̌ dǒ mǒkhû̌ hèlò̤ pěnu tôpwa̤ hǒ.

Phǐlǐpǐ 4:1

Pô̤̌nu akhû̌akhî, he pṳ̌wè̤̌ sî, sî mî̌ kòyò dǒ he mô̤ǐ tokhlǒ dě he nǎsǔǐ jî̌ tokhlǒ, sî mî̌ pwa̤ dǒ a ma̤ sǎlě̤sǎlò̤ jî̌ he dě he phǐhtò̌gôjô mî̌ca henǎ̤ kû̌ sîkhû̌khî. Khôbǒsû̌ sî hǒnumî̌ amè̤̌kû̌ sî tô ô̌měô̌gle lô̌khô dǒ Běcǎ akû hî̌tènu hǒ.

Kòlòtè̌ 1:10

Pô̤̌khô sî gǔ ô̌htûpwa̤ kû̌ Běcǎ htodě pô̤̌khô sî ma̤mô̤ lû̌û sǎphlǒ ayanu, pa kwicaba Cǒmara pô̤̌nu. Htokhôtô̤̌ pô̤̌khô sî ma̤wô̌ta̤ pṳ̂̌tocǒ, dě sî sǎhtò̌wô̌ dě sî gǔ dû̌htò̌ pû dǒ ta̤sî̌ya Cǒmara akû ayanu, pa kwicaba bǎ pô̤̌ sîya.

Kòlòtè̌ 1:4

Ma̤titèhî̌dě pa hî̌bwǐhî̌sîrî numî̌, sî yṳ̌ǎnṳ̌ Yeshǔ Khrǐ dě sî mô̤ǐ Cǒmara a kòyò aplò̌shǐ lǒ̤bò tokhlǒnumî̌, pa ganǎ̤de htobòhǒ.

Tîsalònǐ awǐlǒ tôbǎ 3:6

Bǎbǎkǎlè khònò̤̌ Khûtîmôte ô̌ dǒ sîô̌ dě a getǒ̤ sô̌ dǒ paô̌ hǒ. Dě a ge pwe̤ǐ bǎ pa kû̌ ta̤we̤ta̤kè dǒ a mô̤ tokhlǒ. A pwe̤ǐlṳ̌ bǎ pa kû̌ sî ta̤yṳ̌ta̤nǎ̤ kû̌ sî ta̤mô̤ tokhlǒ awe̤akè. Kǎtô̤̌ a hî̌lṳ̌ bǎ pa kû̌ sî gènè̤htò̌bǎ pa pṳ̂̌꤮ taplǎ, dě sî ô̌ kû̌ ta̤sǎlě̤sǎlò̤, kǎtô̤̌ sî nǎsǔ mî̌ca pa pô̤̌ pa nǎsǔ sînu, a shôbǐǐlṳ̌ bǎ pa pô̤̌nu.

Tîsalònǐ awǐlǒ tôbǎ 4:1

Sapṳ̌wè̤̌ sî, dǒ nô̌kòlǒnu, sî bǎ ô̌htûpwa̤ tô kû̌ Cǒmara asǎphlǒ hî̌tènu, pa sû̌ǐ hto sî hǒ. Dě khònò̤̌ sî ô̌htûpwa̤ numî̌ amè̤̌hǒ. Khònò̤̌ pa kwisǎyṳ sî dě pa shò̌gû̌ sîkò dǒ Běcǎ Yeshǔ agûlǎ̤ kû̌, sî gǔ ma̤ dû̌htò̌htûhtò̌ sělě pô̤̌nu.

Tîmôte awǐlǒ tôbǎ 1:11

Ta̤sû̌ǐtòwòǐ dǒ acǒatè̤ numî̌, kè̌shǐ pwǎ dǒ ta̤sǎlě̤we̤kè akû nô̤̌ pwǎ. Cǒmara yṳ̌ǎ he dě a ǐ he ta̤sǎlě̤we̤kènu dǒ he bǎ wǐ̤lò̤ aya nupwǎ. Ta̤sû̌ǐtòwòǐ acǒatè̤ numî̌ a hè dǒ ta̤ǐshowî̤ a Cǒmaradû̌ dǒ kòyò htû̌sò̌htò̌ lû̌û nutôpwa̤ a ô̌.

Tîmôte awǐlǒ tôbǎ 1:19

Dě pṳ̂̌měǐ na ta̤yṳ̌ta̤nǎ̤ kû̌ na sǎphlǒ a ta̤gènè̤ mṳ̂̌plî nutokhlǒ nî̌꤮. Kòyò tokhlǒkhlǒnu, a plûkè lô̌khô ata tokhlǒ akhû̌akhî, a ta̤yṳ̌ta̤nǎ̤ pî̌kè bò pwǎ.

Tîmôte ginǐ̤bǎ tôbǎ 4:7

Ta̤shěpě̤ dǒ awô̌lǒnu he shěhtohǒ. Ta̤ bèkhlè̌tǎ̤nu he khlè̌ htohǒ. He pṳ̂̌měǐ wô̌ he ta̤yṳ̌ tǒ̤dǒ agutṳ̌hǒ.

Tǐtǔ 2:10

Asî tô ǎhǔǎhǐ aběcǎ ata tô̤̌, mè̤̌mè̤tôkhônu, pô̤̌khô aběcǎ gǔ yṳ̌ǎ tě̤tě̤mè̤̌mè̤̌jò sî ayanu, asî tô ô̌htûpwa̤ wî̤wô̌ bǎ aběcǎ. Kè̌ ma̤pô̤̌nu hî̌dě kòyò gǔ htû̌sò̌htò̌ǐ bò Cǒmara dǒ a ma̤hǎplǎge pa hǒtôpwa̤ a ta̤sû̌ǐtòwòǐnu dǒ ta̤pṳ̂̌꤮ tocǒ akû pě.

Philemo 1:5

Ma̤titèhî̌dě, he ganǎ̤de kû̌ na yṳ̌ǎ mè̤̌mî̌ca Běcǎ Yeshǔ htodě na mô̤ǐ bò kòyò yṳ̌ǎ mè̤̌mî̌ca Cǒmara nutokhlǒ akhû̌akhî, he hî̌bwǐhî̌sîrî he Cǒmara.

Jǎgomo̤ 3:18

Kòyò dǒ a dǐô̌htò̌ ta̤mô̤ta̤bǎnu, a shǒlò̤ ta̤mô̤ǐ akhlialè dě htû̌꤮ kòyò kǎgewô̌ akhapěnu, a nǐ̤bǎ ta̤tě̤ta̤mè̤̌ asǎ pě.

Petru ginǐ̤bǎ tabǎ 3:11

Cǒmara gǔ ma̤pî̌kè lǒ̤꤮ bò pô̤̌onu pě akhû̌akhî, sî dě, sî tôbǎ ô̌htûpwa̤ hî̌tè numî̌, bǎ sî ô̌pǒ̤ kè̌shuǐ Cǒmara hè pě akhanu, sî tô ô̌htûpwa̤ plò̌shǐ dě, sî tô ô̌htûpwa̤ tô kû̌ Cǒmara asǎphlǒ.

Petru ginǐ̤bǎ tabǎ 3:14

Pô̤̌nudě sû̌khô sî, dǒ sî ô̌pǒ̤kè̌shuǐ ta̤nu akhû̌akhî, pô̤̌khô Cǒmara gǔ kè̌shǐ sî kû̌ kòyò dǒ awǐ kû̌ ta̤sǔ tǎ̤mǎ̤, htodě pô̤̌khô alǎ̤bè̌ ta̤sǔ dǒ sîlô̤ gǔ ô̌ tǎ̤mǎ̤, htokhôtô̤̌ pô̤̌khô sî gǔ ô̌pè̤̌dû tǒ̤ kû̌ a pěnu, jî̌pwǐ̤jî̌li̤ gutṳ̌ lô̌khô nî̌꤮.

Yṳ̌da 1:3

He sû̌khômô̤ sî, ta̤ma̤hǎplǎge dǒ pa lǒ̤bò nǐ̤bǎ wô̤̌wô̤̌ lû̌û awe̤akènu, he sǎyṳ wě̤cû̌ bǎ jî̌ sî bǎbǎkǎlè khònò̤̌ he kè̌shǐ kû̌ he bǎ wě̤cû̌khô̌ tèplè̌ bǎ sî dǒ ashǔshawa̤ tôcǒ. Dě he sǎyṳ ǐkhû̌ǐǎ sî kû̌ ta̤sǎlě̤we̤kè dǒ Cǒmara ǐlò̤ htophlǔ bò tôplǎ nô̤̌ kû̌ kòyò lǒ̤bò dǒ a yṳ̌ǎ tokhlǒnu, sî jî̌pwǐ̤ ô̌ tònòshû̌sho wô̤̌wô̤̌ pû a nî̌꤮.