Phǐlǐpǐ 1:26 - Kawyaw New Testament

²⁶ Pô̤̌khô sî gǔ htû̌sò̌htò̌ǐ Yeshǔ Khrǐ ma̤ bǎ ta̤dǒ heya tokhlǒnudě, he ge ô̌plǒ sô̌ kû̌ sî pě.

Kawyaw RC

²⁶ Ma̤pûhǐ sî htû̌sò̌ǐ Ye̤shǔkhrî̌stu ma̤ta̤ ta heya htǒotoǒnudě, he ge ǒplǒkû̌ gesǒ ta sî pě.

Phǐlǐpǐ 1:26 Iomraidhean Croise

Jowǎ̤ni̤ 16:22

Ta̤ gǔ htûhtò̌ sô̌sô̌ kû̌ sî pô̤̌o nupě. Khònò̤̌dě sî gǔ sǎplǎ̤ pě, bǎbǎkǎlè he gǔ kè̌shǐ sô̌ sî pě dě sî gǔ sǎlě̤sǎlò̤ pě. Htokhôtô̤̌ kòyò phî̌ge jò pe sî ta̤sǎlě̤sǎlò̤ tôpwǎ̤꤮ tô̤̌ pě.

Jowǎ̤ni̤ 16:24

Tǒ̤lò̤khònò̤̌nu, sî kwi kû̌ hemi̤ tôcǒ tô̤̌. Kwi mò̌ lô̌khô, sî gǔ nǐ̤bǎ pě. Dě sî gǔ nǐ̤bǎ lǒbe ta̤sǎlě̤sǎlò̤ pě.

Kôritu ginǐ̤bǎ tôbǎ 1:14

Khònò̤̌dě sî sî̌yaphlô pô̤̌ bò pawe̤pakè khôtô̤̌, bǎbǎkǎlè dǒnô̌kòpěnu pa kè̌shuǐ kû̌ sî gǔ sî̌yaphlô bòmǔtegle bò pawe̤pakè pě. Pô̤̌nudě, bǎ Běcǎ Yeshǔ hèsô̌ pě tôni̤nu, dǒ pakhû̌pakhî dě sî gǔ sǎlě̤sǎlò̤ pô̤̌ pa sǎlě̤sǎlò̤ dǒ sîkhû̌sîkhî nupě.

Kôritu ginǐ̤bǎ tôbǎ 5:12

Gènè̤ tǎ̤ lô̌khô kû̌ pa sǎyṳ hî̌bǎ htò̌mǒhtò̌phô̌ǐ sô̌ panǎ̤ pô̤̌nu tǎ̤mǎ̤. Pa hî̌ sî pô̤̌nu ma̤titèhî̌dě pô̤̌khô sî gǔ hî̌ geshěshu jò kòyò dǒ a pîjî̌ǐsho pa nutokhlǒ ayanu, pa sǎyṳ nosî̌ganǎ̤ tě̤tě̤mè̤̌mè̤̌ sî kû̌ pa ma̤kwè̌꤮ titè pô̤̌nu pwǎ. Kòyò nutokhlǒ mî̌ a bè̌dû̌ phî̌htò̌lǒ tûû̌ anǎ̤ pwǎ ta̤sî̌ta̤jò̌ dǒ a ô̌lṳ̌ dǒ akhlo nutokhlǒ pwǎ, a bè̌dû̌ kû̌ kòyò ta̤ dǒ a ô̌ dǒ kòyò tôpwa̤pwa̤ a sǎphlǒkû nutokhlǒ tô̤̌.

Kôritu ginǐ̤bǎ tôbǎ 7:14

Bǎ Khûtǐtǔ cû̌ dǒ sî ô̌ khôtô̤̌ nu, he htû̌sò̌ ǐ sî dǒ Khûtǐtǔ alô̤mô̤̌ pwǎnî̌. Sî ma̤ mè̤̌mî̌ca pô̤̌ he htû̌sò̌ ǐ sî nuhǒ. Sî ma̤sòwò̤̌nô̌ he tôkhò̌꤮ tô̤̌. Pô̤̌ he hî̌bǎcǒhî̌bǎtè̤ sî pṳ̂̌꤮ tôplǎnu, pa hî̌ bǎ Khûtǐtǔ kû̌ sîwe̤sîkè numî̌ pa hî̌bǎcǒhî̌bǎtè̤ pwǎ.

Kôritu ginǐ̤bǎ tôbǎ 7:4

He yṳ̌ǎ tě̤tě̤mè̤̌mè̤̌ jî̌ sî dě he htû̌sò̌ǐ jî̌ sî pṳ̂̌꤮ taplǎ nǒ̤. Pô̤̌nu akhû̌akhî pa kè̌shǐbǎ dû̌wî̤ kû̌ ta̤pò̤̌ta̤sha bǎbǎkǎlè pa sǎlě̤sǎlò̤ pwǎ, htokhôtô̤̌ pa sǎphlǒmô̤ pwǎ.

Kôritu ginǐ̤bǎ tôbǎ 7:6

Bǎbǎkǎlè Cǒmara dǒ a ǐshoǐshò̌htò̌ kòyò dǒ a sǎphlǒpî̌ tokhlǒ tôpwa̤nu, a ǐkhû̌ǐǎ pa hǒ, ma̤titèhî̌dě Khûtǐtǔ hètǒ̤ kû̌ pa hǒ.

Galatǐ 6:4

Kòyò pṳ̂̌꤮ tôpwa̤ tô gwè̌lò̤ tûû̌ anǎ̤. Dě a tôbǎ tèbǎ anǎ̤ kû̌ kòyò dǒ ashǔshawa̤ tokhlǒ tô̤̌. Ta̤ma̤ dǒ a ma̤hto tokhlǒnu, a kè̌ wô̌ hî̌dě dǒ a ta̤ma̤nu akhû̌akhî, a kè̌ sǎlě̤sǎlò̤ mî̌ anǐ̤ pwǎ.

Phǐlǐpǐ 3:1

He pṳ̌wè̤̌ sî, dǒnô̌kòlǒnu, he sǎyṳ hî̌ sî kû̌, dǒ sî htûhtò̌ ta̤tôcǒ꤮ nô̤̌ kû̌ Běcǎ Khrǐnu, sǎlě̤sǎlò̤ lô̌khô nî̌꤮. He wě̤cû̌ bǎ sô̌ sî lî̤ dǒ asô̌sô̌kû̌ awǐkha tokhlǒnu pwǎ bǎbǎkǎlè a dǐkhû̌dǐdò nô̌ he tôcǒ꤮ tô̤̌. He wě̤ tokhlǒ numî̌ pô̤̌khô a takabǐ sîyapwǎ.

Phǐlǐpǐ 3:3

Pa mî̌ Cǒmara a kòyò mè̤̌mî̌ca tokhlǒ hǒ, asî nutokhlǒ mî̌ a mè̤̌mî̌ca mè̤̌tô̤̌, ma̤titèhî̌dě dǒ Cǒmara a Yôla Plò̌shǐ akhû̌akhî, pa cubucabahtò̌ hǒ Cǒmara dě pa hî̌bǎhtû̌sò̌ǐ ta̤dǒ Yeshǔ Khrǐ ma̤ bǎ hto pa tokhlǒ nuhǒ. Pô̤̌khô pa nǐ̤bǎ ta̤ma̤hǎplǎge ayanu, pa tô nǎla̤ǐ ta̤dǒ pa ma̤ a nutokhlǒ tô̤̌.

Phǐlǐpǐ 4:10

He hî̌bwǐhî̌sîrî jî̌ Běcǎ dě he htû̌sò̌htò̌ jî̌ yǎ, ma̤titèhî̌dě dǒ gutṳ̌lò̤nu, sî sûhè bǎ he ta̤ma̤jè̌ numî̌ sî dǔlè̌lṳ̌ sô̌ sî ta̤wô̌ tokhlǒ dǒ hekhû̌ hǒ. He sî̌ganǎ̤ kû̌ sî wô̌ bǎ dǒ hekhû̌ pṳ̂̌꤮ taplǎ bǎbǎkǎlè sî glè̌ dǔlè̌lṳ̌ sô̌ sî sǎphlǒô̌ he hǒtôhunu, sî kè̌shǐ ta̤shěta̤khǎ wô̌ dǒ sîya nò̌khôtô̤̌ dě sî sûhèlǎ bǎ he tô̤̌ pô̤̌nupwǎ.

Phǐlǐpǐ 4:4

Sǎlě̤sǎlò̤ lô̌khô dǒ Běcǎ akû pṳ̂̌꤮ taplǎ nî̌꤮, dě he hî̌ sô̌ sî, sǎlě̤sǎlò̤ lô̌khô nî̌꤮.