Phǐlǐpǐ 1:25 - Kawyaw New Testament

²⁵ He sî̌ganǎ̤ tě̤tě̤mè̤̌mè̤̌ kû̌ he tôbǎ ô̌htûpwa̤ bǎ pû sîya dě he ô̌plǒ kû̌ sî pě. Pô̤̌khô sî ta̤yṳ̌ta̤nǎ̤ gǔshû̌gǔsho hèpô̤̌, htokhôtô̤̌ dǒ sî yṳ̌ǎ Khrǐ akhû̌akhî, dě sî sǎlě̤sǎlò̤ hèshû̌ pô̤̌ pě nudě he ma̤jè̌ sî pě.

Kawyaw RC

²⁵ He sî̌ya te̤mǎ ta he tobǎ ǒhtûpwa̤ kû̌pe ta sîya dě he ǒkû̌ tû̌ta sî pě. Ma̤pûhǐ sî ta̤yṳta̤nǎ shû̌sho hèto̤, htohǒtò̤ sî yṳǎ Khrî̌stu khû̌khî, sî sò̌le̤sò̌lò̤ hèsho to̤po̤ pěnu dě he ma̤jè sî pě.

Phǐlǐpǐ 1:25 Iomraidhean Croise

Htû̌sò̌htò̌ 60:6

Cǒmaradû̌ ô̌ dǒ agûlǎ̤ plò̌shǐ, a hî̌bǎlò̤ kû̌, “He yî̤̌kǒ sǎlě̤sǎlò̤ bèpè̤̌kè Wî̤̌shake pě. “He bèpè̤̌kè pô̤̌ Sǔkû̌ gǎlǒ̤te̤kû.

Lǔka 22:32

Bǎbǎkǎlè, Khshǐmṳ̂, pô̤̌khô na ta̤yṳ̌ta̤nǎ̤ glè̌ hǎpò̌kè tǎ̤mǎ̤nu, he kwicaba pa dǒ naya. Htodě bǎ na sî̌ya getîkhî gesô̌ hǒ nanǎ̤ pěnu, na tôbǎ ikhû̌ǐǎ na pṳ̌wè̤̌ tokhlǒ pě nî̌꤮.”

Pwa̤nophû̌ 11:23

Dě bǎ a cû̌tǒ̤ akha, a cû̌kè̌shǐ kû̌ kòyò nutokhlǒ nǐ̤bǎ Cǒmara abwǐsîrî akhû̌akhî, a sǎlě̤sǎlò̤ jî̌ dě pô̤̌khô asî gǔ ô̌htûpwa̤ cǒtè̤ hènè kû̌ Běcǎ dě, a ǐkhû̌ǐǎ shò̌ pô̤̌ asîkò.

Pwa̤nophû̌ 14:22

Pô̤̌khô ta̤dòkûphû̌ tokhlǒ gǔ ô̌měô̌gle dǒ a ta̤yṳ̌ta̤nǎ̤ akû ayanu, Khûpò̌lǔ kû̌ Khûbanabǎ ǐkhû̌ǐǎ htò̌ asî, htokhôtô̤̌ shò̌gû̌ asîkò. Asî sû̌ǐtòwòǐ bǎ kòyò kû̌, “Pa glè̌ cû̌nṳ̌tǒ̤ dǒ Cǒmara ashiagǎkû numî̌ pa bǎ cû̌tûlû̌ dû̌wî̤ kû̌ ta̤pò̤̌ta̤sha sîtokhlǒ.”

Pwa̤nophû̌ 20:25

“Khònò̤̌nu he sî̌ganǎ̤ kû̌ lǒ̤bò sî dǒ he shôbǐǐ bǎhto bò kû̌ Cǒmara ashiagǎ awe̤akè tokhlǒ nu, sahtò̌ khònò̤̌ hènè nu sî kè̌shǐ pe he tôpwǎ̤꤮ tô̤̌ hǒ.

Rṳ̂̌me̤ 15:13

Bǎ sî yṳ̌ǎnṳ̌ Cǒmara dǒ a ma̤jè̌ sî akhanu, a mî̌ Cǒmara tôpwa̤ dǒ pa lǎ̤kè̌shuǐ a kòshî̌gutṳ̌ akhû̌akhî, a gǔ ma̤lǒbe bǎtûû̌ sî sǎlě̤sǎlò̤ kû̌ sî sǎphlǒ a ta̤gûjû̌kabǎ nî̌꤮. Htokhôtô̤̌ pô̤̌khô sî ta̤kè̌shuǐ gǔ shû̌htò̌shohtò̌ sělě pô̤̌ dǒ alô̤mô̤̌ kû̌ Yôla Plò̌shǐ Běcǎ a ta̤pô̤ta̤phǎ akhû̌akhî, pwǎ nudě he kwicaba bǎ sîya hǒ.

Rṳ̂̌me̤ 15:18

Ta̤ ashǔshawa̤ sî tokhlǒnu he hî̌bǎdû̌pwǎ̤ bǔ nô̌ kòyò tô̤̌. He hî̌bǎdû̌pwǎ̤ bǔ pwǎtǒ̤ Khrǐ ata̤ma̤ dǒ a ma̤jè̌ he awe̤akè pwǎ. Dǒ he hî̌bǎ a awe̤akè akhû̌akhî, htodě dǒ asî kè̌shǐ he ta̤ma̤ tokhlǒ, htokhôtô̤̌ dǒ Cǒmara a Yôla Plò̌shǐ ǐ he ata̤pô̤ta̤phǎ nudě, he ma̤lṳ̌bǎ asî ta̤cô̌klǐcô̌sè nutokhlǒ kû̌ ǒò̌ kitikaa nutokhlǒ akhû̌akhî, he nè̌klè̌nè̌klò bò̌pe Yǔdaphû̌ mè̤̌tô̤̌ tokhlǒ dǒ a gǔ ganǎ̤de jûlě̤phî̌yô̤̌ Cǒmara hǒ. Bǎ he cû̌ shôbǐǐlṳ̌bǎ bò kòyò kû̌ Khrǐ a ta̤sǎlě̤we̤kè akhanu, he cû̌nṳ̌ shôbǐǐlṳ̌bǎ bò kòyò pṳ̂̌꤮ tôpwa̤, pṳ̂̌꤮ todo dǒ doô̌ bǎ Wî̤̌yarǔshôlenu tǒ̤dǒ Ilǔrǐkhagǎ nutokhlǒ hǒ.

Rṳ̂̌me̤ 15:29

He sî̌ganǎ̤ kû̌ htû̌ he hètǒ̤ dǒ sî ô̌pěnu, he gǔ phǐhènǐ̤ Khrǐ a ta̤ǐshowî̤ dǒ alǒabe nupě.

Rṳ̂̌me̤ 5:2

Dǒ pa yṳ̌ǎ Běcǎ Yeshǔ Khrǐ akhû̌akhîdě, a no ô̌htûpwa̤ pa dǒ Cǒmara abwǐsîrî akû hǒ. Khònò̤̌ pa ô̌htûpwa̤ dǒ abwǐsîrî akû hǒ. Dě pa sǎlě̤ kè̌shumò̤̌mô̤ǐ Cǒmara a ta̤bwǐdû̌sîrîhtûnu hǒ.

Kôritu ginǐ̤bǎ tôbǎ 1:24

Pa sǎyṳ ma̤tě̤tṳ kû̌ sî ta̤yṳ̌ tô̤̌. Sî ta̤yṳ̌ta̤nǎ̤ shû̌sho numî̌ pa sî̌ganǎ̤ hǒ. Pô̤̌khô sî gǔ sǎlě̤sǎlò̤ dû̌wî̤pô̤̌ ayanu, pa sǎyṳ hè ma̤jè̌ sî pô̤̌nu pwǎ.

Phǐlǐpǐ 1:24

Bǎbǎkǎlè, ta̤ dǒ a lṳ̂dû̌lǒ tôcǒmî̌ he tôbǎ ô̌htûpwa̤ bǎ pû dǒ sîya nuhǒ.

Phǐlǐpǐ 2:24

Yî̤khôtô̤̌ pěnu, he yṳ̌ǎ kû̌ Běcǎ ma̤jè̌ he pě dě he nǎ̤běcǎ sanǎ̤ dě he hèbò̌ dǒ sî ô̌ pě.

Philemo 1:22

Dě a ô̌pe tôcǒ: khòsǎdô tîwî̌tòwò nǎ heya hǐdǒkû tôtô̤̌ nî̌꤮, ma̤titèhî̌dě he kè̌shuǐ dǒ Cǒmara gǔ ganǎ̤de sî ta̤kwicaba dě a gǔ sû̌ge he dǒ sî ô̌ pě.

Petru awǐlǒ tabǎ 1:8

Sî kè̌shǐbǎ a tô̤̌ bǎbǎkǎlè sî mô̤ǐ yǎ. Sî kè̌shǐ a khònò̤̌ tô̤̌ bǎbǎkǎlè sî yṳ̌ǎ yǎ. Pô̤̌nu akhû̌akhî, sî sǎlě̤sǎlò̤ mè̤̌mî̌ca dě sî sǎlě̤ pwǐ꤮ tènu hî̌jò pě tô̤̌.