Phǐlǐpǐ 1:22 - Kawyaw New Testament

²² He kè̌ ô̌htûpwa̤ hènè hî̌dě, he ma̤ ta̤ dǒ abwǐsîrî ô̌ nutokhlǒ pě. Bǎbǎkǎlè he gǔ rû̌htò̌ bǎtè tôcǒyanu he sî̌ganǎ̤ tě̤tě̤mè̤̌mè̤̌ khôtô̤̌.

Kawyaw RC

²² He dè ǒhtûpwa̤ sělěpo̤ hî̌dě, he ma̤ ta̤ htě abwǐasîrî ǒnu toǒ pě. Pwǎ̤ta he wû̌lǎ bǎtè tukǔtènu he sî̌ya te̤mǎ hǒtò̤.

Phǐlǐpǐ 1:22 Iomraidhean Croise

Mǒhtûlû̌hǎhtûsa 21:26

Dě Khwǐabǐmôlè̌ hî̌shǔ lû̌û kû̌, “O! Mò̌pè cû̌phǐsigwǐkè sî nî̌ he sî̌ganǎ̤ bǎ tô̤̌. Na shôbǐǐlṳ̌ cǎkǎ he tô̤̌! He ganǎ̤de mô̤̌pe khònò̤̌ pwǎ.”

Mǒhtûlû̌hǎhtûsa 39:8

Bǎbǎkǎlè Khûyṳ̂tǎ htè̌shěshukè lû̌û dě a hî̌ lû̌kû̌, “Gènè̤kè̌ mò̌, tě̤ta̤ lǒ̤bò dǒ hǐdǒkû mî̌, heběcǎ lǎ̤lṳ̂ kè̌tîkhî pe kû̌ anǎ̤ tôcǒ tô̤̌, a no pǒǐbò he kû̌ atě̤ta̤ lǒ̤bò hǒ.

Htû̌sò̌htò̌ 71:18

Ǒ Cǒmaradû̌, htû̌ he mǒ̤pwǎ̤ khǔlṳbû pě bǎbǎkǎlè wîkè tǎ̤ he mǎ̤ nî̌. No shôbǐǐlṳ̌ he kû̌ Hephû̌heli̤ sîtokhlǒ kû̌ na ta̤sîrîpô̤phǎ. No shôbǐǐlṳ̌ he kû̌ kòyò ô̌htûpwa̤ dǒ nô̌kò tôhtu tokhlǒ kû̌ na ma̤ ta̤sîrîpô̤phǎ awe̤akè pě nî̌.

Pwa̤nophû̌ 3:17

“Pṳ̌wè̤̌ sî꤮, khònò̤̌dě, sî kû̌ sî ikǒlǒkòdû̌ ma̤si Yeshǔ numî̌, sî sî̌ganǎ̤ yô̤̌mṳ̂yô̤̌sǎ tô̤̌ akhû̌akhî, dě sî ma̤ a pwǎ.

Rṳ̂̌me̤ 1:13

Pṳ̌wè̤̌ sî꤮, he sǎyṳ nosî̌ganǎ̤ sî kû̌ he ta̤yè̤lò̤nǎ dǒ he gǔ hè ô̌lè kû̌ sî pě awe̤akè numî̌ a ô̌ dû̌wî̤ hǒ. Bǎbǎkǎlè ta̤ma̤ dǐkhû̌dǐdò henu a ô̌ pe tǒ̤ khònò̤̌. Pô̤̌ he ma̤hto dǒ Yǔdaphû̌ mè̤̌tô̤̌ tokhlǒ aklanu, pô̤̌khô kòyò ô̌ dǒ sîkla nutokhlǒ gǔ htûhtò̌kû̌ ta̤dòkûphû̌ ayanudě, he sǎyṳ hè ô̌lè ma̤jè̌ bǎ kòyò nutokhlǒ pwǎ.

Rṳ̂̌me̤ 11:2

Cǒmara rû̌htò̌ hto akòyò dǒ sakhû̌lû̌khanu, tokhlǒnu a wîkè bǎ lû̌û tô̤̌. Lî̤plò̌shǐ hî̌ piwi̤pèshè Khûělǐya awe̤akè numî̌ sî sî̌ganǎ̤ bǎ tô̤̌ ya? A kookashahtò̌ Cǒmara kû̌ akhlilèphû̌ Isôrěla tokhlǒ awe̤akè dě a hî̌ kû̌,

Kôritu ginǐ̤bǎ tôbǎ 10:3

Pa mî̌ kòyò hǎkhû̌phû̌ tokhlǒ pwǎ numî̌ amè̤̌kǎ, bǎbǎkǎlè pa shěpě̤shěshu ta̤nu, pa shěpě̤ pô̤̌ kòyò hǎkhû̌phû̌ tokhlǒ shěpě̤nu mè̤̌tô̤̌.

Galatǐ 2:20

Hǒnumî̌ a sô̌sô̌ kû̌ he si kû̌ Khrǐ dǒ nò̌dò̌htǔ alô̤ hǒ. He ô̌htûpwa̤ mè̤̌petô̤̌ bǎbǎkǎlè Khrǐ ô̌htûpwa̤ dǒ hekû hǒ. Ta̤ô̌htûpwa̤ dǒ he ô̌htûpwa̤ khònò̤̌ numî̌ mè̤̌pwǎ he ô̌htûpwa̤ dǒ ta̤yṳ̌ǎ Cǒmara aphû̌khû dǒ a mô̤nṳ̌ he dě a ǐlò̤kè a ta̤htûpwa̤ dǒ heyanu tôpwa̤ akhû̌khî pwǎ.

Phǐlǐpǐ 1:23

He tô rû̌htò̌ bǎtè tôcǒ ayanu he sî̌ganǎ̤ tô̤̌, apò̤̌ jî̌ dǒ heya. He sǎyṳ bè̌kè he ta̤htûpwa̤ nutôhtu dě he sǎyṳ geô̌ kû̌ Khrǐ hǒ, pô̤̌numî̌ ta̤dǒ awô̌gutṳ̌ dǒ heya hǒ.

Phǐlǐpǐ 1:24

Bǎbǎkǎlè, ta̤ dǒ a lṳ̂dû̌lǒ tôcǒmî̌ he tôbǎ ô̌htûpwa̤ bǎ pû dǒ sîya nuhǒ.

Kòlòtè̌ 2:1

He sǎyṳ dǐsî̌ganǎ̤ bǎ sî kû̌ he jî̌pwǐ̤ ma̤ lǒ̤sǔlǒ̤sò̌ dǒ sîya, kû̌ kòyò ô̌dǒ Wî̤̌lò̤dǐkǐ akû nutokhlǒ aya, kû̌ kòyò dǒ a sî̌ganǎ̤ kè̌shǐ nô̌ he khôtô̤̌ nutokhlǒ aya pwǐ tènu.

Petru awǐlǒ tabǎ 4:2

Pô̤̌nudě sahtò̌ khònò̤̌ tǒ̤hènu dě, sî lṳmṳ̌ni̤ lṳmṳ̌sa dǒ a ô̌kèpe dǒ hǎkhû̌ tokhlǒnu sî bǎ ô̌htûpwa̤ pô̤̌ Cǒmara a ta̤sǎyṳnu. Sî bǎ ô̌htûpwa̤ nǐ̤ pe pô̤̌ kòyòhǎkhû̌phû̌ a ta̤sǎyṳ phû̌mò̤̌ nutokhlǒ tô̤̌.