Phǐlǐpǐ 1:21 - Kawyaw New Testament

²¹ Ta̤ô̌htûpwa̤ dǒ heya mî̌titè hî̌dě, he sǎyṳ ô̌htûpwa̤ bǎ pwǎ dǒ Khrǐ aya pwǎ, dě he kè̌ si numî̌ abwǐasîrî ô̌dû̌wî̤ khlo dǒ heya.

Kawyaw RC

²¹ Ta̤ǒhtûpwa̤ ta heya mî̌ titè hî̌dě, he sò̌yṳ ǒhtûpwa̤ tû̌pwǎ ta Khrî̌stu aya pwǎ, dě he dè si hî̌numî̌ ta̤bwǐta̤sîrî ǒplṳ̂khlo ta heya.

Phǐlǐpǐ 1:21 Iomraidhean Croise

Kôritu awǐlǒ tôbǎ 1:30

Cǒmara ma̤htûhtò̌ hto sî kû̌ Yeshǔ Khrǐ tôcǒ꤮ nô̤̌ hǒ. A ma̤htû sî kû̌ Khrǐnu tôcǒ꤮ nô̤̌ hǒ, a htûhtò̌ pa ta̤sî̌ta̤jò̌ hǒ. Dǒ Khrǐ akhû̌akhîdě Cǒmara bè̌ pa pô̤̌ kòyòcǒkòyòtè̤ tokhlǒnu hǒ. Htokhôtô̤̌ pa htûhtò̌ Cǒmara a kòyò aplò̌shǐ dě Khrǐ plûhǎhtò̌ pili pa dǒ ta̤sǔ ajû̌ agûlǎ̤ hǒ.

Kôritu awǐlǒ tôbǎ 3:22

Khûpò̌lǔ bǎbǎ, Khûapò̌lǔ bǎbǎ, Khûpetarǔ bǎbǎ, hǎkhû̌běkhû̌ lǒ̤bò bǎbǎ, ta̤si kû̌ ta̤htûpwa̤ bǎbǎ, khònò̤̌ htukha nubǎbǎ, htû̌ nô̌kòpě tôhtu bǎbǎ, Cǒmara ǐlò̤bò ta̤tokhlǒ dǒ a gǔ htûbwǐhtûsîrî dǒ sîya pwǎ.

Kôritu ginǐ̤bǎ tôbǎ 5:1

Pa nǎ̤glǒ dǒ asô̌sô̌kû̌ hǐ dǒ pa ô̌ ǐ a dǒ hǎkhû̌ hǒtômènu, htû̌꤮ kòyò ma̤pò̌kè a pěnu, a sǎyṳ hî̌ kû̌ htû̌꤮ pa si pěmî̌, pa sî̌ganǎ̤ kû̌ Cǒmara gǔ ma̤bǎ pa hǐsa amè̤̌kû̌ panǎ̤glǒ asa dǒ mǒkhû̌nu hǒ. A gǔ ma̤ kû̌ anǎ̤ dě hǐsa amè̤̌kû̌ panǎ̤glǒ asanu, a sijò pe tô̤̌, a gǔ ô̌měô̌gle̤ tûjû̌pwa̤ pě.

Kôritu ginǐ̤bǎ tôbǎ 5:6

Pô̤̌nu akhû̌akhî pa yṳ̌ǎ tě̤tě̤mè̤̌mè̤̌ ta̤nutokhlǒ hǒ. Pa nǎ̤glǒ kè̌ ô̌ pepwǎ dǒ hǎkhû̌ akû pwǎ numî̌, pa cû̌ ô̌ bǎ Běcǎ Yeshǔ lǎ̤ô̌ gûlǎ̤nu mè̤̌khôtô̤̌.

Kôritu ginǐ̤bǎ tôbǎ 5:8

He gǔ hî̌ kû̌, pa yṳ̌ǎ Běcǎnu ashû̌asho dě pa sǎyṳ hǎhtò̌cû̌kè kû̌ panǎ̤glǒnu dě pa sǎyṳcû̌ ô̌plǒkè kû̌ Běcǎ dǒ mǒkhû̌ hǒ.

Galatǐ 2:20

Hǒnumî̌ a sô̌sô̌ kû̌ he si kû̌ Khrǐ dǒ nò̌dò̌htǔ alô̤ hǒ. He ô̌htûpwa̤ mè̤̌petô̤̌ bǎbǎkǎlè Khrǐ ô̌htûpwa̤ dǒ hekû hǒ. Ta̤ô̌htûpwa̤ dǒ he ô̌htûpwa̤ khònò̤̌ numî̌ mè̤̌pwǎ he ô̌htûpwa̤ dǒ ta̤yṳ̌ǎ Cǒmara aphû̌khû dǒ a mô̤nṳ̌ he dě a ǐlò̤kè a ta̤htûpwa̤ dǒ heyanu tôpwa̤ akhû̌khî pwǎ.

Galatǐ 6:14

He kè̌ hî̌bǎhtò̌yô̤̌ pô̤̌ asînu kè̌hî̌dě, he gǔ hî̌bǎhtò̌yô̤̌ pwǎ dǒ he shôbǐǐ pa Běcǎ Yeshǔ Khrǐ a nò̌dò̌htǔ awe̤akènu nô̤̌pwǎ. Yeshǔ si dǒ nò̌dò̌htǔlô̤ akhû̌akhî, ta̤pṳ̂̌꤮ tocǒ dǒ a icu kû̌ hǎkhû̌ tokhlǒnu, a sikè hto bǎbò dǒ heya hǒ. Pô̤̌nudě, he dě he sikè bǎbòhto ta̤dǒ a icu kû̌ hǎkhû̌ nutokhlǒ hǒhǒ.

Phǐlǐpǐ 1:20

He ta̤sǎyṳ kû̌ he ta̤kè̌shuǐ mî̌titè hî̌dě, dǒ Khrǐ a lô̤mô̤̌ pěnu, he sòwò̤̌ pe nô̌ tîkî̌ tô̤̌. He htûpwa̤ bǎbǎ, he si bǎbǎ, pô̤̌khô kòyò glè̌ htû̌sò̌htò̌ǐ Khrǐ ayanudě, he sǎyṳ ô̌htûpwa̤ lǒbe kû̌ ta̤sǎphlǒkhuhe pô̤̌ he khuheǐ pṳ̂̌ taplǎ nupwǎ.

Phǐlǐpǐ 1:22

He kè̌ ô̌htûpwa̤ hènè hî̌dě, he ma̤ ta̤ dǒ abwǐsîrî ô̌ nutokhlǒ pě. Bǎbǎkǎlè he gǔ rû̌htò̌ bǎtè tôcǒyanu he sî̌ganǎ̤ tě̤tě̤mè̤̌mè̤̌ khôtô̤̌.

Phǐlǐpǐ 1:23

He tô rû̌htò̌ bǎtè tôcǒ ayanu he sî̌ganǎ̤ tô̤̌, apò̤̌ jî̌ dǒ heya. He sǎyṳ bè̌kè he ta̤htûpwa̤ nutôhtu dě he sǎyṳ geô̌ kû̌ Khrǐ hǒ, pô̤̌numî̌ ta̤dǒ awô̌gutṳ̌ dǒ heya hǒ.

Phǐlǐpǐ 2:21

Kòyò ashǔshawa̤ lǒ̤bò tokhlǒ numî̌ a kè̌lǎ ma̤ lô̌khô pwǎtǒ̤ ta̤ dǒ a htûbwǐhtûsîrî dǒ asî aya nutokhlǒ pwǎ. A kè̌lǎ ma̤ bǎ lô̌khô Yeshǔ Khrǐ aya tô̤̌.

Kòlòtè̌ 3:4

Khrǐ mî̌ pwa̤ dǒ a ǐ sî ta̤htûpwa̤ tôpwa̤ dě dǒ a hèlò̤ sô̌ pěnu, a ô̌ kû̌ a ta̤bwǐdû̌sîrîhtû pě. Bǎnu akhapěnu, sî ô̌lṳ̌htò̌ kû̌ a ta̤bwǐdû̌sîrîhtû nupě.

Ta̤dǔlè̌nǎ 14:13

Htodě he ganǎ̤de ta̤lě̤pwe̤htò̌ dǒ mǒkhû̌ dě a hî̌ kû̌, “Wě̤mǎnǎyǎ, sahtò̌ khònò̤̌ hènènu, kòyò dǒ a si dǒ Cǒmara a ta̤phǐta̤ma̤ akû tokhlǒnu, a gǔ nǐ̤bǎ ta̤ǐshowî̤.” Yôla Plò̌shǐ Běcǎ hî̌ kû̌, “A mè̤̌mî̌ca ma̤titèhî̌dě asî gǔ ô̌kǔbǎ lô̌khô dǒ a ta̤phǐta̤ma̤ tokhlǒ akû kû̌ a ta̤jî̌ta̤jû̌ tokhlǒ akû hǒ. Htokhôtô̤̌ asî ata̤phǐta̤ma̤ dǒ abwǐsîrî ô̌ tokhlǒnu, a gǔ gû̌kû̌ asîkò pě.”