Phǐlǐpǐ 1:20 - Kawyaw New Testament

²⁰ He ta̤sǎyṳ kû̌ he ta̤kè̌shuǐ mî̌titè hî̌dě, dǒ Khrǐ a lô̤mô̤̌ pěnu, he sòwò̤̌ pe nô̌ tîkî̌ tô̤̌. He htûpwa̤ bǎbǎ, he si bǎbǎ, pô̤̌khô kòyò glè̌ htû̌sò̌htò̌ǐ Khrǐ ayanudě, he sǎyṳ ô̌htûpwa̤ lǒbe kû̌ ta̤sǎphlǒkhuhe pô̤̌ he khuheǐ pṳ̂̌ taplǎ nupwǎ.

Kawyaw RC

²⁰ He ta̤sò̌yṳ ta he ta̤kè̌shuǐ mî̌ titè hî̌dě, Khrî̌stu a lo̤mo̤ pěnu, he sòwò̤ nò pě dî̌kî̌꤮ tò̤. He htûpwa̤ bǎbǎ, he si bǎbǎ, ma̤pûhǐ kò htû̌sò̌ǐ Khrî̌stu ayanudě, he sò̌yṳ ǒhtûpwa̤ lǒbe ta ta̤sò̌phlǒkhuha pwǐ he khuha pṳ̂̌꤮ taplǎnu pwǎ.

Phǐlǐpǐ 1:20 Iomraidhean Croise

Htû̌sò̌htò̌ 119:116

Pô̤̌ na ta̤olò̤ ô̌nu, ǐ he ta̤khû̌ta̤ǎ dě he ô̌htûpwa̤ pě. Dǒ he ta̤kè̌shuǐnu akhû̌akhî, no htûhtò̌ tǎ̤ ta̤shòwò̤̌ dǒ heya mǎ̤.

Htû̌sò̌htò̌ 119:80

Pô̤̌khô he gǔ hǎplǎge kû̌ ta̤shòwò̤̌ ayanu, he ganǎ̤de tě̤tě̤mè̤̌mè̤̌ bò nata̤hî̌bǎlò̤ pě nî̌.

Htû̌sò̌htò̌ 25:2

He Cǒmaradû̌, he nǎla̤ǐ tǒ̤꤮ na nô̤̌pwǎ. No htûhtò̌ pû ta̤sòwò̤̌ dǒ heya mǎ̤. No sǎle̤sǎlò̤ ma̤pè̤̌kè pû he kû̌ he khuwè̤ tokhlǒ mǎ̤.

Htû̌sò̌htò̌ 62:5

He sǎphlǒhtû ô̌pǒ̤ kè̌shuǐ pwǎtǒ̤ Cǒmaradû̌ a ô̌ nô̤̌. He ta̤kè̌shuǐ ô̌ dǒ a ô̌ hè.

Jowǎ̤ni̤ 21:19

Běcǎ Yeshǔ hî̌ lû̌û pô̤̌o numî̌, a sǎyṳ hî̌lṳ̌ lû̌û kû̌ Khûpetarǔ gǔ si hî̌tè pě dě Cǒmara ata̤bwǐdû̌sîrîhtû gǔ ô̌lṳ̌htò̌ hî̌tè pě ayanu pwǎ. Htodě Běcǎ Yeshǔ hî̌ lû̌û kû̌, “Gû̌ kû̌ hekò.”

Pwa̤nophû̌ 20:24

Bǎbǎkǎlè pô̤̌khô he gǔ ma̤htokè ta̤ma̤ dǒ Běcǎ Yeshǔ ǐlò̤kè he ayanu, he sǎleǐ pe he ta̤htûpwa̤nu tô̤̌ hǒ. Ta̤ma̤ dǒ a noma̤ he tokhlǒ numî̌ he bǎ khòlṳ̌ kû̌ Cǒmara abwǐsîrî a ta̤sǎlě̤we̤kè nuhǒ.

Pwa̤nophû̌ 21:13

Bǎbǎkǎlè Khûpò̌lǔ hî̌shěshu pa kû̌, “Sîhǎsîwô dě sî ma̤ sǎplǎ̤nǎ̤bǎ he ma̤titè? He tîwî̌tòwò nǎ henǎ̤ dǒ kòyò gǔpo̤ gǔco he bǎ Wî̤̌yarǔshôle nupě nô̤̌ mè̤̌bǎtô̤̌, he tîwî̌tòwò nǎ pô̤̌ dǒ he gǔ si dǒ Běcǎ Yeshǔ aya.”

Pwa̤nophû̌ 4:31

Bǎ asî kwicaba hto akhanu, gûlǎ̤ bǎ asî lǎ̤ô̌plǒcu lû̌û nutûkû a guyṳ̌wṳ̌wè̤ dě asî lǒbe bò kû̌ Yôla Plò̌shǐ Běcǎ pṳ̂̌꤮ tôpwa̤ dě asî pṳ̂̌꤮ tôpwa̤ shôbǐǐlṳ̌ khukhuhehe bǎ lô̌khô kòyò kû̌ Cǒmara awe̤akè.

Rṳ̂̌me̤ 12:1

Pô̤̌nudě, pṳ̌wè̤̌ sî꤮, Cǒmara a ta̤gwèbǎǐ panu, adû̌ayô̤̌ tûlû̌shû̌lě dǒ paya akhû̌akhî, he kwisǎyṳ sî kû̌ sî gǔ ǐlò̤ sî nǎ̤glǒnu dǒ Cǒmara a ô̌ pô̤̌ ta̤lṳ dǒ a htûpwa̤nu, pô̤̌ ta̤lṳ dǒ aplò̌shǐ kû̌ pô̤̌ ta̤lṳ dǒ atô lû̌sǎphlǒ a ta̤sǎyṳnu nî̌꤮. Sî tô cabahtò̌ Cǒmara pô̤̌numî̌ amè̤̌ klè̌ dǒ atôabǎ tôbô hǒ.

Rṳ̂̌me̤ 5:5

Bǎ pa kè̌shuǐ kû̌ Cǒmara gǔ ma̤ bǎ pa akhanu, pa sǎphlǒpî̌ tô̤̌, ma̤titèhî̌dě, bǎ Cǒmara ǐlò̤ pa Yôla Plò̌shǐ Běcǎ akhanu, a glǒlò̤ lò̌lò̤ hto bǎ pa a ta̤mô̤ǐ dǒ pa sǎphlǒkû hǒ.

Rṳ̂̌me̤ 6:13

Ǐ tǎ̤ sî nǎ̤glǒ ayô̤agî̌ dǒ ta̤phû̌mò̤̌shǐhtô gǔ noǎ lû̌û kû̌ a ta̤wè̤̌ta̤htò dǒ lǎ̤ma̤ ta̤sǔ tokhlǒ ayanu tǎ̤mǎ̤ nî̌꤮. Cǒmara ǐhto na ta̤ô̌htûpwa̤ asa akhû̌akhî, ǐ lô̌khô sî nǎ̤glǒnu dǒ a ô̌nu. Ǐ bò sî nǎ̤glǒ ayô̤agî̌ nutokhlǒ lǒ̤bò dǒ Cǒmara a ô̌nu, dě pô̤̌ sî noǎ ta̤wè̤̌ta̤htònu, noǎ lô̌khô sî nǎ̤glǒ tě̤ta̤nu dǒ sî lǎ̤ma̤ ta̤tě̤ta̤mè̤̌ aya nî̌꤮.

Rṳ̂̌me̤ 6:19

He hî̌bǎ sî kû̌ lṳmṳ̌shî̌ lṳmṳ̌hǎ a ta̤hî̌bǎ tokhlǒ, ma̤titèhî̌dě sî mî̌ kòyò hǎkhû̌phû̌ dě, sî sî̌yaphlôyû gû̌ kòyò Cǒmara a ta̤tokhlǒ tô̤̌ akhû̌akhî, he hî̌bǎ bǎ sî pô̤̌nu pwǎ. Dǒ awǐkha mî̌ sî nohtû sî nǎ̤glǒ ayô̤agî̌ tokhlǒ kû̌ sîběcǎ dǒ a phû̌mò̤̌shǐhtô nutokhlǒ ajû̌, sî noma̤ asî kû̌ ta̤putupatǎ phû̌mò̌shǐhtô tokhlǒ dě sî ma̤sǔma̤plě bò Cǒmara a ta̤sû̌ta̤tòwò pṳ̂̌꤮ tocǒ. Pô̤̌nudě khònò̤̌ sî nǎ̤glǒ ayô̤agî̌ tokhlǒnu nohtû a kû̌ Běcǎ dǒ awô̌ nutôpwa̤ ajû̌ nunî̌꤮. Pô̤̌khô sî gǔ htûhtò̌ kòyòplò̌shǐ ayanudě, nohtûhtò̌ mò̌ sî nǎ̤glǒ ayô̤agî̌ nutokhlǒ kû̌ ta̤tě̤ta̤mè̤̌ ajû̌ nunî̌꤮.

Rṳ̂̌me̤ 8:19

Lǒ̤꤮ bò Cǒmara bô̌lò̤ sǒmṳ̌wû̌bô, ta̤phû̌ta̤wè̤ kû̌ kòyò pṳ̂̌꤮ tôpwa̤ nî̌, a sǎphlǒshû̌ ô̌yṳ̂̌ kè̌shuǐ jî̌ kû̌ Cǒmara dǔlè̌lṳ̌htò̌ a phû̌mǒ̤phû̌khû tokhlǒ pě.

Rṳ̂̌me̤ 9:33

Pô̤̌ lî̤plò̌shǐkû hî̌ Me̤shǐya awe̤akè kû̌, “Kè̌mò̌ lô̌khô, he dǐô̌ lǒ̤ tômè dǒ Wî̤̌shǐû akû pě, dě kòyò gǔ htò̌tukhu a pě, dě a ma̤lòkhǔpo̤ kòyò pě. Bǎbǎkǎlè kòyò dǒ a yṳ̌ǎ lû̌û tokhlǒnu, a tǒ̤dǒ ta̤sǎphlǒpî̌ agûlǎ̤ tôkhò̌꤮ tô̤̌.”

Kôritu awǐlǒ tôbǎ 15:31

He khô sî꤮, he kè̌shǐbǎ kû̌ ta̤si pṳ̂̌꤮ tôni̤ dǒ sî yṳ̌ǎ Běcǎ Yeshǔ Khrǐ akhû̌akhî, sî ma̤sǎlě̤ he numî̌ Cǒmara sî̌ganǎ̤ pwǎ. Htokhôtô̤̌, he khòbǎ jî̌ ta̤jî̌ta̤jû̌ numî̌ Cǒmara sî̌ganǎ̤ gû̌ pwǎ.

Kôritu awǐlǒ tôbǎ 7:34

Pô̤̌nudě, kòyò dǒ ama ô̌ tôpwa̤nu, asǎphlǒ ô̌ ginǐ̤mè. Pwa̤mǒ̤ dǒ awṳ̂ ô̌ tòkhò̌ khôtô̤̌ tôpwa̤, tô̤̌mî̌ pwa̤mǒ̤khwè̌ tôpwa̤nu, a bè̌ plò̌shǐ a ta̤gènè̤ tokhlǒ dǒ Běcǎ a ta̤phǐta̤ma̤ tokhlǒ aya. Ma̤titèhî̌dě a sǎyṳ ǐlò̤bò anǎ̤glǒ kû̌ asǎphlǒ ginǐ̤cǒbò dǒ Cǒmara aya. Bǎbǎkǎlè pwa̤mǒ̤ dǒ awṳ̂ ô̌ tôpwa̤nu, a bǎgû̌ bǎgè̌ kû̌ hǎkhû̌nǎ̤khû̌ a ta̤phǐta̤ma̤ tokhlǒ. Ma̤titèhî̌dě a sǎyṳ gû̌ ma̤tô awṳ̂ sǎphlǒ.

Kôritu ginǐ̤bǎ tôbǎ 10:8

Ta̤siwi̤sòwò̤ dǒ Běcǎ ǐ henu, a sô̌sô̌ kû̌ he hî̌bǎ htû̌sò̌ shû̌lě henǎ̤ tîkî̌ ya? Bǎbǎkǎlè he sòwò̤̌ bǎtô̤̌. Ta̤shû̌ta̤shonu, a gǔ ma̤ dû̌htò̌htûhtò̌ sîya pwǎ, a ma̤pî̌ma̤kè sîyanu mè̤̌tô̤̌.

Kôritu ginǐ̤bǎ tôbǎ 3:12

Pa sî̌ganǎ̤ tě̤tě̤mè̤̌mè̤̌ hǒ kû̌ ta̤olò̤ asanu a gǔ ô̌měô̌gle tûjû̌pwa̤ pe akhû̌akhî, pa gǔ shôbǐǐlṳ̌ bǎ kòyò kû̌ Cǒmara alě̤ayô̤̌nu pa hî̌ khubǔ hǒ.

Kôritu ginǐ̤bǎ tôbǎ 4:10

Pa cû̌ bǎtè꤮ tôkû bǎbǎ, pa bǎkhòbǎ ta̤jî̌ta̤jû̌ pṳ̂̌꤮ tôplǎ asô̌sô̌kû̌ pa kè̌shǐbǎ kû̌ ta̤sinu pa ô̌htûpwa̤ asô̌sô̌kû̌ Khrǐ dǒ a ô̌htûpwa̤ bǎ hǎkhû̌ akhanu. Pô̤̌khô kòyò gǔ kè̌shǐ kû̌ Khrǐ ô̌htûpwa̤ dǒ pakû dě a ma̤jè̌ pa pṳ̂̌꤮ tôplǎ ayanu, ta̤nutokhlǒ htûhtò̌ pwǎ.

Kôritu ginǐ̤bǎ tôbǎ 5:15

Pa dǒ a htûpwa̤ tokhlǒnu, pô̤̌khô pa gǔ ô̌htûpwa̤ sělě pô̤̌ pa sǎphlǒ a ta̤sǎyṳsǎbǎ nutokhlǒ tô̤̌, pô̤̌khô pa gǔ ô̌htûpwa̤ sělě pô̤̌ pwa̤ dǒ a tṳ̌sikhòsi hto dǒ paya dě a ihtǒhtûpwa̤ getîkhî hto nutôpwa̤ ayanu, Běcǎ tṳ̌sikhòsi bǎ dǒ pa pṳ̂̌꤮ tôpwa̤ aya hǒ.

Kôritu ginǐ̤bǎ tôbǎ 7:14

Bǎ Khûtǐtǔ cû̌ dǒ sî ô̌ khôtô̤̌ nu, he htû̌sò̌ ǐ sî dǒ Khûtǐtǔ alô̤mô̤̌ pwǎnî̌. Sî ma̤ mè̤̌mî̌ca pô̤̌ he htû̌sò̌ ǐ sî nuhǒ. Sî ma̤sòwò̤̌nô̌ he tôkhò̌꤮ tô̤̌. Pô̤̌ he hî̌bǎcǒhî̌bǎtè̤ sî pṳ̂̌꤮ tôplǎnu, pa hî̌ bǎ Khûtǐtǔ kû̌ sîwe̤sîkè numî̌ pa hî̌bǎcǒhî̌bǎtè̤ pwǎ.

Kôritu ginǐ̤bǎ tôbǎ 7:4

He yṳ̌ǎ tě̤tě̤mè̤̌mè̤̌ jî̌ sî dě he htû̌sò̌ǐ jî̌ sî pṳ̂̌꤮ taplǎ nǒ̤. Pô̤̌nu akhû̌akhî pa kè̌shǐbǎ dû̌wî̤ kû̌ ta̤pò̤̌ta̤sha bǎbǎkǎlè pa sǎlě̤sǎlò̤ pwǎ, htokhôtô̤̌ pa sǎphlǒmô̤ pwǎ.

Phǐlǐpǐ 1:14

Dǒ kòyò dǒtě̤ he dǒ apô̤kû akhû̌akhîdě, pṳ̌wè̤̌ Khrǐphû̌ saprṳ̂ a ta̤yṳ̌ǎǐ Běcǎnu a shû̌htò̌shohtò̌ pô̤̌ lô̌khô dě a shôbǐǐlṳ̌ khu hè bǎ kòyò kû̌ Cǒmara alě̤ayô̤̌, dě asî ǐsha pe lô̌khô tôcǒ tô̤̌.

Phǐlǐpǐ 2:17

Dǒ he shôbǐǐ ta̤sǎlě̤we̤kè akhû̌akhî, he si pě yǎ sî̌. Bǎ sî yṳ̌ǎ ta̤sǎlě̤we̤kè akhanu, sî ǐlò̤ sî ta̤htûpwa̤ dǒ Cǒmara a ô̌ sô̌sô̌kû̌ pwa̤shû̌gǎ lṳhtò̌ ta̤phû̌ta̤wè̤ dǒ Cǒmara a ô̌ nuhǒ. Kòyò kè̌ ma̤si he hî̌dě, hesǐ gǔ sǐlò̤ asô̌sô̌kû̌ pwa̤shû̌gǎ tôpwa̤ yṳ̂̌lò̤ shisî̌yô̤̌ dǒ hǎkhû̌ dǒ asô̌sô̌kû̌ kòyò lṳhtò̌ ta̤lṳta̤tòhtò̌ nuhǒ. A kè̌ htûhtò̌ pô̤̌nu hî̌dě he sǎlě̤sǎlò̤, sǎlě̤bò kû̌ sî pṳ̂̌ tôpwa̤ pwǎ.

Kòlòtè̌ 1:24

Pô̤̌khô sî nǐ̤bwǐsîrî ayanu, khònò̤̌ he khòbǎta̤ dǒ sîya pô̤̌o numî̌ he sǎlě̤ pwǎ. Pô̤̌ Khrǐ khòbǎ kòyò dǒ a yṳ̌ǎ lû̌û dǒ a sô̌sô̌ kû̌ anǎ̤glǒ tokhlǒnu, he sǎphlǒshû̌ dǒ he nǎ̤glǒphěyî̌nu khò padô̌ lǒ̤bò kòyò dǒ a yṳ̌ǎ lû̌û nutokhlǒ ayaya.

Tîsalònǐ awǐlǒ tôbǎ 5:23

Cǒmara dǒ a ǐ pa ta̤gûjû̌kabǎ nutôpwa̤ anǎ̤běcǎ gǔ ma̤plò̌shǐ lǒbehtò̌ pû sî nî̌꤮. Htokhôtô̤̌ dǒ pa Běcǎ Yeshǔ Khrǐ gǔ hè sô̌ pěnu, pô̤̌khô kòyò gǔ bè̌jòpe sî ta̤sǔ tô̤̌ nudě, Cǒmara gǔ kè̌pǒ̤ǐ bò pô̤̌ sî nǎ̤glǒ kû̌ sîsǎphlǒ kû̌ sî ta̤ô̌htûpwa̤ pě nî̌꤮.

Petru awǐlǒ tabǎ 4:16

Bǎbǎkǎlè dǒ sî htû Khrǐphû̌ akhû̌akhîdě, sî khòbǎ ta̤jî̌ta̤jû̌ hî̌nu, sòwò̤̌ tǎ̤ lô̌khô tǎ̤mǎ̤ nî̌꤮. Kòyò kaǎ sî kû̌ Khrǐ ami̤ hǒ akhû̌akhî, tûlû̌ htû̌sò̌htò̌ lô̌khô Cǒmara nî̌꤮.

Yṳ̂ha awǐlǒ tôbǎ 2:28

Dě khònò̤̌ Hephû̌heli̤ sî, htǔ Běcǎ Khrǐ hè sô̌ alṳmṳ̌ni̤ pě tôni̤nu, pô̤̌khô sî gǔ ǐsha ô̌û̌ô̌shò̌ tǎ̤mǎ̤, htokhôtô̤̌ pô̤̌khô sî gǔ sòwò̤̌ tǎ̤mǎ̤nu, ô̌měô̌gle lô̌khô dǒ Khrǐ akû nî̌꤮.