Phǐlǐpǐ 1:19 - Kawyaw New Testament

¹⁹ Ma̤titèhî̌dě, dǒ sî kwicaba akhû̌khî, kû̌ Yeshǔ Khrǐ a Yôla Plò̌shǐ gǔ ma̤jè̌ bǎ he pe khû̌khîdě, he gǔ hǎplǎge dǒ apô̤kû pěnu he sî̌ganǎ̤ pwǎ.

Kawyaw RC

¹⁹ Ma̤tè̤hî̌dě, sî kwisaba akhû̌akhî, ta Ye̤shǔkhrî̌stu a sǎcahtǐ ma̤jè he pě khû̌khî, he lû̌htò̌ dě apo̤kû pěnu he sî̌ya pwǎ.

Phǐlǐpǐ 1:19 Iomraidhean Croise

Pwa̤nophû̌ 16:7

Bǎ asî cû̌tǒ̤ dǒ Mûshǐya gǎhtu akhanu, asî jî̌pwǐ̤ cû̌nṳ̌ dǒ Bisûnǐ gǎkû taplǎnô̤̌ Yeshǔ a Yôla Plò̌shǐ nocû̌nṳ̌ asî tô̤̌.

Rṳ̂̌me̤ 8:28

Kòyò dǒ a mô̤ǐ Cǒmara, dě Cǒmara kaǎ yǎ kû̌ ta̤yè̤lò̤nǎ aya tokhlǒnu, ta̤ma̤htûhtò̌ anǎ̤ kû̌ asî pwî̌tètè̌ bǎbǎnu, Cǒmara ma̤ bǎ ta̤wô̌ dǒ asî ayapwǎ numî̌, pa sî̌ganǎ̤ pwǎ.

Rṳ̂̌me̤ 8:9

Bǎbǎkǎlè, sîdě, phěyî̌ a ta̤sǎyṳsǎbǎ phû̌mò̤̌ pǒǐ bǎ sî tô̤̌. Cǒmara a Yôla Plò̌shǐ kè̌ ô̌htûpwa̤ dǒ sîkû hî̌dě, a Yôla Plò̌shǐ Běcǎ gǔ pǒǐ sî pě. Mò̌pèpè̌ bǎbǎ, dǒ a nǐ̤bǎ gû̌ kòyò Khrǐ a Yôla Plò̌shǐ tô̤̌ tokhlǒnu a htû bǎ Khrǐ ta tô̤̌.

Kôritu awǐlǒ tôbǎ 4:17

Dǒ ta̤we̤ta̤kè hǒo akhû̌akhî, dě he nohè Khûtîmôte dǒ sî ô̌ hǒ. A mî̌ asô̌sô̌kû̌ hephû̌ kû̌ henǎ̤ dǒ he mô̤ǐ yǎ dě acǒ kû̌ ayô̤̌ dǒ Běcǎ akû tôpwa̤. Kòyò dǒ a gû̌ Khrǐ akò tokhlǒnu, a tô ô̌htûpwa̤ lô̌khô hî̌tènu, a gǔ dǔsî̌yabǎ sî ma̤pô̤̌ he ô̌htûpwa̤nu pě. Hǒonumî̌ ta̤ dǒ he sû̌ǐ bǎ kòyò dǒ a yṳ̌nǐ̤nǎ̤nǐ̤ Yeshǔ Khrǐ tokhlǒ dǒ gûlǎ̤ pṳ̂̌꤮ tûkû tokhlǒnu hǒ.

Kôritu ginǐ̤bǎ tôbǎ 1:11

Pô̤̌khô Cǒmara gǔ ma̤hǎplǎge pa kû̌ ta̤pô̤̌o tokhlǒ ayanu, pa lǎ̤lṳ̂ dǒ sî gǔ ma̤jè̌ pa kû̌ sî ta̤kwicaba. Pô̤̌khô kòyò gǔ htû̌sò̌ hî̌bwǐhî̌sîrîhtò̌ dû̌wî̤ Cǒmara ayanu, Cǒmara gǔ ganǎ̤de sî ta̤kwicaba tokhlǒ pě dě a gǔ ma̤hǎplǎge pa dǒ ta̤si kû̌ abwǐdû̌ asîrîhtû pě.

Galatǐ 3:5

Pô̤̌nudě dǒ sî gû̌ma̤kû̌ ta̤sû̌ta̤tòwò akò dě Cǒmara ǐ sî Yôla Plò̌shǐ Běcǎ dě a ma̤ ta̤cô̌klǐcô̌sè dǒ sîkla pô̤̌nu ya? Pô̤̌nu mè̤̌tô̤̌. Dǒ sî ganǎ̤de ta̤sǎlě̤we̤kè dě sî yṳ̌ǎ akhû̌akhîdě, a ǐ pwǎ sî pwǎ. Dǒ sî gû̌ma̤kû̌ ta̤sû̌ta̤tòwò akhû̌khî mè̤̌tô̤̌.

Galatǐ 4:6

Sî htûhto Cǒmara aphû̌ali̤ tokhlǒ akhû̌akhî, dǒ pa sǎphlǒkûnu, Cǒmara shû̌nṳ̌ aphû̌khû a Yôla Plò̌shǐ dǒ a yî̤̌kǒhtò̌ kû̌, “Abǎ, pha” pô̤̌nu mî̌ anǐ̤ hǒ.

Phǐlǐpǐ 1:18

Kòyò tokhlǒkhlǒnu, a gǔ shôbǐǐlṳ̌ bǎ kòyò kû̌ a ta̤bè̌sû̌bè̌sǎ dǒ asǔ bǎbǎ, tokhlǒkhlǒdě a gǔ shôbǐǐlṳ̌ bǎ kòyò kû̌ a ta̤bè̌sû̌bè̌sǎ dǒ a tô bǎbǎ, a ma̤ lô̌khô bǎtè tôcǒ bǎbǎ, a lǎ̤hî̌ nô̌ tôcǒ꤮ tô̤̌. Ta̤ dǒ a lṳ̂dû̌shî̌ tôcǒ mî̌ asî shôbǐǐlṳ̌ bǎ kòyò kû̌ Khrǐ awe̤akè nuhǒ. Kòyò ginǐ̤mṳ̌bò a shôbǐǐlṳ̌ lô̌khô Khrǐ awe̤akè akhû̌akhî, he sǎlě̤sǎlò̤ pwǎ. He sǎlě̤sǎlò̤ hènè pô̤̌ pě pwǎ,

Petru awǐlǒ tabǎ 1:11

Khrǐ a Yôla Plò̌shǐ ô̌ dǒ piwi̤pèshè tokhlǒ a sǎphlǒkû dě a hî̌pô̤̌nǎ wǐ Khrǐ awe̤akè kû̌ a khòbǎwǐ ta̤jî̌ta̤jû̌ tokhlǒ pě. Htodě ta̤bwǐdû̌sîrîhtû tokhlǒ gǔ hè dǒ nô̌kò pě, asî kè̌lǎ sî̌ganǎ̤ lô̌khô kû̌ ashěakhǎ gǔ bǎ bǎkhò̌tè pě, htodě a gǔ ma̤ anǎ̤ hî̌tè pě pô̤̌nu.