Phǐlǐpǐ 1:18 - Kawyaw New Testament

¹⁸ Kòyò tokhlǒkhlǒnu, a gǔ shôbǐǐlṳ̌ bǎ kòyò kû̌ a ta̤bè̌sû̌bè̌sǎ dǒ asǔ bǎbǎ, tokhlǒkhlǒdě a gǔ shôbǐǐlṳ̌ bǎ kòyò kû̌ a ta̤bè̌sû̌bè̌sǎ dǒ a tô bǎbǎ, a ma̤ lô̌khô bǎtè tôcǒ bǎbǎ, a lǎ̤hî̌ nô̌ tôcǒ꤮ tô̤̌. Ta̤ dǒ a lṳ̂dû̌shî̌ tôcǒ mî̌ asî shôbǐǐlṳ̌ bǎ kòyò kû̌ Khrǐ awe̤akè nuhǒ. Kòyò ginǐ̤mṳ̌bò a shôbǐǐlṳ̌ lô̌khô Khrǐ awe̤akè akhû̌akhî, he sǎlě̤sǎlò̤ pwǎ. He sǎlě̤sǎlò̤ hènè pô̤̌ pě pwǎ,

Kawyaw RC

¹⁸ Kòyò toǒǒnu, a glè dǒhtû̌ǐ kò ta a ta̤bè̌sû̌bè̌sǎ htě asǔ bǎbǎ, toǒǒdě a glè dǒhtû̌ǐ bǎ kò ta a ta̤bè̌sû̌bè̌sǎ htě ato bǎbǎ, a ma̤ lǒkho bǎtè tacǎ bǎbǎ, a la̤hî̌nǒ dǐcǎ꤮ tò̤. Ta̤ htě a lo̤bǎdû̌khlo tacǎ mî̌ asî dǒhtû̌ǐ bǎ kò ta Khrî̌stu awi̤akè̌ htǒonuhǒ. Kòyò ginǐ̤gumṳbò a dǒhtû̌ǐ lǒkho Khrî̌stu awi̤akè̌ akhû̌akhî, he sò̌le̤sò̌lò̤ pwǎ. He sò̌le̤sò̌lò̤ sělěpo̤nò pwǎ pě,

Phǐlǐpǐ 1:18 Iomraidhean Croise

Matěo 23:13

Yǔdaphû̌ a pwa̤sû̌ǐ ta̤sû̌ta̤tòwò asara sîtokhlǒ kû̌ Pharishè̌phû̌ sî, Cǒmara gǔ cî̌htò̌ sî pě. Sî mî̌ kòyò dǒ a jî̌cǒjî̌tè̤ anǎ̤ tokhlǒ. Sî ma̤bǐ phî̌sigwǐbò kòyò dǒ a kè̌lǎ mǒkhû̌ shilǎ̤gǎkû nutokhlǒ takha. Sî nǎ̤běcǎ dě sî nṳ̌ tô̤̌ bǎbǎkǎlè sî kè̌lǎ ma̤tě̤tṳbǐ kèbò kòyò dǒ a kè̌lǎnṳ̌ nutokhlǒ atakha.

Mǎ̤riko 12:40

Pô̤̌khô asî gǔ pǒ̤sigwî̌ yǒsaphǎ pwa̤mǒ̤khwè̌ tokhlǒ ahǐ ta̤kǐta̤kû̌, asî lô̌ǐplò̤ǐ, htotô̤̌ pô̤̌khô kòyò gǔ gana̤de dě kè̌shǐ asî ta̤sǔ tô̤̌ ayanu, a kwicaba htûgipi̤ bǎ kòyò. Dě asî ma̤pô̤̌nu akhû̌akhî, asî glè̌ tṳ̌bǎkhòbǎ jî̌ khlo kòyò ta̤cî̌htò̌ pě.”

Lǔka 9:45

Bǎbǎkǎlè a khôphijǎ tokhlǒ sǎganǎ̤phlô lû̌û ta̤hî̌bǎ nutômû amûasǎ tô̤̌. Pô̤̌khô asî gǔ sî̌ya tô̤̌ nu, kòyò bè̌hǔbè̌bî̌kè amûasǎ pwǎ. Asî gwè̌bǔ Běcǎ Yeshǔ tôpwǎ̤꤮ tô̤̌.

Lǔka 9:50

Bǎbǎkǎlè Yeshǔ hî̌shěshu Khûyṳ̂ha kû̌, “Cû̌ ma̤ tě̤tṳ tǎ̤ a tǎ̤mǎ̤. Ma̤titè̌hî̌dě kòyò shěpò̤̌yò̤̌kè sî tô̤̌ tokhlǒ numî̌ kòyò dǒ a ô̌pa kû̌ sî tôkhô hǒ.”

Rṳ̂̌me̤ 3:9

Pô̤̌nudě, pa gǔ hî̌ yǎ hî̌tè? Pa Yǔdaphû̌ tokhlǒ mî̌ pa wô̌khlo kû̌ Yṳ̌daphû̌ mè̤̌tô̤̌ tokhlǒ ya? Pa wô̌khlo nô̌ tîkî̌꤮ tô̤̌. Pa dǔlè̌lṳ̌ hto kû̌ Yǔdaphû̌ bǎbǎ, Yǔdaphû̌ mè̤̌tô̤̌ bǎbǎ asî ô̌bò pwǎ dǒ ta̤sǔta̤plě a siwi̤sòwò̤ alǎ̤ pwǎ̤.

Rṳ̂̌me̤ 6:15

Pô̤̌nudě pa kè̌ ô̌pe dǒ ta̤sû̌ta̤tòwò alǎ̤ tô̤̌, pa ô̌ dǒ ta̤bwǐta̤sîrî alǎ̤ hǒ kè̌hî̌dě, khònò̤̌ pa ma̤ ta̤sǔ mî̌ anǐ̤ pwǎ hò̌? Pô̤̌nu mè̤̌tô̤̌.

Kôritu awǐlǒ tôbǎ 10:19

He sǎyṳ hî̌ kû̌ ta̤yô̤ta̤gî̌ dǒ kòyò caba ǐyǎ numî̌ a ô̌ kû̌ a ta̤siwi̤sòwò̤ pô̤̌nu ya? Mè̤̌tô̤̌mî̌ he sǎyṳ hî̌ kû̌ ta̤ǎta̤ô dǒ kòyò lṳhtò̌ kû̌ ta̤yô̤ta̤gî̌ numî̌ a lṳ̂dû̌khlo, he sǎyṳ hî̌ pô̤̌nu ya?

Kôritu awǐlǒ tôbǎ 14:15

Kè̌ hî̌pô̤nudě, he bǎ ma̤ hî̌tè? He gǔ kwicaba pô̤̌ Yôla Plò̌shǐ Běcǎ nè̌klè̌nè̌klò he sǎphlǒnu pwǎ, htokhôtô̤̌ he gǔ kwicaba tûû̌ kû̌ ayô̤̌ dǒ kòyò sî̌ganǎ̤ kû̌ he nutokhlǒ pwǎ. Bǎ he sǎwǐ akhanu, he gǔ sǎwǐ pô̤̌ Yôla Plò̌shǐ Běcǎ nè̌klè̌nè̌klò he sǎphlǒ nu pwǎ, htokhôtô̤̌ he gǔ sǎwǐ tûû̌ kû̌ ayô̤̌ dǒ kòyò sî̌ganǎ̤ kû̌ he nutokhlǒ pwǎ.

Kôritu awǐlǒ tôbǎ 15:11

Pô̤̌nudě, he shôbǐǐlṳ̌ bǎ sî hǒtokhlǒnu bǎbǎ, asî shôbǐǐlṳ̌ bǎ sî tokhlǒnu bǎbǎ, sî yṳ̌ǎ sô̌sô̌bò lû̌û pô̤̌nu hǒ.

Phǐlǐpǐ 1:19

Ma̤titèhî̌dě, dǒ sî kwicaba akhû̌khî, kû̌ Yeshǔ Khrǐ a Yôla Plò̌shǐ gǔ ma̤jè̌ bǎ he pe khû̌khîdě, he gǔ hǎplǎge dǒ apô̤kû pěnu he sî̌ganǎ̤ pwǎ.