Phǐlǐpǐ 1:13 - Kawyaw New Testament

¹³ Dǒ he yṳ̌ǎ Khrǐ akhû̌akhî, dě kòyò dǒô̌ he dǒ apô̤kû pwǎ numî̌ lǒ̤bò kliphû̌ ô̌pǒ̤ khwǐhôhta nutokhlǒ bǎbǎ, lǒ̤bò kòyò dǒ ashǔshawa̤ nutokhlǒ bǎbǎ, a sî̌ganǎ̤ lǒ̤bò pwǎ.

Kawyaw RC

¹³ Dě he yṳǎ Khrî̌stu akhû̌akhî, kò dǒǒpwǎ he dě apo̤kû numî̌ bò꤮ kliphû̌ ǒpo̤ Khwǐhohta htǒotoǒ bǎbǎ, bò꤮ kòyò ahǔwa̤nu toǒ bǎbǎ, a sî̌yabò pwǎ.

Phǐlǐpǐ 1:13 Iomraidhean Croise

Pwa̤nophû̌ 26:29

Khûpò̌lǔ hî̌shěshu kû̌, “Dǒ tòshò̌phû̌ akû bǎbǎ, ayî̤ bǎbǎ, a lṳ̂dû̌ bǎtô̤̌. He kwicaba bǎtǒ̤ natôpwa̤ ayanô̤̌ mè̤̌tô̤̌, he kwicaba bǎbò kòyò dǒ a ganǎ̤de he ta̤hî̌bǎ khònò̤̌ tokhlǒ gǔ htûhtò̌ khrǐphû̌ sô̌sô̌kû̌ he, bǎbǎkǎlè ta̤ dǒ he sǎyṳ no tṳ̌bǎ sî tô̤̌ numî̌ a ô̌ pwǎtǒ̤ pô̤̌ kòyò dǒlò̤tě̤ he dǒ apô̤kû dě kòyò comě he kû̌ sǒpli̤tè̤glè nupwǎ.”

Pwa̤nophû̌ 26:31

Dě asî hǎhtò̌cû̌ bò dǒ akhlo dě a hî̌ kè̌khî lû̌û tôpwa̤ kû̌ tôpwa̤ pô̤̌o, “Kòyò hǒtôpwa̤ nî̌ ata̤sǔ dǒ bǎ cî̌htò̌ sikè anu bǎbǎ, mè̤̌tô̤̌mî̌ bǎ dǒnṳ̌kè a dǒ apô̤kûnu bǎbǎ, ta̤sǔ dǒ a ma̤ tûlû̌ pô̤̌onu, a ô̌ tocǒ꤮ tô̤̌.”

Pwa̤nophû̌ 28:17

Susa be hǒnu, Khûpò̌lǔ kaǎplǒ Yǔdaphû̌ dǒ a htû a ikǒlǒkò bǎ Wî̤̌rṳ̂̌me̤ nutokhlǒ. Bǎ asî hètǒ̤ bò akhanu, a hî̌ asî kû̌, “He pṳ̌wè̤̌ sî꤮, ta̤ma̤ ma̤takǎshěshu pa kòyò khlilèphû̌ tokhlǒ bǎbǎ, mè̤̌tô̤̌dě ta̤ dǒ a khô̌ kû̌ pa lǎ̤bû̌lǎ̤klô dǒ pa nǐ̤bǎ dǒ pa mǒ̤phaphiphu dǒ awǐnu tokhlǒ a ô̌nu bǎbǎ, he ma̤nô̌ bǎ tocǒ tô̤̌. Bǎbǎkǎlè kòyò pṳ̂̌ he dǒ Wî̤̌yarǔshôle akû dě kòyò ǐlò̤kè he dǒ Rṳ̂̌me̤phû̌ tokhlǒ a cǔdekû.

Pwa̤nophû̌ 28:20

Dǒ ta̤we̤ta̤kè hǒo akhû̌akhîdě, he kwi asî dǒ a gǔ dǐkè̌shǐ hî̌bǎ ta̤ kû̌ sî. Kè̌hî̌kû̌mî̌ dǒ sî Yǔdaphû̌ nutokhlǒ a ta̤kè̌shuǐ akhû̌akhîdě kòyò bǎ coměkè he kû̌ sǒpli̤tè̤glè nuhǒ.”

Pwa̤nophû̌ 28:30

Khûpò̌lǔ ô̌ bǎ hǐ dǒ a cû̌ khò̌ô̌ hǐnu ginǐ̤ně hǒ dě a kaǎmô̤shǔ lǒ̤꤮ bò kòyò dǒ a hè ô̌lè kû̌ lû̌û nutokhlǒ.

Ěphěsu 3:1

Pô̤̌nudě, dǒ he ma̤ Khrǐ a ta̤phǐta̤ma̤ dě he shôbǐǐ bǎ Yǔdaphû̌ mè̤̌tô̤̌ tokhlǒ kû̌ ta̤sǎlě̤we̤kènu akhû̌akhîdě, he mî̌ Khûpò̌lǔ, kòyò bǎ dǒlò̤kè he dǒ apô̤kû.

Ěphěsu 4:1

Pô̤̌nu akhû̌akhî, he kwisǎyṳǐ sî sô̌sô̌kû̌ kòyò dǒlò̤tě̤ kò dǒ apô̤kû dǒ Běcǎ aya tôpwa̤nu. Cǒmara kaǎ sî dǒ sî htûhtò̌ ta̤dòkûphû̌ tokhlǒ akhû̌akhî, he kwisǎyṳ sî kû̌ sî ô̌htûpwa̤ bè̌wô̌ sî sǎphlǒ pô̤̌ ta̤dòkûphû̌ tokhlǒ tô ô̌htûpwa̤nu.

Ěphěsu 6:20

Dǒ Khrǐ rû̌htò̌ he kû̌ a pwa̤shôbǐǐ ta̤we̤ta̤kè tôpwa̤ dǒ he gǔ shôbǐǐlṳ̌ bǎ kòyò kû̌ ta̤sǎlě̤we̤kènu akhû̌akhî, khònò̤̌ he lò̤tě̤ dǒ apô̤kû hǒ. Ta̤ dǒ he tôbǎ shôbǐǐ bǎ kòyò tokhlǒnu, pô̤̌khô he gǔ shôbǐǐ khukhu bǎ kòyò ayanudě, kwicaba pû bǎ heya nî̌꤮.

Phǐlǐpǐ 1:30

Ta̤shě dǒ sî shěpě̤ numî̌ asô̌sô̌kû̌ he shěpě̤ hto nutokhlǒ pwǎ. He khòbǎ ta̤ dǒ awǐanô̌ nutokhlǒmî̌ sî kè̌shǐ hto tûû̌ hǒ. Htodě pô̤̌ sî ganǎ̤de hto, he shěpě̤ pe tǒ̤lò̤ khònò̤̌.

Phǐlǐpǐ 1:7

He mô̤ǐ jî̌ sî akhû̌akhî, he gènè̤ sîwe̤sîkè pô̤̌o numî̌ atô pwǎ. Bǎ he ô̌pe dǒ apô̤kû akhanu bǎbǎ, bǎ he tô hî̌bǎ taka tě̤tṳ he ta̤sǎlě̤we̤kè dě he tô hî̌bǎ glemě ǐ he ta̤sǎlě̤we̤kè akhanu bǎbǎ, Cǒmara ma̤wô̌ bǎ pa dě a ǐlò̤ khô̌ pa ta̤ma̤ dǒ pa ma̤wô̤̌wô̤̌ lû̌û ta̤ kû̌ Cǒmara abwǐsîrî dě cû̌ shôbǐǐlṳ̌ bǎ kòyò kû̌ ta̤sǎlě̤we̤kènu.

Phǐlǐpǐ 4:22

Cǒmara a kòyò lǒ̤꤮ bò bǎo tokhlǒ sûcû̌ padô̌ bò̌bò a ta̤hî̌mô̤hî̌wô̌ tokhlǒ dǒ sîô̌. Dû̌shî̌ mî̌ pṳ̌wè̤̌ dǒ a ma̤ ta̤ma̤ dǒ caphǎdû̌ hôkû nutokhlǒ hî̌mô̤hî̌bǎwô̌ cû̌nṳ̌ padô̌ sî.

Tîmôte ginǐ̤bǎ tôbǎ 2:9

He shôbǐǐlṳ̌ bǎ kòyò ta̤sǎlě̤we̤kè akhû̌akhî, he khòbǎhto ta̤jî̌ta̤jû̌ dě kòyò comě he kû̌ sǒpli̤tè̤glè sô̌sô̌kû̌ kòyò ma̤sǔ ta̤mǎlò̤ tôpwa̤. Bǎbǎkǎlè Cǒmara alě̤ayô̤̌nu kòyò cǒmějò nô̌ a tô̤̌.