Phǐlǐpǐ 1:12 - Kawyaw New Testament

¹² He pṳ̌wè̤̌ sî, lǒ̤bò ta̤ma̤htûhtò̌ anǎ̤ kû̌ he tokhlǒ numî̌ amè̤̌pwǎ a ma̤jè̌ bǎ ta̤sǎlě̤we̤kè gǔ dû̌htò̌ htûhtò̌ ayapwǎ numî̌ he sǎyṳ nosî̌ganǎ̤ sî.

Kawyaw RC

¹² He pṳwè̤ sî, ta̤ma̤htûhtò̌ ana̤ ta he htǒotoǒ lǒ̤꤮ bò numî̌ a ma̤jèpwǎ ta̤sò̌le̤sò̌lò̤ awi̤akè̌ glè dû̌htò̌ htûhtò̌ ayapwǎ numî̌ he sò̌yṳ nosî̌yadǒ sî.

Phǐlǐpǐ 1:12 Iomraidhean Croise

Htû̌sò̌htò̌ 76:10

Na sǎphlǒdû̌ kòyòhǎkhû̌phû̌ hǒtokhlǒnu, a ma̤htûhtò̌ wô̌ bǎ pô̤̌ kòyò lǎ̤htû̌sò̌htò̌. Kòyò dǒ a ô̌htûpwa̤ lû̌kè dǒ ta̤shěta̤pě̤ akû nutokhlǒ gǔ cubǔcabǎhtò̌ na dǒ napwèdû̌pwèhtû pě.

Lǔka 21:13

Hǒomî̌ amè̤̌kû̌ sî glè̌ nǐ̤bǎ ta̤shěta̤khǎwô̌ dǒ sî glè̌ shôbǐǐlṳ̌wǐ bǎ kòyò kû̌ hewe̤hekè nu hǒ.

Pwa̤nophû̌ 8:4

Pwa̤yṳ̌ǎta̤phû̌ dǒ a khlè̌cû̌ pushǔpeshe bò lû̌û tokhlǒnu, a cû̌tǒ̤bò dǒ gûlǎ̤ pṳ̂̌꤮ tûkû dě a cû̌lè shôbǐǐlṳ̌ bǎ kòyò kû̌ Yeshǔ a ta̤sǎlě̤we̤kè nutokhlǒ.

Rṳ̂̌me̤ 8:28

Kòyò dǒ a mô̤ǐ Cǒmara, dě Cǒmara kaǎ yǎ kû̌ ta̤yè̤lò̤nǎ aya tokhlǒnu, ta̤ma̤htûhtò̌ anǎ̤ kû̌ asî pwî̌tètè̌ bǎbǎnu, Cǒmara ma̤ bǎ ta̤wô̌ dǒ asî ayapwǎ numî̌, pa sî̌ganǎ̤ pwǎ.

Rṳ̂̌me̤ 8:37

Lǒ̤bò ta̤hǒtokhlǒ htûhtò̌ bǎbǎkǎlè Khrǐ dǒ a mô̤ǐ pa tôpwa̤ akhû̌akhî, pa ma̤pè̤̌ bòmǔtegle ta̤hǒtokhlǒ pě.

Phǐlǐpǐ 1:5

Ma̤titèhî̌dě, he ma̤ ta̤sǎlě̤we̤kènu, sî gû̌ma̤ kû̌ he dǒ asakhû̌lû̌kha tǒ̤dǒ khònò̤̌ hǒ.

Phǐlǐpǐ 1:7

He mô̤ǐ jî̌ sî akhû̌akhî, he gènè̤ sîwe̤sîkè pô̤̌o numî̌ atô pwǎ. Bǎ he ô̌pe dǒ apô̤kû akhanu bǎbǎ, bǎ he tô hî̌bǎ taka tě̤tṳ he ta̤sǎlě̤we̤kè dě he tô hî̌bǎ glemě ǐ he ta̤sǎlě̤we̤kè akhanu bǎbǎ, Cǒmara ma̤wô̌ bǎ pa dě a ǐlò̤ khô̌ pa ta̤ma̤ dǒ pa ma̤wô̤̌wô̤̌ lû̌û ta̤ kû̌ Cǒmara abwǐsîrî dě cû̌ shôbǐǐlṳ̌ bǎ kòyò kû̌ ta̤sǎlě̤we̤kènu.

Phǐlǐpǐ 2:22

Sî sî̌ya tûû̌, Khûtîmôte mî̌ kòyò lě̤dû̌pwî̤htû tôpwa̤. A ma̤hto ta̤ kû̌ he dǒ ta̤sǎlě̤we̤kè dû̌htò̌htûhtò̌ aya numî̌ a sô̌sô̌kû̌ phû̌ kû̌ pha nuhǒ.

Phǐlǐpǐ 4:15

Wî̤̌phǐlǐpǐphû̌ sî꤮. Bǎ he cû̌ shôbǐǐlṳ̌ bǎ sî ta̤sǎlě̤we̤kè dě he hǎhtò̌cû̌kè dǒ Mèsidûnǐ̤ya gǎkû akhanu, pwa̤ dǒ a ma̤jè̌ he kû̌ ru numî̌ tǒ̤pwǎ sî ta̤dòkû nutôprṳ̂ pwǎ numî̌ sî sî̌ganǎ̤ tě̤tě̤mè̤̌mè̤̌ bò hǒ.

Phǐlǐpǐ 4:3

Na mî̌ kòyò dǒ a ma̤ ta̤ kû̌ he dǒ acǒ kû̌ ayô̤̌ tôpwa̤ hǒ. Dě he sǎyṳ kwi na ta̤ma̤jè̌ tôcǒ, pô̤̌khô pwa̤mǒ̤nu sò̌ginǐ̤ gǔ kla kè̌khî lû̌û ayanu, ma̤jè̌ mò̌ asî nî̌꤮. Ma̤titèhî̌dě asî nusò̌ginǐ̤ numî̌ a jî̌pwǐ̤ htǒkhû̌htǒǎ ma̤wô̤̌wô̤̌ ta̤wǐ̤lò̤ ta̤sǎlě̤we̤kè ata̤ma̤ kû̌ he ně. Asî ma̤wô̤̌ kû̌ Khûkleme kû̌ hekhô dǒ pa ma̤wô̤̌wô̤̌lû̌ ta̤ dǒ ashǔshawa̤ nutokhlǒ, dě lǒ̤bò asî nutokhlǒ ami̤ mî̌ a ô̌ bòkè dǒ Běcǎ a lî̤htûpwa̤ akû nuhǒ.

Tîmôte awǐlǒ tôbǎ 2:8

Pô̤̌nu akhû̌akhî, dǒ gûlǎ̤ pṳ̂̌꤮ tûkûnu he sǎyṳ kû̌ lǒ̤꤮ bò pwa̤khû tokhlǒ yṳ̂̌htò̌ acǔde aplò̌shǐ dě kwicabata̤. Dě dǒ a ta̤kwicaba akûnu, ta̤tô̤̌klǐ, ta̤sǎphlǒdû̌ tokhlǒnu a tôbǎ ô̌ tô̤̌.

Tîmôte ginǐ̤bǎ tôbǎ 2:9

He shôbǐǐlṳ̌ bǎ kòyò ta̤sǎlě̤we̤kè akhû̌akhî, he khòbǎhto ta̤jî̌ta̤jû̌ dě kòyò comě he kû̌ sǒpli̤tè̤glè sô̌sô̌kû̌ kòyò ma̤sǔ ta̤mǎlò̤ tôpwa̤. Bǎbǎkǎlè Cǒmara alě̤ayô̤̌nu kòyò cǒmějò nô̌ a tô̤̌.

Tîmôte ginǐ̤bǎ tôbǎ 4:17

Bǎbǎkǎlè pô̤̌khô Yǔdaphû̌ mè̤̌tô̤̌ tokhlǒ gǔ ganǎ̤de ta̤sǎlě̤we̤kè ayanudě, Běcǎ ô̌cu kû̌ he dě a ǐ he ta̤khû̌ta̤ǎ dě he shôbǐǐlṳ̌ lǒbe hto asî hǒ. Pô̤̌nudě he hǎplǎ hǎhtò̌kè numî̌ asô̌sô̌kû̌ he hǎplǎ htò̌kè dǒ khîdû̌ gô̌kû akûhǒ.