Phǐlǐpǐ 1:11 - Kawyaw New Testament

¹¹ Htokhôtô̤̌ he kwicaba bǎ sîya kû̌, dǒ Yeshǔkhrǐ a ta̤pô̤ta̤phǎ khû̌khîdě, sî gǔ sǎhtò̌ tutṳ̌ lô̌khô ta̤tě̤ta̤mè̤̌ asǎ tokhlǒ. Ma̤titèhî̌dě bǎ kòyò kè̌shǐ sî sǎhtò̌ ta̤tě̤ta̤mè̤̌ asǎ nutokhlǒ akhanu, kòyò bè̌dubè̌nǎ̤ Cǒmara, dě kòyò gǔ htû̌sò̌htò̌ǐ yǎ pě.

Kawyaw RC

¹¹ Htohǒtò̤ he kwisaba sîya dě Ye̤shǔkhrî̌stu a ta̤po̤ta̤phǎ khû̌khî, sî glè sǎhtò̌ tṳtṳ lǒkho ta̤cǒta̤tè̤ asǎ toǒ. Ma̤tè̤hî̌dě bǎ kò kè̌shǐ sî sǎhtò̌ ta̤te̤ta̤mǎ asǎ htǒotoǒ akhanu, kò bè̌dubè̌na̤ Cǒmara, dě kò htû̌sò̌ǐ yǎ pě.

Phǐlǐpǐ 1:11 Iomraidhean Croise

Htû̌sò̌htò̌ 1:3

Kòyò pô̤̌nutokhlǒ mî̌ a sô̌sô̌kû̌ kòyò shǒǐ sǒmṳ̌ dǒ shilô̤̌htu, asǎ tôshětôkhǎ. Alǎ lò̤su kû̌ kòyò tôkhò̌꤮ tô̤̌. A ma̤ titètè̌ mî̌ a ǎbǎôbǎ.

Matěo 5:16

Pô̤̌nudě, pô̤̌khô kòyò gǔ htû̌sò̌htò̌ papha ô̌ dǒ mǒkhû̌ nutôpwa̤ ayanu, nolîkakha htò̌lṳ̌ sî ta̤ma̤wô̌ nutokhlǒ dǒ kòyò pṳ̂̌꤮ tôpwa̤ alô̤mô̤̌nu.”

Jowǎ̤ni̤ 15:16

Sî rû̌htò̌ he mè̤̌tô̤̌. He rû̌htò̌ sî dě he bè̌htò̌ sî pô̤̌khô sî gǔ hǎhtò̌cû̌ lô̌khô dě cû̌ sǎhtò̌phôhtò̌ dû̌wî̤ lô̌khô. He bè̌htò̌ sî kû̌ sî gǔ sǎicuměgle lô̌khô tǒ̤dǒ agutṳ̌. Sî kè̌ ma̤pô̤̌nu mî̌ sî kwi caba titètè̌꤮ bǎbǎ, sî kè̌ kwi kû̌ hemi̤ hî̌nu, pha gǔ ǐ sî pě.

Jowǎ̤ni̤ 15:2

Sîpî̌phò dǒ a icu kû̌ he dě asǎaphô htò̌ tô̤̌ tokhlǒnu, a gǔ pě̤tṳ̌kè bò pě. Aphò dǒ asǎaphôhtò̌ tokhlǒnu bǎbǎ, pô̤̌khô a gǔ sǎhtò̌ dû̌wî̤pô̤̌ ayanu, a pě̤lî ma̤bò aphò tokhlǒ.

Jowǎ̤ni̤ 15:8

Dǒ sî sǎhtò̌phôhtò̌ dû̌wî̤ sǒsǎ dǒ amè̤̌kû̌ ma̤ta̤wô̌ tokhlǒ akhû̌akhî, he pha a ta̤bwǐdû̌sîrîhtû gǔ ô̌ lṳ̌htò̌ pě. Dǒ sî sǎhtò̌dû̌ pô̤̌nu akhû̌akhî, sî dǔlè̌lṳ̌hto kû̌ sî htû he khôphijǎ tokhlǒ hǒ.

Rṳ̂̌me̤ 15:28

Pô̤̌nudě htû̌ he ǐ kè hto ru dǒ asî cǔdekû pěnu, htodě htû̌ he sî̌ganǎ̤ mè̤̌mî̌cahto kû̌ asî nǐ̤bǎ hto rû pě akhanu, he gǔ hǎhtò̌cû̌ dǒ Sapegǎ pě, dě he gǔ nṳ̌ ô̌lè gûmṳ̂̌kû̌ sî bǎnu pě.

Rṳ̂̌me̤ 6:22

Bǎbǎkǎlè khònò̤̌ Cǒmara bôphlǔ plûhǎhtò̌cû̌kè sî dǒ ta̤sǔta̤plě ajû̌ hǒ. Dě sî htû Cǒmara a jû̌ sa tokhlǒ hǒ. Dǒ sî htû pô̤̌o akhû̌akhî, a nǐ̤bwǐnǐ̤sîrî dǒ sîya mî̌ a sûcû̌ sî dǒ ta̤ô̌htûpwa̤ aplò̌shǐ a klè̌dakûnu hǒ. Dě pa ô̌htûpwa̤ dǒ aplò̌shǐ akhû̌akhî, a nǐ̤bwǐ bǎ sîya mî̌ sî nǐ̤bǎ yôla htûpwa̤ tûjû̌pwa̤nu hǒ.

Kôritu awǐlǒ tôbǎ 10:31

Pô̤̌nudě, he gǔ shôbǐǐphlô bǎ asî kû̌, sî ma̤ titètè̌꤮ bǎbǎ, sîǎsîô titètè̌꤮ bǎbǎ, ma̤ dǒ kòyò gǔ htû̌sò̌htò̌ lô̌khô Cǒmara ayanu.

Kôritu ginǐ̤bǎ tôbǎ 9:10

Ma̤titèhî̌dě pwa̤ dǒ a ǐlò̤ bǎ pwa̤ma̤ǎhǔkla tokhlǒ ta̤khlita̤lè dǒ a gǔ shǒǐ aya kû̌ lǎ̤ǎlǎ̤ô aya tokhlǒ numî̌ Cǒmara hǒ. Pô̤̌nudě, Cǒmara gǔ ǐ sî lǒ̤bò ta̤khli dǒ sî lǎ̤lṳ̂ tokhlǒnu pě. Ta̤khli numî̌ a mè̤̌mî̌ca lǒ̤bò sî lṳ̂bǎ ma̤wô̌ kòyò nutokhlǒ hǒ. Cǒmara gǔ no sǎhtò̌phôhtò̌ sǔ sǔ dû̌htò̌ pô̤̌ sî ta̤sǎta̤phô pě. Sî ta̤sǎta̤phô numî̌ amè̤̌kû̌ lǒ̤bò ta̤wô̌ dǒ a hè dǒ sî ta̤sǎphlǒshû̌ ǐkò nutokhlǒ a ô̌ nuhǒ.

Ěphěsu 1:12

Pô̤̌khô pa gǔ bè̌ pa ta̤kè̌shuǐ dǒ Khrǐ akûnu dě, a ma̤ bǎ pa pô̤̌nu hǒ. Pa Yǔdaphû̌ tokhlǒ mî̌ kòyò dǒ a kè̌shuǐ wǐ Khrǐ tokhlǒ hǒ. Dǒ pa kè̌shuǐ pô̤̌nu akhû̌akhî, kòyò gǔ htû̌sò̌ Cǒmara a ta̤bwǐdû̌sîrîhtû gutṳ̌ nutokhlǒ pě.

Ěphěsu 1:14

Yôla Plò̌shǐ Běcǎ nî̌ asô̌sô̌kû̌ ta̤olò̤ aměagle tôcǒ dǒ a dǔlè̌lṳ̌ kû̌ Cǒmara olò̤ bò dǒ a gǔ ǐ pa pě tokhlǒnu, pa gǔ nǐ̤bǎ pě. Htû̌꤮ Cǒmara a htè̌ge pa a ta̤phǐta̤ma̤nu ahtoaphlǔ bòkè pě akhanu, a gǔ ǐ pa û̌tě̤û̌ca nutokhlǒ pě. Pô̤̌nudě kòyò gǔ htû̌sò̌htò̌ Cǒmara a ta̤sîrîdû̌sîrîhtû nutokhlǒ pě.

Ěphěsu 2:10

Khònò̤̌dě pa htûhtò̌ pô̤̌o numî̌, Cǒmara ma̤ bǎ pa pwǎ. Dǒ pa htûhtò̌ kû̌ Yeshǔ Khrǐ tôcǒ꤮ nô̤̌ akhû̌akhî, Cǒmara ǐ pa ta̤ô̌htûpwa̤ asa hǒ. Pô̤̌khô pa gǔ ma̤wô̌ta̤ ayanudě, a ǐ pa hǒ. Pa gǔ ma̤ ta̤wô̌ nutokhlǒ ayanu, a tîwî̌tòwò nǎ yî̤̌ pe dǒ paya hǒ.

Ěphěsu 5:9

Ma̤titèhî̌dě, ta̤lî a ta̤sǎta̤phô tokhlǒ numî̌ lǒ̤bò ta̤tôta̤bǎ, ta̤tě̤ta̤mè̤̌ kû̌ ta̤sǎphlǒ cǒtè̤ tokhlǒ nuhǒ.

Phǐlǐpǐ 4:17

He kè̌lǎ dǒ kòyò gǔ ǐkè he sû pô̤̌nu mè̤̌tô̤̌. Pô̤̌khô Cǒmara gǔ ǐ sî ta̤ma̤nǐ̤khû̌kǎ nudě he sǎphlǒshû̌ sǎyṳ kè̌shǐ khlotèpè̤̌ dǒ sî gǔ ma̤ dû̌wî̤pô̤̌ ta̤wô̌ tokhlǒ pô̤̌ sî ma̤ hto nutokhlǒ.

Kòlòtè̌ 1:10

Pô̤̌khô sî gǔ ô̌htûpwa̤ kû̌ Běcǎ htodě pô̤̌khô sî ma̤mô̤ lû̌û sǎphlǒ ayanu, pa kwicaba Cǒmara pô̤̌nu. Htokhôtô̤̌ pô̤̌khô sî ma̤wô̌ta̤ pṳ̂̌tocǒ, dě sî sǎhtò̌wô̌ dě sî gǔ dû̌htò̌ pû dǒ ta̤sî̌ya Cǒmara akû ayanu, pa kwicaba bǎ pô̤̌ sîya.

Kòlòtè̌ 1:6

Ta̤sǎlě̤we̤kè nunî̌ a phî̌hèǐ ta̤ǐshowî̤ dě a lṳ̌peshecû̌ bòkè dǒ hǎkhû̌běkhû̌ hǒ. A lṳ̌peshecû̌ dě a phî̌hèǐ ta̤ǐshowî̤ sô̌sô̌kû̌ a phî̌hèǐ bǎ sî, bǎ sî ganǎ̤de dě sî sî̌yaphlôhè ta̤tě̤ta̤mè̤̌ mî̌ Cǒmara abwǐsîrîdû̌ awe̤akè nuhǒ.

Tîsalònǐ ginǐ̤bǎ tôbǎ 1:12

Pa kwicaba pô̤̌o numî̌ pô̤̌khô pa Běcǎ Yeshǔ gǔ nǐ̤bǎ ta̤sîrîdû̌sîrîhtû dǒ sî ô̌ dě sî nǐ̤bǎ ta̤sîrîdû̌sîrîhtû dǒ a ô̌ pě aya nupwǎ. Dǒ pa Cǒmara kû̌ pa Běcǎ Yeshǔ Khrǐ abwǐsîrî akhû̌akhî, dě a htûhtò̌ tûû̌ pô̤̌o pě nî̌꤮.

Tǐtǔ 3:14

Pô̤̌khô pa Grete khrǐphû̌ hǒtokhlǒ gǔ noǎjò kû̌ kòyò ashěakhǎ dǒ a ma̤ ta̤wô̌ tokhlǒ ayanu, tôbǎ sû̌ǐ padô̌ asî htodě pô̤̌khô a gǔ ma̤jè̌bò̌ padô̌ kòyò dǒ a lǎ̤lṳ̂ mè̤̌mî̌ca nutokhlǒ, htokhôtô̤̌ pô̤̌khô asî gǔ ô̌htûpwa̤ nòdû̌ tǎ̤ kû̌ ta̤ dǒ abwǐasîrî ô̌tô̤̌ nutokhlǒ aya tǎ̤mǎ̤nu, tô sû̌ǐ padô̌ asîsî.

Hebrǔ 12:11

Bǎ Cǒmara tṳ̂mṳ̂̌ sû̌ǐ wô̌ gesô̌ pa akhanu, a sô̌sô̌ kû̌ sǎplǎ̤sǎyṳ lû̌ûnu, a sô̌sô̌ kû̌ ta̤sǎlě̤sǎlò̤ ô̌ tôcǒ tô̤̌. Bǎbǎkǎlè kòyò dǒ a khòbǎ nô̌ kòyò tṳ̂mṳ̂̌ sû̌ǐtòwòǐ wô̌ gesô̌ lû̌û tokhlǒnu, dǒ nô̌kòpě dě a gǔ nǐ̤bǎ khû̌kǎ pěnumî̌ amè̤̌ ta̤ô̌htûpwa̤ dǒ acǒatè̤ dě a nǐ̤bǎ sǎphlǒ gûjû̌kabǎ pě.

Petru awǐlǒ tabǎ 2:12

Bǎ sî ô̌htûpwa̤ dǒ khlilèphû̌ ashǔshawa̤ dě a yṳ̌ǎ kû̌ kòyò Cǒmara tô̤̌ nutokhlǒ akla, dě a bè̌ ta̤sǔ sî kû̌ sî mî̌ kòyò dǒ a ma̤ ta̤phû̌mò̤̌shǐhtô akhanu, ô̌htûpwa̤ shapwǎ̤ sî̌yawô̌ lô̌khô sînǎ̤ nî̌꤮. Asî gǔ kè̌shǐ sî ta̤ma̤wô̌ tokhlǒ pě dě htû̌꤮ Cǒmara hèlò̤ alṳmṳ̌ni̤ pě tôni̤nu, a bè̌dubè̌nǎ̤ lû̌pě.

Petru awǐlǒ tabǎ 2:5

Sî hǒtokhlǒnu a sô̌sô̌ kû̌ lǒ̤htûpwa̤ tokhlǒ hǒ. Cǒmara noǎ lǒ̤ dǒ a amè̤̌kû̌ sî dě a gǔ ma̤htò̌ hǐ dǒsû̌dǒsò̌ tômè. Sî ma̤ta̤ dǒ hǐkûnu sô̌sô̌kû̌ pwa̤shû̌gǎ aplò̌shǐ tokhlǒnu pě. Htokhôtô̤̌ sî lṳhtò̌ ta̤lṳ dǒ Cǒmara a ô̌ dǒsû̌dǒsò̌ tôkhô tokhlǒ pě. Dǒ Yeshǔ Khrǐ akhû̌akhîdě, Cǒmara phî̌shǐshu sî ta̤lṳ nutokhlǒ pě.

Petru awǐlǒ tabǎ 2:9

Bǎbǎkǎlè sî mî̌ khlilèphû̌ tôcǒ dǒ Cǒmara rû̌htò̌ yǎ, pwa̤shû̌gǎ dǒ asô̌sô̌kû̌ khwǐ tokhlǒ, kòyò khlilèphû̌ dǒ aplò̌shǐ, kǎtô̤̌ Cǒmara a kòyò tokhlǒ hǒ. Pô̤̌khô sî gǔ shôbǐǐlṳ̌ Cǒmara a ta̤ma̤wô̌ khô̌tû̌ tokhlǒ ayanu, Cǒmara rû̌htò̌ sî hǒ. Cǒmara kaǎhtò̌ge sî dǒ ta̤khǐsiwi̤ alǎ̤ dě a sûnṳ̌ sî dǒ a ta̤lîta̤kakha mô̤ akû hǒ.

Petru awǐlǒ tabǎ 4:14

Kè̌ sî khòbǎ ta̤pîjî̌ǐsho dǒ sî gû̌kû̌ Khrǐ akò kè̌hî̌dě sî nǐ̤bǎ ta̤ǐshowî̤, ma̤titèhî̌dě Cǒmara a Yôla Plò̌shǐ dǒ ata̤bwǐdû̌sîrîhtû, a ô̌plǒ kû̌ sî hǒ.