Phǐlǐpǐ 1:10 - Kawyaw New Testament

¹⁰ Pô̤̌khô sî gǔ sî̌yaphlô tě̤tě̤mè̤̌mè̤̌ wô̌ ta̤ dǒ awô̌lǒnu dě sî sǎphlǒ mṳ̂̌plîpě, htokhôtô̤̌ tǒ̤dǒ Khrǐ hè sô̌ alṳmṳ̌ni̤ pě tôni̤nu, kòyò gǔ bè̌jò pe ta̤sǔ dǒ sîlô̤ tô̤̌nu, he kwicaba bǎ sîya.

Kawyaw RC

¹⁰ Ma̤pûhǐ sî sî̌yaphlo te̤mǎwǒ ta̤ htě awǒgutṳ̌ dě sî bǎ sò̌phlǒ mṳ̂plî, htohǒtò̤ to̤htû̌꤮ Khrî̌stu hè gesǒ amṳni̤ pě ti̤ni̤nu, kò glè bè̌jòpe pû ta̤sǔ dě sîlo̤ tò̤nu, he kwisabadǒ sîya.

Phǐlǐpǐ 1:10 Iomraidhean Croise

Mǒhtûlû̌hǎhtûsa 20:5

Abraha asanǎ̤ hî̌nǎ he kû̌, ‘Mǒ̤sara mî̌ hepṳ̌ pwa̤mǒ̤ pwǎ,’ yahî̌? Htokhôtô̤̌ Mǒ̤sara gû̌ hî̌ kû̌ a mî̌ ‘hewè̤̌ pwa̤khû pwǎ,’ yahî̌? He ma̤ ta̤ khònò̤̌ hesǎphlǒ amṳ̂̌plî pwǎ, he ma̤sǔ bǎ ta̤ tôcǒ꤮ khôtô̤̌.”

Matěo 16:23

Běcǎ Yeshǔ ti̤wǐ̤ getîkhîtô Khûpetarǔ dě a hî̌ lû̌û kû̌, “Ǒ꤮ hǎkhû̌tana, hǎhtò̌cû̌ tephekè kû̌ he, na mî̌ asô̌sô̌kû̌ lǒ̤ tômè dǒ kòyò lǎ̤htò̌tukhu tômè nupwǎ. Na ta̤gènè̤ tokhlǒnu asô̌sô̌kû̌ kòyòhǎkhû̌phû̌ a ta̤gènè̤nu pwǎ, a sô̌sô̌kû̌ kû̌ Cǒmara a ta̤gènè̤ tokhlǒnu mè̤̌tô̤̌.”

Matěo 26:33

Khûpetarǔ hî̌shěshu kû̌, “Kòyò gǔ sǎphlǒpî̌kè bò na gûlǎ̤ bǎbǎ, he glè̌ sǎphlǒpî̌kè nô̌ na tîkî̌꤮ tô̤̌.”

Jowǎ̤ni̤ 1:47

Bǎ Yeshǔ kè̌shǐ Khûnasaněla hè dǒ aô̌ akhanu, a hî̌ Khûnasaněla awe̤akè kû̌, “A mî̌ Isôrělaphû̌ mè̤̌mî̌ca tôpwa̤. A lòhǎlòhô gû̌ kòyò tôkhò̌꤮ tô̤̌.”

Jowǎ̤ni̤ 3:20

Lǒ̤꤮ bò kòyò dǒ a ma̤ ta̤phû̌mò̤̌shǐhtô tokhlǒnu, a sǎkhě ta̤lî dě a hè dǒ ta̤lî a ô̌tô̤̌, ma̤titè̌hî̌dě kòyò dǒ a ma̤ ta̤phû̌mò̤̌shǐhtô tokhlǒnu, a ǐsha kû̌ a ta̤sǔta̤plě tokhlǒ ô̌lṳ̌htò̌ dě a hè tô̤̌.

Pwa̤nophû̌ 24:16

Pô̤̌khô he sǎphlǒ a ta̤gènè̤ nî̌ a gǔ mṳ̂̌plî dǒ Cǒmara kû̌ kòyòhǎkhû̌phû̌ alô̤mô̤̌nu, he jî̌pwǐ̤ ma̤ta̤ awô̌ gutṳ̌nu pṳ̂̌꤮ plǎplǎ.

Rṳ̂̌me̤ 12:2

Ô̌htûpwa̤ kè̌lû̌ tǎ̤ pô̤̌ kòyò dǒ a sî̌ganǎ̤ gû̌ kòyò Cǒmara tô̤̌ nutokhlǒ alǎ̤klô ô̌htûpwa̤ nuta̤mǎ̤ nî̌꤮. Pô̤̌khô sî gǔ ô̌htûpwa̤ khô̌ kû̌ asînu dě, nohtû̌lè̌tèplè̌ sǎphlǒ khô̌kè sî ta̤gènè̤ tokhlǒnu kû̌ Cǒmaranu nî̌꤮. Sî kè̌ ma̤pô̤̌nu mî̌ sî sî̌yahè ta̤ dǒ Cǒmara sǎyṳ noma̤ sînu tokhlǒ pwǎ. Htodě sî gǔ sî̌ganǎ̤hè ta̤wô̌, ta̤ma̤mô̤ Cǒmara asǎphlǒ, kû̌ ta̤sî̌ya lǒbehè Cǒmara a ta̤sǎyṳ tokhlǒ pě pwǎ.

Rṳ̂̌me̤ 12:9

Mô̤khěmô̤khô̌ tǎ̤ kòyò tǎ̤mǎ̤ nî̌꤮. Sǎyṳ mô̤kla tǎ̤ ta̤phû̌mò̤̌shǐhtô tǎ̤mǎ̤ nî̌꤮. Dî̌klǎ měwô̌ lô̌khô ta̤wô̌ nî̌꤮.

Rṳ̂̌me̤ 16:17

Pṳ̌wè̤̌ sî, he ǐkhû̌ǐǎ sîkò kû̌, ô̌sè̌rè̌ lô̌khô sînǎ̤ kû̌ kòyò dǒ a hènṳ̌ma̤ lûcû̌peshe ta̤nutokhlǒ nî̌꤮. Asî ta̤sû̌ǐtòwòǐ tokhlǒnu a lô̌ǐ cû̌ tephekè kòyò dǒ sîkla tokhlǒkhlǒ kû̌ Khrǐ pě. Asî ta̤sû̌ǐ tokhlǒnu a lû khô̌ kû̌ Khrǐ awe̤akè dǒ kòyò sû̌ǐ hto sî nutokhlǒ hǒ. Ô̌tephekè kû̌ asî nî̌꤮.

Rṳ̂̌me̤ 2:18

Cǒmara sǎyṳ noma̤ kwè̌ na mî̌titènu na sî̌ganǎ̤ hǒ. Dǒ kòyò sû̌ǐhto na kû̌ ta̤sû̌ta̤tòwò tokhlǒ akhû̌akhî, na sî̌ganǎ̤ rû̌htò̌jò ta̤dǒ a tôlǒ tokhlǒ hǒ.

Rṳ̂̌me̤ 7:16

Ta̤ dǒ he sǎyṳ ma̤tô̤̌ tokhlǒ dě he cû̌ma̤tǒ̤ numî̌ a dǔlè̌lṳ̌ kû̌ ta̤sû̌ta̤tòwònu, awô̌ pwǎ he sǎphlǒ a tôbǎ pô̤̌nu hǒ.

Rṳ̂̌me̤ 7:22

Dǒ he sǎphlǒkûnu he mô̤ǐwô̌꤮ Cǒmara a ta̤sû̌ta̤tòwò.

Rṳ̂̌me̤ 8:7

Ma̤titèhî̌dě, kòyò dǒ a gènè̤ còcè̌ nǎ̤glǒphěyî̌ a ta̤sǎyṳ phû̌mò̤̌ tokhlǒnu, a htûhtò̌ pwa̤sǎkhî̌ Cǒmara. Ma̤titèhî̌dě a jûǎ gû̌ Cǒmara a ta̤sû̌ta̤tòwò tôkhò̌꤮ tô̤̌. A jûǎ mò̌ mî̌ a jûǎ bò̌gû̌ kò tô̤̌tô̤̌.

Kôritu awǐlǒ tôbǎ 1:8

Htû̌ pa Běcǎ Yeshǔ Khrǐ hè alṳmṳ̌ni̤ pě tôni̤nu, pô̤̌khô kòyò lǎ̤bè̌ ta̤sǔ dǒ sîlô̤ gǔ ô̌ pe tô̤̌ ayanu, Běcǎ gǔ pṳ̂̌mětegle tû̌sî tǒ̤dǒ a gutṳ̌ pě.

Kôritu awǐlǒ tôbǎ 10:32

Dǒ Yǔdaphû̌ tokhlǒ aya bǎbǎ, Yǔdaphû̌ mè̤̌tô̤̌ tokhlǒ aya bǎbǎ, Cǒmara a ta̤dòkûphû̌ tokhlǒ bǎbǎ, sî ma̤ ta̤ titètè̌꤮ nu nohtûhtò̌ tǎ̤ ta̤lò̤khǔpo̤ dǒ asî aya tǎ̤mǎ̤.

Kôritu awǐlǒ tôbǎ 8:13

Ma̤pô̤̌nudě, dǒ he ǎ ta̤yî̌ khû̌khî dě a kè̌ dǐhtûhtò̌ pṳ̌wè̤̌ Khrǐphû̌ tôpwa̤pwa̤ a ta̤lò̤khǔpo̤ hî̌nu, he ǎ pe ta̤yî̌ tôkhò̌ tô̤̌. Ma̤titèhî̌dě he sǎyṳ nohtûhtò̌ ta̤lò̤khǔpo̤ dǒ he pṳ̌wè̤̌ Khrǐphû̌ nutokhlǒ aya tô̤̌ akhû̌akhî, he ǎ pe tô̤̌ pwǎ.

Kôritu ginǐ̤bǎ tôbǎ 1:12

Ma̤titèdě pa hî̌bǎhtò̌yô̤̌ bǔ payô̤̌ hî̌dě, dǒ pa sǎphlǒkûnu pa sî̌ganǎ̤ tě̤tě̤mè̤̌mè̤̌ kû̌ pa ma̤sǔma̤plě, pa hî̌sǔhî̌plě bǎnô̌ kòyò tôpwǎ̤꤮ tô̤̌, htokhôtô̤̌ pa bè̌ cǒtè̤pwǎ pa sǎphlǒ dǒ sîkhû̌ pwǎ. Pa ma̤pô̤̌ numî̌ mî̌ dǒ Cǒmara abwǐsîrî a ta̤pô̤ta̤phǎ akhû̌akhî pwǎ, mè̤̌kû̌ kòyò hǎkhû̌phû̌ a ta̤sî̌ta̤jò̌ akhû̌akhî nu mè̤̌tô̤̌.

Kôritu ginǐ̤bǎ tôbǎ 2:17

Kòyò ma̤ lô̌khô Cǒmara ata̤ma̤ dě a sû̌ǐtòwòǐ bǎ kòyònu a ô̌ dû̌ bǎbǎkǎlè pa kè̌pǒ̤ ma̤gû̌ pô̤̌ asî ma̤nu tô̤̌. Ma̤titèhî̌dě, pô̤̌khô asî gǔ nǐ̤bǎ lô̌khô ru dě asî shôbǐǐlṳ̌ bǎ kòyò kû̌ Cǒmara alě̤ayô̤̌ pwǎ. Bǎbǎkǎlè pa hǒtokhlǒnu, Cǒmara nocû̌ shôbǐǐlṳ̌ pa kû̌ Khrǐ awe̤akè, pa shôbǐǐlṳ̌ bǎ kòyònu Cǒmara kè̌shǐ, pa htûhto ta̤tôcǒ꤮ nô̤̌ kû̌ Khrǐ hǒ dě pa mî̌ pwa̤nophû̌ dǒ a sǎphlǒcǒtè̤ tokhlǒ hǒ.

Kôritu ginǐ̤bǎ tôbǎ 6:3

Pa shôbǐǐ bǎ kòyò kû̌ Yeshǔ Khrǐ awe̤akè pô̤̌khô kòyò gǔ htè̌shěshu tô̤̌ nudě, ta̤ma̤ dǒ a htûhtò̌ asî ta̤pi̤jî̌ǐsho tokhlǒnu pa ma̤ tôcǒ꤮ tô̤̌.

Kôritu ginǐ̤bǎ tôbǎ 8:8

He hî̌ pô̤̌o dě he noshû̌ sî pô̤̌nu mè̤̌tô̤̌. Pô̤̌khô sî gǔ kè̌lû̌ kû̌ kòyò dǒ ashǔshawa̤ tokhlǒ sǎphlǒshû̌ ma̤jè̌ kòyò nudě, he sǎyṳ dǐsî̌ganǎ̤ bǎ sî pô̤̌nu pwǎ. Dǒ he dǔlè̌lṳ̌ sî pô̤̌o akhû̌akhîdě sî mô̤ mè̤̌mî̌ca kòyò ya, sî mô̤tô̤̌ yanu, he gǔ sî̌ganǎ̤hè pě pô̤̌nu pwǎ.

Galatǐ 5:11

Pṳ̌wè̤̌ sî, he gǔ shôbǐǐlṳ̌ bǎ sî kû̌ Yǔdaphû̌ alǎ̤klô dǔtṳ̌aphě numî̌ ta̤ dǒ a lṳ̂dû̌shî̌ mè̤̌tô̤̌. Dǒ Yeshǔ akhû̌akhî, Yǔdaphû̌ tokhlǒ ma̤jî̌ma̤jû̌ gutṳ̌glǎ he pwǎ. He kè̌ shôbǐǐlṳ̌ bǎ sî kû̌ sî bǎ dǔtṳ̌aphě kè̌hî̌numî̌, Yǔdaphû̌ tokhlǒ sǎphlǒmô̤꤮ jî̌ kǎlè. Bǎbǎkǎlè he shôbǐǐ pô̤̌nutô̤̌. He shôbǐǐ pwǎ kû̌ Khrǐ nò̌dò̌htǔ dǒ Yǔdaphû̌ tokhlǒ sǎphlǒmô̤ yǎ tô̤̌nu awe̤akè pwǎ.

Ěphěsu 4:15

Mè̤mè̤̌tôkhônu, pa tô hî̌bǎ khlo dǒ ta̤tě̤ta̤mè̤̌ kû̌ ta̤mô̤nṳ̌ nutokhlǒ. Htodě dǒ pa ma̤ ta̤pṳ̂̌꤮ tocǒ akûnu, pa bǎ htûhtò̌ sô̌sô̌ kû̌ pa Běcǎ Khrǐ dǒ a htû pa ikǒdû̌ nutôpwa̤ hǒ.

Ěphěsu 5:10

Dě kè̌shuǐ sî̌ganǎ̤ lô̌khô ta̤ dǒ atô Cǒmara asǎphlǒ nutokhlǒ nî̌꤮.

Ěphěsu 5:27

Pô̤̌khô a ta̤dòkû gǔ wî̤, gǔ sara, gǔ sîrîdû̌sîrîhtû wô̌ dǒ a lô̤mô̤̌ pěnu, a tṳ̌sikhòsi bǎ asîya. Dě a sǎyṳ dǒ a ta̤dòkû, abǎ wî̌ pe tô̤̌. Bǎ sutǔ pe tô̤̌, bǎ phû̌mò̤̌ ǐ kû̌ ta̤ dǒ ashǔshawa̤ tokhlǒ tô̤̌. Mè̤mè̤̌tôkhô, a sǎyṳ dǒ a bǎ plò̌shǐ dě kòyò bǎ bè̌nṳ̌ ta̤sǔ dǒ alô̤ tô̤̌.

Ěphěsu 6:24

Cǒmara dǔlè̌lṳ̌ pû bǎ abwǐsîrî kû̌ kòyò dǒ a mô̤nṳ̌ Běcǎ Yeshǔ Khrǐ nutokhlǒ kû̌mî̌ ata̤mô̤ dǒ agutṳ̌ jòtô̤̌ nunî̌꤮.

Phǐlǐpǐ 1:16

Asî mô̤ǐ he dě a ma̤ lô̌khô pwǎ, ma̤titèhî̌dě tôbǎ hî̌bǎ takabǐ tě̤tṳ ta̤sǎlě̤we̤kè ata̤ma̤ numî̌ Cǒmara ǐ he pwǎnu, asî sî̌ganǎ̤ lô̌khô pwǎ.

Phǐlǐpǐ 1:6

Cǒmara dǒ a sahtò̌ htû̌lè̌ tèplè̌ wô̌ge hto sî sǎphlǒ tôpwa̤nu, he yṳ̌ǎ tě̤tě̤mè̤̌mè̤̌ kû̌ a ma̤wô̌ hènè tǒ̤dǒ Yeshǔkhrǐ alṳmṳ̌ni̤ hètǒ̤ nupě tôplǎ pě.

Phǐlǐpǐ 2:16

Shôbǐǐlṳ̌ padô̌ lô̌khô kòyò ta̤htûpwa̤ awe̤akènu nî̌꤮. Sî kè̌ ma̤pô̤̌nu hî̌dě bǎ Khrǐ hèlò̤ sô̌ alṳmṳ̌ni̤ pě tôni̤nu, lǒ̤bò he jî̌pwǐ̤ tokhlǒ kû̌ he ta̤phǐta̤ma̤ nutokhlǒ a htûhtò̌ nòdû̌pe tô̤̌ akhû̌akhî, dǒ sîkhû̌sîkhî dě he gǔ phî̌htò̌lǒǐ henǎ̤ pě.

Tîsalònǐ awǐlǒ tôbǎ 3:13

Bǎ pa Běcǎ Yeshǔ hèlò̤ kû̌ a kòyò plò̌shǐ tokhlǒ lǒ̤bò pě akhanu, pô̤̌khô kòyò lǎ̤bè̌ sî ta̤sǔ gǔ ô̌ pe tô̤̌nu, kǎtô̤̌ pô̤̌khô sî gǔ plò̌shǐ dǒ pa Cǒmara kû̌ papha nutôpwa̤ alô̤mô̤̌ pěnu, a gǔ ǐshû̌ǐsho pû sî sǎphlǒ akhû̌aǎ nî̌꤮.

Tîsalònǐ awǐlǒ tôbǎ 5:21

Ma̤kè̌kè̌ htobò ta̤pṳ̂̌꤮ tocǒ dě phî̌shěshu ta̤ dǒ awô̌ nutokhlǒ nî̌꤮.

Tîsalònǐ awǐlǒ tôbǎ 5:23

Cǒmara dǒ a ǐ pa ta̤gûjû̌kabǎ nutôpwa̤ anǎ̤běcǎ gǔ ma̤plò̌shǐ lǒbehtò̌ pû sî nî̌꤮. Htokhôtô̤̌ dǒ pa Běcǎ Yeshǔ Khrǐ gǔ hè sô̌ pěnu, pô̤̌khô kòyò gǔ bè̌jòpe sî ta̤sǔ tô̤̌ nudě, Cǒmara gǔ kè̌pǒ̤ǐ bò pô̤̌ sî nǎ̤glǒ kû̌ sîsǎphlǒ kû̌ sî ta̤ô̌htûpwa̤ pě nî̌꤮.

Yṳ̂ha awǐlǒ tôbǎ 4:1

He khômô̤ sî꤮, lǒ̤bò kòyò dǒ a hî̌ kû̌ pa ô̌ kû̌ Yôla Plò̌shǐ Běcǎ hǒ tokhlǒnu, yṳ̌ǎ phô̌phô̌ lô̌khô tǎ̤mǎ̤. Pô̤̌khô sî gǔ sî̌ganǎ̤ kû̌ sǎphlǒ numî̌ a hè mè̤̌mî̌ca dǒ Cǒmara a ô̌ ya, mî̌ a hè mè̤̌tô̤̌ yanu kè̌kè̌ wǐ lô̌khô asî nî̌, ma̤titèhî̌dě dǒ hǎkhû̌nu, piwi̤pèshè lòhô ô̌lṳ̌htò̌ jûgrû hǒ.

Ta̤dǔlè̌nǎ 2:2

Na ma̤ ta̤ nî̌ na ma̤ lò̤dô̌lò̤de nanǎ̤ numî̌ he sî̌yaya, htodě na sǎphlǒhtûbò̌ ta̤jî̌ta̤jû̌ tokhlǒ numî̌ he sî̌yaya. Na ô̌jò kû̌ kòyò ma̤ ta̤phû̌mò̤̌shǐhtô tokhlǒ tô̤̌ numî̌ he sî̌yaya. Htodě kòyò dǒ a hî̌ lò̤ ǐtûû̌ anǎ̤ kû̌ pwa̤nophû̌ dě na ma̤kè̌kè̌ asî dě na kè̌shǐ kû̌ asî mî̌ pwa̤nophû̌ mè̤̌tô̤̌, amè̤̌pwǎ pwa̤hî̌bǎ lòhǎlòhô tokhlǒ pwǎ.