Phǐlǐpǐ 1:1 - Kawyaw New Testament

¹ Pa mî̌ Khûpò̌lǔ kû̌ Khûtîmôte. Pa mî̌ Yeshǔ Khrǐ ajû̌ tokhlǒ. Pa wě̤cû̌ bǎ lî̤ hǒtôbǎ kû̌ Cǒmara a kòyò dǒ a htûhtò̌ kû̌ Yeshǔ Khrǐ tôcǒ꤮ nô̤̌ dě a ô̌ lô̌khô dǒ Wî̤̌phǐlǐpǐ akû nutokhlǒ a ô̌. Pa wě̤cû̌ padô̌ ta̤dòkû ikǒlǒkòdû̌ tokhlǒ kû̌ pwa̤ma̤jè̌ ta̤dòkû saprṳ̂phû̌ tokhlǒ.

Kawyaw RC

¹ Pa mî̌ Pò̌lu ta Timò̤̌te. Pa mî̌ Ye̤shǔkhrî̌stu ajû toǒ. Pa khwè̌cû̌ lî̤ htǒotabǎ ta Cǒmara akòyò htě a htûhtò̌ ta Ye̤shǔkhrî̌stu tacǎ꤮ pa dě a ǒ lǒkho Phǐlǐpiawî̤kûnu toǒ a ǒ. Pa khwè̌cû̌padǒ ta pwa̤yṳǎta̤ aprṳ̂aho hǐkǒdû̌ toǒ ta pwa̤ma̤jè pwa̤yṳǎta̤ aprṳ̂ahophû̌ toǒ.

Phǐlǐpǐ 1:1 Iomraidhean Croise

Mǎ̤riko 13:34

Hǒomî̌ asô̌sô̌kû̌ kòyò tôpwa̤ dǒ a glè̌ hǎhtò̌cû̌ klè̌ dǒ shigǎ ashǔshawa̤ tôgǎ dě a no kè̌pǒ̤kè ahǐ kû̌ a jû̌ tokhlǒ dě a hǎhtò̌cû̌. A ǐlò̤ khô̌kè asî tôpwa̤ kû̌ tôpwa̤ ata̤ma̤ dě a hî̌kè pwa̤ô̌pǒ̤ takha nutôpwa̤ kû̌ a gǔ sòklò ô̌pǒ̤shěshu pû pô̤̌nu.

Jowǎ̤ni̤ 12:26

Mòpèpè̌꤮ bǎbǎ dǒ a ma̤ he ta̤ma̤nu, a bǎgû̌ kû̌ hekò. Kè̌hî̌dě, he ô̌bǎtè tûkû bǎbǎ, a gǔ ô̌cu bǎnu pě. Hepha gǔ bè̌dû̌bè̌htò̌yô̤̌ kòyò dǒ a ma̤ he ta̤ma̤ nutôpwa̤ pě.

Pwa̤nophû̌ 1:20

“Kòyò wě̤ dǒ lî̤htû̌sò̌htò̌ akûnu dě a hî̌ kû̌, ‘ahǐ ô̌lò̤tò̤̌ sǔtǔkǔkè tûû̌ pě, nṳ̌ô̌ tǎ̤ hǐnu akû tôpwǎ̤꤮ tǎ̤mǎ̤ nî̌꤮.’ Htodě a hî̌ kû̌, ‘kòyò nṳ̌ma̤ tûû̌ agûlǎ̤ tôpwa̤ pě.’

Pwa̤nophû̌ 20:28

Kè̌ǐ kè̌khî tûû̌ lôkhô sînǎ̤ dě kè̌ǐ kè̌khî bò lô̌khô sû̌phû̌ dǒ Yôla Plò̌shǐ Běca ǐlò̤hto sî dǒ sî bǎ kè̌ǐ nutokhlǒ nî̌꤮. Htû lôkhô pwa̤ dǒ a kè̌ǐ asû̌phû̌sî nutokhlǒ nî̌꤮. Kè̌ǐ lôkhô Cǒmara a ta̤dòkû dǒ aphû̌khû pwî̤ge hto kû̌ asǐ sanǎ̤ nunî̌.

Pwa̤nophû̌ 9:13

Khûananǐ hî̌shěshu kû̌, “Běcǎ, kòyò nutôpwa̤ awe̤akè nî̌, he ganǎ̤de kòyò saprṳ̂ hî̌htobǎ dû̌wî̤ he kû̌, a ma̤jî̌ma̤jû̌ na kòyò plò̌shǐ ô̌ dǒ Wî̤̌yarǔshôle akû nutokhlǒ, ahî̌.

Rṳ̂̌me̤ 1:1

He mî̌ Khûpò̌lǔ. He wě̤cû̌bǎ sî lî̤ hǒtôbǎ. He mî̌ Yeshǔ Khrǐ a jû̌ tôpwa̤. A kaǎ he kû̌ he gǔ htûhtò̌ pwa̤nophû̌ tôpwa̤, htodě a rû̌htò̌ he kû̌ he gǔ shôbǐǐlṳ̌ bǎ kòyò kû̌ Cǒmara a ta̤sǎlě̤we̤kè.

Rṳ̂̌me̤ 1:7

Khôbǒsû̌mô̤ ô̌ dǒ Wî̤̌rṳ̂̌me̤ akû sî, Cǒmara mô̤ǐ sî, htokhôtô̤̌ a kaǎ sî dǒ sî gǔ htûhtò̌ a kòyò hǒ. He wě̤cû̌ bǎ bò sî lî̤hǒtôbǎ. Papha Cǒmara kû̌ pa Běcǎ Yeshǔ Khrǐ gǔ ǐ pû sî ta̤bwǐta̤sîrî kû̌ ta̤gûjû̌kabǎ nî̌꤮.

Kôritu awǐlǒ tôbǎ 16:10

Htû̌ Khûtîmôte hè kû̌ sî pě akhanu, kè̌pǒ̤ǐ wô̌ a nî̌, ma̤titèhî̌dě a mî̌ Běcǎ apwa̤ma̤ta̤phû̌ tôpwa̤ dǒ a sô̌sô̌ kû̌ henu hǒ.

Kôritu ginǐ̤bǎ tôbǎ 1:1

He mî̌ Khûpò̌lǔ. Cǒmara sǎphlǒ tô tûû̌ dǒ a gǔ rû̌htò̌ he kû̌ Běcǎ Yeshǔ Khrǐ a pwa̤nophû̌ tôpwa̤ hǒ. He kû̌ pa pṳ̌wè̤̌ Khûtîmôte wě̤cû̌bǎ lî̤nu dǒ sî Wî̤̌kôrituphû̌ dǒ a yṳ̌ǎ Cǒmara tokhlǒ a ô̌. Htokhôtô̤̌ pa wě̤cû̌ padô̌ kòyò dǒ a yṳ̌ǎ Cǒmara dǒ a ô̌ dǒ Akheya gǎkû nutokhlǒ a ô̌.

Galatǐ 1:10

He hî̌ pô̤̌o numî̌ asô̌sô̌kû̌ he jî̌pwǐ̤ gû̌kû̌ kòyòhǎkhû̌phû̌ asǎphlǒ pô̤̌nu ya? He sǎyṳ gû̌kû̌ kòyòhǎkhû̌phû̌ asǎphlǒ pô̤̌nu mè̤̌tô̤̌. He sǎyṳ gû̌ pô̤̌khô̌ Cǒmara asǎphlǒ nupwǎ. He kè̌ jî̌pwǐ̤ lṳ̂ma̤mô̤ mò̌ jô̌ kòyòhǎkhû̌phû̌ tokhlǒ asǎphlǒ pwǎ numî̌, he mî̌ Khrǐ ajû̌ tôpwa̤ mè̤̌tô̤̌.

Galatǐ 3:26

Dǒ ta̤yṳ̌ta̤nǎ̤ akhû̌akhî, sî lǒ̤bò htûbò kû̌ Khrǐ ta̤tôcǒ nô̤̌ hǒ dě sî htûbò Cǒmara aphû̌ali̤ tokhlǒ hǒ.

Galatǐ 3:28

Yǔdaphû̌ kû̌ khlilèphû̌ ashǔshawa̤ Grěphû̌ tokhlǒ, jû̌ kû̌ pwa̤ nǐ̤bǎ ta̤piliphû̌ tokhlǒ, pwa̤khû kû̌ pwa̤mǒ̤, lǒ̤bò ta̤ nutokhlǒ numî̌ akhô̌ nô̌ lû̌û tô̤̌, ma̤titèhî̌dě lǒ̤bò sî nutokhlǒ numî̌ sî htûhtò̌ bò kû̌ Khrǐ tôcǒ nô̤̌ hǒ.

Ěphěsu 1:1

He mî̌ Khûpò̌lǔ. Cǒmara sǎphlǒô̌ dǒ he gǔ htû Yeshǔ Khrǐ a pwa̤nophû̌ tôpwa̤. He wě̤cû̌bǎ lî̤hǒtôbǎ dǒ Cǒmara a kòyò dǒ a ô̌ lô̌khô dǒ Wî̤̌ěphěsu akû nutokhlǒ a ô̌. Sî mî̌ kòyò tokhlǒ dǒ a htûhtò̌ kû̌ Khrǐ tôcǒ꤮ nô̤̌ hǒ dě, sî wîkè sî ta̤yṳ̌ǎ Yeshǔ Khrǐ tô̤̌.

Ěphěsu 1:15

Cǒmara ǐshowî̤ pa pô̤̌nuhǒ akhû̌akhî, sahtò̌ bǎ he ganǎ̤de kû̌ sî yṳ̌ǎ Běcǎ Yeshǔ Khrǐ dě sî mô̤ǐ Cǒmara a kòyò akhanu,

Ěphěsu 6:24

Cǒmara dǔlè̌lṳ̌ pû bǎ abwǐsîrî kû̌ kòyò dǒ a mô̤nṳ̌ Běcǎ Yeshǔ Khrǐ nutokhlǒ kû̌mî̌ ata̤mô̤ dǒ agutṳ̌ jòtô̤̌ nunî̌꤮.

Phǐlǐpǐ 2:19

Pô̤̌khô he gǔ sî̌ganǎ̤ sîwe̤sîkè dě a ǐkhû̌ǐǎ ma̤mô̤htò̌ pô̤̌ he sǎphlǒ pě ayanu, a kè̌ tô Běcǎ Yeshǔ asǎphlǒ hî̌dě he nohè phwè bǎ sî Khûtîmôte dǒ sî ô̌ pě dě a ge shôbǐǐlṳ̌ bǎ he pě.

Phǐlǐpǐ 2:5

Sî tô bè̌ sô̌sô̌ lô̌khô sî sǎphlǒ pô̤̌ Khrǐnu.

Phǐlǐpǐ 3:12

Ta̤hǒ tokhlǒnu he nǐ̤bǎ htohǒ he hî̌nǒ kû̌ pô̤̌nutô̤̌, htodě he ta̤ô̌htûpwa̤nu, a lǒbe bòkè he hî̌nǒ kû̌ pô̤̌nu tô̤̌tô̤̌. Bǎbǎkǎlè pô̤̌khô he gǔ sî̌ganǎ̤ Khrǐ dě he gǔ htûhtò̌ hènè sô̌sô̌kû̌ a ayanu, he jî̌pwǐjî̌le mî̌ca. Khrǐ rû̌htò̌ he kû̌ ta̤we̤ta̤kè hǒtokhlǒ akhû̌akhî pwǎ.

Phǐlǐpǐ 3:3

Pa mî̌ Cǒmara a kòyò mè̤̌mî̌ca tokhlǒ hǒ, asî nutokhlǒ mî̌ a mè̤̌mî̌ca mè̤̌tô̤̌, ma̤titèhî̌dě dǒ Cǒmara a Yôla Plò̌shǐ akhû̌akhî, pa cubucabahtò̌ hǒ Cǒmara dě pa hî̌bǎhtû̌sò̌ǐ ta̤dǒ Yeshǔ Khrǐ ma̤ bǎ hto pa tokhlǒ nuhǒ. Pô̤̌khô pa nǐ̤bǎ ta̤ma̤hǎplǎge ayanu, pa tô nǎla̤ǐ ta̤dǒ pa ma̤ a nutokhlǒ tô̤̌.

Phǐlǐpǐ 3:8

Tǒ̤hǒo kǎtô̤̌, khònò̤̌ sǔ sǔ he sî̌yahèhto he Běcǎ Yeshǔkhrǐnu a lě̤dû̌pwî̤htû khlope kû̌ ta̤lǒ̤ bò akhû̌akhî, lǒ̤bò ta̤ tokhlǒnu, he bè̌kè a pô̤̌ ta̤ô̌lǒô̌khlo tokhlǒnu pwǎ. Dǒ Khrǐ aya akhû̌akhî, he wîkè bòkè pṳ̂̌꤮ tôcǒ hǒ. Pô̤̌khô he gǔ nǐ̤bǎ Khrǐ dě he gǔ htûhtò̌ ta̤ tôcǒ꤮ nô̤̌ kû̌ Khrǐ ayanu, lǒ̤bò ta̤ tokhlǒnu, he gènè̤kè a pô̤̌ ta̤wè̤̌ta̤sô̌ tokhlǒnu pwǎ.

Tîsalònǐ awǐlǒ tôbǎ 1:1

Pa mî̌ Khûpò̌lǔ, Khûshǐla, Kû̌ Khûtîmôte. Pa wě̤cû̌ wô̤̌wô̤̌ lû̌ lî̤hǒtôbǎ dǒ sî Tîsalònǐ ta̤dòkû phû̌ tokhlǒ a ô̌. Sî Tîsalònǐ ta̤dòkûphû̌ tokhlǒ mî̌ pha Cǒmara kû̌ Běcǎ Yeshǔ Khrǐ a kòyò tokhlǒ hǒ. Ta̤bwǐta̤sîrî kû̌ ta̤gûjû̌kabǎ ô̌cu pû kû̌ sî nî̌.

Tîsalònǐ awǐlǒ tôbǎ 2:2

Pô̤̌ sî sî̌ganǎ̤ htobò, bǎ pa hè lò̤ dǒ sî ô̌tô̤̌ akhanu, Wî̤̌phǐlǐpǐphû̌ tokhlǒ ma̤jî̌ma̤jû̌ pa, htodě ma̤sòwò̤̌ bò pa. Kòyò ma̤ takǎ dǐdò tě̤tṳ pa bǎbǎkǎlè pô̤̌khô pa gǔ shôbǐǐlṳ̌ sî kû̌ Cǒmara a ta̤sǎlě̤we̤kè nudě, pa Cǒmara ǐhto pa ta̤khuhe hǒ.

Tîsalònǐ ginǐ̤bǎ tôbǎ 1:1

Pa mî̌ Khûpò̌lǔ, Khûshǐla, kû̌ Khûtîmôte. Pa wě̤cû̌ wô̤̌wô̤̌ lû̌û lî̤ hǒtôbǎ dǒ sî Tîsalònǐ ta̤dòkûphû̌ tokhlǒ a ô̌. Sî mî̌ papha Cǒmara kû̌ Běcǎ Yeshǔ Khrǐ a kòyò tokhlǒ.

Tîsalònǐ ginǐ̤bǎ tôbǎ 1:10

Dǒ Běcǎ Yeshǔ hèsô̌ alṳmṳ̌ni̤ tôni̤ pěnu, a gǔ htûhtò̌ tû̌ pô̤̌nu pě. Bǎ nutôni̤ pěnu, a kòyò plò̌shǐ tokhlǒ gǔ ma̤sîrîdû̌sîrîhtû lû̌û pě dě kòyò dǒ a yṳ̌ǎ lû̌û tokhlǒnu, a gǔ ǒò̌ bò lû̌ pě. Pô̤̌nudě sî tokhlǒkhlǒ bǎbǎ, sî gǔ htû̌sò̌htò̌ bǎ asîkla pě, ma̤titèhî̌dě sî yṳ̌ǎ hto ta̤sǎlě̤we̤kè dǒ pa shôbǐǐlṳ̌ htobǎ sî nutokhlǒ hǒ.

Tîmôte awǐlǒ tôbǎ 1:2

He wě̤cû̌ bǎ lî̤hǒonu dǒ Khûtîmôte dǒ asô̌sô̌kû̌ he phû̌pwa̤khû sanǎ̤ dǒ ta̤yṳ̌ta̤nǎ̤ akû tôpwa̤ a ô̌. pha Cǒmara kû̌ pa Běcǎ Yeshǔ Khrǐ ǐlò̤ pû a ta̤bwǐta̤sîrî kû̌ ta̤sǎyṳgwèbǎǐ kû̌ ta̤gûjû̌kabǎ nî̌꤮.

Tîmôte awǐlǒ tôbǎ 3:8

Ma̤pô̤̌nu kòyò htû ikǒlǒkòdû̌ dǒ a ma̤jè̌ ta̤dòkû tokhlǒnu, kòyò pṳ̂̌꤮ tôpwa̤ tôbǎ bè̌dubè̌nǎ̤ asî, dě asî tôbǎ hî̌bǎjò ayô̤̌, asî tôbǎ ô tûlû̌shû̌lě sîpî̌shǐyô̤̌ tô̤̌, htodě a bǎ sǎyṳsǎbǎ ru dǒ kòyòkhû̌ tô̤̌.

Tǐtǔ 1:1

He mî̌ Khûpò̌lǔ, he wě̤cû̌ bǎ na lî̤ hǒtôbǎ. He mî̌ Cǒmara ajû̌ kû̌ Yeshǔ Khrǐ a pwa̤nophû̌ tôpwa̤. Cǒmara rû̌htò̌ he dě a nocû̌ ma̤jè̌ he kû̌ kòyò dǒ a rû̌htò̌ lû̌û nutokhlǒ a ta̤yṳ̌ta̤nǎ̤, dě a gǔ sî̌ganǎ̤ lô̌khô ta̤tě̤ta̤mè̤̌. Ta̤cǒta̤tè̤ numî̌ a ma̤jè̌ asî dǒ a gǔ ô̌htûpwa̤ tô kû̌ Cǒmara asǎphlǒ nutokhlǒ hǒ.

Tǐtǔ 1:7

Ma̤titèhî̌dě, ta̤dòkû ikǒlǒkòdû̌ tôpwa̤nu, ta̤ma̤ lò̤bǎ a dǒ a tôbǎ ma̤ Cǒmara a ta̤phǐta̤ma̤ akhû̌akhî, kòyò lǎ̤bè̌ a ta̤sǔ mî̌ a tôbǎ ô̌ tô̤̌. Ikǒpwǐ̤ kû̌ sǎphlǒ dû̌htò̌phwè tokhlǒnu a tôbǎ ô̌ tô̤̌, bǎ ǎmuôpô̌ tô̤̌, bǎpo̤bǎplè kòyò tô̤̌, bǎ pṳ̂̌sigwǐǎ ru dǒ kòyòkhû̌ tô̤̌.

Philemo 1:1

He mî̌ Khûpò̌lǔ. He kû̌ Khûtîmôte mî̌ dǒ Khrǐ akhû̌akhî, pa pṳ̌wè̤̌ lû̌û wě̤cû̌bǎ Khûphǐlǐmṳ̂ lî̤hǒtôbǎ. Dǒ he ma̤ bǎ Yeshǔ Khrǐ ata̤ma̤ akhû̌akhî, kòyò dǒtě̤ he dǒ apô̤kû. Pa wě̤cû̌bǎ lî̤nu dǒ pa khô Khûphǐlǐmṳ̂ dǒ a ma̤ ta̤ kû̌ pa hǒtôpwa̤ a ô̌, kû̌ pa pṳ̌wè̤̌ Khrǐphû̌ pwa̤mǒ̤ Mǒ̤aphǐ, kû̌ pa pṳ̌wè̤̌ Khrǐphû̌ Khûakǐpǔ dǒ asô̌sô̌kû̌ kliphû̌ tôpwa̤ nutokhlǒ a ô̌, kû̌ ta̤dòkûphû̌ ô̌ dǒ Khûphǐlǐmṳ̂ ahǐkû nutokhlǒ a ô̌.

Hebrǔ 13:23

He sǎyṳ dǐsî̌ganǎ̤ bǎ sî kû̌ kòyò plûhtò̌hto pa pṳ̌wè̤̌ Khûtîmôte dǒ apô̤kû hǒ. A kè̌ hètǒ̤ lǎ kû̌ he pě hî̌dě htû̌꤮ he hè ô̌lè kû̌ sî pěnu, he gǔ kaǎhèǐ a pě.

Jǎgomo̤ 1:1

He mî̌ Khûya̤kû, he htû Cǒmara kû̌ Běcǎ Yeshǔ Khrǐ ajû̌ tôpwa̤. He hî̌mô̤hî̌bǎwô̌ cû̌ bǎ Cǒmara a kòyò khlilè shǐginǐ̤mṳ̌ dǒ a cû̌pò̌ peshe lô̌khô dǒ ta̤lǎ̤ pṳ̂̌꤮ tûkû tokhlǒ a ô̌.

Petru awǐlǒ tabǎ 2:25

Sînu, asô̌sô̌kû̌ sû̌phû̌ dǒ a cû̌sǔklè̌ tokhlǒ. Bǎbǎkǎlè khònò̤̌ sî getîkhî sô̌ dǒ pwa̤kè̌ sû̌phû̌ dǒ a kè̌pǒ̤ǐ sî ta̤htûpwa̤ nutôpwa̤ a ô̌ hǒ.

Petru ginǐ̤bǎ tabǎ 1:1

Pa Cǒmara kû̌ pwa̤ma̤hǎplǎge pa Běcǎ Yeshǔ Khrǐ hǒtôpwa̤ a ta̤tě̤ta̤mè̤̌ akhû̌akhî, sî mî̌ kòyò tokhlǒ dǒ a nṳ̌bǎtû̌ ta̤yṳ̌ta̤nǎ̤ dǒ asô̌sô̌kû̌ pa hǒtokhlǒ hǒ. Dě he wě̤cû̌bǎ sî lî̤nu. He mî̌ Khûshǐmû Petarǔ, dě he htûtû̌ Yeshǔ Khrǐ jû̌ kû̌ a pwa̤nophû̌ tôpwa̤.

Yṳ̌da 1:1

He mî̌ Khûya̤kû apṳ̌ KhûYǔda, htokhôtô̤̌ he mî̌ Yeshǔ Khrǐ ajû̌ tôpwa̤. He sǎyṳ wě̤cû̌bǎ kòyò dǒ pha Cǒmara kaǎ asî dě a mô̤ǐ asî, tô̤̌ Yeshǔ Khrǐ ô̌pǒ̤ takabǐ ǐ asî nutokhlǒ a ô̌.

Ta̤dǔlè̌nǎ 1:1

Lî̤ hǒtôbǎ mî̌ lî̤ dǒ a wě̤nǎ ta̤ma̤htûhtò̌ anǎ̤ dǒ Yeshǔ Khrǐ dǔlè̌lṳ̌htò̌ tokhlǒ awe̤akè. Pô̤̌khô Yeshǔ Khrǐ gǔ nè̌lṳ̌ bǎ jû̌ tokhlǒ kû̌ ta̤ glè̌ htûhtò̌ phǔ pě nutokhlǒ ayanu, Běcǎ Cǒmara dǔlè̌lṳ̌ bǎ ta̤dǔlè̌lṳ̌htò̌nu kû̌ Khûyṳ̂ha dǒ a htû Yeshǔ Khrǐ jû̌ nutôpwa̤ hǒ. A sûlò̤ a mǒkhû̌ tanaphû̌ dǒ heô̌ dě a dǐsî̌ganǎ̤ bǎ he kû̌ ta̤we̤ta̤kè nutokhlǒ.

Ta̤dǔlè̌nǎ 1:20

Shǎ susô̌tômè dǒ na kè̌shǐ dǒ he cǔtômû akûnu kû̌ mî̌tè̌kohta susô̌tômènu ayô̤̌mûyô̤̌sǎ adû̌ayô̤̌ nî̌ pô̤̌hî̌tèhî̌dě shǎ susô̌tômè yô̤̌mûyô̤̌sǎ numî̌ ta̤dòkû susô̌tômṳ̌ a tanaphû̌ tokhlǒ dě mî̌tè̌ko susô̌tômè yô̤̌mûyô̤̌sǎ mî̌ ta̤dòkû susô̌tômṳ̌ tokhlǒnu hǒ.”

Ta̤dǔlè̌nǎ 19:10

He dô̌gînî̤lò̤ dǒ alô̤mô̤̌ dě he glè̌ cabahtò̌ lû̌û bǎbǎkǎlè a hî̌ he kû̌, “Caba tǎ̤ he tǎ̤mǎ̤, he kû̌ na kû̌ na pṳ̌wè̤̌ Khrǐphû̌ sî tokhlǒ numî̌ jû̌ sô̌sô̌ lû̌ pwǎ. Pa mî̌ kòyò tokhlǒ dǒ a khòlṳ̌ bǎ kòyò kû̌ Yeshǔ awe̤akè tokhlǒ dě pṳ̂̌měnǐ̤ ta̤tě̤ta̤mè̤̌ dǒ Yeshǔ Khrǐ dǔlè̌lṳ̌kè bǎ panu. Pô̤̌nudě, caba tǎ̤ kòyò tôpwǎ̤ tǎ̤mǎ̤, caba pwǎ Cǒmaranu. Ma̤titèhî̌dě ta̤tě̤ta̤mè̤̌ dǒ Yeshǔ Khrǐ dǔlè̌lṳ̌ bǎ numî̌ a sô̌sô̌ kû̌ Cǒmara nohî̌bǎ piwi̤pèshè tokhlǒnu hǒ.”

Ta̤dǔlè̌nǎ 2:12

“Wě̤cû̌ lî̤nu dǒ Pekamǔ ta̤dòkû a tanaphû̌ a ô̌nu,” a hî̌ he pô̤̌o. Dě a hî̌ kû̌, “Ta̤we̤ta̤kè numî̌ a hè bǎ pwa̤ dǒ a ô̌ kû̌ adòdǔ dǒ a htòbò ginǐ̤khôginǐ̤gî̌ tôbǎ tôpwa̤ a ô̌.

Ta̤dǔlè̌nǎ 2:8

“Wě̤cû̌ lî̤nu dǒ Sômǔranǎ ta̤dòkû a tanaphû̌ aô̌nu,” a hî̌ he pô̤̌o. Dě a hî̌ kû̌, “Ta̤we̤ta̤kè nî̌, a hè dǒ pwa̤ dǒ a si htohǒ dě a htûpwa̤ getîkhî sô̌ nutôpwa̤ a ô̌. A mî̌ ta̤kòshî̌ kû̌ ta̤gutṳ̌ tôpwa̤hǒ.

Ta̤dǔlè̌nǎ 22:9

Bǎbǎkǎlè a hî̌ he kû̌, “Caba tǎ̤ he mǎ̤, he mî̌ jû̌ tôpwa̤ dǒ asô̌sô̌ kû̌ na kû̌ na pṳ̌wè̤̌ piwi̤pèshè tokhlǒ, kû̌ kòyò lǒ̤꤮ bò dǒ a jûle̤phî̌yô̤̌ sî dǒ lî̤ nutôbǎ akû nutokhlǒ pwǎ. Cabahtò̌ dǒ Cǒmaranu.”