Matěo 9:2 - Kawyaw New Testament

² Kòyò tokhlǒ ò̌hènṳ̌ kòyònǎ̤ si tôkô̌ke tôpwa̤ dǒ Běcǎ Yeshǔ a ô̌ dě a hǎmôô̌ pwǎ dǒ lǎ̤dakhû̌. Bǎ Běcǎ Yeshǔ kè̌shǐ asî ta̤yṳ̌ta̤nǎ̤ akhanu, a hî̌ kòyò si tôkô̌ke nutôpwa̤ kû̌, “He phû̌pwa̤khû bè̌shû̌bè̌sho na sǎphlǒ nî̌꤮. He plûkè na ta̤sǔ hǒ.”

Kawyaw RC

² Kòyò toǒ ò̌hènṳ kòyò sitokho tapwa̤ bǎ Běcǎ Ye̤shǔ a ǒ dě a hǎmoǒ pwǎ la̤mi̤khû̌. Bǎ Běcǎ Ye̤shǔ kè̌shǐ asî ta̤yṳta̤nǎ akhanu, a hî̌ kòyò sitokhonu tapwa̤, “He phû̌khû bè̌shû̌bè̌sho na sò̌phlǒ nî̌꤮. He bòlû̌kè na ta̤sǔ hǒ.”

Matěo 9:2 Iomraidhean Croise

Matěo 14:27

Bǎbǎkǎlè tôplǎnô̤̌, Běcǎ Yeshǔ hî̌ asî kû̌, “Bè̌khubè̌he lô̌khô sî sǎphlǒ. Ǐsha lô̌khô tǎ̤mǎ̤, hǒo mî̌ he pwǎ.”

Matěo 4:24

Běcǎ ami̤lṳ̌hǔsǎ cû̌bò Shurǐgǎ tôgǎ꤮ lǎ̤ akhû̌akhî, kòyò kaǎ hè kò dǒ a bǎ ta̤shǐta̤sha pṳ̂̌꤮ tocǒ dǒ aô̌. Dě kòyò kaǎ hè kò dǒ a shajî̌shajû̌ lû̌nǎ̤ sî, khînǎkhîno ma̤bǎ lû̌û sî, a kîjî̌htò̌cî̌ sî tokhlǒ, kû̌ a sitôkhô sî dǒ a ô̌ dě a ma̤hǎmǎ bòbǎ kòyò ta̤sha pṳ̂̌꤮ tôpwa̤.

Matěo 6:12

Pô̤̌ pa plûkè hto kòyò dǒ a ma̤sǔ pa tokhlǒ ata̤sǔnu, plûkè pû pa ta̤sǔta̤plě dǒ pa cû̌ma̤sǔ kòyò nutokhlǒ nî̌꤮.

Matěo 8:10

Bǎ Běcǎ Yeshǔ ganǎ̤de ta̤hî̌bǎnu akha, a ǒò̌ kiti̤kaa jî̌ dě a hî̌ kòyò dǒ a gû̌ lû̌kò tokhlǒ kû̌, “He hî̌cǒcǒ sî, ta̤yṳ̌ta̤nǎ̤ shopô̤̌nu dǒ Isôrělaphû̌ aklanu he kè̌shǐnô̌ khôtô̤̌.

Matěo 8:16

Bǎ lṳmṳ̌hǎlò̤ akhanu, kòyò hèsû dû̌wî̤ kòyò dǒ khînǎkhîno dò̌ yǎ nutokhlǒ dǒ Yeshǔ a ô̌. A hî̌bǎhtò̌ pwǎ ayô̤̌ tômû pwǎ dě khînǎkhîno hǎhtò̌cû̌kè lǒ̤bò. Htodě a ma̤hǎmǎ bǎ lǒ̤bò kòshǐkòsha nutokhlǒ.

Matěo 9:22

Běcǎ Yeshǔ ti̤wǐ̤ kè̌tîkhî dě kè̌shǐ lû̌û akha a hî̌ lû̌û kû̌, “Phû̌pwa̤mǒ̤, bè̌shû̌bè̌sho na sǎphlǒ nî̌, na ta̤yṳ̌ta̤nǎ̤ nî̌ a ma̤hǎmǎkè na ta̤shahǒ.” Dě pwa̤mǒ̤ nutôpwa̤ a ta̤shanu, a hǎmǎ sělěkè tôplǎnô̤̌.

Matěo 9:5

‘He plûkè na ta̤sǔta̤plě hǒ’ mî̌ ayûkhlo ya? Kè̌mè̤̌tô̤̌dě ‘ihtǒ dě cû̌mò̌’ mî̌ ayûkhlo ya?

Matěo 9:6

Bǎbǎkǎlè Kòyòphû̌khû mî̌ he, pô̤̌khô sî gǔ sî̌ganǎ̤ lô̌khô kû̌ dǒ hǎkhû̌nu, he ô̌ kû̌ ta̤siwi̤sòwò̤ dǒ he plûkèbǎ kòyò ta̤sǔta̤plě tokhlǒnudě, he gǔ dǔlè̌lṳ̌ bǎ sî,” A hî̌ htopô̤̌nudě, a hî̌ kòyò sitôkô̌ke tôpwa̤ kû̌, “Ihtǒ tûlûnṳ̌ na khlô̌lǎ̤da nudě gemò̌ dǒ na hǐnu.”

Mǎ̤riko 1:32

Bǎ lṳmṳ̌hǎlò̤ akhanu, kòyò bǎnu tokhlǒ kaǎhèǐ kòyò dǒ ashǐasha tokhlǒ kû̌ khînǎkhîno dò̌ yǎ nutokhlǒ dǒ Yeshǔ a ô̌.

Mǎ̤riko 10:49

Yeshǔ ô̌kǔ dě a hî̌ kû̌, “Cû̌kaǎhè a bǒo” dě asî cû̌ kaǎ lû̌û dě a hî̌ lû̌û kû̌, “Bǎyô̤ tǎ̤mǎ̤, ihtǒmò̌, Yeshǔ kaǎ na hǒ.”

Mǎ̤riko 5:34

Dě Yeshǔ hî̌ lû̌ kû̌, “Phû̌pwa̤mǒ̤꤮, na ta̤yṳ̌ta̤nǎ̤ nî̌, a ma̤hǎmǎkè na ta̤shahǒ, gemô̤mô̤ gewô̌wô̌ pû nî̌꤮, na ta̤sha hǒo a hǎmǎ lò̤tûû̌hǒ.”

Mǎ̤riko 6:50

Ma̤titèhî̌dě asî pṳ̂̌꤮ tôpwa̤ kè̌shǐ bò lû̌ dě ǐsha lǒ̤bò. Tôplǎnô̤̌ Yeshǔ hî̌ asî kû̌, “Bè̌khubè̌he lô̌khô sî sǎphlǒ. Ǐsha lô̌khô tǎ̤mǎ̤, hǒo mî̌ he pwǎ.”

Jowǎ̤ni̤ 16:33

“Pô̤̌khô sî gǔ nǐ̤bǎ ta̤sǎphlǒ gûjû̌kabǎ ayanu, he hî̌ hto bò sî lǒ̤꤮ bò tokhlǒ hǒ. Dǒ sî htûhtò̌kè kû̌ he tôcǒnô̤̌ akhû̌akhî, sî nǐ̤bǎ sǎphlǒ a ta̤gûjû̌kabǎ hǒ. Dǒ hǎkhû̌nu, sî gǔ kè̌shǐbǎ kû̌ ta̤pò̤̌ta̤sha ta̤jî̌ta̤jû̌ pě, bǎbǎkǎlè bè̌shû̌bè̌sho lô̌khô sî sǎphlǒ nî̌꤮. He ma̤pè̤̌ hto hǎkhû̌běkhû̌ a ta̤siwi̤sòwò̤ nutokhlǒ hǒ.”

Jowǎ̤ni̤ 2:25

Kòyò lǎ̤lṳ̂ shôbǐǐlṳ̌ bǎ kû̌ Yeshǔ kû̌ kòyò pṳ̂̌꤮ tôpwa̤ awe̤akè tô̤̌ ma̤titèhî̌dě Yeshǔ sî̌ganǎ̤ htotû̌ kòyò pṳ̂̌꤮ tôpwa̤ asǎphlǒ hǒ.

Jowǎ̤ni̤ 21:5

A gwè̌ asî kû̌, “Khôbǒsû̌ sî, tò̤̌phû̌ nǐ̤ ya?” Dě asî hî̌shěshu lû̌û kû̌, “Anǐ̤ tôbǎ꤮ tô̤̌.”

Pwa̤nophû̌ 14:9

A hǎnòò̌ ganǎ̤de Khûpò̌lǔ shôbǐǐta̤ bǎnu. Khûpò̌lǔ kè̌tě̤tě̤mè̤̌mè̤ lû̌û dě a sî̌ganǎ̤ kû̌ a ô̌ kû̌ a ta̤yṳ̌ta̤nǎ̤ dǒ a ma̤hǎmǎbò̌ lû̌û khò̌lôpô̤̌dě akhû̌akhî, a yî̤̌kǒhtò̌ lû̌û kû̌, “Ihtǒmò̌” Dě kòyò khò̌lôpô̤̌dě nutôpwa̤ pě̤ ihtǒ cû̌le̤cû̌ge bǎnu.

Pwa̤nophû̌ 19:12

Pô̤̌nu akhû̌akhî, Khûpò̌lǔ noǎ ǐ a khǔphô tokhlǒ kû̌ a hugò̌pwǐ dǒ a lǎ̤ma̤bǐtě̤tṳ dǒ alô̤mô̤̌ dǒ a noǎ ǐ hto tokhlǒnu, kòyò kè̌ phî̌cû̌ dǒ kòyòshǐ kòyòsha tokhlǒ a ô̌, kû̌ khînǎkhîno ma̤bǎ lû̌û tokhlǒ a ô̌ hî̌nu, a ta̤shǐta̤sha hǎmǎkè. Htodě khînǎkhîno tokhlǒ hǎhtò̌khlè̌ tephekè bò̌bò.

Pwa̤nophû̌ 23:11

Bǎ nutôsa, Becǎ hè ihtǒô̌ dǒ Khûpò̌lǔ kòshǐ dě a hî̌ lû̌û kû̌, “Bè̌khuhe na sǎphlǒ nî̌꤮. Pô̤̌ na khòlṳ̌ hto kû̌ hewe̤hekè bǎ Wî̤̌yarǔshôle akûnu, na gǔ khòlṳ̌ pô̤̌ ta̤we̤ta̤kè nu dǒ Wî̤̌rṳ̂̌me̤ akû nupě.”

Rṳ̂̌me̤ 5:11

Pa lǎ̤sǎlě̤sǎlò̤nu a ô̌ tǒ̤ hǒonô̤̌ mè̤̌bǎtô̤̌. Dǒ Běcǎ Yeshǔ Khrǐ akhû̌akhîdě, pa sǎlě̤sǎlò̤ bǒsû̌ kû̌ Cǒmara hǒ. Pwa̤ dǒ a ma̤bǒsû̌ getîkhî sô̌ bǎ pa kû̌ Cǒmara mî̌ Yeshǔ Khrǐ pwǎ.

Jǎgomo̤ 2:18

Bǎbǎ kòyò tôpwa̤ kè̌ hî̌ kû̌, “Kòyò tokhlǒkhlǒnu a ô̌ kû̌ ta̤yṳ̌, tokhlǒkhlǒ dě a ô̌ kû̌ ta̤ma̤wô̌ ta̤.” Kè̌ hî̌ dě he gǔ hî̌shěshu a kû̌, dǔlè̌lṳ̌ bǎ he na ta̤yṳ̌ dǒ a shôdô kû̌ ta̤ma̤nu, dě he dǔlè̌lṳ̌ bǎ sô̌ na kû̌ he ta̤yṳ̌ dǒ a ô̌ kû̌ ta̤ma̤nu pě he gǔ hî̌shěshu a pô̤̌nu.