Matěo 9:1 - Kawyaw New Testament

¹ Běcǎ Yeshǔ nṳ̌ dǒ sǒkhlikû dě cû̌bò̌ shikoǒdû̌ dě a ge dǒ ado Kaperanò̤ dǒ a ô̌ ǐ lû̌û khònò̤̌nu.

Kawyaw RC

¹ Běcǎ Ye̤shǔ nṳ sǒkhlikû cû̌kǎbò̌ shikoǒdû̌ dě a ge ado Kaperanò htě aǒ ǐ do khònò̤nu.

Matěo 9:1 Iomraidhean Croise

Matěo 4:13

A hǎhtò̌cû̌kè kû̌ Wî̤̌na̤sôrè̤̌ dě dǒnô̌kònu a cû̌ ô̌dǒ Wî̤̌kaperanò̤ dǒ a ô̌phǔ kû̌ Galilè̤̌ shikoǒdû̌ akòshî̌nu tîwî̤̌. Gûlǎ̤ bǎnu tûkû mî̌ a ô̌phǔ kû̌ Sabǔlûgǎ kû̌ Nataligǎ.

Matěo 7:6

“Ta̤plò̌shǐnu ǐ tǎ̤ kû̌ shǐ tokhlǒ tǎ̤mǎ̤, wîlò̤ bǎ tǎ̤ lǒ̤pô̤lòsè̌ tokhlǒ dǒ htô̌ tokhlǒ alô̤mô̤̌nu tǎ̤mǎ̤, sî kè̌ wîlò̤ bǎ a numî̌ a gǔ yî̤̌cǒprǒ bòkè pě, htopědě a gǔ ě getîkhî sô̌ sî pě.”

Matěo 8:18

Bǎ Běcǎ Yeshǔ kè̌shǐ kû̌ kòyò saprṳ̂ hè ô̌te̤we̤ bò yǎ akhanu, a hî̌bǎhtò̌ ayô̤̌ dǒ akhôphijǎ tokhlǒ a ô̌ kû̌ pa cû̌ dǒ shikoǒdû̌ abò̌khô tǎ꤮, a hî̌ pô̤̌nu.

Matěo 8:23

Bǎnuakha Běcǎ Yeshǔ nṳ̌ dǒ sǒkhlikû dě akhôphijǎ tokhlǒ gû̌nṳ̌ kû̌ lû̌û dě asî hǎhtò̌cû̌kè.

Mǎ̤riko 5:21

Bǎ Yeshǔ getîkhîsô̌ dǒ shikoǒdû̌ lô̤̌bò̌ tôkhô kû̌ sǒkhli akhanu, kòyò saprṳ̂saphǎ hè ô̌plǒô̌cu ô̌wô̤̌ dǒ shikoǒdû̌ htu nu.

Lǔka 8:37

Ta̤ma̤htoanǎ̤ pô̤̌nudě, lǒ̤꤮ bò kòyò dǒ a ô̌ te̤we̤bǎ Garasagǎhtu nutokhlǒ ǐsha tûlû̌shû̌lě akhû̌akhî, asî kwisǎyṳ Yeshǔ kû̌ a gǔ hǎhtò̌cû̌ tephekè kû̌ asî bǎnu. Dě Yeshǔ hǎhtò̌cû̌nṳ̌ dǒ sǒkhlikû dě a hǎhtò̌gekè dǒ Galilè̤̌gǎ.

Lǔka 8:40

Bǎ Yeshǔ getîkhîsô̌ dǒ shikoǒdû̌ lô̤̌bò̌ tôkhô akhanu, kòyò saprṳ̂ hè ô̌pô̤̌kè̌shuǐ bò lû̌û akhû̌akhî, asî kaǎmô̤shǔ Yeshǔ.

Ta̤dǔlè̌nǎ 22:11

Kòyò dǒ a ma̤ta̤sǔ tokhlǒnu noma̤ sělě pô̤̌ anu. Kòyòkhu phû̌mò̤̌ tokhlǒnu noma̤ sělě pô̤̌ yǎ. Kòyò dǒ acǒatè̤ tokhlǒnu noma̤cǒma̤tè̤ sělě pô̤̌ yǎ. Kòyò dǒ a plò̌shǐ tokhlǒnu noma̤ plò̌shǐ sělěpô̤̌ yǎ.”