Matěo 8:8 - Kawyaw New Testament

⁸ Klitôya̤ a ikǒdû̌ nutôpwa̤ hî̌shěshu kû̌, “Běcǎ, na hènṳ̌pwǎ dǒ hehǐkû pwǎnu he gwǎ kû̌ na tô̤̌. Hî̌lò̤pwǎ nayô̤̌ tômûpwǎ numî̌ he pwa̤ma̤ta̤phû̌ ô̌mô̤gesô̌ tûû̌ hǒ.

Kawyaw RC

⁸ Kliphû̌ ta̤ya̤ ahǐkǒdû̌nu tapwa̤ hî̌shǔ, “Běcǎ, na hènṳpwǎ dě hehǐkû pwǎnu he gwata na tò̤. Hî̌lò̤pwǎ nayo̤ tûmûpwǎ numî̌ he pwa̤ma̤ta̤ ǒmo̤ge tû̌hǒ.

Matěo 8:8 Iomraidhean Croise

Mǒhtûlû̌hǎhtûsa 32:10

Lǒ̤bò ta̤mô̤ dǒ ahǎbòjò tô̤̌ kû̌ ta̤cǒkû̌yô̤̌ dǒ na dǔlṳ̌ hto najû̌ amè̤̌kû̌ he nî̌, a tô nǐ̤bǎ nô̌ tôcǒ꤮ tô̤̌. Bǎ he cû̌bò̌ Jòda shidû̌shite̤we̤ akhanu, heta ô̌ pwǎtǒ̤ nò̌htô̌ tôbô nô̤̌ pwǎ, bǎbǎkǎlè khònò̤̌ he ge dě he ge kû̌ hekòyò plǒcu ginǐ̤prṳ̂ pwǎ.

Htû̌sò̌htò̌ 10:17

Ǒ Cǒmara tûjû̌pwa̤ na sî̌yahto kòyò dǒ a khòbǎ ta̤pò̤̌ta̤sha nutokhlǒ ata̤sǎyṳsǎbǎ hǒ. Na ǐkhû̌ǐǎ dǐshû̌dǐsho asî sǎphlǒ, na ganǎ̤de asî ta̤kwisǎyṳ hǒ.

Htû̌sò̌htò̌ 107:20

A hî̌lò̤ ayô̤̌ dě a ma̤hǎmǎ bǎ asî ta̤shǐ. A ma̤hǎplǎ asî dǒ ta̤si akû.

Htû̌sò̌htò̌ 33:9

Bǎ a hî̌bǎ pwǎ ayô̤̌ akhanu, hǎkhû̌ ô̌htûhtò̌. Bǎ a hî̌lò̤ pwǎ ayô̤̌ akhanu, ta̤ pṳ̂̌tôcǒ ô̌lṳ̌htò̌.

Matěo 3:11

“Dǒ sî yò̤lǎ̤plǎdî̌ sîsǎphlǒ akhû̌akhî, he ju sî kû̌ shi. Bǎbǎkǎlè kòyò dǒ a ta̤pô̤ta̤phǎ shû̌sho khlo kû̌ he tôpwa̤nu a hè pě. A ju sî kû̌ Yôla Plò̌shǐ Běcǎ kû̌ mî̌ pě. He jocû̌ bǎ pwǎ a khò̌phě pwǎnu, he gwǎkû̌ a tô̤̌.

Matěo 3:14

Bǎbǎkǎlè Khûyṳ̂ha sǎyṳ ju bǎ lû̌û tô̤̌. Dě a hî̌ lû̌û kû̌, “He tô ju tèpè̤̌꤮ henǎ̤ dǒ na ô̌ hò̌꤮ dě na cû̌hè ju nanǎ̤ dǒ heô̌ hî̌tè?”

Matěo 8:3

Běcǎ Yeshǔ ayṳ̂̌hè acǔde dě a tô̌bǎhto lû̌û dě a hî̌ lû̌û kû̌, “He sǎphlǒô̌ pwǎ,” A hî̌ htodě “Ta̤sha hǎmǎkèmò̌,” A hî̌ pô̤̌ pô̤̌nu, dě taplǎnô̤̌ ta̤sha hǎmǎkè.

Matěo 8:7

Běcǎ Yeshǔ hî̌shěshu lû̌û kû̌, “He cû̌ ma̤hǎmǎ tûû̌ pě.”

Matěo 8:9

Ma̤titè̌hî̌dě he hî̌ pô̤̌o numî̌ he nǎ̤běcǎ nî̌ he bǎ ganǎ̤de kòyò dǒ adû̌khlo kû̌ he tokhlǒ ayô̤̌. Pô̤̌nudě kliphû̌ dǒ a ô̌ dǒ helǎ̤ tokhlǒnu a bǎ ganǎ̤de heyô̤̌ pô̤̌nu. Kè̌ he hî̌ kliphû̌ tôpwa̤pwa̤ kû̌, ‘cû̌mò̌,’ numî̌ a bǎcû̌ pwǎ, kè̌ he hî̌ dǒ ashǔshawa̤ kû̌, ‘hèmò̌,’ numî̌ a bǎ hè pwǎ. Htokhôtô̤̌ he kè̌ hî̌ hejû̌ kû̌, ‘ma̤mò̌,’ numî̌ a bǎ ma̤ pwǎ.”

Lǔka 15:19

Kòyò glè̌ kaǎ he kû̌ naphû̌pwa̤khû tôpwa̤nu a gwǎ pe tô̤̌. Bè̌ he pô̤̌ na pwa̤ma̤ta̤phû̌ dǒ a hè dakǎǎ aklanu tôpwa̤ nî̌.”

Lǔka 15:21

Aphû̌ pwa̤khû hî̌shěshu lû̌û kû̌, pha꤮ he ma̤sǔkè Cǒmara kû̌ na hǒ, kòyò gǔ kaǎ he kû̌ naphû̌pwa̤khû tôpwa̤ nu a gwǎ pe tô̤̌.

Lǔka 5:8

Bǎ Khûshǐmṳ̂ Petarǔ kè̌shǐ ta̤ma̤anǎ̤ pô̤̌o akha, a dô̌gînî̤û̌lò̤ dǒ Yeshǔ a khò̌pô̤̌kòshǐ dě a hî̌ kû̌, “Běcǎ, hǎhtò̌cû̌ tephekè kû̌ he, he mî̌ kòyò pwa̤ma̤sǔphû̌ pwǎ.”

Jowǎ̤ni̤ 1:27

A hè nô̌ dǒ he kò pě bǎbǎkǎlè, he gǔ bôphlǔ bǎ pwǎ a khò̌phěpli̤ pwǎnu he gwǎ kû̌ a tô̤̌.”