Matěo 8:4 - Kawyaw New Testament

⁴ Dě Běcǎ Yeshǔ hî̌ lû̌û kû̌, “Shôbǐǐlṳ̌ bǎ tǎ̤ kòyò tôpwǎ̤ tǎ̤mǎ̤ nî̌꤮, bǎbǎkǎlè cû̌ dǔlè̌lṳ̌ nanǎ̤nu dǒ pwa̤shû̌gǎ nutôpwa̤ a ô̌nu nî̌꤮. Htodě pô̤̌khô a gǔ htûhtò̌ ta̤khòlṳ̌ dǒ kòyò pṳ̂̌꤮ tôpwa̤ a lô̤mô̤̌ kû̌ na ta̤sha hǎmǎhǒ dě a ma̤mṳ̂̌plî ayanu, lṳhtò̌pû ta̤lṳta̤tòhtò̌ pô̤̌ Khûmṳ̂shě ta̤mǎlò̤ ô̌nu nî̌꤮.”

Kawyaw RC

⁴ Dě Běcǎ Ye̤shǔ hî̌ nû̌û, “Pwe̤ǐlṳ ma̤ kò dǐpwǎ̤꤮ ma̤ nî̌꤮, pò̤̌ta cû̌ dǔlṳkè̌ nana̤ htǒonu dě pwa̤lṳhtò̌ta̤nu tapwa̤ a ǒnu nî̌꤮. Htodě ma̤pûhǐ a htûhtò̌ ta ta̤khòlṳ dě kò pṳ̂̌꤮ tapwa̤ a lo̤mo̤ ta na ta̤sha hǎmǎ ta a mṳ̂plî ayanu, lṳhtò̌ ta̤lṳta̤tò̌ pwǐ Mǒ̤jè mǎnǎnu nî̌꤮.”

Matěo 8:4 Iomraidhean Croise

Matěo 10:18

Dǒ hekhû̌khî dě kòyò gǔ cî̌cûgrû̌htû̌taa hè sî dǒ pwa̤pǒta̤ dǒ a htû ikǒdû̌ tokhlǒ kû̌ khwǐ tokhlǒ a ô̌ pě. Sî gǔ shôbǐǐlṳ̌ asî kû̌ hewe̤hekè pě. Sî khòlṳ̌ bǎ sîsǎphlǒ kû̌ asî nutokhlǒ kû̌ Yǔdaphû̌ mè̤̌tô̤̌ tokhlǒ pě.

Matěo 16:20

Dě Běcǎ Yeshǔ dǐsè̌rè̌nǎ a khôphijǎ tokhlǒ kû̌, he mî̌ Khrǐ tôpwa̤nu cû̌shôbǐǐlṳ̌ bǎ tǎ̤ kòyò tôpwǎ̤꤮ tǎ̤mǎ̤ nî̌꤮.

Matěo 17:9

Bǎ asî ô̌ dǒ khôlôkhû̌ hǎtě̤ akhanu, Běcǎ Yeshǔ mǎnǎ tě̤mè̤̌ asî yô̤̌sǎ kû̌, “Kòyòphû̌khû kè̌ si ihtǒhtûpwa̤ getîkhî dǒ ta̤si nò̌khôtô̤̌nu, cû̌ shôbǐǐlṳ̌ bǎ tǎ̤ kòyò kû̌ sî kè̌shǐ ta̤hǒtokhlǒ awe̤akè tôpwǎ̤꤮ tǎ̤mǎ̤ nî̌꤮.”

Matěo 3:15

Yeshǔ hî̌shěshu lû̌û kû̌, “Khònò̤̌ dě tûlû̌ ju bǎ mò̌ he, ma̤titè̌hî̌dě pa tôbǎ ma̤lǒbe lǒ̤꤮ bò Cǒmara a ta̤sǎyṳ noma̤ pa nutokhlǒ,” A hî̌ dě Khûyṳ̂ha sǎphlǒô̌ ju bǎ lû̌û.

Matěo 5:17

“Gènè̤sǔ tǎ̤ lô̌khô he kû̌ he hèma̤pî̌ Khûmṳ̂shě a ta̤sû̌ta̤tòwò kû̌ lî̤ dǒ piwi̤pèshè wě̤nǎ nutokhlǒ tǎ̤mǎ̤ nî̌꤮. He hè dǒ he gǔ hè ma̤pî̌ma̤lṳ̂̌ ta̤nu tokhlǒ mè̤̌tô̤̌. He hè ma̤lǒma̤be bǎ ta̤wě̤nǎ nutokhlǒ pwǎ.

Matěo 6:1

“Pô̤̌khô kòyò gǔ kè̌shǐ sî dě kòyò gǔ htû̌sò̌htò̌ǐ sî ayanu, pṳ̂̌měwô̌ pwǎ ta̤ dǒ kòyò lô̤mô̤̌ numî̌ a tôtô̤̌. Sî kè̌ ma̤pô̤̌nu mî̌, pha Cǒmara dǒ mǒkhû̌ tôpwa̤ ǐ nô̌ sî ta̤ma̤nǐ̤ khû̌kǎ tô̤̌.

Matěo 9:30

Dě asî mǐ̤sǎphlǒ lî bò tîkhî sô̌. Běcǎ Yeshǔ mǎtě̤mè̤̌ asî kû̌, “Shôbǐǐlṳ̌ bǎ tǎ̤ kòyò tôpwǎ̤꤮ tǎ̤mǎ̤ nî̌꤮.”

Mǎ̤riko 13:9

“Sî bǎ sè̌rè̌ lô̌khô sînǎ̤. Dǒ hekhû̌khî dě kòyò gǔ pṳ̂̌ sî pě, dě kòyò gǔ sûhtò̌ sî dǒ pwa̤cî̌htò̌ ikǒlǒkòdû̌ tokhlǒ a lô̤mô̤̌ pě. Kòyò glè̌po̤ sî dǒ ta̤cabahǐkû pě. Sî bǎ ihtǒô̌ dǒ pwa̤pǒǐ tokhlǒ kû̌ côphǎ tokhlǒ alômô̤̌ pě dě a gǔ cî̌htò̌ sî pě dě sî gǔ shôbǐǐlṳ̌ nǐ̤ asî kû̌ ta̤sǎlě̤we̤kè pě.

Mǎ̤riko 3:12

Dě a sǎhtǎ khînǎ nutokhlǒ kû̌, “He mî̌ mò̌pènu shôbǐǐlṳ̌ tǎ̤ kòyò tôpwǎ̤꤮ tǎ̤mǎ̤ nî̌꤮.”

Mǎ̤riko 5:43

Dě Yeshǔ mǎnǎ tě̤tě̤mè̤̌mè̤̌ asî kû̌, tôbǎ shôbǐǐlṳ̌ tǎ̤ kòyò tôpwǎ̤꤮ tǎ̤mǎ̤, htodě a hî̌ asî kû̌, “Dǐǎ pè̤̌ phijǎpwa̤mǒ̤phû̌ nutôpwa̤ lǎ̤ǎlǎ̤ô tocǒcǒ nî̌꤮.”

Mǎ̤riko 6:11

Do tôdodo dǒ a kè̌ sǎyṳ kaǎshǔ sî tô̤̌ dě a kè̌ ganǎ̤de sîyô̤̌ tô̤̌ kè̌hî̌dě bǎ sî hǎhtò̌cû̌kè akhanu, tuphlǔlò̤tě̤kè hǎkumṳ̌ dǒ sî khǎlǎlô̤ nutokhlǒ, sî kè̌ ma̤pô̤̌nu mî̌ asô̌sô̌kû̌ sî dǔlè̌lṳ̌kè kû̌ ta̤ma̤nǎǐ tôcǒ dǒ Cǒmara gǔ cî̌htò̌ asî pě nuhǒ.”

Mǎ̤riko 7:36

Yeshǔ hî̌ asî kû̌ shôbǐǐ bǎ tǎ̤ kòyò tôpwǎ̤ tǎ̤mǎ̤ nî̌꤮, a hî̌ asî pô̤̌nu bǎbǎkǎlè Yeshǔ nohî̌lṳ̌ tô̤̌ shû̌shû̌, asî lî̤̌꤮ hî̌lṳ̌ shû̌shû̌.

Mǎ̤riko 8:30

Pô̤̌nudě Yeshǔ mǎnǎ asî kû̌, “He mî̌ pwa̤ma̤hǎplǎge kòyò dǒ Cǒmara rû̌htò̌ a nutôpwa̤ hǒ, sî bǎ cû̌ shôbǐǐlṳ̌ǐ kòyò pô̤̌nu tô꤮ pwǎ̤ tǎ̤mǎ̤ nî̌꤮.”

Mǎ̤riko 9:9

Bǎ asî ô̌ dǒ khôlôlô̤ hǎtě̤ akhanu, Yeshǔ mǎnǎ asî kû̌, “Lǒ̤bò sî kè̌shǐ ta̤hǒtokhlǒ nî̌ shôbǐǐlṳ̌ bǎ tǎ̤ kòyò tôpwǎ̤ ta̤mǎ̤ nî̌, Kòyòphû̌khû mî̌ he ihtǒhtûpwa̤ gesô̌ dǒ ta̤si pě dě hî̌lṳ̌ bǎ nô̌ kòyò nî̌꤮,” a mǎnǎ asî pô̤̌nu.

Lǔka 17:14

Yeshǔ kè̌shǐ asî dě a hî̌ asî kû̌, “Cû̌ dǔlè̌lṳ̌ kè̌kè̌ lô̌khô sînǎ̤ dǒ pwa̤shû̌gǎ tokhlǒ a ô̌ nu.” Bǎ asî cû̌ dǒ klè̌lô̤ akha, asî ta̤sha hǎmǎbòkè.

Lǔka 21:13

Hǒomî̌ amè̤̌kû̌ sî glè̌ nǐ̤bǎ ta̤shěta̤khǎwô̌ dǒ sî glè̌ shôbǐǐlṳ̌wǐ bǎ kòyò kû̌ hewe̤hekè nu hǒ.

Lǔka 4:41

Bǎ asî kaǎhè kòyò nutokhlǒ aklanu, khînǎkhîno dò̌ lû̌û tokhlǒnu a ô̌pa dû̌wî̤. Dě a hǎhtò̌cû̌kè dǒ kòyò nutokhlǒ akû dě a yî̤̌gǔhtò̌ kû̌, “Na mî̌ Cǒmara aphû̌pwa̤khû” pô̤̌nu. Asî lî̤̌ sî̌ganǎ̤ lô̌khô kû̌ Yeshǔ mî̌ Khrǐ dǒ Cǒmara rû̌htò̌ lû̌û dě a gǔ ma̤hǎplǎge kòyòhǎkhû̌phû̌ nutôpwa̤ akhû̌akhî, Yeshǔ sǎhtǎ asî dě a nohî̌bǎ asî tômû̌ tô̤̌.

Lǔka 5:14

Yeshǔ mǎnǎ lû̌û ayô̤̌ kû̌, “Shôbǐǐlṳ̌ bǎ tǎ̤ kòyò tôpwǎ̤ tǎ̤mǎ̤ nî̌꤮. Cû̌ dǔlè̌lṳ̌ nanǎ̤ dǒ pwa̤shû̌gǎ nutôpwa̤ a ô̌ nu nî̌꤮. Htodě na ta̤sha hǎmǎkènu, pô̤̌khô a gǔ htûhtò̌ ta̤khòlṳ̌ dǒ kòyò pṳ̂̌꤮ tôpwa̤ a lô̤mô̤̌ nudě lṳhtò̌pû ta̤lṳta̤tòhtò̌ pô̤̌ Khûmṳ̂shě a ta̤mǎlò̤ ô̌nu nî̌꤮.”

Lǔka 8:56

Amǒ̤apha ǒò̌ kiti̤kaa lǒ̤bò kè, bǎbǎkǎlè Yeshǔ mǎnǎ asî ayô̤̌ kû̌ he ma̤ pô̤̌onu cû̌ hî̌lṳ̌ bǎ tǎ̤ kòyò tôpwǎ̤꤮ ta̤mǎ̤ nî̌꤮.

Lǔka 9:21

Dě Yeshǔ mǎ tě̤tě̤mè̤̌mè̤̌ ayô̤̌ dě a hî̌ asî kû̌ sî bǎ cû̌ shôbǐǐlṳ̌ tǎ̤ kòyò tôpwǎ̤꤮ tǎ̤mǎ̤ nî̌꤮.

Jowǎ̤ni̤ 5:41

“He kè̌lǎ dǒ kòyò gǔ htû̌sò̌htò̌ǐ he ayanu mè̤̌tô̤̌.

Jowǎ̤ni̤ 7:18

Kòyò dǒ a hî̌bǎ tû̌ kû̌ a ta̤siwi̤sòwò̤ tôpwa̤pwa̤nu, a sǎyṳ nohtû̌sò̌htò̌ kòyò kû̌ anǎ̤ pwǎ. Bǎbǎkǎlè kòyò dǒ a sǎyṳ nohtû̌sò̌ǐ anǎ̤ kòyò nukû̌ kòyò dǒ a nohè lû̌û tôpwa̤pwa̤nu, a hî̌bǎcǒ pwǎ, a lòhǎlòhô kòyò bǎtô̤̌.

Jowǎ̤ni̤ 8:50

He sǎyṳ nohtû̌sò̌ kòyò kû̌ henǎ̤ pô̤̌nu mè̤̌tô̤̌. Bǎbǎkǎlè Cǒmara mî̌ kòyò dǒ a sǎyṳ htû̌sò̌htò̌nǐ̤ he. Kòyò dǒ a gǔ cî̌htò̌ kòyò pěnumî̌ a hǒ.