Matěo 8:2 - Kawyaw New Testament

² Kòyò ta̤shakrôǎ dǒ bělô̤ tôpwa̤ hè dô̌gînî̤lò̤ dǒ alô̤mô̤̌ dě a hî̌ lû̌û kû̌, “Běcǎ, na kè̌ sǎphlǒô̌ ma̤hǎmǎbǎ he ta̤sha numî̌ na ma̤bǎjò pwǎ.”

Kawyaw RC

² Kòyò ta̤shakroǎ dě phělo̤ tapwa̤ hè gene̤lò̤ nû̌ûlo̤mo̤ dě a hî̌ nû̌û, “Běcǎ, na dè ta̤sò̌yṳǒnu ma̤bǎ bǎ he ta̤shahtǒo hî̌numî̌, na ma̤bǎjò pwǎ.”

Matěo 8:2 Iomraidhean Croise

Matěo 10:8

Ma̤hǎmǎ kòyò dǒ ashǐasha tokhlǒ, ma̤htûpwa̤ getîkhî kòyò dǒ a si tokhlǒ, ma̤hǎmǎge kòyò ta̤shakrôǎ dǒ bělô̤ tokhlǒ, wṳ̂̌hǎhtò̌kè lô̌khô khînǎkhîno, sî nǐ̤bǎ kwe ta̤lǒ̤꤮ bò nutokhlǒ akhû̌akhî, kwi tǎ̤ kòyò akhû̌akǎ tǎ̤mǎ̤ nî̌, ma̤kwe bǎpwǎ kòyò nî̌꤮.

Matěo 13:58

Kòyò bǎnu tokhlǒ yṳ̌ǎ nṳ̌ Běcǎ Yeshǔ tô̤̌ akhû̌akhî, a dǔlè̌lṳ̌pwǎ ta̤ma̤ cô̌klǐcô̌sè nutokhlǒ tîkî̌phû̌ nô̤̌pwǎ.

Matěo 14:33

Bǎnuakha kòyò ô̌ dǒ sǒkhlikû nutokhlǒ cabahtò̌ Běcǎ Yeshǔ dě a hî̌ kû̌, “Na mî̌ Cǒmara aphû̌khû tôpwa̤ mè̤̌mî̌ca hǒ.”

Matěo 15:25

Dě pwa̤mǒ̤ nutôpwa̤ hè dô̌gînî̤lò̤ dǒ Běcǎ Yeshǔ lô̤mô̤̌ dě a hî̌ lû̌û kû̌, “Ǒ꤮ Běcǎ, khòsǎdô ma̤jè̌ mò̌ he nî̌꤮.”

Matěo 18:26

“Dě a dô̌gînî̤lò̤ dǒ khwǐ lô̤mô̤̌ dě a kwisǎyṳ lû̌û kû̌, ‘khòsǎdô kû̌lǎ he nî̌. He gǔ plî̌lî bòtû̌ na pě.’

Matěo 2:11

Dě asî nṳ̌ dǒ hǐkû dě nṳ̌kè̌shǐ phijǎphû̌ ô̌kû̌ amǒ̤ Mǒ̤ma̤rǐ. Asî dô̌gînî̤ û̌lò̤ cubucabahtò̌ lû̌û. Htodě a bǔmô phî̌htò̌ lô̌khô hta kû̌ ta̤numû̌mǔ dǒ kòyò kaǎ kû̌ Li̤banû (Lò̤ba) kû̌ ta̤khû̌ numû̌ dǒ kòyò kaǎ kû̌ Mǔra dǒ ta̤lě̤dû̌pwî̤htû nutokhlǒ dě a ǐ kû̌ phijǎ sû.

Matěo 20:20

Htodě Phasebedè̌ aphû̌khû Khûya̤kû kû̌ Khûyṳ̂ha amǒ̤nu a hè wô̤̌wô̤̌ kû̌ a phû̌pwa̤khûnu sò̌ginǐ̤ dǒ Běcǎ Yeshǔ a ô̌. Amǒ̤ hè dô̌gînî̤lò̤ dǒ Běcǎ alô̤mô̤̌ dě a kwisǎyṳ lû̌û kû̌ a gǔ ma̤ bǎ lû̌û ta̤tocǒ.

Matěo 26:6

Bǎ Běcǎ Yeshǔ ô̌ dǒ do Betanǐ, Khûshǐmṳ̂ dǒ ta̤shakrôǎ bǎ yǎ dǒ bělô̤ nutôpwa̤ ahǐkû dě a ǎdî akhanu,

Matěo 28:17

Bǎ asî kè̌shǐ a Běcǎ akhanu, asî cabahtò̌ lû̌û bǎbǎkǎlè tokhlǒkhlǒnu asǎphlǒ wò̌wè̌ pe.

Matěo 28:9

Tôplǎnô̤̌ Běcǎ Yeshǔ kè̌shǐ glǎshǔ asî dě a hî̌mô̤hî̌wô̌shǔ asî. Dě asî hèglǎ Běcǎ dě a hè pṳ̂̌mě lû̌û khò̌lôpô̤̌ dě cubucabahtò̌ lû̌û.

Matěo 4:9

Hǎkhû̌tana hî̌ Yeshǔ kû̌, “Kè̌ na dô̌gînî̤ cabahtò̌ he kè̌hî̌dě, lǒ̤꤮ bò hǒtokhlǒ nî̌ he ǐbò kû̌ na pě.”

Matěo 8:1

Bǎ a ô̌ dǒ khôlôkhû̌ dě a hǎtě̤lò̤ akhanu, kòyò tokhlǒ gû̌prṳ̂gû̌phǎ bò dû̌wî̤ kû̌ lû̌û kò.

Matěo 8:25

Dě akhôphijǎ tokhlǒ cû̌ htû̌wṳ̂̌ ihtǒ lû̌û dě a hî̌ lû̌û kû̌, “Běcǎ, ma̤jè̌mò̌ pa, pa glè̌ lò̤cǔ si bòkèhǒ.”

Matěo 9:18

Bǎ a hî̌bǎ kòyò pô̤̌o akhanu, ta̤cabahǐ ikǒlǒkòdû̌ tôpwa̤ hè dô̌gînî̤lò̤ dǒ alô̤mô̤̌ dě a hî̌ lû̌û kû̌, “He phû̌pwa̤mǒ̤ simô̤̌pepwǎ, bǎbǎkǎlè ge kû̌ he dě gebè̌htò̌ na cǔde dǒ alô̤ mî̌ a htûpwa̤ pwǎkǎ pě.”

Lǔka 4:27

Htodě, dǒ Isôrělagǎkû, bǎ piwi̤pèshè Khûilǐshè̌ htukhanu kòyò nǐ̤bǎ akrôǎ tokhlǒnu a ô̌ dû̌wî̤ bǎbǎkǎlè Cǒmara ma̤hǎmǎ bǎ asî tôpwǎ̤꤮ tô̤̌, a ma̤hǎmǎ bǎ pwǎ Shǔrǐgǎphû̌ Khûne̤ma̤ tôpwa̤ nô̤̌ pwǎ.”

Jowǎ̤ni̤ 9:38

Dě kòyò nutôpwa̤ hî̌ lû̌û kû̌, “Běcǎ, he yṳ̌ǎ hǒ,” A hî̌ dě a dô̌gînî̤lò̤ cabahtò̌ Běcǎ Yeshǔ.

Pwa̤nophû̌ 10:14

Bǎbǎkǎlè Khûpetarǔ hî̌shěshu kû̌, “Běcǎ he ǎ nô̌ tîkî̌꤮ tô̤̌, ta̤ dǒ kòyò bè̌ plò̌shî̌ yǎtô̤̌ nutokhlǒ bǎbǎ kû̌mî̌ a mṳ̂̌plî tô̤̌ nutokhlǒ bǎbǎ, he ǎ nô̌ a tôkhò̌꤮ tô̤̌.”

Pwa̤nophû̌ 10:25

Bǎ Khûpetarǔ glè̌ nṳ̌ dǒ hǐdǒkû akhanu, Phakò̌ne̤lǐ kaǎmô̤shǔ lû̌û dě a dô̌gînî̤ û̌lò̤ dǒ a khò̌lô̤pô̤̌ kòshǐ dě a cabahtò̌ lû̌û.

Kôritu awǐlǒ tôbǎ 14:25

Hǒtôplǎdě, ta̤ dǒ asî sî̌ganǎ̤htûtô̤̌ dǒ a sǎphlǒkû tokhlǒnu, a gǔ gènè̤phlôhtò̌ pě, dě a gǔ dô̌gînî̤lò̤ cabahtò̌ Cǒmara dě a gǔ hî̌ kû̌, “Cǒmara a ta̤pô̤ta̤pwǎ̤ ô̌mě mî̌ca kû̌ kòyò hǒtokhlǒ,” A gǔ hî̌ lô̌khô pô̤̌nu pě.

Ta̤dǔlè̌nǎ 19:10

He dô̌gînî̤lò̤ dǒ alô̤mô̤̌ dě he glè̌ cabahtò̌ lû̌û bǎbǎkǎlè a hî̌ he kû̌, “Caba tǎ̤ he tǎ̤mǎ̤, he kû̌ na kû̌ na pṳ̌wè̤̌ Khrǐphû̌ sî tokhlǒ numî̌ jû̌ sô̌sô̌ lû̌ pwǎ. Pa mî̌ kòyò tokhlǒ dǒ a khòlṳ̌ bǎ kòyò kû̌ Yeshǔ awe̤akè tokhlǒ dě pṳ̂̌měnǐ̤ ta̤tě̤ta̤mè̤̌ dǒ Yeshǔ Khrǐ dǔlè̌lṳ̌kè bǎ panu. Pô̤̌nudě, caba tǎ̤ kòyò tôpwǎ̤ tǎ̤mǎ̤, caba pwǎ Cǒmaranu. Ma̤titèhî̌dě ta̤tě̤ta̤mè̤̌ dǒ Yeshǔ Khrǐ dǔlè̌lṳ̌ bǎ numî̌ a sô̌sô̌ kû̌ Cǒmara nohî̌bǎ piwi̤pèshè tokhlǒnu hǒ.”