Matěo 8:12 - Kawyaw New Testament

¹² Yǔdaphû̌ tokhlǒnu, a tô htû Cǒmara a kòyò dǒ Cǒmara shilǎ̤gǎkûnu bǎbǎkǎlè Cǒmara gǔ wînṳ̌kè asî dǒ ta̤khǐsiwi̤ agûlǎ̤ pě. Ta̤lǎ̤ bǎ asî gǔ cû̌ ô̌ tôkû pěnu, asî gǔ cû̌ hǎsihǎô̌ dě asî gǔ ěsekwe bò akhû̌khi pě.”

Kawyaw RC

¹² Yṳ̌daphû̌ toǒnu, a tohtû Cǒmara akòyò dě Cǒmara ashiaganu, pò̤̌ta Cǒmara wînṳkè asî dě ta̤khǐta̤lo̤ agûla̤ pě. Gûla̤ bǎ asî cû̌ ǒ htǒotò̤glò pěnu, asî cû̌ hǎsihǎǒ dě asî ěgwîbò akhû̌khi pě.”

Matěo 8:12 Iomraidhean Croise

Htû̌sò̌htò̌ 112:10

Kòyòkhu phû̌mò̤̌ kè̌shǐ ata̤ma̤ dě a sǎphlǒ gû̌gè̌ mî̌ca pě. Asî sǎphlǒdû̌ gwěbò khû̌khi dě a hǎmǎkèbò pě. Ata̤sǎyṳ tokhlǒnu, a nǐ̤bǎ pe tôcǒ tô̤̌.

Matěo 13:38

Hǔklakhû̌ yô̤̌mûyô̤̌sǎ mî̌ hǎkhû̌ hǒtôbǎ hǒ, bǔjû̌khli dǒ awô̌còcè̌ tokhlǒ yô̤̌mûyô̤̌sǎ mî̌ mǒkhû̌ shilǎ̤gǎkûphû̌ tokhlǒhǒ, mi̤ tokhlǒ yô̤̌mûyô̤̌sǎ mî̌ hǎkhû̌tana aphû̌ tokhlǒhǒ.

Matěo 13:42

Htodě a wîlò̤tě̤bò asî dǒ larakû pě. Bǎnu tûkû pěnu asî gǔhǎgǔwô, a gwî̌bò akhû̌khi pě.

Matěo 13:50

Dě a gǔ wîlò̤tě̤kè asî dǒ larakû pě. Bǎnu tûkû nî̌ kòyò gǔhǎgǔwô pě, kòyò ě jegwě lô̌khô akhû̌khi pě.”

Matěo 21:43

“Pô̤̌nudě he hî̌ sî mǒkhû̌ shilǎ̤gǎkû dǒ sî tô nǐ̤bǎnu Cǒmara gǔ phî̌sigwî̌ sî pě. Dě a gǔ ǐ kû̌ kòyò dǒ a jûlě̤phî̌yô̤̌ Cǒmara ayô̤̌ nutokhlǒ pě.

Matěo 24:51

A běcǎ gǔ cî̌htò̌jî̌ cî̌htò̌jû̌ lû̌û pě dě a gǔ bè̌nṳ̌ kè lû̌û kû̌ bǎ kòyò nè̤̌ jî̌cǒ anǎ̤ nutokhlǒ lǎ̤ô̌ agûlǎ̤nu pě. Gûlǎ̤ bǎnu tûkûnu kòyò gǔ yî̤̌hǎyî̤̌ô̌, kòyò gǔ ě gwě akhǔkhi pě.

Matěo 25:30

Tě̤nṳ̌ jû̌ ô̌lǒô̌khlo nutôpwa̤ dǒ ta̤khǐsiwi̤ akla nu. Bǎnutûkû nî̌ kòyò gǔ cû̌hǎcû̌wô, kòyò gǔ ě jegwě akhû̌khi pě.’

Lǔka 13:28

“Dǒ Cǒmara shilǎ̤gǎkûnu, sî kè̌shǐ kû̌ PhaAbraha, PhaIsè̌, Phaya̤kò kû̌ piwi̤pèshè lǒ̤꤮ bò nutokhlǒ hè nṳ̌lò̤ bǎnu pô̤̌khô sî nǎ̤sanǎ̤ dě kòyò gǔ wṳ̂̌htò̌kè sî dǒ akhlo pě. Ta̤lǎ̤ bǎ sî glè̌ cû̌ ô̌ hǒtûkû pěnu, sî glè̌ cû̌ hǎsihǎô̌ dě sî gǔ ěsekwe bò sî khû̌khi pě.

Pwa̤nophû̌ 3:25

Cǒmara a ta̤olò̤wǎ̤lò̤ dǒ a no dǔlè̌lṳ̌lò̤ tutṳ̌ piwi̤pèshè sî tokhlǒ numî̌ sîya hǒ. Htokhôtô̤̌ Cǒmara olò̤ hto kû̌ sî mǒ̤phaphiphu dǒ awǐnu tokhlǒ nu mî̌ sîya hǒhǒ. Pô̤̌ Cǒmara shôbǐǐlṳ̌ nǎ hto PhaAbraha kû̌, ‘he gǔ ǐshowî̤ tutṳ̌ bò hǎkhû̌phû̌ nutokhlǒ lǒ̤bò kû̌ na khlilè gelò̤ nutôpwa̤ akhû̌khî pě.’

Rṳ̂̌me̤ 9:4

Asî mî̌ Isôrělaphû̌ tokhlǒ. Cǒmara bǔǐ asî pô̤̌ aphû̌ali̤ sanǎ̤ nuhǒ. Dě a dǔlè̌lṳ̌ bǎ asî kû̌ a ta̤bwǐdû̌sîrîhtû hǒ. Cǒmara ǎměma̤mě hto shǎǎ kû̌ asî hǒ dě a ǐlò̤ hto asî kû̌ a ta̤sû̌ta̤tòwò hǒ. Asî nǐ̤bǎ ta̤caba aklè̌aklò dǒ ta̤lṳhtò̌ hôkû dě a nǐ̤bǎ lô̌khô Cǒmara a ta̤olò̤wǎ̤lò̤ tokhlǒ hǒ.

Petru ginǐ̤bǎ tabǎ 2:17

Kòyò hǒtokhlǒ mî̌ asô̌sô̌kû̌ shipǒ̤hǎhtò̌ petô̤̌ nutokhlǒ. Htodě asô̌sô̌kû̌ poǒlṳ̌ dǒ gili̤sǎdû̌ htû̌cû̌kè lû̌û nutokhlǒ. Dě Cǒmara ma̤ô̌bǎ hǒ asî agûlǎ̤ dǒ a khǐsîwi̤ tôkûhǒ.

Petru ginǐ̤bǎ tabǎ 2:4

Mǒkhû̌tanaphû̌ dǒ a ma̤sǔta̤ tokhlǒnu, Cǒmara bè̌lû̌kè asî tô̤̌. A wîtě̤kè asî dǒ larakû. A dǒnṳ̌ asî dǒ hǎkû khǐsiwi̤ tokhlǒ akû dě a dǐô̌ tǒ̤ asî dǒ ta̤cî̌htò̌ alṳmṳ̌ni̤ nutôni̤ pě.

Yṳ̌da 1:13

Asî tokhlǒnu, asô̌sô̌kû̌ shipěpǒ sho dǒ shidû̌te̤we̤ akûnu tokhlǒ pwǎ. Htokhôtô̤̌ asî ta̤ma̤ dǒ a htûhtò̌ ta̤sòwò̤̌ tokhlǒnu a ô̌lṳ̌htò̌ sô̌sô̌kû̌ shibǒbè̌ nupě. Asî mî̌ kòyò dǒ asûcû̌tô kò klè̌tô̤̌ asô̌sô̌ kû̌ shǎ dǒ acû̌htôcû̌lò̤ a ô̌tò̤̌ agûlǎ̤ nutokhlǒ. Cǒmara tîwî̌tòwò nǎ bǎ asî gûlǎ̤ dǒ ta̤khǐsiwilǒkò tôkû dě a dǒnṳ̌ asî bǎnu tûjû̌pwa̤ talakhǎ pě.

Ta̤dǔlè̌nǎ 22:15

Kòyò sô̌sô̌kû̌ akhô tô̤̌nu bǎhtû shǐ tokhlǒ, pwa̤běkhû̌ sî, kòyò cû̌sǔnṳ̌plěnṳ̌ pwa̤mǒ̤pwa̤khû sî, pwa̤ ma̤si kòyò sî, kòyò caba ta̤yô̤ta̤gî̌ sî, kòyò lǒ̤bò dǒ a mô̤ǐ tûû̌ ta̤lòhô dě a ô̌htûpwa̤ gû̌ma̤ pô̤̌nu pṳ̂̌꤮ taplǎ tokhlǒnu a gǔ ô̌ lô̌khô dǒ wî̤̌khlo pě.