Matěo 4:3 - Kawyaw New Testament

³ Bǎnuakha hǎkhû̌tana hè dǒ a ô̌ dě a hî̌ lû̌û kû̌, “Kè̌ na mî̌ Cǒmara aphû̌khû tôpwa̤ hî̌dě, hî̌lò̤ lǒ̤ nutokhlǒ dě nohtûhtò̌ a kû̌ mû̌nu.”

Kawyaw RC

³ Bǎnuakha khînǎmo̤pha hǐkǒdû̌ hè aǒ dě a hî̌ nû̌û, “Na mî̌ Cǒmara aphû̌khû tapwa̤ hî̌dě, hî̌lò̤ lo̤ htǒotama dě nohtûhtò̌ yǎta mû̌nu.”

Matěo 4:3 Iomraidhean Croise

Matěo 14:33

Bǎnuakha kòyò ô̌ dǒ sǒkhlikû nutokhlǒ cabahtò̌ Běcǎ Yeshǔ dě a hî̌ kû̌, “Na mî̌ Cǒmara aphû̌khû tôpwa̤ mè̤̌mî̌ca hǒ.”

Matěo 16:16

Khûshǐmû Petarǔ hî̌shěshu lû̌û kû̌, “Na mî̌ Khrǐ dǒ a ma̤hǎplǎge kòyò tôpwa̤ hǒ. Na mî̌ Cǒmara dǒ a htûpwa̤ tôpwa̤ aphû̌khû.”

Matěo 26:63

Bǎbǎkǎlè a dò̌tûklû̌ pwǎ. Pwa̤shû̌gǎ ikǒdû̌lǒ nutôpwa̤ hî̌ kû̌, “He wṳ̂̌dò heyô̤̌ kû̌ Cǒmara dǒ a htûpwa̤ nutôpwa̤ dě he gǔ gwè̌ na, na mî̌ Me̤shǐya dǒ Cǒmara aphû̌khû nutôpwa̤ mè̤̌mî̌canu shôbǐǐ mò̌ pa.”

Matěo 3:17

Htodě alě̤pwe̤htò̌ dǒ mǒkhû̌ tômû dě a hî̌ kû̌, “Hǒtôpwa̤ mî̌ hephû̌pwa̤khû dǒ he mô̤ǐyǎ dě a ma̤mô̤ he sǎphlǒ tôpwa̤.”

Mǎ̤riko 1:1

Hǒomî̌ ta̤sǎlě̤we̤kè akòshî̌ dǒ a shôbǐǐlṳ̌ bǎ Cǒmara aphû̌khû Yeshǔ Khrǐ awe̤akè.

Mǎ̤riko 3:11

Nǎ ma̤bǎ kòyò tokhlǒnu, a kè̌shǐ Yeshǔ bǎkhò̌tè bǎbǎ, a lòkhǔpo̤ dǒ Yeshǔ a lô̤mô̤̌ dě a kaǎgǔ lô̌khô kû̌, “Na mî̌ Cǒmara aphû̌khû tôpwa̤,” a hî̌ lô̌khô pô̤̌nu.

Mǎ̤riko 5:7

Dě a kaǎgǔhtò̌ dě a hî̌ kû̌, “Ta̤dû̌ta̤htû gutṳ̌ Cǒmara aphû̌khû Yeshǔ꤮ na glè̌ hèma̤ kwè̌꤮ he titè? Olò̤ he dǒ Cǒmara ami̤kû kû̌, ma̤jî̌ma̤jû̌ tǎ̤ he tǎ̤mǎ̤ nî̌꤮.”

Lǔka 1:35

Dě mǒkhû̌ tanaphû̌ hî̌shěshu a kû̌, “Yôla Plò̌shǐ Běcǎ gǔ hèlò̤ tûû̌ dǒ nalô̤ pě dě dǒ ta̤dû̌ta̤htû Cǒmara a ta̤pô̤ta̤phǎ akhû̌akhî, dě phijǎphû̌ tôpwa̤ gǔ hè ô̌lò̤ pě. Dǒ ta̤we̤ta̤kè hǒo akhû̌akhîdě phijǎ plò̌shǐ nutôpwa̤ nî̌ kòyò gǔ kaǎ yǎ kû̌ Cǒmara aphû̌khû pě.

Lǔka 22:70

Asî pṳ̂̌꤮ tôpwa̤ hî̌ kû̌, “Kè̌ hî̌pô̤̌nu dě na mî̌ Cǒmara aphû̌khû tôpwa̤ ya?” Dě a hî̌shěshu asî kû̌, “Ò, a mè̤̌mî̌ca pô̤̌ sî hî̌ nu hǒ.”

Lǔka 4:3

Bǎnuakha hǎkhû̌tana hî̌ lû̌û kû̌, “Na mî̌ Cǒmara aphû̌khû tôpwa̤ hî̌dě hî̌lò̤ lǒ̤ nutômè dě nohtûhtò̌ a kû̌ mû̌.”

Lǔka 4:41

Bǎ asî kaǎhè kòyò nutokhlǒ aklanu, khînǎkhîno dò̌ lû̌û tokhlǒnu a ô̌pa dû̌wî̤. Dě a hǎhtò̌cû̌kè dǒ kòyò nutokhlǒ akû dě a yî̤̌gǔhtò̌ kû̌, “Na mî̌ Cǒmara aphû̌pwa̤khû” pô̤̌nu. Asî lî̤̌ sî̌ganǎ̤ lô̌khô kû̌ Yeshǔ mî̌ Khrǐ dǒ Cǒmara rû̌htò̌ lû̌û dě a gǔ ma̤hǎplǎge kòyòhǎkhû̌phû̌ nutôpwa̤ akhû̌akhî, Yeshǔ sǎhtǎ asî dě a nohî̌bǎ asî tômû̌ tô̤̌.

Lǔka 4:9

Htodě hǎkhû̌tana kaǎcû̌ lû̌û dǒ Wî̤̌yarǔshôle dě a no ihtǒô̌ lû̌û dǒ ta̤lṳhtò̌hô a khû̌ dǒ a htò̌yô̤̌lǒ tôtô̤̌ dě a hî̌ lû̌û kû̌, “Na mî̌ Cǒmara aphû̌khû tôpwa̤ kè̌hî̌dě pě̤lò̤tě̤ mò̌!

Jowǎ̤ni̤ 1:34

Ta̤htûhtò̌ pô̤̌onu, he kè̌shǐ htohǒ akhû̌akhî, he hî̌ hto sî kû̌ a mî̌ Cǒmara aphû̌khû mè̤̌mî̌ca tôpwa̤ hǒ.”

Jowǎ̤ni̤ 1:49

Khûnasaněla hî̌shěshu lû̌û kû̌, “Rabǐ na mî̌ Cǒmara aphû̌khû mè̤̌nò hǒ, na mî̌ Isôrěla a côphǎ mè̤̌mî̌ca hǒ.”

Jowǎ̤ni̤ 20:31

Bǎbǎkǎlè kòyò wě̤ lî̤ hǒtôbǎ mî̌ pô̤̌khô sî gǔ yṳ̌ǎ kû̌ Yeshǔ mî̌ Me̤shǐya, a mî̌ Cǒmara aphû̌khû tôpwa̤, dě dǒ sî yṳ̌ǎ lû̌û akhû̌akhî, dě sî gǔ nǐ̤bǎ yôla htûpwa̤ ayanu, kòyò wě̤ bǎ sî pwǎ.

Jowǎ̤ni̤ 9:35

Bǎ Yeshǔ ganǎ̤de kû̌ kòyò wṳ̂̌hǎhtò̌kè mǐ̤sǎkhǐ nutôpwa̤ akhanu, Běcǎ Yeshǔ cû̌kè̌lǎ kè̌shǐ lû̌û dě a hî̌ lû̌û kû̌, “Na yṳ̌ǎ Kòyòphû̌khû ya?”

Pwa̤nophû̌ 9:20

Dě taplǎnô̤̌ Khûsò̌lǔ hǎhtò̌cû̌ tôtǐ dǒ Yǔda ta̤cabahǐ tokhlǒ akû dě a cû̌ shôbǐǐ bǎ kòyò kû̌ Yeshǔ mî̌ Cǒmara aphû̌khû tôpwa̤ awe̤akè.

Kôritu ginǐ̤bǎ tôbǎ 1:19

Ma̤titèhî̌dě he kû̌ Khûshǐla kû̌ Khûtîmôte shôbǐǐlṳ̌ hto sî kû̌ Yeshǔ Khrǐ awe̤akè hǒ. A mî̌ Cǒmara aphû̌khû tôpwa̤, a hî̌bǎcǒhî̌bǎtè̤ pṳ̂̌꤮ taplǎ a hî̌htôhî̌lò̤ gû̌ kòyò tôkhò̌꤮ tô̤̌.

Galatǐ 2:20

Hǒnumî̌ a sô̌sô̌ kû̌ he si kû̌ Khrǐ dǒ nò̌dò̌htǔ alô̤ hǒ. He ô̌htûpwa̤ mè̤̌petô̤̌ bǎbǎkǎlè Khrǐ ô̌htûpwa̤ dǒ hekû hǒ. Ta̤ô̌htûpwa̤ dǒ he ô̌htûpwa̤ khònò̤̌ numî̌ mè̤̌pwǎ he ô̌htûpwa̤ dǒ ta̤yṳ̌ǎ Cǒmara aphû̌khû dǒ a mô̤nṳ̌ he dě a ǐlò̤kè a ta̤htûpwa̤ dǒ heyanu tôpwa̤ akhû̌khî pwǎ.

Tîsalònǐ awǐlǒ tôbǎ 3:5

He ô̌khò petô̤̌ akhû̌akhî, pô̤̌khô Khûtîmôte gǔ sî̌ganǎ̤ kû̌ sî ô̌mětegle pe dǒ sî ta̤yṳ̌ta̤nǎ̤ akûya, mî̌ sî ô̌mě pe tô̤̌ yanu, he sûlò̤ a dǒ sî ô̌. He bǎyô̤ kû̌ hǎkhû̌tana glè̌ lô̌ǐplò̤ǐ sî hǒ. Htodě lǒ̤bò ta̤phǐta̤ma̤ dǒ pa ma̤hto bòkè tokhlǒnu, a gǔ tṳ̌dè̌tṳ̌dè bòkèhǒ, he bǎyô̤ pô̤̌nu.

Hebrǔ 12:16

Nohtûhtò̌ tǎ̤ lô̌khô sî nǎ̤glǒnu kû̌ kòyò dǒ a cû̌sǔnṳ̌plěnṳ̌ pwa̤mǒ̤pwa̤khû nutokhlǒ tǎ̤mǎ̤ nî̌꤮. Htûhtò̌ sô̌sô̌ lô̌khô tǎ̤ pô̤̌ Khûětò̌ dǒ a bè̌dû̌ kû̌ kòyò Cǒmara ayô̤̌ tô̤̌ dě a shaǎ ǐ sô̌ phû̌wè̤̌pwǎ̤ û̌tě̤û̌ca kû̌ hǎsǐ tôbè nutôpwa̤ tǎ̤mǎ̤ nî̌꤮.

Hebrǔ 4:14

Pô̤̌nudě, pa pṳ̂̌mě̤tegle wô̌ lô̌khô pa ta̤yṳ̌ta̤nǎ̤ dǒ pa olò̤ bǎnu tǎ꤮, ma̤titèhî̌dě, pa ô̌ ǐtûû̌ kû̌ pa pwa̤shû̌gǎ ikǒdû̌lǒ nutôpwa̤, dě a cû̌nṳ̌ hto paya dǒ mǒkhû̌ hǒ. A mî̌ Cǒmara a phû̌pwa̤khû Yeshǔ nuhǒ.

Hebrǔ 7:3

Malakhǐsedè̌ apha bǎbǎ, amǒ̤ bǎbǎ, aphiphu khlilè tokhlǒ bǎbǎ, kòyò wě̤mǎnǎ bǎ a tôcǒ꤮ tô̤̌. A ta̤ô̌phijǎlò̤ kû̌ ata̤si awe̤akè tokhlǒnu bǎbǎ, kòyò wě̤mǎnǎ bǎ yǎ tô̤̌tô̤̌. A mî̌ asô̌sô̌kû̌ Cǒmara aphû̌khû tôpwa̤. A htû pwa̤shû̌gǎ tûjû̌pwa̤.

Yṳ̂ha awǐlǒ tôbǎ 3:8

Kòyò tôpwa̤pwa̤ dǒ a ma̤ sělě gutṳ̌pe ta̤sǔta̤phû̌mò̤̌ hǒnumî̌, hǎkhû̌tana pǒǐ pepwǎ lû̌û, ma̤titèhî̌dě hǎkhû̌tananu, a ma̤cǒwô̌ ta̤sǔta̤phû̌mò̤̌ dǒ akòshî̌kha pe, dě a ma̤ sělě pe tǒ̤ khònò̤̌. Pô̤̌khô Cǒmara aphû̌khûnu gǔ ma̤pî̌kè ta̤ dǒ hǎkhû̌tana ma̤htohǒ nutokhlǒ ayanudě, a hèlò̤ dǒ hǎkhû̌nu hǒ.

Ta̤dǔlè̌nǎ 2:10

Ta̤dǒ na glè̌ khòbǎ khònò̤̌nu, ǐsha tǎ̤ alǎ̤ tîkî̌꤮ tǎ̤mǎ̤ nî̌. Hǎkhû̌tana tîwî̌tòwò kòyò dǒ kòyò gǔ ma̤kè̌kè̌ sî akhû̌akhî, a gǔ dǒnṳ̌ sî dǒ apô̤kû tokhlǒkhlǒ pě. Kòyò gǔ ma̤jî̌ma̤jû̌ sî ani̤shǐshè̌ pě. Tǒ̤dǒ na kè̌shǐbǎ kû̌ ta̤si bǎbǎ, tûlû̌ cǒ kû̌ he dě he gǔ ǐ na ta̤htûpwa̤ a khû̌glû̌hta pě.