Matěo 3:2 - Kawyaw New Testament

² Dě a hî̌ kû̌, “Yò̤lǎ̤plǎdî̌ lô̌khô sîsǎphlǒ, ma̤titè̌hî̌dě mǒkhû̌ ashiagǎ phǔhtò̌hǒ.”

Kawyaw RC

² Dě a hî̌, “Yò̤lò̤ge lǒkho sîsò̌, ma̤tè̤hî̌dě mǒkhû̌ ashiaga hèto̤phǔhǒ.”

Matěo 3:2 Iomraidhean Croise

Matěo 10:7

Bǎ sî cû̌ akha, shôbǐǐlṳ̌ bǎ kòyò kû̌, ‘mǒkhû̌ ashiagǎ phǔhtò̌phǔlò̤hǒ,’ pô̤̌nu nî̌꤮.

Matěo 11:20

Běcǎ Yeshǔ dǔlè̌lṳ̌ dû̌khlo kòyò ta̤cô̌klǐcô̌sè dǒ wî̤̌nu tokhlǒ akû bǎbǎkǎlè asî yò̤lǎ̤plǎdî̌ anǎ̤ tô̤̌ akhû̌akhî, asǎphlǒ mô̤tô̤̌ dě a hî̌lîlò̤kè asî kû̌,

Matěo 12:41

Dǒ Khûyṳ̂nǎ a ta̤shôbǐǐ bǎ Wî̤̌ni̤na̤wě̤phû̌ tokhlǒ dě a yò̤lǎ̤plǎdî̌ bò anǎ̤ akhû̌akhî, htû̌꤮ Cǒmara cî̌htò̌ kòyò pě tôni̤nu, Wî̤̌ni̤na̤wě̤phû̌ tokhlǒ ihtǒ kû̌ kò dǒ a htûpwa̤ khònò̤̌ tôhtu tokhlǒ pě dě a gǔ pè̤̌ asî ta̤sǔ pě. Khònò̤̌ kòyò dǒ adû̌khlo kû̌ Khûyṳ̂nǎnu a ô̌ bǒo tôpwa̤.

Matěo 13:11

Běcǎ Yeshǔ hî̌shěshu asî kû̌, “Cǒmara dǐsî̌yaphlô hto sî kû̌ mǒkhû̌ shilǎ̤gǎkû a ta̤sî̌khû̌sî̌ya dǒ a dǒhǔdǒbî̌ tokhlǒ bǎbǎkǎlè a dǐsî̌ganǎ̤ padô̌ asî tô̤̌.

Matěo 13:24

Yeshǔ dô̌kènè bǎ pô̤̌ asî yô̤̌sǎkhěkhô̌ dǒ ashǔshawa̤ tôshǒ dě a hî̌ kû̌, “Mǒkhû̌ shilǎ̤gǎkûnu asô̌sô̌kû̌ pwa̤ma̤hǔklaphû̌ tôpwa̤ wǐ̤lò̤ bǔjû̌khli dǒ awî̤còcè̌ tokhlǒ dǒ hǔklakhû̌.

Matěo 13:31

Běcǎ Yeshǔ dô̌bǎpô̤̌ asî yô̤̌sǎkhěkhô̌ dǒ ashǔshawa̤ tôshǒ kû̌, “Mǒkhû̌ shilǎ̤gǎkû numî̌ asô̌sô̌kû̌ kòyò tôpwa̤ lǔǐ saplǎphlǒ tôphlǒ dǒ ahǔklakhû̌ nuhǒ.

Matěo 13:33

Běcǎ Yeshǔ dô̌bǎ pô̤̌ asî yô̤̌sǎkhěkhô̌ dǒ ashǔshawa̤ tôshǒ kû̌, “Mǒkhû̌ shilǎ̤gǎkû numî̌ asô̌sô̌kû̌ pwa̤mǒ̤ tôpwa̤ phî̌nṳ̌ ta̤bû dě a cemǔ dǒ dîphǎ kla dě a kôphô̌htò̌bò dîphǎ nuhǒ.”

Matěo 13:47

“Htopědě, mǒkhû̌ shilǎ̤gǎkûnu asô̌sô̌kû̌ pwa̤ma̤ǎ tò̤̌phû̌ tôpwa̤ dǒ a shělò̤ a tǐ̤ dǒ shikoǒ dû̌kû dě tò̤̌phû̌ pṳ̂̌mi̤shicǒ nǐ̤ nuhǒ.

Matěo 13:52

Dě a hî̌shěshu asî kû̌, “Ma̤pô̤̌nu akhû̌akhî, kòyò kè̌ sû̌ǐ sî̌ganǎ̤ bò pwa̤sû̌ǐ ta̤sû̌ta̤tòwò asara nutokhlǒ kû̌mî̌ mǒkhû̌ shilǎ̤gǎkû numî̌, asô̌sô̌kû̌ hǐběcǎ tôpwa̤ dǒ a phî̌htò̌ a ta̤lě̤dû̌pwî̤htû dǒ ali̤ kû̌ asa tokhlǒ dǒ alǎ̤ bè̌plǒ ta̤lǎ̤ akû.”

Matěo 18:23

“Pô̤̌nu akhû̌akhî, dǒ mǒkhû̌ shilǎ̤gǎkûnu asô̌sô̌kû̌ khwǐ tôpwa̤ dǒ a sǎyṳ ma̤lîkè bò a wě̤mǎnǎ jû̌ tokhlǒ shû̌ ô̌ yǎ nutokhlǒ.

Matěo 20:1

“Ma̤titè̌hî̌dě, mǒkhû̌ shilǎ̤gǎkû mî̌ asô̌sô̌kû̌ hǔkla běcǎ tôpwa̤ dǒ a hǎhtò̌cû̌ wî̤sò dě a cû̌ dakǎ kaǎ hè kòyò dǒ a sîpî̌phǎkhû̌ nuhǒ.

Matěo 22:2

“Mǒkhû̌ a shilǎ̤gǎkû numî̌ asô̌sô̌kû̌ khwǐ tôpwa̤ dǒ a tîwî̌tòwò nǎ bǎ a phû̌pwa̤khû pwè khòmò̤̌ dǒ a gǔ dǐǎdǐô kòyò ayanu tôpwa̤hǒ.

Matěo 23:13

Yǔdaphû̌ a pwa̤sû̌ǐ ta̤sû̌ta̤tòwò asara sîtokhlǒ kû̌ Pharishè̌phû̌ sî, Cǒmara gǔ cî̌htò̌ sî pě. Sî mî̌ kòyò dǒ a jî̌cǒjî̌tè̤ anǎ̤ tokhlǒ. Sî ma̤bǐ phî̌sigwǐbò kòyò dǒ a kè̌lǎ mǒkhû̌ shilǎ̤gǎkû nutokhlǒ takha. Sî nǎ̤běcǎ dě sî nṳ̌ tô̤̌ bǎbǎkǎlè sî kè̌lǎ ma̤tě̤tṳbǐ kèbò kòyò dǒ a kè̌lǎnṳ̌ nutokhlǒ atakha.

Matěo 25:1

“Mǒkhû̌ shilǎ̤gǎkûnu, asô̌sô̌kû̌ pwa̤mǒ̤ pwa̤sasû̌ kòyò apwa̤shǐ phî̌nṳ̌ mî̌tè̌ko dě cû̌ô̌pǒ̤ kè̌shuǐ khômǎ̤ pwa̤khû hè awe̤akènu hǒ.

Matěo 25:14

“Mǒkhû̌ shilǎ̤gǎkû nu a sô̌sô̌ pô̤̌ kû̌ kòyò tôpwa̤ dǒ a glè̌ hǎhtò̌cû̌ klè̌ dě kaǎplǒ a jû̌ tokhlǒ, dě a ǐ kè a ta̤dû̌yò̤̌htò̌sa tokhlǒ dǒ ajû̌ tokhlǒ a cǔdekû.

Matěo 4:17

Hènè bǎnudě Yeshǔ sahtò̌ shôbǐǐlṳ̌ bǎ kòyò kû̌, “Yò̤lǎ̤plǎdî̌ lô̌khô sîsǎphlǒ, ma̤titè̌hî̌dě mǒkhû̌ ashiagǎ phǔhtò̌hǒ.”

Matěo 4:23

Yeshǔ cû̌lè te̤we̤bò Galilè̤̌gǎ tôgǎlǎ̤ dě a cû̌ sû̌ǐtòwòǐ kòyò dǒ ta̤cabahǐkû pṳ̂̌꤮ tûkû. A shôbǐǐlṳ̌ bǎ kòyò kû̌ Cǒmara ashiagǎ ta̤sǎlě̤we̤kè. Dě a ma̤hǎmǎ bǎbò kòyò ta̤shǐta̤sha pṳ̂̌꤮ mishicǒ.

Matěo 5:10

Kòyò dǒ kò ma̤jî̌ma̤jû̌ lû̌û dǒ ta̤cǒta̤tè̤ akhû̌akhî tokhlǒnu, a nǐ̤bǎ ta̤ǐshowî̤. Ma̤titèhî̌dě dǒ mǒkhû̌ ashiagǎkû numî̌ kòyò pô̤̌nu tokhlǒ ata hǒ.

Matěo 5:3

Kòyò dǒ a nǎla̤ǐ pwǎ Cǒmara dǒ ta̤ lǒ̤bò akû tokhlǒnu, a nǐ̤bǎ ta̤ǐshowî̤. Ma̤titèhî̌dě mǒkhû̌ shilǎ̤gǎkû numî̌ kòyò pô̤̌nu tokhlǒ ata hǒ.

Matěo 6:10

Na gǔ hèma̤ nashinagǎ bǎ hǎkhû̌nu nî̌. Pô̤̌ na ta̤sǎyṳ lǒbe dǒ mǒkhû̌nu, nolǒbe tûû̌ pû yǎ bǎ hǎkhû̌ nunî̌꤮.

Matěo 6:33

Kè̌lǎ wǐ lô̌khô Cǒmara ashiagǎ kû̌ a ta̤tě̤ta̤mè̤̌ tokhlǒnu, dě lǒ̤bò ta̤dǒ sî lǎ̤lṳ̂ tokhlǒnu, Cǒmara gǔ ǐ pô̤̌ sî pě.

Mǎ̤riko 1:15

Dě a hî̌ kû̌, “Ta̤shěta̤khǎ hètǒ̤hǒ. Cǒmara ashiagǎ phǔhtò̌hǒ dě yò̤lǎ̤plǎdî̌ lô̌khô sîsǎphlǒ dě yṳ̌ǎ mò̌ lô̌khô ta̤sǎlě̤we̤kè nu.”

Mǎ̤riko 1:4

Dě pwa̤ shôbǐǐ bǎ kòyò ta̤we̤ta̤kè tôpwa̤nu a hè htohǒ. A mî̌ pwa̤jushi Khûyṳ̂ha nu hǒ. A hǎhtò̌cû̌ dǒ gǎshashigǎ lǒ̤seměkhû̌ dě a shôbǐǐlṳ̌ bǎ kòyò kû̌ yò̤lǎ̤plǎdî̌ lô̌khô sîsǎphlǒ dě ju lô̌khô sînǎ̤ kû̌ shi dě Cǒmara plûkè bǎ sî ta̤sǔ nutokhlǒ pě.

Mǎ̤riko 6:12

A khôphijǎ tokhlǒ hǎhtò̌ cû̌lè shôbǐǐlṳ̌ bǎ kòyò tokhlǒ kû̌ a tô kû̌ yò̤lǎ̤plǎdî̌ lô̌khô anǎ̤, a cû̌lè shôbǐǐ bǎ kòyò pô̤̌nu.

Lǔka 1:16

Dě a gǔ sû getîkhî dû̌wî̤ Isôrělaphû̌ tokhlǒ dǒ asî Běcǎ Cǒmara a ô̌ pě.

Lǔka 11:20

Bǎbǎkǎlè, he kè̌ wṳ̂̌hǎhtò̌kè khînǎkhîno sî kû̌ Cǒmara a ta̤pô̤ta̤phǎ kè̌hî̌dě, hǒnumî̌ a nè̌lṳ̌ kû̌ Cǒmara gǔ hè pǒshipǒgǎnu a hètǒ̤ dǒ sî ô̌ hǒ.

Lǔka 13:3

He hî̌ sî, asî dû̌khlo kû̌ sî mè̤̌tô̤̌. Sî bǎbǎ, sî kè̌ yò̤lǎ̤plǎdî̌ lô̌khô sînǎ̤ tô̤̌ hî̌dě, sî glè̌ si bò pṳ̂̌꤮ tôpwa̤ pě.

Lǔka 13:5

Amè̤tô̤̌, he hî̌ sî, sî hǒtokhlǒ bǎbǎ, sî kè̌ yò̤lǎ̤plǎdî̌ lô̌khô sîsǎphlǒ tô̤̌ hî̌dě, sî glè̌ sikèbò pṳ̂̌꤮ tôpwa̤ pě.”

Lǔka 15:10

Pô̤̌nuhǒ, he hî̌ sî꤮, “Pwa̤ma̤sǔphû̌ tôpwa̤ yò̤lǎ̤plǎdî̌ sô̌ asǎphlǒ akhû̌akhî, Cǒmara a mǒkhû̌ tanaphû̌ tokhlǒ sǎlě̤sǎlò̤ jî̌jî̌.”

Lǔka 15:7

A sô̌sô̌kû̌ gû̌ pô̤̌nuhǒ, he hî̌ sî, pwa̤ma̤sǔphû̌ tôpwa̤ yò̤lǎ̤plǎdî̌ gesô̌ asǎphlǒ akhû̌akhî, dǒ mǒkhû̌nu kòyò glè̌ sǎlě̤sǎlò̤ khlo kû̌ kòyòcǒkòyòtè̤ lǐ̤sô̌tishi kû̌ lǐ̤sô̌tôpwa̤ dǒ alṳ̂bǎ yò̤lǎ̤plǎdî̌ tô̤̌ nu tokhlǒ hǒ.

Lǔka 16:30

“Dě kòyò dû̌yò̤̌htò̌sa nutôpwa̤ hî̌shěshu kû̌, ‘PhaAbraha꤮ tǒ̤hǒonô̤̌ nudě a lǒbe nò̌khôtô̤̌. Kòyòsi tôpwa̤ kè̌ ihtǒhtûpwa̤ gesô̌, dě a kè̌ ge shôbǐǐ sô̌ bǎ asî dě a yò̤lǎ̤plǎdî̌ ge nô̌pwǎ asǎphlǒ pě.’

Lǔka 21:31

Pô̤̌nudě bǎ sî kè̌shǐhǒ ta̤hǒo tokhlǒ htûhtò̌hǒ akhapěnu, sî̌ya lô̌khô kû̌ Cǒmara glè̌ hè pǒshipǒgǎ phǔhtò̌ hǒ nî̌꤮.

Lǔka 24:47

Htodě dǒ ami̤ akû dě kòyò glè̌ shôbǐǐlṳ̌ yò̤lǎ̤plǎdî̌ sîsǎphlǒ awe̤akè kû̌ ta̤plûkè ta̤sǔta̤plě hǒnutokhlǒ awe̤akè pě. Kòyò glè̌ shôbǐǐ a dǒ kòyòkhlilè pṳ̂̌tocǒ aya pě, dě kòyò glè̌ sahtò̌ shôbǐǐlṳ̌ wǐlǒ dǒ Wî̤̌ Wî̤̌yarǔshôle akû nupě.

Lǔka 6:20

Yeshǔ kè̌wô̌kè̌bǎ dǒ akhôphijǎ sî dě a hî̌ asî kû̌, “Sî dǒ a shèphǔshèwè̤nu, Cǒmara ǐshowî̤ mè̤̌mî̌ca sî hǒ, ma̤titè̌hî̌dě Cǒmara shilǎ̤gǎkû numî̌ kòyò pô̤̌nutokhlǒ ata hǒ.

Lǔka 9:2

Htodě a plûcû̌ asî dǒ a gǔ cû̌ shôbǐǐlṳ̌ bǎ kòyò kû̌ Cǒmara ashiagǎ, kû̌mî̌ a gǔ ma̤hǎmǎ bǎ kòyòshǐ kòyòsha tokhlǒ.

Pwa̤nophû̌ 11:18

Bǎ asî ganǎ̤de ta̤we̤ta̤kè hǒo akhanu, asî pî̤jî̌ǐsho pe Khûpetarǔ tô̤̌. Dě a htû̌sò̌htò̌ lô̌khô Cǒmara kû̌, “Kè̌ a mè̤̌mî̌ca pô̤̌nu hî̌dě Cǒmara ǐbǎtû̌ Yǔdaphû̌ mè̤̌tô̤̌ tokhlǒ ta̤shěkhǎ wô̌ dǒ a gǔ yò̤lǎ̤plǎdî̌ lô̌khô asǎphlǒ dě a gǔ nǐ̤bǎ lô̌khô ta̤htûpwa̤ pě.”

Pwa̤nophû̌ 17:30

Bǎ kòyò sî̌ganǎ̤ Cǒmara khôtô̤̌ akhanu, a gènè̤bǎpe kòyòhǎkhû̌phû̌ a ta̤sǔ pô̤̌nu tocǒ pwǎ. Bǎbǎkǎlè khònò̤̌nu, a hî̌lò̤ ayô̤̌ kû̌ kòyò pṳ̂̌꤮ tôpwa̤ dǒ a ô̌ bǎ gûlǎ̤ bǎtè tûkûbǎbǎ a tôbǎ yò̤̌lǎ̤plǎdî̌ lôkhô asǎphlǒ dě a tôbǎ htû̌tiwǐ getîkhîtô sô̌ dǒ Cǒmara a ô̌ pṳ̂̌꤮ tôpwa̤ a hî̌hto pô̤̌nu hǒ.

Pwa̤nophû̌ 2:38

Khûpetarǔ hî̌ bǎ asî kû̌, “Pô̤̌khô Cǒmara gǔ plûkè sî ta̤sǔ tokhlǒnu, yò̤lǎ̤plǎdî̌ lô̌khô sîsǎphlǒ pṳ̂̌꤮ tôpwa̤ dě ju lô̌khô sînǎ̤ kû̌ shi dǒ Yeshǔ Khrǐ ami̤ akû, sî kè̌ma̤pô̤̌nu hǐdě Cǒmara gǔ ǐ sî sû amè̤̌kû̌ Yôla Plò̌shǐ Běcǎ nupě.

Pwa̤nophû̌ 20:21

Yǔdaphû̌ tokhlǒ bǎbǎ, Yǔdaphû̌ mè̤̌tô̤̌ tokhlǒ bǎbǎ, he hî̌lò̤shû̌ shû̌lě asî ginǐ̤prṳ̂ kû̌, yò̤lǎ̤plǎdî̌ lôkhô sî sǎphlǒ dě yṳ̌ǎnǎ̤ǎ lôkhô Běcǎ Yeshǔ, he hî̌ bǎ asî pô̤̌nu nu.

Pwa̤nophû̌ 26:20

He cû̌lè shôbǐǐ sakhûlû̌ bǎ kòyò dǒ Wî̤̌damase htodě dǒ Wî̤̌yarǔshôle akû, dǒnô̌kòdě he cû̌ dǒ Yǔdagǎ pṳ̂̌꤮ tûkû, htokhôtô̤̌ he cû̌ dǒ Yǔdaphû̌ mè̤̌tô̤̌ tokhlǒ aklakla. Dě pô̤̌khô asî gǔ yò̤lǎ̤plǎdî̌ lôkhô a ta̤sǔta̤plě tokhlǒ, htodě pô̤̌khô asî gǔ htû̌tiwǐ getîkhîtô sô̌ anǎ̤ dǒ Cǒmara a ô̌, htokhôtô̤̌ pô̤̌khô a gǔ dǔlè̌lṳ̌htò̌ lôkhô ata̤ma̤ dǒ awô̌ tokhlǒ kû̌ a yò̤lǎ̤plǎdî̌ hto asǎphlǒ ayanu, he shôbǐǐ bǎhto asî hǒ.

Pwa̤nophû̌ 3:19

Pô̤̌khô Cǒmara gǔ plûkè sî ta̤sǔnu dě, yò̤lǎ̤plǎdî̌ lô̌khô sîsǎphlǒ dě htû̌lè̌ getîkhî sô̌ lô̌khô dǒ Cǒmara a ô̌. Sî kè̌ ma̤pô̤̌nu hî̌dě htǔ꤮ shěkhǎtô shěkhǎbǎ pěnu, Běcǎ Cǒmara gǔ ǐ sî ta̤khû̌ǎ pě.

Kôritu ginǐ̤bǎ tôbǎ 7:10

Ma̤titèhî̌dě, ta̤sǎplǎ̤ dǒ Cǒmara dǐhtûhtò̌ numî̌, a no htû̌lè̌ tèplè̌kè pa sǎphlǒ dǒ pa gǔ nǐ̤bǎ ta̤phǔgekhò̌ge aya pwǎ akhû̌akhî, pa lǎ̤lṳ̂ gènè̤kû̌ ta̤sǎplǎ̤ dǒ Cǒmara dǐhtûhtò̌ nutokhlǒ tô̤̌. Bǎbǎkǎlè kòyòhǎkhû̌phû̌ alǎ̤klô sǎplǎ̤ tokhlǒnu, a dǐô̌htò̌ pwǎ ta̤si pwǎ.

Kòlòtè̌ 1:13

A ma̤hǎplǎge pa dǒ hǎkhû̌tana a ta̤shû̌ta̤sho dǒ a pǒǐ ta̤khǐsiwi̤ nutôdo alǎ̤ dě a sûnṳ̌ pa dǒ aphû̌khû dǒ a mô̤ǐ nutôpwa̤ ashigǎkû hǒ.

Tîmôte ginǐ̤bǎ tôbǎ 2:25

Bǎ a sû̌ǐ wô̌ tîkhî sô̌ kòyò dǒ a htè̌shěshu a tokhlǒ akhanu, a tô hî̌bǎ sǎdôhôbî̌ kòyò. Cǒmara gǔ ǐ bǎ asî ashěakhǎ wô̌ dǒ a yò̤lǎ̤plǎdî̌ sô̌ asǎphlǒ pě dě a sî̌ganǎ̤ htò̌gesô̌ ta̤tě̤ta̤mè̤̌ pě.

Hebrǔ 6:1

Pô̤̌nudě pa bè̌kèbò pa ta̤sû̌ǐtòwòǐ bǎ kòyò Khrǐ awe̤akè dǒ a kòshî̌ nutokhlǒ dě pa cû̌ hènè gû̌ pô̤̌ kòyò dǒ alô̤mô̤̌ dě sû̌ǐ sî̌ganǎ̤ gû̌ pô̤̌ kòyò dǒ kòyò dû̌to̤yobǎ sî̌ya alô̤mô̤̌ a ta̤sû̌ǐ nutokhlǒ tǎ꤮. Getîkhî hèyî̤yî̤ kòyò sû̌ǐ bǎ pa ta̤sû̌ǐtòwòǐ a kòshî̌ dǒ a hî̌ kû̌, sî bǎ wîkè ta̤ma̤ dǒ abwǐsîrî ô̌tô̤̌ nutokhlǒ, dě sî bǎ yṳ̌ǎ Cǒmara, ta̤sû̌ǐ pô̤̌o tokhlǒnu, pa gǔ kè̌lǎ sî̌ya getîkhîsô̌ petô̤̌, pa gǔ cû̌ sělě pô̤̌ kû̌ kòyò dǒ alô̤mô̤̌ tǎ꤮.

Petru ginǐ̤bǎ tabǎ 3:9

Pô̤̌nudě kòyò tokhlǒkhlǒ gènè̤ kû̌ shěkhǎyî̤ bǎbǎkǎlè, Běcǎ olò̤ dǒ a gǔ hè sô̌ pěnu, a ma̤yî̤ nô̌ tô̤̌. Cǒmara sǎyṳ no cû̌tǒ̤ kòyò dǒ ta̤pî̌ta̤lṳ̂̌ tôpwa̤꤮ tô̤̌, htodě a sǎyṳ no yò̤lǎ̤plǎdî̌ bò kòyò sǎphlǒ pṳ̂̌꤮ tôpwa̤ akhû̌akhî, a khòsǎdô bǎ dǒ sîya pwǎ.

Ta̤dǔlè̌nǎ 2:21

He ô̌yṳ̂̌ a dǒ a gǔ yò̤lǎ̤plǎdî̌ sô̌ a ta̤cû̌sǔnṳ̌ pwa̤mǒ̤pwa̤khû nutokhlǒ bǎbǎkǎlè a sǎyṳ wîkè tô̤̌.

Ta̤dǔlè̌nǎ 2:5

Na cû̌ tûdûkè kû̌ na ta̤mô̤ǐ dǒ asǎkhû̌lû̌kha pwǐtènu gènè̤ kè̌mò̌. Yò̤lǎ̤plǎdî̌ nanǎ̤ dě ma̤tîkhî sô̌ pô̤̌khô na mô̤ǐ dǒ asǎkhû̌lû̌khanu. Na kè̌ yò̤lǎ̤plǎdî̌ getîkhî nanǎ̤ tô̤̌ numî̌ he gǔ hè dǒ naô̌ dě he gǔ hèphǐ tephekè na mî̌tè̌konu dǒ agûlǎ̤nu pě.