Matěo 3:1 - Kawyaw New Testament

¹ Něyî̤layî̤ hè akhanu, kòyò ô̌ tôpwa̤, a cû̌lè shôbǐǐlṳ̌ ta̤ dǒ Yǔdagǎ gǎshashigǎ lǒ̤seměkhû̌, dě kòyò kaǎ lû̌û kû̌ pwa̤jushi Khûyṳ̂ha.

Kawyaw RC

¹ Něyî̤layî̤ hè akhanu, kòyò ǒtapwa̤, a cû̌shido dǒhtû̌ǐ ta̤dě Yṳ̌daga lo̤semě lò̤rṳ̂khû̌, dě kò kaǎ nû̌ûta pwa̤ploshi Jowǎ̤ni̤.

Matěo 3:1 Iomraidhean Croise

Matěo 11:11

Yeshǔ hî̌ pô̤̌ kû̌, “He hî̌cǒcǒ sî, kòyò lǒ̤꤮ bò dǒ a ô̌phijǎlò̤ tokhlǒ aklanu, adû̌khlo kû̌ jushi Khûyṳ̂hanu a ô̌ tôpwa̤꤮ tô̤̌. Bǎbǎkǎlè kòyò dǒ apî̌tî̌lǒ dǒ Cǒmara shilǎ̤gǎkû tôpwa̤nu, adû̌khlo pe kû̌ Khûyṳ̂ha hǒ.

Matěo 11:7

Bǎ Khûyṳ̂ha akhôphijǎ tokhlǒ hǎhtò̌ge htonu, Běcǎ Yeshǔ sahtò̌ hî̌bǎ kòyò saprṳ̂ nutokhlǒ kû̌ Khûyṳ̂ha awe̤akè. Dě a hî̌ asî kû̌, “Sî hǎhtò̌cû̌ lô̌khô dǒ lǒ̤mî̌shô̌kla numî̌, sî cû̌kè̌ kwè̌ mò̌pè? Mî̌ sî cû̌kè̌ lô̌khô gili̤sǎ guyṳ̌ gôpô̤̌mṳ̌ nutokhlǒ ya?

Matěo 16:14

Asî hî̌shěshu lû̌û kû̌, “Tokhlǒkhlǒdě a hî̌ kû̌ pwa̤jushi Khûyṳ̂ha, tokhlǒkhlǒ nudě a hî̌ kû̌ piwi̤pèshè Khûělǐya, tokhlǒkhlǒdě a hî̌ kû̌ piwi̤pèshè Ye̤ramǐya, mè̤̌tô̤̌mî̌ piwi̤pèshè khô̌ dǒ ashǔshawa̤ tokhlǒ akla tôpwa̤pwa̤ pwǎ,” A hî̌ lô̌khô pô̤̌nu.

Matěo 21:32

Ma̤titèhî̌dě Khûyṳ̂ha hè dǔlè̌lṳ̌ sî kû̌ ta̤tě̤ta̤mè̤̌ aklè̌ bǎbǎkǎlè sî yṳ̌ǎ yǎ tô̤̌. Bǎbǎkǎlè pwa̤kwita̤kûta̤mṳ̂̌ kû̌ pwa̤mǒ̤pǔlǔpǐli tokhlǒ yṳ̌ǎ yǎ. Sî kè̌shǐ kòyò tokhlǒ asǎphlǒ htû̌lè̌ ge bǎbǎkǎlè sî sǎphlǒ htû̌tèlè̌kè gû̌ kòyò tô̤̌ htokhôtô̤̌ sî yṳ̌nǐ̤nǎ̤nǐ̤ gû̌ kòyò tîkî̌ tô̤̌.

Matěo 3:8

Sî kè̌ yò̤lǎ̤plǎdî̌ mè̤̌mî̌ca sî nǎ̤ kè̌hî̌dě dǔlè̌lṳ̌ lô̌khô sî ta̤ô̌htûpwa̤ tokhlǒ kû̌ sî ta̤bè̌ sî sǎphlǒsǔshi sîtokhlǒ.

Mǎ̤riko 1:15

Dě a hî̌ kû̌, “Ta̤shěta̤khǎ hètǒ̤hǒ. Cǒmara ashiagǎ phǔhtò̌hǒ dě yò̤lǎ̤plǎdî̌ lô̌khô sîsǎphlǒ dě yṳ̌ǎ mò̌ lô̌khô ta̤sǎlě̤we̤kè nu.”

Mǎ̤riko 1:2

Ta̤sǎlě̤we̤kènu kòyò wě̤ nǎ a dǒ piwi̤pèshè Khûyashǎya alî̤kû, dě Cǒmara hî̌ kû̌, “Kè̌mò̌, a mî̌ pwa̤sû bǎ he ta̤we̤ta̤kè tôpwa̤hǒ, pô̤̌khô a gǔ ma̤lîma̤bò nǎ wǐ bǎ naklè̌ lǎ̤hè ayanudě, he nohè wǐ a dǒ nalô̤mô̤̌ hǒ,

Lǔka 1:76

Phashakhrǐ hî̌ aphû̌ kû̌, “Hephû̌pwa̤khû, kòyò gǔ kaǎ na kû̌ ta̤dû̌ta̤htû gutṳ̌ Cǒmara a piwi̤pèshè tôpwa̤ pě, ma̤titè̌hî̌dě na gǔ hè tîwî̌tòwò nǎ wǐ bǎ Běcǎ lǎ̤hèklè̌ aya pě.

Lǔka 7:24

Bǎ Khûyṳ̂ha apwa̤sû ta̤we̤ta̤kè sî hǎhtò̌gekè hto akhanu, Běcǎ Yeshǔ sahtò̌ hî̌bǎ kòyò saprṳ̂ nutokhlǒ kû̌ Khûyṳ̂ha awe̤akè. Dě a hî̌ asî kû̌, “Sî hǎhtò̌cû̌ lô̌khô dǒ lǒ̤mî̌shô̌kla numî̌, sî cû̌kè̌ kwè̌꤮ mò̌pè? Mî̌ sî cû̌kè̌ lô̌khô gili̤sǎ guyṳ̌ gôpô̤̌mṳ̌ nutokhlǒ ya?