Matěo 26:2 - Kawyaw New Testament

² “Sî sî̌ya kû̌, alṳ̂pe ginǐ̤ni̤ mî̌ pwè dǒ kòyò kaǎ kû̌ ta̤cû̌bò̌tûlû̌pwè hètǒ̤hǒ. Kòyò gǔ shaǎlò̤kè Kòyòphû̌khû pě dě kòyò gǔ htǎsihtò̌ kè lû̌û dǒ nò̌dò̌htǔlô̤ pě.”

Kawyaw RC

² “Sî sî̌yahǒ, alo̤bǎpe ginǐ̤ni̤ mî̌ pwè htě kò kaǎ yǎta ta̤cû̌tûlû̌pwè hèto̤ hǒ. Kò shaǎlò̤kè kòyòphû̌khû htǒo pě dě kò htǎwa̤sikè nû̌û dě nò̌dòhtǔlo̤ pě.”

Matěo 26:2 Iomraidhean Croise

Matěo 10:4

Htodě Khûshǐmṳ̂, a mî̌ kòyò kaǎ lû̌û kû̌ sèlò̌ aplǒacuphû̌ akla tôpwa̤, htodě Khûyǔda Isakarû dǒ a shaǎlò̤kè Běcǎ nutôpwa̤.

Matěo 17:22

Bǎ a khôphijǎ tokhlǒ cû̌ kè̌shǐ shěshu plǒbò lû̌û dǒ Galilè̤̌gǎ akhanu, Běcǎ Yeshǔ shôbǐǐlṳ̌ bǎ asî kû̌, “Kòyòphû̌khû mî̌ he, kòyò shaǎ lò̤kè a dǒ kòyòhǎkhû̌phû̌ a cǔdekû pě.

Matěo 27:4

Dě a hî̌ asî kû̌, “He ma̤sǔ Cǒmara hǒ, ma̤titè̌hî̌dě he shaǎkè kòyò dǒ a ta̤sǔ ô̌ tocǒ꤮ tô̤̌ nutôpwa̤ hǒ.” Dě asî hî̌shěshu getîkhî lû̌û kû̌, “Na kû̌ nanǎ̤ tûû̌, pa sî̌ganǎ̤ kû̌ na tô̤̌.”

Lǔka 22:15

Dě a hî̌ asî kû̌, “Bǎ he khòbǎ ta̤jî̌ta̤jû̌ khôtô̤̌ akhanu, he sǎyṳ ǎôtǒ̤gû̌ ta̤cû̌bò̌tûlû̌pwè hǒo tôplǎnu sǎyṳ ǎjî̌ kû̌ sî.

Jowǎ̤ni̤ 11:55

Yǔdaphû̌ pwè dǒ kòyò kaǎ kû̌ ta̤cû̌bò̌tûlû̌pwè dû̌ hǒo a phǔhèhǒ dě, kòyò dophû̌shô̌phû̌ ô̌te̤we̤lû̌ bǎnu tokhlǒ htò̌wô̤̌ dû̌wî̤ lô̌khô dǒ Wî̤̌yarǔshôle. Bǎ pwè lò̤bǎkhôtô̤̌ akhanu, pô̤̌khô asî gǔ ma̤ mṳ̂̌plîkṳ̂mṳ̂̌ lô̌khô asǎphlǒ pô̤̌ ta̤caba lǎ̤klô ô̌nu dě a cû̌ wǐ lô̌khô dǒ Wî̤̌yarǔshôle pwǎ.

Jowǎ̤ni̤ 12:1

Bǎ ta̤cû̌bò̌tûlû̌pwè bǎ nò̌khôtô̤̌ ani̤ susô̌ akhanu, Yeshǔ cû̌ dǒ Khûlasôrǔ ô̌ǐ Dobetanǐnu. Khûlasôrǔ tôpwa̤ numî̌ amè̤̌kû̌ Yeshǔ ma̤ ihtǒhtûpwa̤ getîkhî lû̌û nutôpwa̤ hǒ.

Jowǎ̤ni̤ 18:2

Běcǎ Yeshǔ kû̌ akhôphijǎ tokhlǒ cû̌ kè̌shǐ shěshu taga kè̌khî lû̌û bǎ gûlǎ̤ nutôkû akhû̌akhî, Khûyǔda dǒ a shaǎlò̤kè Běcǎ Yeshǔ tôpwa̤ nî̌ gûlǎ̤ bǎnutôkû mî̌ a sî̌ganǎ̤ pwǎ.

Jowǎ̤ni̤ 18:32

A hî̌ lô̌khô pô̤̌o mî̌ pô̤̌khô a gǔ lǒbehtò̌ pô̤̌ Běcǎ Yeshǔ hî̌nǎ kû̌ a glè̌ si hî̌tè tôcǒ pěnu.

Jowǎ̤ni̤ 2:13

Dǒ Yǔdaphû̌ ta̤cû̌bò̌tûlû̌pwè phǔhè akhû̌akhî, Yeshǔ cû̌ dǒ Wî̤̌yarǔshôle.