Matěo 2:4 - Kawyaw New Testament

⁴ A kaǎ ô̌plǒ hî̌bǎcu bò pwa̤shû̌gǎ ikǒlǒkòdû̌ tokhlǒ kû̌ pwa̤sû̌ǐ ta̤sû̌ta̤tòwò asara tokhlǒ. Dě a gwè̌ asî kû̌, “Piwi̤pèshè tokhlǒ hî̌nǎ kû̌ Me̤shǐya nutôpwa̤ a gǔ ô̌phijǎlò̤ tôbǎtè tûkû pěya,” A hî̌.

Kawyaw RC

⁴ A kaǎ ǒplǒhî̌bǎhtubò pwa̤tòlûhtò̌ hǐkǒdû̌ toǒ ta pwa̤sû̌ǐ ta̤sû̌ta̤tòwò asara toǒ. Dě a gwè asî, “Pwa̤po̤ toǒ pwe̤ǐnǎ nû̌ûta Mè̤shǐa htǒotapwa̤nu a glè ǒlò̤ bǎtè tò̤glòpě tè,” a hî̌.

Matěo 2:4 Iomraidhean Croise

Htû̌sò̌htò̌ 2:2

Hǎkhû̌khwǐ tokhlǒ tîwî̌tòwò nǎ anǎ̤ dǒ a gǔ shěpě̤ kû̌mî̌ Cǒmara tûjû̌pwa̤ kû̌ khwǐ dǒ Cǒmara rû̌htò̌ yǎnu. Pwa̤pǒta̤ tokhlǒ ô̌plǒô̌cu wô̤̌wô̤̌ lû̌ dǒ a gǔ shěwô̤̌wô̤̌ ta̤ kû̌ hǎkhû̌khwǐ.

Matěo 13:52

Dě a hî̌shěshu asî kû̌, “Ma̤pô̤̌nu akhû̌akhî, kòyò kè̌ sû̌ǐ sî̌ganǎ̤ bò pwa̤sû̌ǐ ta̤sû̌ta̤tòwò asara nutokhlǒ kû̌mî̌ mǒkhû̌ shilǎ̤gǎkû numî̌, asô̌sô̌kû̌ hǐběcǎ tôpwa̤ dǒ a phî̌htò̌ a ta̤lě̤dû̌pwî̤htû dǒ ali̤ kû̌ asa tokhlǒ dǒ alǎ̤ bè̌plǒ ta̤lǎ̤ akû.”

Matěo 2:3

Bǎ Khwǐherû ganǎ̤de ta̤hî̌bǎ pô̤̌o akhanu, a sǎphlǒgû̌gè̌ jî̌lî. Lǒ̤꤮ bò Wî̤̌yarǔshôlephû̌ tokhlǒ mî̌mî̌ sǎphlǒgû̌ sǎphlǒgè̌ bò.

Matěo 2:5

Dě asî hî̌shěshu lû̌û kû̌, “A gǔ ô̌phijǎlò̤ dǒ Wî̤̌bè̌telehe, Yǔdagǎ akû pě, piwi̤pèshè Mǐka wě̤ dě a hî̌ kû̌,

Matěo 21:15

Bǎbǎkǎlè bǎ pwa̤shû̌gǎ ikǒlǒkò dû̌ tokhlǒ kû̌ pwa̤sû̌ǐ ta̤sû̌ta̤tòwò asara tokhlǒ kè̌shǐ Běcǎ Yeshǔ ma̤ ta̤cô̌klǐcô̌sè tokhlǒ htodě a kè̌shǐ kû̌ phijǎphû̌ tokhlǒ yî̤̌kǒhtò̌ lô̌khô kû̌, “Hûsè̌na, htû̌sò̌htò̌ Khwǐdawi̤ aphû̌khû,” Dǒ ta̤lṳhtò̌ hôkû akhanu, asî sǎphlǒdû̌ jî̌꤮ lî.

Matěo 21:23

Běcǎ Yeshǔ nṳ̌ dǒ ta̤lṳhtò̌hô we̤kû dě bǎ a sû̌ǐtòwòǐlò̤ kòyò akhanu, pwa̤shû̌gǎ ikǒlǒkòdû̌ tokhlǒ kû̌ Yǔdaphû̌ ta̤cubucaba ikǒlǒkòdû̌ tokhlǒ hè dǒ Běcǎ a ô̌ dě a gwè̌ lû̌û kû̌, “Na cû̌ma̤tǒ̤ ta̤pô̤̌o tokhlǒ numî̌ na cû̌ma̤ kû̌ mò̌pè a ta̤siwi̤sòwò̤ ya? Mò̌pè noma̤ na ya?”

Matěo 26:3

Bǎnukhanu, pwa̤shû̌gǎ ikǒlǒkò dû̌ tokhlǒ kû̌ Yǔdaphû̌ ta̤cubucaba ikǒlǒkòdû̌ tokhlǒ ô̌plǒ kè̌shî̌ lû̌û dǒ pwa̤shû̌gǎ ikǒdû̌lǒ Phakayaphǎ ahôkû.

Matěo 26:47

Bǎ Běcǎ Yeshǔ hî̌bǎ pepwǎ akhanu, Khûyǔda dǒ a ô̌plǒ kû̌ a khôphijǎ shǐsò̌ginǐ̤ akla tôpwa̤ nî̌ a hètǒ̤ bǎnu. Dě kòyò gû̌hè lû̌û tôprṳ̂tôphǎ dě a phǐhèǐ lô̌khô nò̌plè, nò̌po̤ kû̌ nò̌she tokhlǒ. Kòyò hǒtokhlǒ numî̌ amè̤̌pwǎ pwa̤shû̌gǎ ikǒlǒkòdû̌ tokhlǒ kû̌ kòyò khlilèphû̌ a ikǒlǒkòdû̌ tokhlǒ plûhè asî nutokhlǒ pwǎ.

Matěo 27:1

Nô̌kòtôwô̤ lṳmṳ̌lî wî̤sò akhanu, pwa̤shû̌gǎ ikǒlǒkòdû̌ lǒ̤bò tokhlǒ kû̌ ta̤ô̌plǒcu ikǒlǒkòdû̌ tokhlǒ ô̌hî̌plǒô̌cu bò lû̌û kû̌ asî gǔ ma̤si Yeshǔ.

Matěo 7:29

Ma̤titè̌hî̌dě, a sû̌ǐtòwò sô̌sô̌kû̌ pwa̤sû̌ǐ ta̤sû̌ta̤tòwò asara nutokhlǒ sû̌ǐ nutô̤̌. A sû̌ǐ asô̌sô̌kû̌ kòyò dǒ a ô̌ kû̌ a siwi̤sòwò̤ sû̌ǐnu.

Mǎ̤riko 8:31

Dě Yeshǔ sahtò̌ sû̌ǐ akhôphijǎ tokhlǒ kû̌, “He mî̌ Kòyòphû̌khû dě he tôbǎ khòbǎ dû̌wî̤ ta̤jî̌ta̤jû̌ pě, dě Yǔdaphû̌ ikǒlǒkòdû̌ tokhlǒ, pwa̤shû̌gǎ ikǒlǒkòdû̌ tokhlǒ kû̌ pwa̤sû̌ǐ ta̤sû̌ta̤tòwò asara tokhlǒ gǔ bè̌tephekè he pě dě asî gǔ ma̤sikè he pě. Dě he sihtopě dě suni̤ pěnu, he htûpwa̤ getîkhî sô̌ dǒ ta̤si pě.”

Lǔka 20:19

Pwa̤sû̌ǐ ta̤sû̌ta̤tòwò asara tokhlǒ kû̌ pwa̤shû̌gǎ ikǒlǒkò tokhlǒ sî̌ya kû̌ Yeshǔ hî̌khěkhô̌ asî akhû̌khî, taplǎnô̤̌ a sǎyṳ pṳ̂̌ Yeshǔ bǎ nu. Bǎbǎkǎlè asî ǐsha kòyò saprṳ̂ nutokhlǒ alǎ̤.

Lǔka 23:10

Pwa̤shû̌gǎ ikǒlǒkòdû̌ tokhlǒ kû̌ pwa̤sû̌ǐ ta̤sû̌ta̤tòwò asara dǒ a ihtǒô̌ lô̌khô bǎnu tokhlǒ, kè̌lǎ pè̤̌wǎ̤ Yeshǔ ta̤sǔ.

Jowǎ̤ni̤ 18:3

Pô̤̌nudě, Khûyǔda cû̌ dǒ we̤nu tôwe̤khû̌. Dě pwa̤shû̌gǎ ikǒlǒkòdû̌ tokhlǒ kû̌ Pharishè̌phû̌ tokhlǒ nohè kû̌ Rṳ̂̌me̤ kliphû̌ tokhlǒ kû̌ kliphû̌ dǒ a ô̌pǒ̤ ta̤lṳhtò̌hô nutokhlǒ kû̌ Khûyǔda. Asî phî̌hèǐ mî̌tè̌ko sîtokhlǒ, mî̌bô tokhlǒ kû̌ ta̤wè̤̌ta̤htò tokhlǒ.

Jowǎ̤ni̤ 3:10

Yeshǔ hî̌shěshu a kû̌, “Na htû꤮ Isôrěla a saradû̌ tôpwa̤ amè̤̌tô̤̌ya, pô̤̌opwǎ dě na cû̌ sî̌ganǎ̤ tô̤̌ ma̤titè?

Jowǎ̤ni̤ 7:32

Asî hî̌bǎhǔ hî̌bǎsè̌ kè̌khî lû̌û kû̌ Běcǎ Yeshǔ Khrǐ awe̤akè pô̤̌o akhanu, Pharishè̌phû̌ tokhlǒ ganǎ̤de dě asî kû̌ pwa̤shû̌gǎ ikǒlǒkòdû̌ tokhlǒ nocû̌pṳ̂̌ Běcǎ Yeshǔ kû̌ kliphû̌ dǒ a ô̌pǒ̤ ta̤lṳhtò̌hô nutokhlǒ.

Jowǎ̤ni̤ 8:3

Pwa̤sû̌ǐ ta̤sû̌ta̤tòwò asara tokhlǒ kû̌ Pharishè̌phû̌ tokhlǒnu a pṳ̂̌hè pwa̤mǒ̤ tôpwa̤ dǒ Běcǎ Yeshǔ a ô̌. Asî kè̌shǐ lǎ pwa̤mǒ̤ nutôpwa̤ bǎ a cû̌sǔnṳ̌plěnṳ̌ pwa̤khû akhanu. Asî noihtǒô̌ pwa̤mǒ̤ nutôpwa̤ dǒ kòyò saprṳ̂ a lô̤mô̤̌.

Pwa̤nophû̌ 23:9

Hǒtaplǎdě kòyò kaǎgǔhtò̌ shû̌shû̌ dě dǒ asî aklanu pwa̤sû̌ǐ ta̤sû̌ta̤tòwò asara ô̌ tokhlǒ, asî kû̌ Pharishè̌phû̌ nî̌ tôprṳ̂ nô̤̌ pwǎ, dě dǒ asîkla tokhlǒkhlǒ, a ihtǒ dě a htè̌ tîkhî shěshu kû̌, “Pa kè̌shǐ kòyò nutôpwa̤ a ta̤ma̤sǔ tocǒ tô̤̌. Yôla Plò̌shǐ mè̤̌tô̤̌mî̌ mǒkhû̌ tanaphû̌ no hî̌bǎ lû̌û pwǎkǎ.”

Pwa̤nophû̌ 4:5

A pṳ̂̌hto asî nô̌kò tôni̤nu, Yǔdaphû̌ a ikǒlǒkòdû̌ tokhlǒ kû̌ mǒ̤khumǒ̤pwǎ̤ dǒ a htû ikǒlǒkòdû̌ tokhlǒ kû̌ pwa̤sû̌ǐ ta̤sû̌ta̤tòwò asara tokhlǒ hè ô̌plǒhî̌bǎcu kè̌shǐ kè̌khîlû̌û dǒ Wî̤̌yarǔshôle akû.

Pwa̤nophû̌ 6:12

Asî cû̌ dǒ kòyò saprṳ̂ tokhlǒ a ô̌ kû̌ Yǔdaphû̌ ikǒlǒkòdû̌ tokhlǒ kû̌ pwa̤sû̌ǐ ta̤sû̌ta̤tòwò asara tokhlǒ a ô̌ dě a cû̌ htû̌bǎ kû̌ a cû̌ noma̤shû̌shǎhtò̌ asî. Dě kòyò nutokhlǒ cû̌ pṳ̂̌ Khûsôtibe dě cî̌hè lû̌û dǒ kòyò htû ikǒlǒkòdû̌ tokhlǒ a lô̤mô̤̌.