Matěo 2:1 - Kawyaw New Testament

¹ Yeshǔ ô̌phijǎlò̤ dǒ Wî̤̌bè̌telehe, Yǔdagǎ akû, bǎ Khwǐherû pǒshipǒgǎ akhanu. Yeshǔ ô̌phijǎlò̤ htodě pwa̤sî̌jò̌phû̌ Dǒ gǎ lṳmṳ̌htò̌ tokhlǒ hè dǒ Wî̤̌yarǔshôle dě hègwè̌ khwǐ kû̌,

Kawyaw RC

¹ Ye̤shǔ ǒlò̤ dě Bè̌tèlèhèwî̤, Yṳ̌dagakû, bǎ Khwǐherǒ pǒshipǒga akha. Ye̤shǔ ǒlò̤htonu, pwa̤sî̌pwa̤jòphû̌ bǎ mṳhtò̌ toǒ hè Ye̤rǔshèlèwî̤ dě hègwè Khwǐ,

Matěo 2:1 Iomraidhean Croise

Mǒhtûlû̌hǎhtûsa 10:30

Asî gǎkû lǎ̤ô̌ nu a sahtò̌ bǎ Meshagǎ tǒ̤dǒ Phara khôlô dǒ a ô̌ bǎ gǎlṳmṳ̌htò̌ nutôkhô.

Mǒhtûlû̌hǎhtûsa 41:8

Bǎ lṳmṳ̌lî akhanu, Khwǐ gènè̤ tirǐsò̌ ǐsha tûû̌ ata akhû̌akhî, a nocû̌ kaǎbò pwa̤ dǒ a hî̌htò̌ sî̌jò̌ ta̤hǎmimò̤̌ yô̤̌sǎyô̤̌mû kû̌ pwa̤sî̌jò̌phû̌ dǒ Ijî̌gǎkû nutokhlǒ dě a shôbǐǐlṳ̌ bǎ asî kû̌ ata̤hǎmi̤mò̤̌ nutokhlǒ. Bǎbǎkǎlè kòyò shôbǐǐ htò̌lṳ̌ jò bǎ lû̌û ta̤hǎmimò̤̌ yô̤̌sǎyô̤̌mû tôpwǎ̤ tô̤̌..

Mǒhtûlû̌hǎhtûsa 49:10

Kò glè̌ phǐtephekè jò Khûyǔda ata̤shû̌ta̤sho tôpwa̤ tô̤̌, Htokhôtô̤̌ khwǐnò̌htô̌nu a glè̌ ô̌měô̌gle dǒ akhlialè tokhlǒ acǔdekû pě. Khûyǔda glè̌ pǒ tǒ̤dǒ khlilèphû̌ tokhlǒ phǐhè mò̌ lû̌û sû pě. Dě khlilèphû̌ tokhlǒ glè̌ bè̌dubè̌nǎ̤ bò lû̌û pě.

Matěo 1:25

Bǎbǎkǎlè bǎ Mǒ̤marǐ phû̌ô̌ aphû̌pwa̤khû nutôpwa̤ nò̌khôtô̤̌nu, a hǎmôô̌ plǒ kû̌ lû̌û tô̤̌. Phayṳ̂tǎ kaǎ ami̤ kû̌ Yeshǔ.

Matěo 2:16

Bǎ Khwǐherû sî̌ya kû̌ pwa̤sî̌jò̌phû̌ tokhlǒ lô̌yǎ akhanu, a sǎphlǒdû̌ gutṳ̌glǎlî. Pô̤̌ a kè̌lǎ sî̌ya tě̤tě̤mè̤̌mè̤̌ dǒ pwa̤sî̌jò̌phû̌ tokhlǒ alô̤ kû̌ shǎ ô̌lṳ̌htò̌ bǎ asî bǎkhò̌tènu, a noma̤si bò pwa̤khû phijǎphû̌ ginǐ̤ně alǎ̤ tokhlǒ dǒ a ô̌ bǎ Wî̤̌bè̌telehe akûnu kû̌ do ô̌ te̤we̤bò bǎnu lǒ̤꤮ bò.

Matěo 2:19

Bǎ Khwǐherû sihto dě Phayṳ̂tǎ ô̌pe dǒ Ijî̌gǎ akhanu, Cǒmara a mǒkhû̌ tanaphû̌ tôpwa̤ hèô̌lṳ̌htò̌ bǎ lû̌û dǒ a ta̤hǎmimò̤̌ akû.

Matěo 2:3

Bǎ Khwǐherû ganǎ̤de ta̤hî̌bǎ pô̤̌o akhanu, a sǎphlǒgû̌gè̌ jî̌lî. Lǒ̤꤮ bò Wî̤̌yarǔshôlephû̌ tokhlǒ mî̌mî̌ sǎphlǒgû̌ sǎphlǒgè̌ bò.

Matěo 2:5

Dě asî hî̌shěshu lû̌û kû̌, “A gǔ ô̌phijǎlò̤ dǒ Wî̤̌bè̌telehe, Yǔdagǎ akû pě, piwi̤pèshè Mǐka wě̤ dě a hî̌ kû̌,

Matěo 2:7

Pô̤̌nudě Khwǐherû kaǎhǔsè̌ pwa̤sî̌jò̌phû̌ dǒ a ô̌ bǎ gǎlṳmṳ̌htò̌ hè tokhlǒ dě a gwè̌ tě̤tě̤mè̤̌mè̤̌ asî kû̌ shǎ hǒtômènu a ô̌lṳ̌htò̌ bǎ asî bǎkhò̌tè pô̤̌nu.

Lǔka 1:5

Bǎ Khwǐherû htû khwǐ dǒ Yǔda gǎkû akhanu, pwa̤shû̌gǎ dǒ ami̤ kû̌ Phashakhrǐ ô̌tôpwa̤. Dě amî̌ a ô̌padô̌ kû̌ dǒ pwa̤shû̌gǎ aprṳ̂aphǎ dǒ kòyò kaǎ lû̌mi̤ kû̌ Khûabǐya bǎ꤮ nukha nutûprṳ̂ akû, dě ama mi̤ kû̌ Mǒ̤è̌lǐsèbè̌. Ama mî̌ akhlialèbǎ phǔ kû̌ pwa̤shû̌gǎ tokhlǒ.

Lǔka 2:11

Hǒtôsa dǒ Khûdawi̤ awî̤̌kû nu, pwa̤ma̤hǎplǎge sî ô̌phijǎlò̤ hǒ, a mî̌ Běcǎ Khrǐ.

Lǔka 2:15

Bǎ mǒkhû̌ tanaphû̌ gehtò̌ hto dǒ mǒkhû̌ akhanu, pwa̤kè̌pǒ̤ sû̌phû̌ tokhlǒ hî̌ kè̌khî lû̌û kû̌, “Cû̌꤮, pa cû̌ dǒ Wî̤̌bè̌telehe dě pa cû̌kè̌ ta̤htûhtò̌anǎ̤ dǒ Běcǎ hè dǔsî̌ya pa ta̤we̤ta̤kè nu tǎ꤮.”

Jowǎ̤ni̤ 7:42

Lî̤plò̌shǐkû hî̌ kû̌, Me̤shǐya gǔ hè ô̌htò̌ dǒ khwǐdawi̤ akhlialè pě, a gǔ hè ô̌phijǎlò̤ dǒ khwǐdawi̤ ô̌ ǐ yǎ Wî̤̌bè̌telehe akûnu pě, yahě?” A hî̌ lô̌khô pô̤̌nu.