Matěo 10:3 - Kawyaw New Testament

³ Htodě Khûphǐlǐpǔ kû̌ Khûbatòlòmè̌, Khûtû̌mǎ kû̌ pwa̤kwi ta̤kûta̤mṳ̂̌ Khûmatè̌, htodě PhaAlaphè̌ aphû̌khû Khûya̤kû htodě Khûtadè̌,

Kawyaw RC

³ Htodě Phǐlǐpo ta Batolomě̤o, To̤mǎ̤jo ta pwa̤kwi ta̤kûta̤cî̌ Matěo, htodě Alphěo aphû̌khû Jǎgomo̤ htodě Tadè̌,

Matěo 10:3 Iomraidhean Croise

Matěo 18:17

Kè̌ a ganǎ̤degû̌ asîyô̤̌ tô̤̌ kè̌hî̌dě shôbiǐlṳ̌ kû̌ ta̤dòkû nutokhlǒ, dě ta̤dòkûphû̌ hî̌ lû̌û dě a kè̌ ganǎ̤de tô̤̌ kè̌hî̌dě hî̌bǎ a pô̤̌ sî bè̌ kòyò dǒ a yṳ̌nǐ̤nǎ̤nǐ̤ gû̌ kòyò tô̤̌ tôpwa̤nu, mè̤̌tô̤̌mî̌ hî̌bǎ a pô̤̌ pwa̤kwita̤kûta̤mṳ̂̌ tôpwa̤nu.

Matěo 27:56

Dǒ asî nutokhlǒ aklanu Magadalǎ dokûphû̌ Mǒ̤ma̤rǐ, Khûya̤kû kû̌ Khûyṳ̂tǎ amǒ̤ Mǒ̤ma̤rǐ kû̌ Khûsebedè̌ aphû̌ tokhlǒ amǒ̤.

Matěo 9:9

Bǎ Běcǎ Yeshǔ hǎhtò̌cû̌kè bǎnuakha, a kè̌shǐ kòyò tôpwa̤ ami̤ kû̌ Khûmatè̌ hǎnòò̌ ma̤ ta̤ma̤ dǒ lǎ̤kwita̤kûta̤mṳ̂̌ khwǐhǐkû. Běcǎ Yeshǔ hî̌ lû̌û kû̌, “Cû̌꤮ gû̌kû̌ hekò dě htû he khôphijǎ.” Dě Khûmatè̌ ihtǒcû̌ dě gû̌kû̌ akò.

Mǎ̤riko 15:40

Pwa̤mǒ̤ dǒ a ihtǒô̌ kè̌cû̌ tûcû dǒ ayî̤ tokhlǒ aklanu, Magadalǎ dokûphû̌ Mǒ̤ma̤rǐ kû̌ Mǒ̤salû kû̌ Khûyûse kû̌ apṳ̌ Khûya̤kû amǒ̤ Mǒ̤ma̤rǐ sî ô̌plǒ lû̌û bǎnu.

Mǎ̤riko 2:14

Bǎ a cû̌ akhanu, a kè̌shǐ PhaAlaphè̌ aphû̌ Khûle̤wǐ. A mî̌ pwa̤kwita̤kûta̤mṳ̂̌ tôpwa̤. A kè̌shǐ Le̤wǐ hǎnòò̌ dǒ lǎ̤kwi ta̤kûta̤mṳ̂̌ hǐkû dě Běcǎ Yeshǔ hî̌ yǎ kû̌, “Gû̌kû̌ hekò,” dě Khûle̤wǐ ihtǒ gû̌cû̌kû̌ akò.

Mǎ̤riko 3:18

Khûîdru, Khûphǐlǐpǔ, Khûbatòlòmè̌, Khûmatè̌, Khûtû̌mǎ, PhaAlaphè̌ aphû̌khû Khûya̤kû, Khûtadè̌, Khûshǐmṳ̂ dǒ a mô̤ǐtûû̌ ashiagǎ nu tôpwa̤,

Lǔka 18:10

“Kòyò sò̌ginǐ̤ cû̌htò̌ kwicaba dǒ ta̤lṳhtò̌hôkû. Tôpwa̤ dě Pharishè̌phû̌, dǒ ashǔshawa̤ dě pwa̤kwi ta̤kûta̤mṳ̂̌.

Lǔka 18:11

Pharishè̌phû̌ tôpwa̤ cû̌ ihtǒô̌ kwicaba dě a hî̌ kû̌, ‘ǒ꤮ Cǒmara, he hî̌bwǐhî̌sîrî na, ma̤titè̌hî̌dě pô̤̌ kòyòshǔshawa̤ tokhlǒ cû̌pṳ̂̌sigwǐ yǒsaphǎ ǎ kòyòta, lòhǎlòhô kòyò, cû̌sǔnṳ̌ kòyòphû̌kòyòma nu he ma̤nô̌ gû̌kòyò tô̤̌. He sô̌sô̌ kû̌ pwa̤kwiǎ ta̤kûta̤mṳ̂̌ nutôpwa̤ tô̤̌ akhû̌akhî, he hî̌bwǐhî̌sîrî na.

Lǔka 18:13

“Bǎbǎkǎlè pwa̤kwi ta̤kûta̤mṳ̂̌ nutôpwa̤ nî̌, a cû̌ihtǒô̌ tûcû, dě a kè̌htò̌ bǔ amǐ̤sǎ dǒ mǒkhû̌ tô̤̌. A sǎplǎ̤ dě a plǎ̤lò̤ tûû̌ asôô dě a hî̌ kû̌, ‘ǒ꤮ Cǒmara꤮ gwèbǎǐ pû he. He mî̌ pwa̤ma̤sǔphû̌ tôpwa̤.’”

Lǔka 19:2

Kòyò htû pwa̤kwi akûamṳ̂̌ ikǒdû̌ dǒ ami̤ kû̌ Khûsakhè̌ ô̌ tôpwa̤, dě a dû̌yò̤̌htò̌sa mè̤mè̤̌.

Lǔka 5:27

A ma̤hto pô̤̌nu dě, Yeshǔ hǎhtò̌cû̌kè, dě a cû̌kè̌shǐ kû̌ pwa̤kwita̤kûta̤mṳ̂̌ tôpwa̤ dǒ ami̤ kû̌ Khûle̤wǐ. Dě a hǎnòò̌ ô̌ dǒ lǎ̤kwi ta̤kûta̤mṳ̂̌ hǐkû. Dě Yeshǔ hî̌ lû̌û kû̌, “Gû̌kû̌ hekò dě htû he khôphijǎ.”

Jowǎ̤ni̤ 1:48

Dě Khûnasaněla gwè̌ lû̌û kû̌, “Na cû̌ sî̌ganǎ̤ jò he hî̌tè?” A hî̌ dě Yeshǔ hî̌shěshu lû̌û kû̌, “Bǎ Khûphǐlǐpǔ kaǎ na khôtô̤̌ akhanu, he kè̌shǐ na ô̌ bǎ dǐshimṳ̌lǎ̤nu.”

Jowǎ̤ni̤ 11:16

Khûtû̌mǎ dǒ kòyò kaǎpô̤̌ lû̌mi̤ kû̌ Khûdǐdimǔ Hǒtôpwa̤ hî̌ Yeshǔ akhôphijǎ tokhlǒ kû̌, “Pa cû̌si wô̤̌wô̤̌ kû̌ pa Běcǎ tǎ!” A hî̌ pô̤̌nu.

Jowǎ̤ni̤ 14:22

Hǒtaplǎdě Khûyǔda (Khûyǔda Isakariyû mè̤̌tô̤̌) hî̌ kû̌, “Běcǎ, na sǎyṳ dǔlè̌lṳ̌ bǎ pa kû̌ nanǎ̤ bǎbǎkǎlè ma̤titèdě na dǔlè̌lṳ̌ padô̌ kòyò hǎkhû̌phû̌ tokhlǒ tô̤̌ ma̤titè?”

Jowǎ̤ni̤ 14:5

Khûtû̌mǎ hî̌ lû̌û kû̌, “Běcǎ, na glè̌ cû̌ bǎtè tûkûnu pa sî̌ganǎ̤tô̤̌, pô̤̌nudě pa cû̌ sî̌ganǎ̤ jò klè̌ hî̌tè?”

Jowǎ̤ni̤ 14:9

Běcǎ Yeshǔ hî̌shěshu lû̌û kû̌, “Khûphǐlǐpǔ, he ô̌plǒ kû̌ sî yî̤gipi̤ hǒ dě mî̌ na sî̌ganǎ̤bǎ he tô̤̌ ya? Kòyò dǒ a kè̌shǐbǎ henu, a kè̌shǐbǎhto pha hǒ. Dě, ‘dǔlè̌lṳ̌ bǎ pa kû̌ pha,’ na cû̌hî̌tǒ̤ pô̤̌nu ma̤titè?

Jowǎ̤ni̤ 21:2

Khûshǐmû Petarǔ, Khûtû̌mǎ dǒ kòyò kaǎpô̤̌ lû̌mi̤ kû̌ Khûdǐdimǔ, Kû̌ Galilè̤̌gǎ Wî̤̌kana̤phû̌ Khûnasaněla kû̌ Phasebedè̌ aphû̌pwa̤khû sò̌ginǐ̤ kû̌ Yeshǔ akhôphijǎ dǒ ashǔshawa̤ sò̌ginǐ̤ cû̌ ô̌plǒ wô̤̌wô̤̌ lû̌û.

Pwa̤nophû̌ 1:13

Asî getǒ̤ dǒ Wî̤̌yarǔshôle akû dě a cû̌htò̌nṳ̌ dǒ hǐ dǒ asî lǎ̤cû̌ô̌kǔ kûmṳ̂̌ tòshò̌phû̌ nutômè akhû̌nu tôtô̤̌. Dě asî tokhlǒ numî̌ kwè̌꤮ mò̌pè hî̌dě Khûpetarǔ, Khûyṳ̂ha, Khûya̤kû, Khûîdru, Khûphǐlǐpǔ, Khûtû̌mǎ, Khûbatòlòmè̌, Khûmatè̌, PhaAlaphè̌ aphû̌khû Khûya̤kû, Khûshǐmṳ̂ dǒ a mô̤ǐ ashiagǎ nutôpwa̤ kû̌ Phaya̤kû aphû̌khû Khûyǔda sîtokhlǒ pwǎ.

Pwa̤nophû̌ 12:17

Khûpetarǔ sǎyṳ no ô̌ sǔtǔkǔ asî dě a dǔlè̌lṳ̌ bǎ asî kû̌ acǔde. Dě a shôbǐǐ bǎ asî kû̌ Běcǎ Cǒmara ma̤hǎplǎ kwè̌kè꤮ bǎ a dǒ apô̤kû hî̌tè awe̤akè. Dě a hî̌ kû̌, “Shôbǐǐ padô̌ Khûya̤kû kû̌ lǒ̤bò pwa̤yṳ̌ǎta̤phû̌ dǒ ashǔshawa̤ nutokhlǒ kû̌ ta̤we̤ta̤kè hǒonu nî̌꤮,” Khûpetarǔ hî̌hto bǎ asî pô̤̌nu dě a hǎhtò̌cû̌kè dǒ ashǔshawa̤ tûkû.

Pwa̤nophû̌ 15:13

Bǎ asî hî̌bǎhto akhanu, Khûya̤kû hî̌ kû̌, “Pṳ̌wè̤̌ sî, ganǎ̤de lô̌khô he shôbǐǐlṳ̌ bǎ sî,

Pwa̤nophû̌ 21:18

Nô̌kò tôni̤nu, Khûpò̌lǔ cû̌ kû̌ pa dě pa cû̌ô̌lè hî̌bǎbò kû̌ Khûya̤kû kû̌ ta̤dòkû mǒ̤khumǒ̤pwǎ̤ dǒ a htû ikǒlǒkò bǎnutokhlǒ pṳ̂̌꤮ tôpwa̤.

Galatǐ 1:19

He kè̌shǐ pwa̤nophû̌ dǒ ashǔshawa̤ tôpwǎ̤꤮ tô̤̌. He kè̌shǐ pwǎtǒ̤ Běcǎ apṳ̌ Khûya̤kû nô̤̌pwǎ.

Galatǐ 2:9

Khûya̤kû kû̌ Khûpetarǔ kû̌ Khûyṳ̂ha dǒ kòyò bè̌ asî kû̌ ikǒlǒkòdû̌ tokhlǒnu, a sî̌yaphlô lô̌khô kû̌ ta̤bwǐta̤sîrî numî̌ Cǒmara ǐ he pwǎ, a kè̌shǐ lô̌khô pô̤̌nu. Dǒ ta̤hǒo akhû̌akhî, asî kè̌shǐ kû̌ Khûbanabǎ kû̌ he numî̌ pwa̤ma̤wô̤̌wô̌ ata̤ kû̌ asînu pwǎ. Asî sǎphlǒsǔshi bǎ kû̌ pa gǔ ma̤ta̤ dǒ Yǔdaphû̌ mè̤̌tô̤̌ tokhlǒ aklahǒ. Dě asî gǔ ma̤ dǒ Yǔdaphû̌ tokhlǒ akla pô̤̌nu pwǎ.

Jǎgomo̤ 1:1

He mî̌ Khûya̤kû, he htû Cǒmara kû̌ Běcǎ Yeshǔ Khrǐ ajû̌ tôpwa̤. He hî̌mô̤hî̌bǎwô̌ cû̌ bǎ Cǒmara a kòyò khlilè shǐginǐ̤mṳ̌ dǒ a cû̌pò̌ peshe lô̌khô dǒ ta̤lǎ̤ pṳ̂̌꤮ tûkû tokhlǒ a ô̌.

Yṳ̌da 1:1

He mî̌ Khûya̤kû apṳ̌ KhûYǔda, htokhôtô̤̌ he mî̌ Yeshǔ Khrǐ ajû̌ tôpwa̤. He sǎyṳ wě̤cû̌bǎ kòyò dǒ pha Cǒmara kaǎ asî dě a mô̤ǐ asî, tô̤̌ Yeshǔ Khrǐ ô̌pǒ̤ takabǐ ǐ asî nutokhlǒ a ô̌.