Matěo 1:2 - Kawyaw New Testament

² Khûabraha aphû̌lò̤ tutṳ̌ KhûIsè̌, KhûIsè̌ aphû̌lò̤ tutṳ̌ Khûya̤kû, Khûya̤kò aphû̌lò̤ tutṳ̌ Khûyǔda kû̌ apṳ̌awè̤̌ tokhlǒ.

Kawyaw RC

² Abraham aphû̌lò̤ tṳtṳ Isǎko, Isǎko aphû̌lò̤ tṳtṳ Yǎ̤kò, Yǎ̤kò aphû̌lò̤ tṳtṳ Yṳ̌da ta apṳawè̤ toǒ.

Matěo 1:2 Iomraidhean Croise

Mǒhtûlû̌hǎhtûsa 25:19

Hǒomî̌ PhaAbraha aphû̌pwa̤khû PhaIsè̌ akhlialè sîtokhlǒ awe̤akè. PhaAbraha mî̌ KhûIsè̌ apha.

Mǒhtûlû̌hǎhtûsa 25:26

Awè̤̌ ô̌htò̌ dě apṳ̌ gû̌ pṳ̂̌měhtò̌ǐ awè̤̌ Khûětò̌ akhò̌tôněkò akhû̌akhî, kòyò kaǎ lû̌mi̤ kû̌ Khûya̤kò. Bǎ Mǒ̤ribè̌kha phû̌ô̌ asî sò̌ginǐ̤ akhanu, PhaIsè̌ něô̌ shisusô̌ hǒ. (Hebrǔyô̤̌ nu, Khûya̤kò yô̤̌sǎyô̤̌mû mî̌ khò̌tôněkò mè̤̌tô̤̌mî̌ lîmòǎ kòyòkhû̌.)

Matěo 1:1

Lî̤ hǒo numî̌ a wě̤mǎnǎ Yeshǔ Khrǐ akhlialè dǒ a lò̤ tutṳ̌ tokhlǒ awe̤akè. A mî̌ akhlialè tuculò̤ kû̌ Khwǐdawi̤ kû̌ PhaAbraha.

Matěo 1:3

Khûyǔda aphû̌lò̤ tutṳ̌ Khûpharè̌ kû̌ Khûsěro, asî sò̌ginǐ̤ amǒ̤ mî̌ ami̤ kû̌ Mǒ̤tama. Khûpěrasa aphû̌lò̤ tutṳ̌ Khûhesarû, Khûhesarû aphû̌lò̤ tutṳ̌ Khûrama,

Pwa̤nophû̌ 7:8

Cǒmara olò̤ ayô̤̌ tômû kû̌ PhaAbraha, dě a ta̤olò̤ a ta̤ma̤mǎnǎ numî̌ PhaAbraha lǎ̤klô ma̤ ta̤dǔsilǐbě Hǒonu hǒ. Dě PhaAbraha dǔtṳ̌ bǎ phû̌pwa̤khû KhûIsè̌ aphě bǎ a ô̌phijǎlò̤ abe asa lǐ̤sô̌ akhanu. PhaIsè̌ ma̤ tutṳ̌ padô̌ a phû̌pwa̤khû Khûya̤kû pô̤̌ apha ma̤nu. Htodě Phaya̤kò ma̤ tutṳ̌ bǎ pô̤̌ a phû̌pwa̤khû shǐsò̌ginǐ̤ pô̤̌nu. Phaya̤kò aphû̌pwa̤khû shǐsò̌ginǐ̤ numî̌ pa khlilè shǐginǐ̤mṳ̌ nutokhlǒ apha tokhlǒ hǒ.

Hebrǔ 11:11

PhaAbraha mǒ̤pwǎ̤ kèhǒ, htokhôtô̤̌ ama Mǒ̤sara mî̌ a shôdôphû̌ bǎbǎkǎlè dǒ ata̤yṳ̌ akhû̌akhî, aphû̌ ô̌bò̌pe dě a htûhtò̌bò̌pe pha tôpwa̤. A yṳ̌ǎ kû̌ Cǒmaranu acǒ kû̌ a ta̤olò̤.

Hebrǔ 7:14

Kòyò sî̌ganǎ̤ mè̤̌mî̌ca kû̌ pa Běcǎ Yeshǔ Khrǐnu, akhlilè gelò̤ dǒ Yǔda tômṳ̌tôcǒ a ô̌. Dǒ awǐkha mî̌, Yǔda akhlialè gǔ htûhtò̌ pwa̤shû̌gǎta̤ tokhlǒ pěnu, Khûmṳ̂shě hî̌bǎ tôkhò̌꤮ tô̤̌.

Ta̤dǔlè̌nǎ 7:5

Dǒ Khûyǔda tômṳ̌tôcǒ akla numî̌ pwa̤ tôshò̌ kû̌ ginǐ̤rǐ, dǒ Khûrǔbe tômṳ̌tôcǒ akla numî̌ tôshò̌ kû̌ ginǐ̤rǐ, dǒ Khûgǎ tômṳ̌tôcǒ akla numî̌ tôshò̌ kû̌ ginǐ̤rǐ,