Matěo 1:1 - Kawyaw New Testament

¹ Lî̤ hǒo numî̌ a wě̤mǎnǎ Yeshǔ Khrǐ akhlialè dǒ a lò̤ tutṳ̌ tokhlǒ awe̤akè. A mî̌ akhlialè tuculò̤ kû̌ Khwǐdawi̤ kû̌ PhaAbraha.

Kawyaw RC

¹ Lî̤htǒomî̌ a khwè̌mǎnǎ Ye̤shǔkhrî̌stu akhlialè htě a tuculò̤ tṳtṳ nû̌û toǒ awi̤akè̌. A mî̌ akhlialè tuculò̤ Khwǐdǎ̤wi̤ ta Abraham.

Matěo 1:1 Iomraidhean Croise

Mǒhtûlû̌hǎhtûsa 12:3

He ǐshowî̤ kòyò dǒ a ǐshowî̤ na nutokhlǒ pě. He ǐsho kòyò dǒ a ǐsho na nutokhlǒ pě. Htodě kòyò ô̌ dǒ hǎkhû̌ nutokhlǒnu lǒ̤bò nî̌, he ǐshowî̤ tṳtṳ̌ asî kû̌ na pě.”

Mǒhtûlû̌hǎhtûsa 2:4

Dě ta̤we̤ta̤kè hǒtokhlǒ numî̌ bǎ Cǒmaradû̌ bô̌lò̤ mǒkhû̌ kû̌ hǎkhû̌ akha tokhlǒ awe̤akè hǒ. Bǎ Běcǎ Cǒmara tûjû̌pwa̤ bô̌lò̤ hǎkhû̌ kû̌ mǒkhû̌ tokhlǒ akhanu,

Mǒhtûlû̌hǎhtûsa 22:18

Na ganǎ̤de heyô̤̌ akhû̌akhî, lǒ̤bò khlilèphû̌ dǒ hǎkhû̌nu tokhlǒ a gǔ nǐ̤bǎ tutṳ̌ ta̤ǐshowî̤ dǒ nakhlinalè akhû̌akhî pě.’”

Mǒhtûlû̌hǎhtûsa 5:1

Lî̤ hǒnumî̌ ta̤wě̤mǎnǎ ǐ PhaAda akhlialè lò̤tutṳ̌ sîtokhlǒ awe̤akè. Bǎ Cǒmaradû̌ bô̌lò̤ kòyòhǎkhû̌phû̌ akhanu a bô̌lò̤ asî asô̌sô̌kû̌ anǎ̤.

Htû̌sò̌htò̌ 132:11

Cǒmara tûjû̌pwa̤ bô̌lò̤ hǒ ayô̤̌ kû̌ khwǐDawi̤. A glè̌ ma̤pî̌ gesô̌ penǒ tôkhò̌ tô̤̌. A hî̌ kû̌, “He no htûhtò̌ nakhlinalè tôpwa̤pwa̤ kû̌ khwǐ dě a gǔ htò̌ pǒnǐ̤ tûû̌ nagûlǎ̤.

Htû̌sò̌htò̌ 89:3

Na hî̌ kû̌, “He olò̤ tû̌ heyô̤̌ kû̌ he rû̌htò̌ kòyò nutôpwa̤. “He olò̤ hto heyô̤̌ kû̌ hepwa̤ma̤ta̤phû̌ KhûDawî̤.

Htû̌sò̌htò̌ 89:36

“Akhlialè glè̌ htû khwǐ tûjû̌pwa̤. “He no ô̌měô̌gle kudǔdǔ ashiagǎ sô̌sô̌kû̌ lṳmṳ̌.

Matěo 1:18

Yeshǔ Khrǐnu a hè ô̌phijǎlò̤ hî̌tè numî̌, Khûyṳ̂tǎ nî̌ a hè gwè̌ shû̌dè hto Yeshǔ Khrǐ amǒ̤ Mǒ̤ma̤rǐ dǒ a gǔ phî̌ lû̌ûnu. Bǎbǎkǎlè bǎ a phî̌ lû̌û nò̌khôtô̤̌ akhanu, Cǒmara dǐmǒ̤dohtò̌ lû̌û kû̌ Yôla Plò̌shǐ Běcǎ.

Matěo 1:2

Khûabraha aphû̌lò̤ tutṳ̌ KhûIsè̌, KhûIsè̌ aphû̌lò̤ tutṳ̌ Khûya̤kû, Khûya̤kò aphû̌lò̤ tutṳ̌ Khûyǔda kû̌ apṳ̌awè̤̌ tokhlǒ.

Matěo 15:22

Dě Khana khlilèphû̌ pwa̤mǒ̤ ô̌ dǒ gǎ bǎnu tôpwa̤ hè dǒ Běcǎ Yeshǔ a ô̌ dě a hè kaǎgǔ kwisǎyṳhtò̌ lû̌û kû̌, “Ǒ꤮ Běcǎ, Khwǐdawi̤ aphû̌khû, sǎyṳgwèbǎǐ mò̌ he nî̌꤮ khînǎ dò̌ hephû̌pwa̤mǒ̤ dě a ma̤shû̌ jî̌jî̌.”

Matěo 3:16

Bǎ Yeshǔ juhto anǎ̤ kû̌ shi dě a ihtǒ dǒ shikla kû̌ Cǒmara bǔmô mǒkhû̌ takha. Dě a kè̌shǐ Cǒmara a Yôla Plò̌shǐ hèlò̤ ô̌ dǒ alô̤ sô̌sô̌kû̌ htû̌lǐ̤nu.

Matěo 9:27

Bǎ Běcǎ Yeshǔ hǎhtò̌cû̌kè bǎnu tûkû akha, kòyò mǐ̤sǎkhǐ sò̌ginǐ̤ gû̌ kaǎgǔ kû̌ akò kû̌, “Ǒ Phadawi̤ aphû̌khû, gwèbǎǐ pa dě ma̤jè̌ mò̌ pa nî̌꤮.”

Lǔka 1:33

Htodě a gǔ htûhtò̌ Isôrělaphû̌ tokhlǒ akhwǐ côphǎ pṳ̂̌tôhtu pṳ̂̌taplǎ pě dě ashiagǎ nu agutṳ̌ pè̤̌jò pe tô̤̌.”

Jowǎ̤ni̤ 7:42

Lî̤plò̌shǐkû hî̌ kû̌, Me̤shǐya gǔ hè ô̌htò̌ dǒ khwǐdawi̤ akhlialè pě, a gǔ hè ô̌phijǎlò̤ dǒ khwǐdawi̤ ô̌ ǐ yǎ Wî̤̌bè̌telehe akûnu pě, yahě?” A hî̌ lô̌khô pô̤̌nu.

Pwa̤nophû̌ 2:30

Phidawi̤ mî̌ piwi̤pèshè tôpwa̤. Cǒmara olò̤ hto lû̌û kû̌ dǒ akhlilè akla tôpwa̤nu, Cǒmara gǔ no htû yǎ kû̌ khwǐ dǒ agûlǎ̤ pě numî̌, a sî̌ganǎ̤ pwǎ.

Rṳ̂̌me̤ 1:3

Ta̤sǎlě̤we̤kè numî̌ amè̤̌kû̌ aphû̌khû dǒ pa Běcǎ Yeshǔ Khrǐnu awe̤akè dǒ a hèlò̤ sûlû kòyòhǎkhû̌phû̌nu tôpwa̤ hǒ, dě a hè ô̌phijǎlò̤ dǒ khwǐ Khûdawi̤ akhlialè akûnu tôpwa̤ hǒ.

Rṳ̂̌me̤ 4:13

Cǒmara olò̤ PhaAbraha kû̌ akhlialè tokhlǒ dǒ awǐkha kû̌mî̌ hǎkhû̌ tôběbònu, a htûhtò̌ asîta pě. Bǎbǎkǎlè dǒ asî jûǎ gû̌ma̤ ta̤sû̌ta̤tòwò akhû̌khî dě a htûhtò̌ asîta pě, a olò̤ lû̌û pô̤̌nu mè̤̌tô̤̌. Cǒmara bè̌cǒbè̌tè̤ asî kû̌ a ta̤yṳ̌ta̤nǎ̤ akhû̌akhî, a olò̤ kû̌ a ǐ asî pě pwǎ.

Rṳ̂̌me̤ 9:5

Asî phiphu khlilè mî̌ Hebrǔ akhlialè dǒ ami̤dû̌ dǒ꤮ wǐkha tokhlǒ. Bǎ Khrǐ hè ô̌phijǎlò̤ pô̤̌ kòyò hǎkhû̌phû̌ akhanu, a hèô̌ dǒ asî akhlialè akû. A mî̌ Cǒmara dǒ a pǒǐta̤ lǒ̤bò tôpwa̤, dě kòyò htû̌sò̌htò̌ pû a tûjû̌pwa̤ talakhǎ nî̌꤮. Ame̤.

Galatǐ 3:16

Pô̤̌nudě Cǒmara ǐlò̤ a ta̤olò̤ kû̌ PhaAbraha kû̌ akhlialè akla tôpwa̤ pwǎ. “Dǒ akhlialè tokhlǒ,” Cǒmara hî̌ pô̤̌nu mè̤̌tô̤̌. Yô̤̌mûyô̤̌sǎ mî̌ kòyò ô̌wô̤̌ mè̤̌tô̤̌. Mè̤̌mè̤̌tôkhônu, a hî̌ kû̌, “dǒ nakhlinalè aklatôpwa̤,” a hî̌ pô̤̌nu akhû̌khî, yô̤̌mûyô̤̌sǎ mî̌ a hî̌lṳ̌ pwǎ tǒ̤ tôpwa̤ nô̤̌ pwǎ. A sǎyṳ hî̌ numî̌ Khrǐ pwǎ.

Tîmôte awǐlǒ tôbǎ 2:5

Ma̤titèhî̌dě Cǒmara ô̌pwǎ tôpwa̤ pwǎ̤꤮ nô̤̌. Htodě kòyò dǒ a ma̤pè̤̌ma̤dû bǎ sô̌ Cǒmara kû̌ kòyòhǎkhû̌phû̌nu a ô̌ tôpwa̤. A mî̌ Kòyòphû̌khû Yeshǔ Khrǐ pwǎ.

Tîmôte ginǐ̤bǎ tôbǎ 2:8

Gènè̤bǎ lô̌khô Yeshǔ Khrǐ dǒ Cǒmara ma̤htûpwa̤ gesô̌ a dǒ ta̤si nutôpwa̤. A mî̌ Khûdawi̤ akhlialè hǒ. Ta̤sǎlě̤we̤kè dǒ he shôbǐǐlṳ̌ bǎ sî numî̌ Yeshǔ awe̤akè hǒ.

Ta̤dǔlè̌nǎ 22:16

“He mî̌ Yeshǔ. Pô̤̌khô he gǔ shôbǐǐ lṳ̌bǎ ta̤dòkû tokhlǒ kû̌ ta̤we̤ta̤kè tokhlǒ ayanu, he sûlò̤ bǎ sî he mǒkhû̌ tanaphû̌ hǒ. He pṳ̌wè̤̌ khlilè mî̌ amè̤̌ Khûdawi̤ akhlialè gelò̤nu tômṳ̌tôcǒ hǒ. He mî̌ shǎtǒ̤wô̤ dǒ a lîkakha nutômè hǒ.”