Kòlòtè̌ 4:3 - Kawyaw New Testament

³ Dǒwǐkha mî̌ kòyò tokhlǒ sî̌ganǎ̤ Khrǐ awe̤akè tô̤̌. Cǒmara bè̌hǔbè̌sè̌ Khrǐ awe̤akè. Bǎbǎkǎlè khònò̤̌ ta̤dǒû̌dǒshò̌nu a ô̌lṳ̌htò̌ hǒ. Pô̤̌khô Cǒmara gǔ bǔmô paklè̌ dǒ pa gǔ shôbǐǐlṳ̌ kòyò kû̌ Khrǐ awe̤akè nudě, kwicaba padô̌ lô̌khô dǒ paya nî̌꤮. Dǒwǐkha mî̌ ta̤bè̌û̌bè̌shò̌nu, a ô̌lṳ̌htò̌ khôtô̤̌, bǎbǎkǎlè khònò̤̌ a ô̌lṳ̌htò̌ hǒ. Dǒ he shôbǐǐlṳ̌ bǎ kòyò kû̌ Khrǐ awe̤akè akhû̌akhî, kòyò dǒtě̤ he dǒ apô̤kû pwǎ.

Kawyaw RC

³ Dě wǐkhamî̌ kòyò toǒ sî̌ya Khrî̌stu awi̤akè̌ tò̤. Cǒmara bè̌hǔ Khrî̌stu awi̤akè̌htǒo. Pwǎ̤tadě khònò̤ ta̤bè̌hǔ htǒonu a ǒlṳhtò̌ hǒ. Ma̤pûhǐ Cǒmara bòmo bǎ paklè̌ dě pa dǒhtû̌ǐ nṳbǎ kò ta Khrî̌stu awi̤akè̌ htǒonu, kwisabadǒ bǎ lǒkho paya nî̌꤮. Dě꤮ wǐkhamî̌ ta̤dǒhǔ htǒonu, a ǒlṳhtò̌ hǒtò̤, pwǎ̤tadě khònò̤htǒo a ǒlṳhtò̌ hǒ. Dě he dǒhtû̌ǐ kò ta Khrî̌stu awi̤akè̌ akhû̌akhî, kò dǒlò̤te̤pwǎ he dě apo̤kû.

Kòlòtè̌ 4:3 Iomraidhean Croise

Matěo 13:11

Běcǎ Yeshǔ hî̌shěshu asî kû̌, “Cǒmara dǐsî̌yaphlô hto sî kû̌ mǒkhû̌ shilǎ̤gǎkû a ta̤sî̌khû̌sî̌ya dǒ a dǒhǔdǒbî̌ tokhlǒ bǎbǎkǎlè a dǐsî̌ganǎ̤ padô̌ asî tô̤̌.

Pwa̤nophû̌ 14:27

Bǎ asî getǒ̤ dǒ Wî̤̌Atiò akhanu, asî kaǎplǒ ta̤dòkû tokhlǒ dě a shôbǐǐlṳ̌ bǎ bò asî kû̌ lǒ̤꤮ bò Cǒmara ma̤ta̤ kû̌ asî nutokhlǒ dě Yǔdaphû̌ mè̤̌tô̤̌ tokhlǒ gǔ yṳ̌nǐ̤nǎ̤nǐ̤ ayanu, Cǒmara bǔmôhtò̌ bǎ asî takha.

Rṳ̂̌me̤ 16:25

Dǒ he shôbǐǐlṳ̌ lṳ̌ bǎ kòyò kû̌ ta̤sǎlě̤we̤kè kû̌ Yeshǔ Khrǐ awe̤akè akhû̌akhî, Cǒmara ma̤shû̌htò̌bǎ sî ta̤yṳ̌ dě pa gǔ htû̌sò̌htò̌ a tǎ꤮. Yeshǔ Khrǐ awe̤akè numî̌, kòyò dǒû̌dǒshò̌ a mè̤mè̤̌hǒ bǎbǎkǎlè khònò̤̌ kòyò dǔlè̌lṳ̌ hto a hǒ.

Kôritu awǐlǒ tôbǎ 16:9

Kòyò dǒ a sǎkhěkhû̌khwè he tokhlǒnu a ô̌ dû̌wî̤ bǎbǎkǎlè he cû̌ ô̌ bǎ Wî̤̌Ěphěsu akûnu a lě̤dû̌pwî̤htû dǒ heya ma̤titèhî̌dě kòyò dǒ a sǎyṳ ganǎ̤de Cǒmara alě̤ayô̤̌ tokhlǒnu a ô̌ wô̤̌꤮ pe.

Kôritu awǐlǒ tôbǎ 4:1

Sî tô bè̌ lô̌khô pa pô̤̌ Yeshǔ Khrǐ apwa̤ma̤ta̤phû̌ tokhlǒnu. Sî tô bè̌ lô̌khô pa pô̤̌ pwa̤ma̤ta̤phû̌ tokhlǒ dǒ a sû̌ǐtòwòǐ shôbǐǐphlô bǎ kòyò kû̌ ta̤tě̤ta̤mè̤̌ dǒ kòyò sî̌ganǎ̤ nô̌ khôtô̤̌ dǒ awǐkha nutokhlǒ. Dě Cǒmara ǐlò̤ pa ta̤ma̤ dǒ pa gǔ ma̤ ayanu hǒ.

Kôritu ginǐ̤bǎ tôbǎ 2:12

Bǎ he cû̌tǒ̤ hǒ dǒ Wî̤̌taròǎ akû dě he gǔ shôbǐǐlṳ̌ bǎ kòyòkû̌ Khrǐ a ta̤sǎlě̤we̤kè akhanu, he kè̌shǐ kû̌ Běcǎ bǔmô ô̌nǎ bǎ htohǒ he takha dě he kè̌shǐ kû̌ a sǎyṳ noma̤ hǒ he ta̤ma̤ bǎ wî̤̌ nutôwě̤ akû.

Ěphěsu 3:1

Pô̤̌nudě, dǒ he ma̤ Khrǐ a ta̤phǐta̤ma̤ dě he shôbǐǐ bǎ Yǔdaphû̌ mè̤̌tô̤̌ tokhlǒ kû̌ ta̤sǎlě̤we̤kènu akhû̌akhîdě, he mî̌ Khûpò̌lǔ, kòyò bǎ dǒlò̤kè he dǒ apô̤kû.

Ěphěsu 3:3

Cǒmara dǔlè̌lṳ̌ bǎ he kû̌ ta̤adû̌ayô̤̌ dǒ kòyò sî̌yahtò̌ yǎ tô̤̌nu, he wě̤lṳ̌ sî̌ganǎ̤cû̌ bǎ hto sî dǒ lî̤nu tôbǎ akûnu tukutîkî̌phû̌ hǒ.

Ěphěsu 3:4

Dǒ꤮ sî dô̌ pe helî̤ akhanu, sî gǔ sî̌ganǎ̤hè kû̌ he sî̌yaphlôbò̌ ta̤sûû̌yô̤̌ dě ta̤sûû̌yô̤̌ numî̌ amè̤̌kû̌ Khrǐ awe̤akè nuhǒ.

Ěphěsu 3:9

Cǒmara gǔ ma̤lǒbehè a ta̤tîwî̌tòwònǎ ta̤ adû̌ayô̤̌ tôcǒ hî̌tè pěnu, a ǐlò̤ hto he ta̤ma̤ dǒ he bǎ cû̌ shôbǐǐphlô bǎ kòyò ta̤nuhǒ. Ně dǒ a tûlû̌hto tokhlǒnu, Cǒmara dǒ a bô̌lò̤ ta̤ lǒ̤bò tôpwa̤nu, a dǔlè̌lṳ̌ bǎ kòyò ta̤nu nò̌khôtô̤̌.

Ěphěsu 4:1

Pô̤̌nu akhû̌akhî, he kwisǎyṳǐ sî sô̌sô̌kû̌ kòyò dǒlò̤tě̤ kò dǒ apô̤kû dǒ Běcǎ aya tôpwa̤nu. Cǒmara kaǎ sî dǒ sî htûhtò̌ ta̤dòkûphû̌ tokhlǒ akhû̌akhî, he kwisǎyṳ sî kû̌ sî ô̌htûpwa̤ bè̌wô̌ sî sǎphlǒ pô̤̌ ta̤dòkûphû̌ tokhlǒ tô ô̌htûpwa̤nu.

Phǐlǐpǐ 1:19

Ma̤titèhî̌dě, dǒ sî kwicaba akhû̌khî, kû̌ Yeshǔ Khrǐ a Yôla Plò̌shǐ gǔ ma̤jè̌ bǎ he pe khû̌khîdě, he gǔ hǎplǎge dǒ apô̤kû pěnu he sî̌ganǎ̤ pwǎ.

Phǐlǐpǐ 1:7

He mô̤ǐ jî̌ sî akhû̌akhî, he gènè̤ sîwe̤sîkè pô̤̌o numî̌ atô pwǎ. Bǎ he ô̌pe dǒ apô̤kû akhanu bǎbǎ, bǎ he tô hî̌bǎ taka tě̤tṳ he ta̤sǎlě̤we̤kè dě he tô hî̌bǎ glemě ǐ he ta̤sǎlě̤we̤kè akhanu bǎbǎ, Cǒmara ma̤wô̌ bǎ pa dě a ǐlò̤ khô̌ pa ta̤ma̤ dǒ pa ma̤wô̤̌wô̤̌ lû̌û ta̤ kû̌ Cǒmara abwǐsîrî dě cû̌ shôbǐǐlṳ̌ bǎ kòyò kû̌ ta̤sǎlě̤we̤kènu.

Kòlòtè̌ 1:26

Kòyò ô̌htûpwa̤ dǒ awǐtôhtu tokhlǒ lǒ̤꤮ bònu, Cǒmara nogènèphlô asî kû̌ ta̤sǎlě̤we̤kènu awe̤akè khôtô̤̌. Ta̤sǎlě̤we̤kè numî̌ Cǒmara bǎ dǒû̌dǒshò̌ pe lû̌û pwǎ, bǎbǎkǎlè khònò̤̌ a dǔlè̌lṳ̌ hto dǒ a kòyò tokhlǒ a ô̌ hǒ.

Kòlòtè̌ 4:18

He mî̌ Khûpò̌lǔ dě ta̤hî̌mô̤hî̌wô̌ numî̌, he wě̤cû̌bǎ sî kû̌ he cǔde pwǎ. He ô̌ dǒ a pô̤kûnu akhû̌akhî, shepě̤ tǎ̤ he tǎ̤mǎ̤ nî̌꤮. Cǒmara abwǐsîrî ô̌cu pû kû̌ sî nî̌꤮.

Tîsalònǐ awǐlǒ tôbǎ 5:25

Pṳ̌wè̤̌sî, kwicaba padô̌ lô̌khô paya nî̌꤮.

Tîmôte ginǐ̤bǎ tôbǎ 1:16

Běcǎ Cǒmara gǔ sǎyṳgwèbǎǐ pû Khûò̌nǐshaphrǔ kû̌ a hǐphû̌phòphû̌ kû̌ kòyò ashǔshawa̤ dǒ a ô̌cu kû̌ a lǒ̤꤮ bò nutokhlǒ nî̌꤮. Ma̤titèhî̌dě, Khûò̌nǐshaphrǔ mî̌ a ma̤mô̤ sǎla̤la̤ he sǎphlǒ hǒ, htodě kòyò dǒnṳ̌ he dǒ apô̤kû bǎbǎkǎlè dǒ hekhû̌khî dě a sòwò̤̌ tô̤̌.

Tîmôte ginǐ̤bǎ tôbǎ 2:9

He shôbǐǐlṳ̌ bǎ kòyò ta̤sǎlě̤we̤kè akhû̌akhî, he khòbǎhto ta̤jî̌ta̤jû̌ dě kòyò comě he kû̌ sǒpli̤tè̤glè sô̌sô̌kû̌ kòyò ma̤sǔ ta̤mǎlò̤ tôpwa̤. Bǎbǎkǎlè Cǒmara alě̤ayô̤̌nu kòyò cǒmějò nô̌ a tô̤̌.

Tîmôte ginǐ̤bǎ tôbǎ 4:2

Shôbǐǐlṳ̌ lô̌khô ta̤sǎlě̤we̤kè nî̌꤮. Shěkhǎ wô̌ bǎbǎ, shěkhǎ wô̌tô̤̌ bǎbǎ, tûlû̌ hî̌ǐ hènè pô̤̌ ta̤sǎlě̤we̤kè nunî̌꤮, htodě sǎhtǎnṳ̌ asî nî̌꤮, sû̌ǐtòwòǐ wô̌ sô̌ asî nî̌꤮, dě ǐkhû̌ǐǎ asî, sû̌ǐtòwòǐ asî kû̌ ta̤khòsǎdô nunî̌꤮.

Philemo 1:22

Dě a ô̌pe tôcǒ: khòsǎdô tîwî̌tòwò nǎ heya hǐdǒkû tôtô̤̌ nî̌꤮, ma̤titèhî̌dě he kè̌shuǐ dǒ Cǒmara gǔ ganǎ̤de sî ta̤kwicaba dě a gǔ sû̌ge he dǒ sî ô̌ pě.