Kòlòtè̌ 1:2 - Kawyaw New Testament

² He wě̤ cû̌nṳ̌ bǎ pa pṳ̌wè̤̌ Khrǐphû̌ dǒ a aplò̌shǐ dě acǒ kû̌ ayô̤̌ dě a ô̌ lô̌khô dǒ Wî̤̌kòlòtè̌ akû nutokhlǒ a ô̌. Papha Cǒmara abwǐdû̌sîrîhtû kû̌ a ta̤gûjû̌kabǎ gǔ ô̌cu kû̌ sî nî̌꤮.

Kawyaw RC

² He khwè̌ cû̌nṳ bǎ pa pṳwè̤ Khrî̌stuphû̌ htě a cahtǐ dě acǒtè̤ ta ayo̤ dě a ǒ lǒkho Kòlò̌shiawî̤kûnu toǒ a ǒ. Papha Cǒmara abwǐasîrî ta a ta̤pè̤ta̤dû ǒkû̌ tû̌ta sî nî̌꤮.

Kòlòtè̌ 1:2 Iomraidhean Croise

Htû̌sò̌htò̌ 16:3

Kòyò dǒ cǒtè̤ kû̌ Cǒmara ô̌htûpwa̤ dě hǎkhû̌ tokhlǒnu, asî mî̌ kòyò wô̌nuhǒ. He kè̌shǐ asî dě amô̤꤮ mè̤mè̤̌ mî̌ca sǎphlǒ.

Pwa̤nophû̌ 9:13

Khûananǐ hî̌shěshu kû̌, “Běcǎ, kòyò nutôpwa̤ awe̤akè nî̌, he ganǎ̤de kòyò saprṳ̂ hî̌htobǎ dû̌wî̤ he kû̌, a ma̤jî̌ma̤jû̌ na kòyò plò̌shǐ ô̌ dǒ Wî̤̌yarǔshôle akû nutokhlǒ, ahî̌.

Rṳ̂̌me̤ 1:7

Khôbǒsû̌mô̤ ô̌ dǒ Wî̤̌rṳ̂̌me̤ akû sî, Cǒmara mô̤ǐ sî, htokhôtô̤̌ a kaǎ sî dǒ sî gǔ htûhtò̌ a kòyò hǒ. He wě̤cû̌ bǎ bò sî lî̤hǒtôbǎ. Papha Cǒmara kû̌ pa Běcǎ Yeshǔ Khrǐ gǔ ǐ pû sî ta̤bwǐta̤sîrî kû̌ ta̤gûjû̌kabǎ nî̌꤮.

Kôritu awǐlǒ tôbǎ 1:2

Pa wě̤cû̌ bǎ lî̤nu dǒ Cǒmara ta̤dòkû ô̌ dǒ Wî̤̌kôritu akû tokhlǒ a ô̌, kû̌ lǒ̤꤮ bò kòyò dǒ a cabahtò̌ Běcǎ Yeshǔ Khrǐ dě a ô̌ lô̌khô dǒ gûlǎ̤ pṳ̂̌ tôkû nutokhlǒ a ô̌. Yeshǔ nî̌ pa Běcǎ mî̌ amè̤̌, asî Běcǎ mî̌ amè̤̌. Dǒ Yeshǔ Khrǐ akhû̌akhî, Cǒmara ma̤plò̌shǐ sî dě a kaǎ sî dǒ sî gǔ ô̌htûpwa̤ plò̌shǐ dû̌htò̌ pô̤̌ aya hǒ.

Kôritu awǐlǒ tôbǎ 4:17

Dǒ ta̤we̤ta̤kè hǒo akhû̌akhî, dě he nohè Khûtîmôte dǒ sî ô̌ hǒ. A mî̌ asô̌sô̌kû̌ hephû̌ kû̌ henǎ̤ dǒ he mô̤ǐ yǎ dě acǒ kû̌ ayô̤̌ dǒ Běcǎ akû tôpwa̤. Kòyò dǒ a gû̌ Khrǐ akò tokhlǒnu, a tô ô̌htûpwa̤ lô̌khô hî̌tènu, a gǔ dǔsî̌yabǎ sî ma̤pô̤̌ he ô̌htûpwa̤nu pě. Hǒonumî̌ ta̤ dǒ he sû̌ǐ bǎ kòyò dǒ a yṳ̌nǐ̤nǎ̤nǐ̤ Yeshǔ Khrǐ tokhlǒ dǒ gûlǎ̤ pṳ̂̌꤮ tûkû tokhlǒnu hǒ.

Galatǐ 1:3

Papha Cǒmara kû̌ Běcǎ Yeshǔ Khrǐ ǐ pû sî ta̤bwǐdû̌ta̤sîrîhtû kû̌ sǎphlǒ a ta̤gûjû̌kabǎ nî̌꤮.

Galatǐ 3:9

Pô̤̌ PhaAbraha yṳ̌ǎ Cǒmara dě a nǐ̤bǎ ta̤ǐshowî̤nu, lǒ̤bò kòyò dǒ a yṳ̌ǎ ta̤ tokhlǒnu a nǐ̤bǎ kû̌ ta̤ǐshowî̤ pô̤̌ a nupě.

Ěphěsu 1:1

He mî̌ Khûpò̌lǔ. Cǒmara sǎphlǒô̌ dǒ he gǔ htû Yeshǔ Khrǐ a pwa̤nophû̌ tôpwa̤. He wě̤cû̌bǎ lî̤hǒtôbǎ dǒ Cǒmara a kòyò dǒ a ô̌ lô̌khô dǒ Wî̤̌ěphěsu akû nutokhlǒ a ô̌. Sî mî̌ kòyò tokhlǒ dǒ a htûhtò̌ kû̌ Khrǐ tôcǒ꤮ nô̤̌ hǒ dě, sî wîkè sî ta̤yṳ̌ǎ Yeshǔ Khrǐ tô̤̌.

Ěphěsu 6:21

Khûtǔkǐkǔ mî̌ pa pṳ̌wè̤̌ dǒ pa mô̤ǐ jî̌ yǎ tôpwa̤, htokhôtô̤̌ a mî̌ pṳ̌wè̤̌ dǒ acǒ kû̌ Běcǎ ta̤ma̤. Pô̤̌khô sî gǔ sî̌ganǎ̤ kû̌ he ô̌shû̌ô̌mô̤ ya, ô̌ mô̤ tô̤̌ ya, htokhôtô̤̌ he ma̤kwè̌ titènu, a gǔ hè shôbǐǐlṳ̌ bǎ bò sî pě.

Phǐlǐpǐ 1:1

Pa mî̌ Khûpò̌lǔ kû̌ Khûtîmôte. Pa mî̌ Yeshǔ Khrǐ ajû̌ tokhlǒ. Pa wě̤cû̌ bǎ lî̤ hǒtôbǎ kû̌ Cǒmara a kòyò dǒ a htûhtò̌ kû̌ Yeshǔ Khrǐ tôcǒ꤮ nô̤̌ dě a ô̌ lô̌khô dǒ Wî̤̌phǐlǐpǐ akû nutokhlǒ a ô̌. Pa wě̤cû̌ padô̌ ta̤dòkû ikǒlǒkòdû̌ tokhlǒ kû̌ pwa̤ma̤jè̌ ta̤dòkû saprṳ̂phû̌ tokhlǒ.

Petru awǐlǒ tabǎ 1:2

Pha Cǒmara rû̌htò̌ sî pô̤̌ a ta̤yè̤lò̤nǎnu dě Yôla Plò̌shǐ Běcǎ ma̤plò̌shǐhtò̌ sî, pô̤̌khô sî gǔ ganǎ̤de Yeshǔ Khrǐ ayô̤̌ dě dǒ asǐ akhû̌akhî, a gǔ ma̤mṳ̂̌plî bǎ sî. Cǒmara ta̤bwǐta̤sîrî kû̌ sǎphlǒ ta̤gûjû̌kabǎ gǔ ô̌lǒô̌be pû kû̌ sî nî̌꤮.

Petru ginǐ̤bǎ tabǎ 1:2

Sî sî̌ganǎ̤ Cǒmara kû̌ pa Běcǎ Yeshǔ Khrǐ akhû̌akhî, ta̤bwǐta̤sîrî kû̌ ta̤gûjû̌kabǎ gǔ ô̌lǒô̌be kû̌ sî nî̌꤮.

Yṳ̌da 1:2

Cǒmara a ta̤sǎyṳgwèbǎǐ, a sǎphlǒ gûjû̌kabǎ kû̌ ata̤mô̤ ô̌lǒô̌be pû kû̌ sî nî̌꤮.

Ta̤dǔlè̌nǎ 1:4

He mî̌ Khûyṳ̂ha. He wě̤cû̌ bǎ lî̤nu dǒ ta̤dòkû susô̌tômṳ̌ dǒ a ô̌ bǎ Ashǎgǎkû nutokhlǒ a ô̌. Cǒmara dǒ a htûpwa̤ dǒ něhǎlau, kǎtô̤̌ khònò̤̌kha mî̌ a htûpwa̤pwa̤, nô̌kòpě mî̌ a htûpwa̤pwa̤ tôpwa̤ kû̌ yôla htûpwa̤ susô̌tôpwa̤ dǒ a ô̌ dǒ tòcòhta alô̤mô̤̌ nutokhlǒ abwǐsîrî kû̌ a ta̤gûjû̌cabǎ nî̌, sî nǐ̤bǎ pû nî̌꤮.