Htû̌sò̌htò̌ 13:2 - Kawyaw New Testament

² He bǎ khòjî̌khòjû̌ gènè̤ gû̌gè̌yî̤ pe pwǐtè? Pṳ̂̌ni̤pṳ̂̌sa꤮ he bǎ sǎpla̤nǎbǎ, he bǎ khòbǎ yî̤ pe pwî̌꤮ tè? Pwa̤khû̌khwè he tokhlǒ ma̤pè̤̌ yî̤ pô̤̌ he pwǐ꤮ tè?

Kawyaw RC

² He bǎ khòbǎyò̤bǎ gènè̤gu gènè̤gèyî̤ pě pwî̌tè? pṳ̂̌ni̤pṳ̂̌sa꤮ he bǎ sǎpla̤sǎyṳ, he bǎ khòbǎyî̤ pě pwî̌꤮ tè? Pwa̤sò̌khě he toǒ glè ma̤pè̤yî̤po̤ he pwî̌꤮ tè?

Htû̌sò̌htò̌ 13:2 Iomraidhean Croise

Phǐlǐpǐ 2:27

Ashǐasha mè̤̌mî̌ca nî̌꤮, a glè̌ si tètè̤̌ hǒ. Bǎbǎkǎlè Cǒmara gwèbǎǐ pe yǎ, dě a gwèbǎǐ tǒ̤ a mè̤̌tô̤̌, a gwèbǎǐ padô̌ pe he. Ma̤titèhî̌dě a kè̌ simò̌ numî̌, he sǎplǎ̤ khlo pô̤̌nu hǒ.

Rṳ̂̌me̤ 9:2

He sǎplǎ̤nǎ̤bǎ jòjě꤮ tô̤̌. Abǎsha he sǎphlǒnu, a hǎmǎ jò pe tô̤̌ hǒ.

Jowǎ̤ni̤ 16:6

He hî̌lṳ̌ bǎ sî pô̤̌o dě sî sǎplǎ̤nǎ̤bǎ bò.

Matěo 26:38

Htodě a hî̌ asî kû̌, “He sǎplǎ̤ sikèhǒ, a sô̌sô̌cǎkû̌ he glè̌ si tè̤tè̤̌nu hǒ. Ô̌kè lô̌khô bǒo dě ô̌sòklò lô̌khô nî̌꤮.”

Htû̌sò̌htò̌ 116:3

Ta̤si ô̌te̤we̤ he asô̌sô̌kû̌ kòyò dò sumṳnu. He ô̌phǔti̤nǐ̤ kû̌ lṳ̌gǎnǎdo nuhǒ. He kè̌shǐtṳ̌bǎ kû̌ ta̤pò̤̌ta̤shadû̌, ta̤sǎplǎ̤sǎyṳ.

Htû̌sò̌htò̌ 74:18

Ǒ Cǒmara tûjû̌pwa̤, pwa̤sǎkhě na hǒtokhlǒ sǎyî̤̌ bò na pwǐtènu, gènè̤̌htò̌bǎ pě nî̌. Kòyò ǒò̌ pî̤jî̌ǐsho bò nami̤ pwǐtènu, gènè̤̌htò̌bǎ tûû̌.

Htû̌sò̌htò̌ 74:10

Ǒ Cǒmaradû̌, pwa̤sǎkhě na tokhlǒ glè̌ sǎyî̤̌ lò̤wě̤lò̤sô na pwǐtè pě? A glè̌ pî̤jî̌ǐsho nami̤ tûjû̌pwa̤ pě ya?

Htû̌sò̌htò̌ 42:4

Bǎ he gènè̤bǎ sô̌ dǒawǐkha sǎdôdô he cû̌htò̌nṳ̌ wô̤̌wô̤̌ kû̌ kòyò saprṳ̂ tokhlǒ dǒ Cǒmara ata̤lṳhtò̌hôkû, bǎ pa ma̤ ta̤ǎcuôcu lṳmṳ̌ni̤dû̌htû dě he sǎlě̤sǎlò̤ hî̌bwǐhî̌sîrî sǎwǐhtûsò̌htò̌ kû̌ kòyò saprṳ̂dû̌ tokhlǒ akhanu, he sǎplǎ̤ mǐ̤sǎshilò̤.

Htû̌sò̌htò̌ 31:18

Kòyò dǒ a lahǎlòhò, agènè̤dû̌ǐ anǎ̤, a phî̌htò̌yô̤̌ anǎ̤, a hî̌bǎ takǎshěshu kòyòcǒkòyòtè̤ tokhlǒnu, no ô̌sǔtukǔkè bò akhû̌phě.

Htû̌sò̌htò̌ 17:9

Tugutakabǐ he kû̌ kòyòphû̌mò̤̌ dǒ a hèshěhèpě̤ he nutokhlǒ. Tugutakabǐ he kû̌ pwa̤khû̌khwè he dǒ a hèbôte̤we̤ he dě a gǔ ma̤si he nutokhlǒ.

Htû̌sò̌htò̌ 10:18

Pô̤̌khô hǎkhû̌phû̌ dǒ a sijò nutokhlǒ gǔ ma̤ gònò̤̌gòglè ǐsha phû̌ dǒ shôdô mǒ̤pha kû̌ pwa̤ dǒ kòyò pè̤̌ǎpè̤̌ô lû̌û tô̤̌ ayanu, na takabǐ tûû̌ pû asî.

Htû̌sò̌htò̌ 9:6

Pwa̤sǎkhě pa tokhlǒ apî̌alṳ̂̌ bòmǔte̤gle tôjû̌pwa̤ hǒ. Na ma̤pò̌ma̤shî kèbò asî wî̤̌dû̌ tokhlǒ, dě kòyò gènè̤nṳ̌ sô̌ pe tôcǒ tô̤̌.

Htû̌sò̌htò̌ 8:2

Pô̤̌khô pwa̤sǎkhě na kû̌ pwa̤ma̤lǐ̤ geshî̌shu na tokhlǒ gǔ ô̌ sǔtǔkǔ kè aya, na gǔ no htû̌sò̌htò̌ phijǎphû̌ sîtokhlǒ kû̌ phijǎphû̌ dǒ a ônû̌ pe nutokhlǒ.

Htû̌sò̌htò̌ 7:2

Kè̌ mè̤̌tô̤̌ hî̌mî̌, asî htěphrǔhtěpò̌ bò he pô̤̌ khî ěphrǔěbò̌ kòyò nupě. A ěmǔěplě bò he pě. Kòyò ma̤hǎplǎ jò he tôpwa̤ tô̤̌ pe.

Lǔka 22:53

He ô̌gû̌ kû̌ sî dǒ ta̤lṳhtò̌hôkûnu pṳ̂̌꤮ tôni̤ dě sî pṳ̂̌ he tô̤̌tô̤̌, bǎbǎkǎlè bǎ khînǎkhîno ikǒ a sîrîshû̌sho pǒta̤ akha, ashěkhǎ bǎhǒ dǒ sî bǎ ma̤nu sî ma̤ pô̤̌nu hǒ.”

Htû̌sò̌htò̌ 38:17

He glè̌ htò̌tukhu lò̤khǔpo̤ hǒ, dě asha꤮ gudǔdǔ he nǎ̤.

Htû̌sò̌htò̌ 6:4

Ǒ Cǒmara tûjû̌pwa̤, ma̤hǎplǎkèmò̌ he. Nata̤mô̤ nu ahǎbòjò tô̤̌ akhû̌akhî, ma̤hǎplǎkè mò̌ he.