Htû̌sò̌htò̌ 102:2 - Kawyaw New Testament

² Bǎ he kè̌shǐtṳ̌bǎ kû̌ ta̤pò̤̌ta̤sha akhanu, ô̌û̌ô̌sè̌ tǎ̤ helǎ̤ mǎ̤. Bǎ he yî̤̌kǒhtò̌ na akhanu, ganǎ̤de mò̌ he kwi nanu dě, kǒshěshu he.

Kawyaw RC

² Bǎ he shěto̤bǎ ta ta̤pò̤ta̤sha akhanu, ǒhǔ pûma̤ hela̤ ma̤. Bǎ he kaǎguhtò̌ na akhanu, gana̤de hekwi nahtǒo, kǒshǔphwèpû he.

Htû̌sò̌htò̌ 102:2 Iomraidhean Croise

Htû̌sò̌htò̌ 104:29

Bǎ na kè̌khô̌kè akhanu, asî ǐsha gònò̤̌gòglè lǒ̤bò. Bǎ na phî̌hǎhtò̌kè asî ta̤htûpwa̤ akhanu, asî sikè, a htûhtò̌bò sô̌ hǎkumṳ̌.

Htû̌sò̌htò̌ 13:1

Ǒ Cǒmara tûjû̌pwa̤, na glè̌ shôpe̤ yî̤ he pwî̌tè? Tûjû̌pwa̤ pěya? Na glè̌ htû̌tiwǐ yî̤kè he pwǐtè?

Htû̌sò̌htò̌ 143:7

Ǒ꤮ Cǒmara tûjû̌pwa̤, he sǎphlǒpî̌ mî̌ca akhû̌akhî, hî̌shǔ mò̌ he. Kè̌khô̌kè tǎ̤ he mǎ̤. Kè̌mè̤̌tô̤̌ hî̌mî̌, he sô̌sô̌kè pwǎ kû̌ kòyò dǒ a lò̤tě̤ dǒ lṳ̌gǎnǎdokû nutôpwa̤.

Htû̌sò̌htò̌ 17:1

Ǒ Cǒmara tûjû̌pwa̤, bǎ he kwigwèbǎǐ na kû̌ na gǔ ma̤tôma̤bǎ ma̤cǒma̤tè̤ ta̤ akhanu, gana̤depû heta̤kwi, gana̤depû heta̤kaǎgǔhtò̌, dò̌pû bǎ he nanò̌ku. Ǒ Cǒmara tûjû̌pwa̤, gana̤depû kòyòcǒtè̤ sǎphlǒ mṳ̂plî kwihtò̌ nanu.

Htû̌sò̌htò̌ 22:19

Ǒ Cǒmara tûjû̌pwa̤, ô̌ tepheyî̤kè tǎ̤ he mǎ̤. Ǒ hekhû̌heǎ, hèma̤jè̌ phwèmò̌ he.

Htû̌sò̌htò̌ 27:9

Tiwǐkhô̌kè pû nami̤sǎ kû̌ he mǎ̤. Dǒ ta̤sǎphlǒdû̌ akhû̌akhî, sûcû̌ te̤pheyî̤ pû najû̌ mǎ̤. Na mî̌ pwa̤ dǒ a ma̤jè̌ he. Ǒ Cǒmaradû̌, na mî̌ pwa̤ma̤hǎplǎge hto he akhû̌akhî, bè̌kè pû he mǎ̤, wîkè pû he mǎ̤.

Htû̌sò̌htò̌ 31:2

Dò̌ nanò̌ku, ma̤hǎplǎ phwèphwè mò̌ he. Htû bǎ he lǒ̤dû̌ dǒ a takabǐǐ he. Htû bǎ hewî̤̌we̤dû̌ dǒ atònò dǒ a ma̤hǎplǎge he.

Htû̌sò̌htò̌ 40:13

Ǒ꤮ Cǒmara tûjû̌pwa̤, khòsǎdô, ma̤hǎplǎge he. Ǒ꤮ Cǒmara tûjû̌pwa̤, hè ma̤jè̌ phwèphwè mò̌ he.

Htû̌sò̌htò̌ 69:17

He kè̌shǐtṳ̌bǎ kû̌ ta̤pò̤̌ta̤sha akhû̌akhî, kè̌khô̌kè tǎ̤ na mǐ̤sǎ kû̌ na pwa̤ma̤ta̤phû̌nu mǎ̤. Hî̌bǎshǔ mò̌ he.

Htû̌sò̌htò̌ 70:1

Ǒ Cǒmaradû̌ ma̤hǎplǎkè phwèmò̌ he. Ǒ Cǒmara tûjû̌pwa̤ hèma̤jè̌ phwèphwè mò̌ he.

Htû̌sò̌htò̌ 71:2

Dǒ nocǒnatè̤ akhû̌akhî, ma̤hǎplǎkè mò̌ he. Ganǎ̤de heta̤kwisǎyṳ na, ma̤hǎplǎkè mò̌ he.

Kôritu awǐlǒ tôbǎ 10:13

Lǒ̤bò ta̤tili̤tôlô̌ dǒ na kè̌shǐ tṳ̌bǎ tokhlǒ numî̌ a sô̌sô̌ pwǎ kû̌ kòyò hǎkhû̌phû̌ dǒ ashǔshawa̤ tokhlǒ kè̌shǐ tṳ̌bǎ nutokhlǒ pwǎ. Bǎbǎkǎlè Cǒmaranu acǒ kû̌ ayô̤̌, ma̤titèhî̌dě ta̤tili̤tôlô̌ dǒ ashû̌asho dǒ na khòbò̌ yǎ tô̤̌ tokhlǒnu, a nokhòbǎ na tô̤̌. Bǎ ta̤ma̤kè̌kè̌ lò̤bǎ na akhanu, pô̤̌khô na gǔ khòsǎphlǒhtûbò̌ yǎ, htokhôtô̤̌ pô̤̌khô na gǔ hǎplǎbò̌ kû̌ ta̤tili̤tôlô̌ ayanu, Cǒmara bǔmô bǎnǎ na klè̌ pě.