Htû̌sò̌htò̌ 102:1 - Kawyaw New Testament

¹ Ǒ Cǒmara tûjû̌pwa̤, ganǎ̤de mò̌ he ta̤kwicaba na. Dò̌ mò̌ na nò̌ku dǒ he kwisǎyṳhtò̌ na ta̤ma̤jè̌.

Kawyaw RC

¹ Kǒ Cǒmara tûjûpwa̤, gana̤de heta̤kwisabahtò̌ na. Gana̤dekû̌ he kwigwèbǎǐ na ta̤ma̤jè.

Htû̌sò̌htò̌ 102:1 Iomraidhean Croise

Htû̌sò̌htò̌ 12:5

Cǒmara tûjû̌pwa̤ hî̌ kû̌, “Dǒ kò pè̤̌ǎpè̤̌ô pwa̤shèphǔshèwè̤phû̌, he ganǎ̤de kòyò shôdô ta̤ma̤jè̌ ata̤kookasha akhû̌akhî, khònò̤̌ he gǔ ihtǒma̤ ta̤tôcǒcǒ dě asîya. “He gǔ tugǔtakaǐ kòyò dǒ akè̌shunǎla̤ǐ he.”

Htû̌sò̌htò̌ 143:4

He sǎphlǒpî̌ jî̌jû̌ mî̌ca. Asǎgònò̤̌ ǐsha mî̌ca he dě he gònò̤̌gòglè.

Htû̌sò̌htò̌ 143:7

Ǒ꤮ Cǒmara tûjû̌pwa̤, he sǎphlǒpî̌ mî̌ca akhû̌akhî, hî̌shǔ mò̌ he. Kè̌khô̌kè tǎ̤ he mǎ̤. Kè̌mè̤̌tô̤̌ hî̌mî̌, he sô̌sô̌kè pwǎ kû̌ kòyò dǒ a lò̤tě̤ dǒ lṳ̌gǎnǎdokû nutôpwa̤.

Htû̌sò̌htò̌ 145:19

A ma̤lǒma̤be bǎ bò kòyò dǒ a ǐsha dě bè̌dubè̌nǎ̤ lû̌ nutokhlǒ ata̤sǎyṳ. A ganǎ̤de asî kwisǎyṳhtò̌ ta̤ma̤jè̌ dě a ma̤hǎplǎ asî.

Htû̌sò̌htò̌ 18:6

Ǒ Cǒmara tûjû̌pwa̤, bǎ he kwisǎyṳǐ na ta̤ma̤jè̌ akhanumî̌, he tṳ̌bǎ ta̤gû̌ta̤gè̌ ajî̌ajû̌ akhanu hǒ. Na ô̌ dǒ nata̤lṳhtò̌hôkû dě na ganǎ̤de he lě̤ hǒ, na ganǎ̤de he kwihtò̌ na hǒ.

Htû̌sò̌htò̌ 39:12

Ǒ Cǒmara tûjû̌pwa̤, ganǎ̤de bǎ mò̌ he ta̤kwicaba na, ganǎ̤de bǎ mò̌ he kwisǎyṳhtò̌ na ta̤ma̤jè̌nu. Bǎ hehǎhewô akhanu, jî̌koo tǎ̤ mǎ̤. Dǒwǐkha pô̤̌ hephihephu lǒ̤bò htû shǐpwǎ̤shǐmè̤nu, he htû na shǐtômè̤ sô̌sô̌ pô̤̌ asînu.

Htû̌sò̌htò̌ 42:4

Bǎ he gènè̤bǎ sô̌ dǒawǐkha sǎdôdô he cû̌htò̌nṳ̌ wô̤̌wô̤̌ kû̌ kòyò saprṳ̂ tokhlǒ dǒ Cǒmara ata̤lṳhtò̌hôkû, bǎ pa ma̤ ta̤ǎcuôcu lṳmṳ̌ni̤dû̌htû dě he sǎlě̤sǎlò̤ hî̌bwǐhî̌sîrî sǎwǐhtûsò̌htò̌ kû̌ kòyò saprṳ̂dû̌ tokhlǒ akhanu, he sǎplǎ̤ mǐ̤sǎshilò̤.

Htû̌sò̌htò̌ 5:2

Ǒ꤮ hekhwǐ, he Cǒmara tûjû̌pwa̤, he kwihtò̌ na hǒ, khòsǎdô bè̌sû̌bè̌sǎ he kwihtò̌ na ta̤ma̤jè̌nu.

Htû̌sò̌htò̌ 61:2

He ô̌ dǒ mǒdǎ kòshî̌ dě he kwisǎyṳhtò̌ na. He sǎphlǒ shuphǔshèwè jî̌jî̌ dě he kwisǎyṳhtò̌ na hǒ. Sûhtò̌mò̌ he dǒ lǒ̤ htò̌yô̤̌ dǒ kòyò htò̌tǒ̤bò̌ tô̤̌ nutômè akhû̌.

Htû̌sò̌htò̌ 62:8

Ǒ꤮ kòyò hǎkhû̌phû̌ sî, Cǒmaradû̌ mî̌ pa lǎ̤ô̌tûdûbǐ agûlǎ̤ hǒ, yṳ̌ǎnṳ̌ Cǒmaradû̌ pṳ̂̌꤮ tôplǎ. Shôbǐǐbò lû̌û kû̌ sî ta̤pò̤̌ta̤sha lǒ̤꤮ bò.

Htû̌sò̌htò̌ 77:3

Bǎ he gènè̤̌htò̌tǒ̤ Cǒmaradû̌ akhanu, he ta̤kookasha. He gènè̤̌꤮ gènè̤ awe̤akè dě he sǎphlǒpî̌ mî̌ca.

Lǔka 22:44

A sǎphlǒgû̌gè̌ hèshû̌ dě, a kwicaba shû̌lǒ pô̤̌pô̤̌. Dě akwî̌shi mèlò̤ dǒ hǎkhû̌ dě a sô̌sô̌ kû̌ sǐmèlò̤ nu hǒ.

Hebrǔ 5:7

Bǎ Yeshǔ ô̌htûpwa̤ bǎ hǎkhû̌ akhanu, a kwicaba lǒ̤sû̌lǒ̤sò̌ htò̌ Cǒmara dǒ a ma̤hǎplǎjò lû̌û dǒ ta̤sinu tôpwa̤, dě a yî̤̌kǒhtò̌ mǐ̤sǎshilò̤ kè. A shò̌lò̤ asǎphlǒ dě a sǎphlǒshû̌ ganǎ̤de Cǒmara ayô̤̌ akhû̌akhî, Cǒmara ganǎ̤de a ta̤kwicaba.